गुरुवार 17 अप्रैल 1969 की अव्यक्त मुरली - 1

>

17-04-69 om shanti avyakt baapdaada madhuban

"aabu'aadhyaatmik sangrahaalay' ka udghaatan"

sarva snehi bachchon ko baap ki namaste। aapka sneh kisse hai? (koi ne kaha baap se,koi ne kaha service se) aur bhi kisse sneh hai? abhi bhi ek baat rah gai hai। baapdaada se sneh to hai,lekin saath-saath purushaartha se bhi jyaada sneh rakhna chaahiye। daivi parivaar se sneh, service se sneh, baapdaada se sneh, yeh to hai hi। lekin vartamaan samay purushaartha se jyaada sneh rakhna chaahiye। jo purushaartha ke snehi honge vo sabke snehi honge। purushaartha se harek ka kitna sneh hai vo harek ko chaik karna hai। baapdaada se bhi sneh isliye hai ki vo purushaartha karaate hain। praalabdha se bhi sneh tab hoga jab pahle purushaartha se sneh hoga। daivi parivaar ka bhi sneh tab tak le athva de nahin sakte jab tak purushaartha se sneh nahin। agar purushaartha se sneh hai to vo ek do ke sneh ke paatra ban sakte hain। sneh ke kaaran hi yahaan ikatthe hue ho,lekin baapdaada ke sneh mein rehte ho। ab purushaartha se bhi sneh rakhna hai। kyonki yahi purushaartha hi tum bachchon ki saare kalpa ki praalabdha banaata hai। jitna bachchon ka sneh hai utna usse bahut adhik baapdaada ka bhi hai। jitna jo snehi hai utna usko sneh ka respond milta rehta hai। avyakt roop se sneh ko lena hai। avyakt sneh ka paath kahaan tak padha hai? vartamaan samay ka paath yahi hai। avyakt roop se sneh ko lena aur sneh se service ka saboot dena hai। yeh avyakt sneh ka paath kahaan tak pakka kiya hai? ab kya result samajhte ho? aadhe tak pahunche ho?majority ki result poochhte hain। (koi ne kaha 25 koi ne kaha 75, 25 aur 75 mein kitna pharka hai। majority 25 samajhte hain, aisi result kyon hai? iska kaaran kya hai?25 avyakt sneh hai to baaki 75 kaun sa sneh hai? majority ki agar 25 result rahi to jo bhavishya samay aane vaala hai usmein paas marks kaise hogi? ab to avyakt sneh hi mukhya hai। avyakt sneh hi yaad ki yaatra ko bal deta hai। avyakt sneh hi avyakt sthiti banaane ki madad deta hai। 25 yeh result kyon?kaaran socha hai? samay anusaar ab tak yeh result nahin honi chaahiye। samay ke pramaan to 75 honi chaahiye। phir aisi result banaane ke liye kya karenge? uska tareeka kya hai? (antarmukhta) yeh to sadaiv kehte ho antarmukh hona hai। lekin na hone ka kaaran kya hai?

