सोमवार 20 अक्टूबर 1969 की अव्यक्त मुरली

> 20-10-69om shanti avyakt baapdaada madhuban

“bindu aur sindhu ki smriti se sampoornata”

aaj kis sangathan mein baap-daada aae hai?aaj ke sangathan ko kya kahenge?aaj ka sangathan hai gyaan soorya aur sitaaron ka । harek sitaara apni-apni chamak dikhaane vaala hai । baap-daada harek sitaare ki chamak dekhne ke liye aaye hai । aap sabhi is bhatthi mein aaye ho to apne ko kya banaane ke liye aaye ho?maaloom hai bhatthi se kya bankar nikalna hai? (pharishta) pharishta nahin ho?is bhatthi mein sampoornata ka thappa lagaakar niklenge । abhi pharishte banne ke purushaarthi ho । lekin sampoornata mein jo kami hai, usi kami ko is bhatthi mein svaaha karne ke liye aaye ho । aise ho na?kamiyon ko door karne ke liye kya baat yaad rakhenge? jisse sampoornata ka poora hi chhaap lagaakar jaayenge? aaj baap-daada bahut sahaj baat sunaate hain । bahut sahaj te sahaj yahi baat yaad rakhna hai ki main bindu hoon aur baap bhi bindu hai, lekin bindu ke saath-saath sindhu hai । to bindu aur sindhu yeh baap aur bachche ka parichay hai । do shabd bhi agar yaad rakho to sampoornata sahaj aa sakti hai । school mein chhote bachchon ko jab padhaate hai to pahle-pahle kya sikhlaate hai? pahle to bindu hi likhenge । phir aage badhte hai to ek va alpha sikhlaate hai । to yeh bhi ek bindu । phir aage badhte hai to bindu ki yaad ek, us ek mein hi sabhi baaten aa jaati hai । ek ki yaad aur ekras avastha ek ki hi mat aur ek ke hi kartavya mein madadgaar । agar ek-ek baat hi yaad rakhe to bahut hi apne ko aage badha sakte hain । sirf bindu aur ek, uske aage vistaar mein jaane ki darkaar nahin । vistaar mein jaana hai to sirf service prati । agar service nahin to bindu aur ek। uske aage apni buddhi ko chalaane ki itni aavashyakta nahin hai । sirf yahi baaten yaad rakho to sahaj sampoornata ko pa sakte ho । sahaj hai va mushkil hai? sahaj maarga hai lekin sahaj ko mushkil kaun banaata hai । (sanskaar) yeh sanskaar bhi utpanna kyon hote hai? sirf apni vismriti in sab baaton ko utpanna karti hai । chaahe pichhle sanskaar chaahe, pichhle karma bandhan chaahe,vartamaan ki bhoole jo bhi kuchh hota hai । unka mool kaaran apni vismriti hai । apni vismriti ke kaaran yeh sabhi vyartha baaten sahaj ko mushkil bana deti hai । smriti rahne se kya hoga?jo lakshya rakh karke aaye ho smriti sampoorn vismriti asampoorna । vismriti hai to bahut hi vighna hai । aur smriti hai to sahaj aur sampoornata । jo baaten sunaai agar is smriti ko majboot karte jaao to vismriti aape hi bhaag jaayegi । smriti ko chhodenge hi nahin to vismriti kahaan se aayegi । sooryaasta ho jaata hai tab andhiyaara ho jaata hai । sooryaasta hi na ho to andhiyaara kaise aave? vaise hi agar smriti ka soorya sada kaayam rakhenge to vismriti ka andhiyaara aa nahin sakta । yeh alaukik drill jaante ho?vaise bhi abhi woh jo drill karte hain,woh tandurusta rehte hain । tandurusti ke saath-saath shaktishaali bhi rehte hai to yeh alaukik drill jo jitni karta hai utna hi tandurusta arthaat maaya ki vyaadhi nahin aati aur shakti svarup bhi rehta hai । jitna-jitna yeh alaukik buddhi ki drill karte rahenge utna hi jo lakshya hai banne ka,woh ban paavenge । drill mein jaise drill master kehta hai vaise haath-paanv chalaate hai na । yahaan bhi agar sabhi ko kaha jaaye ek second mein saakaari se niraakaari ban jaao to ban sakenge?jaise school shareer ke haath-paanv jhat direction pramaan-drill mein chalaate rehte hai, vaise ek second mein saakaari se niraakaari banne ki practice hai?saakaari se niraakaari banne mein kitna samay lagta hai? jabki apna hi asli swaroop hai phir bhi second mein kyon nahin sthit ho sakte?