baapdaada se, service se sneh to hai hi। lekin purushaartha se sneh kam hai। iska bhi kaaran yeh dekha jaata hai ki bahut karke paristhitiyon ko dekh pareshaan ho jaate hain। paristhitiyon ka aadhaar le sthiti ko banaate hain। sthiti se paristhiti ko badalte nahin। samajhte hain ki jab paristhiti ko badlenge tab sthiti hogi। lekin honi chaahiye sva-sthiti ki power jisse hi paristhitiyon badalti hain। vo paristhiti hai,yeh sva-sthiti hai। paristhiti mein aane se kamjori mein aa jaate। sva- sthiti mein aane se shakti aati hai। to paristhiti mein aakar thahar nahin jaana hai। sva-sthiti ki itni shakti hai jo koi bhi paristhiti ko parivartan kar sakti hai। sva-sthiti ki kamjori hone ke kaaran kahaan-kahaan paristhiti prabal ho jaati hai। majority bachche yahi kehte rehte hain - baba is baat ko theek karo to ham aise bane। is baat ki rukaavat hai। aise koi virle hain jo apni himmat dikhaate hain,ki is paristhiti ko paar karke hi dikhaayenge। arji daalte hain, yeh bhi theek hai lekin arji ke saath-saath jo shiksha milti hai, usko swaroop mein laate nahin। sabki arjiyon ki phaaeel bahut ikatthi ho gai hain। jaise dharmaraaj ke chaupde hote hain na। vaise vartamaan samay baap- daada paas bachchon ki arjiyaan bahut hain। harek ka phaaeel hai। mukhya baat to sunaai ki purushaartha se sneh rakhna hai। apne ko aap kya kehte ho? ( purushaarthi hain) aap purushaarthi ho phir purushaartha ko nahin jaante ho, apni phaaeel ko jaante ho? apna purushaartha kya hai uska pata hai? saakaar roop mein final sthiti dekhi na। to saakaar roop mein karma karke dikhaaya to usse final stage ka pata pada na। final stage ke pramaan jo kuchh kami dekhne mein aati hai, us kami ko sheeghra nikaalna hi purushaartha se pyaar hai। dheere-dheere nahin karna chaahiye। saakaar ka bhi mukhya gun dekha woh koi bhi baat ko peechhe ke liye nahin chhodte the। abhi hi karna hai। jaise hi vo "abhi karte the" vaise hi abhi karna hai। aise nahin ki kab kar lenge, 10 va 15 din ke baad kar lenge। madhuban jaakar pichhaadi ko practice kar lenge। aise intajaar bahut karte hain। intajaam ko bhool jaate hain। intajaam nahin karte। baaton ka intajaar bahut karte hain। intajaar ko nikaal intajaam mein lag jaayenge phir 75 result ho jaayegi। vartamaan samay majority ke purushaartha ki result 75 se kam nahin honi chaahiye। kaaran bhi suna rahe hain, koi samay ka intajaar kar rahe hain koi samasyaaon ka,koi sambandhon ka,koi phir apne shareer ka। lekin jaise hain, jo bhi saamne hain vaisi hi haalto mein is hi shareer mein hamko sampoorn banna hai, yeh lakshya rakhna hai। abhi kuchh aadhaar hone ke kaaran adheen ban jaate hain। baaton ke adheen hain। harek apni-apni kahaani amritvele sunaate hain। koi kehte hain shareer ka rog na ho to ham bahut purushaartha karen। koi kehte bandhan hata do। lekin yeh to ek bandhan hatega doosra aayega। tan ka bandhan hatega,man ka aayega,dhan ka aayega,sambandh ka aayega phir kya karenge?yeh khud nahin hatenge। apni hi shakti se hataane hain। kai samajhte hain baapdaada hataayenge ya samay pramaan hatenge। parantu yeh nahin samajhna hai। abhi to samay najdeek pahunch gaya hai, jismen agar dheela purushaartha raha to yeh purushaartha ka samay haath se kho denge। abhi to ekaek saikenda,ek-ek shvaans, maaloom hai kitne shvaans chalte hain? anginat hai na। to ek-ek shvaans,ek-ek saikenda, saphal hona chaahiye। abhi aisa samay hai - agar kuchh bhi albelaapan raha to jaise kai bachchon ne saakaar madhur milan ka saubhaagya ganva diya, vaise hi yeh purushaartha ke saubhaagya ka samay bhi haath se chala jaayega। isliye pahle se hi suna rahe hain। purushaartha se sneh rakh purushaartha ko aage badhaao।

oopar se saara khel dekhte rehte hain। tum bhi aakar dekho to bada maja aayega। bahut ramneek khel bachchon ka dekhte hain। aap bhi dekh sakte ho। agar apni oonch avastha mein sthit hokar dekho to apne sahit auron ka bhi khel dekhne mein aayega। baapdaada to dekhte rehte hain। hansi ka khel hai। bade-bade mahaarthi sher se nahin darte, magar cheenti se dar jaate hain। sher se bada sahaj mukaabla kar lete, lekin cheenti ko kuchalne ka tareeka nahin jaante। yeh hai mahaarthiyon ka khel। ghode savaar pata hai kya karte hain? (gallop karte hain) ghodesvaaron ka bhi khel dekhte hain। mahaarthiyon ka to sunaaya? ghodesvaar jo hain - unhon ki himmat utsaah bahut hai, purushaartha mein kadam bhi badhaate hain। lekin gallop karte-karte (phisal jaate hain) phisalte bhi nahin, girte bhi nahin, thakte bhi nahin। athak bhi hain, chalte bhi bahut achhe hain lekin jo maarga ki scene seenriyo hain unmein aakarshit ho jaate hain। apne purushaartha ko chalaate bhi rehte hain lekin dekhne ke sanskaar jaati hai। yeh kya kar rahe hain, yeh kaise karte hain,to ham bhi karen। rees karte hain। to ghode savaaron mein dekhne ka aakarshan jyaada hai। pyaadon ki ek hansi ki baat hai। khel suna rahe hain na। vo kya karte hain? hoti hai bahut chhoti si baat lekin usko itna bada pahaad bana dete। pahaad ko raai nahin। raai ko pahaad banaakar usmein khud hi pareshaan ho jaate hain। hai kuchh bhi nahin, unko sab kuchh bana dete। ooncha-ooncha dekh himmatheen ho jaate hain। phir bhi vartamaan samay jo bhi teenon hi hain unmein se aadha quality aisi hai jo apne ko kuchh badal rahe hain। isliye phir bhi baapdaada harshit hote hain, unhon ki himmat hullaas, kadam aage badhta hua dekh। harek se poochhe ki kaun mahaarthi ghodasvaar pyaade hain to bata sakenge?

achha - om shanti।