ab tak karmabandhan?kya ab tak bhi karmabandhan ki aavaaj sunte rahenge?jab yeh puraana shareer chhod denge tab tak karmabandhan sunte rahenge ।

is class mein prashra ka uttar dene vaale kaun hain?woh to bahut naam sunaaye,phir prashra-uttar se paar jaane vaale kaun hain?is bhatthi mein parakhne ki power aayegi । harek ko yahi koshish karni chaahiye ki ham sampoorn bankar hi jaayenge aise ab ho sakta hai? va ant mein hoga (ho sakta hai) to baaki ant tak rahkar kya karenge? (praja banaayenge) svayan raaja, taajdhaari ban jaayenge aur doosron ko praja banaayenge । aap samaan bhi banaana hai । praja bhi banaani hai । nahin to praja bigar raajya kis par karenge?to aise samjhe ki itne sabhi sitaare sampoorn ban karke hi jaayenge । yahi umang aur nishchay harek mein hona aavashyak hai ki ham sampoorn bane aur sarva ko banaayenge । yahi umang-utsaah sada kaayam rahe to avashya hi lakshya ki praapti ho jaayegi । aur baap-daada ko nishchay hai aise sampoorn hi is yagya kunda se niklenge । kunda ka yaadgaar dekha hai? yeh to jo bhi sthaan hai sabhi yeh hi hai lekin phir bhi yagya kunda ka mahatva hota hai । vaise bhi dekha hoga ganga aur yamuna donon ka mahatva hai lekin phir bhi kaam ka mahatva jyaada hai । vahaan nahaana shreshtha maana jaata hai । ganga-yamuna to bahut sthaanon par hoti hai lekin phir bhi vishesh kaam par nahaane kyon jaate hai?unka vishesh mahatva kya hai?kaam ke mahatva ko achhi tarah se jaante ho na । jaise vishesh sthaanon ka vishesh mahatva hota hai,isi prakaar madhuban ki bhatthi ka bhi vishesh mahatva hai । is bhatthi se sampoornata ki saugaat baap dvaara milti hai । yeh milan ka arthaat sangam ka vishesh saubhaagya bachchon ko milta hai,yeh milan hi sampoornata ki saugaat ke roop mein hai । is milan ka hi yeh kaam yaadgaar hai । to yeh milna hi sampoornata ki saugaat hai । bhatthi se sampoorn banne ka to chhaap va thappa lagaakar hi jaayenge lekin uske saath-saath is bhatthi mein hisaab karna bhi achhi reeti seekhna hai । kahaan-kahaan hisaab poora na karne ke kaaran jahaan plus karna hai vahaan minus kar lete hai । jahaan minus karna hai vahaan plus kar lete hai isliye sthiti dagmag hoti hai । yeh hisaab bhi poora seekhna hai ki kis baat mein jodna hai aur kis baat mein kat karna hai? pravritti mein rahne ke kaaran jahaan na jodna vahaan bhi jod lete hai aur jahaan kaatna na ho vahaan bhi kaat lete hai । yeh chhota--sa hisaab badi samasya ka roop ho jaata hai isliye yeh bhi poora-poora seekhna hai ki pravritti mein rehte hue bhi kya todna hai kya jodna hai । aur jodna bhi hai to kahaan tak aur kis roop mein? aapko bhatthi mein bulaaya hai to uska kaarya bhi bataayenge na । kaun-kaun si padhaai ki subject mein paripakva hona hai? ek to alaukik eethreey drill ki subject aur doosri yeh hisaab karna,donon hi baaten is bhatthi mein seekhni hai । agar in donon baaton mein sampoorn ban gaye to baaki kya rahega । sampoorn to ban kar hi niklenge । khud to ban jaayenge lekin auron ko banaane ka kaarya bhi baaki rahega । isi nimitta hi jaana hai । sambandh ke kaaran nahin jaana hai । lekin service ke nimitta jaana hai । jaana bhi hai to sirf service ke nimitta । jahaan bhi raho lekin apne ko aisa samajhkar rahenge to avastha nyaari aur pyaari rahegi । jaise baap-daada service ke nimitta aate jaate hain na । to aap sabhi ko bhi sirf service ke arth nimitta jaana hai aur service ki saphalta paakar ke phir sammukh aana hai ।

avyakt vatan se vartamaan samay baap-daada har bachche ko kaun sa mantra dete hai?go soon kam soon service prati jaao aur saathi ban karke jaldi aao । phir jaao । jab yahaan go soon kam soon honge tab buddhi dvaara bhi jaldi honge । buddhi ki drill bhi go soon kam soon hai na । woh sthiti tab hogi jab yeh school mantra yaad rakhenge । is mantra se us mantra ka sambandh hai । tab to bataaya yeh kunda ka mahatva hai । yahaan aapko saugaat ke roop mein milti hai vahaan purushaartha roop mein । to yeh kunda ka vishesh mahatva hua na । yahaan vardaan vahaan mehnat । jab vardaan mil sakta hai to mehnat kyon karte hai । is yash kunda se bhaasha bolna bhi seekhkar jaana hai । aisa sample banna hai jo aapko dekh doosre bhi aakarshit hokar yagya kunda mein svaaha ho jaaye ।

baap-daada harek ki tasveer se harek ki takdeer aur tadbeer dekhte hai kahaan tak apni takdeer banaate hai । aap bhi jab kisko dekhte ho to harek ki tasveer se unki tadbeer,unke purushaartha ka jo vishesh gun hai,vahi dekhna hai । har ek ke purushaartha mein vishesh gun jarur hota hai । us gun ko dekhna hai । ek hota hai gun aur gun ke saath-saath phir hota hai guna । shabd kitna najdeek hai lekin woh kya, woh kya । agar gun nahin dekhte ho to guna lag jaata hai । to harek ke gun ko dekhna hai to guna jo lagta hai woh khatma ho jaayega ।

jo ek do ke snehi hote hai । aise snehi bachchon se baap-daada ka bhi ati-sneh hai, sneh hi sameep laata hai । jitna snehi utna sameep to ek do mein snehi ho? aise snehi bachche hi sameep bhi aa sakte hai ab bhi aur bhavishya mein bhi । vishesh snehi hai isliye aaj vishesh double teeka laga rahe hai । lekin anokha, laukik reeti ka teeka nahin । double teeka kaun sa hai? ek to niraakaari doosra nyaaraapan । yeh double teeka harek ke mastishka par avinaashi sthit karaane ke liye avinaashi roop se hi laga rahe hai । yeh avinaashi teeka sada kaayam rehta hai? tilak ko suhaag ki nishaani kaha jaata hai is tilak ko sada kaayam rakhne ki koshish karni hai । jitna- jitna paripakva rahenge utna pad pa sakenge । harek yahi soche ki ham hi number one hai । agar harek number one honge to number tu kaun aayenge? baap ki class mein kabhi bhi number nahin nikal sakte । teacher bhi number one student bhi number ban । to ek-ek number one । to aisi class ka to madhuban mein chitra hona chaahiye ।