सोमवार 17 नवंबर 1969 की अव्यक्त मुरली

>

17-11-69om shanti avyakt baapdaada madhuban

“pharsha se arsha par jaane ki yuktiyaan”

yahaan bhatthi mein kis liye aaye ho? deh mein rehte videhi ho rahne ke abhyaas ke liye। jab se yahaan paanv rakhte ho tab se hi yeh sthiti honi chaahiye। jo lakshya rakha jaata hai usko poorn karne ke liye abhyaas aur attention chaahiye। baapdaada harek ko nai baat ke liye hi bulaate hain। adhar kumaaron ko vishesh isliye bulaaya hai - pahle to apna jo grihastha vyavhaar banaaya hai usmein jo ulti seedhi chadhi hai,us ulti seedhi se neeche utarne ke liye bulaaya hai। aur ulti seedhi se utaar kar phir kismen chadhaana hai? arsha se pharsha par,phir pharsha se arsha par। ulti seedhi ka kuchh na kuchh jo gyaan rehta hai,us gyaan se agyaani banaane ke liye aur jo satya gyaan hai unki pahchaan dekar shaan-swaroop banaane ke liye bulaaya hai। pahle utaarna hai phir chakhaana hai। jab tak poore utre nahin hai to chadh bhi nahin sakte। sabhi baaton mein apne ko utaarne ke liye taiyaar ho?kitni badi seedhi se utarna hai?ulti seedhi kitni lambi hai? abhi tak jo purushaartha kiya hai, usmein samajhte ho ki poore hi seedhi utre hai ki kuchh abhi tak utar rahe ho? poori jab utar jaayenge to phir chadhne mein deri nahin lagegi lekin utarte-utarte kahaan na kahaan thahar jaate ho। to ab samjha kis lakshya se bulaaya hai? 63 janmon mein jo kuchh ulti seedhi chadhe ho woh poori hi utarni pade। phir chadhna bhi hai। utarna sahaj hai va chadhna sahaj hai? utarna sahaj hai va utarna bhi mushkil hai?abhi aap jo purushaartha kar rahe ho woh utar kar chadhne ka kar rahe ho? ki sirf chadhne ka kar rahe ho? kuchh mita rahe ho kuchh bana rahe ho। donon kaam chalta hai na। aapko maaloom hai last paudhi (seedhi) kaunsi utarni hai? is deh ke bhaan ko chhod dena hai। jaise koi shareer ke vastra utaarte ho to kitna sahaj utaarte ho। vaise hi yeh shareer roopi vastra bhi sahaj utaar sako aur sahaj hi samay par dhaaran kar sako,kisko yeh abhyaas poorn reeti se seekhna hai। lekin koi-koi ka yeh deh abhimaan kyon nahin tootta hai? yeh deh ka chola kyon sahaj nahin utarta hai? jiska vastra tang,tight hota hai to utaar nahin sakte hain। yeh bhi aise hi hai। koi na koi sanskaaron mein agar yeh deh ka vastra chipka hua hai arthaat tang, tight hai, tab utarta nahin hai। nahin to utaarna, chadhaana va yeh deh roopi vastra chhodna aur dhaaran karna bahut sahaj hai। jaise ki sthool vastra utaarna aur pahanna sahaj hota hai। to yahi dekhna hai ki yeh deh roopi vastra kis sanskaar se latka hua hai। jab sabhi sanskaaron se nyaara ho jaayenge to phir avastha bhi nyaari ho jaavegi। isliye baapdaada bhi kai baar samjhaate hain ki sabhi baaton mein easy raho। jab khud sabhi mein easy rahenge to sabhi kaarya bhi easy honge। apne ko tight karne se kaarya mein bhi taaitnes aa jaati hai। vaise to jo itne samay se purushaartha mein chalne vaale hain unhon ko ab bahut hi kartavya mein nyaaraapan aana hi chaahiye। abhi is bhatthi mein jo bhi taaitnes hai woh bhi, aur jo kuchh ulti seedhi ki paudheeyaan rahi hui hain, woh utaarna bhi aur phir lift mein chadhna bhi। lekin lift mein baithne ke liye kya karna padega?lift mein kaun baith sakenge?

baap ke liye saari duniya mein laayak bachche hi shreshtha saugaat hai। to lift mein chadhne ke liye baap ki gift banna aur phir jo kuchh hai woh bhi gift mein dena padega। gift deni bhi padegi aur baap ki gift banna bhi padega tab lift mein baith sakenge। samjha? abhi dekhna hai donon kaam kiye hain gift bhi di hai aur gift bane bhi hain?gift ko bahut sambhaala jaata hai aur gift ko showcase mein sajaakar rakhte hain। jaisi-jaisi gift vaisi-vaisi showcase mein aage-aage rakhte hain। aap sabhi bhi apne aap ko aisi gift banaao jo lift bhi mil jaaye aur is srishti ke showcase mein sabhi se aage aa jaao। to showcase mein sabhi se aage rahne ke liye adharkumaaron ko do vishesh baaton ka dhyaan mein rakhna padega। showcase mein cheez rakhi jaati hai,usmein kya visheshta hoti hai? (atraiktiv) ek to apne ko atraiktiv banaana padega aur doosra active। yeh donon visheshtaaen khaas adharkumaaron ko apne mein bharni hain। yeh donon gun aa jaayenge to phir aur kuchh rahega nahin। kahaan-kahaan active banne mein kami dekhne mein aati hai। to is bhatthi se vishesh kaunsi chhaap lagaakar jaayenge?yahi do shabd sunaaya- atraiktiv aur active। agar yeh chhaap lagaakar jaayenge to aapki activity bhi badli hogi। jitni-jitni yeh chhaap va thappa pakka lagaakar jaayenge utni activity bhi pakki aur badli hui dekhne mein aayegi। agar thappa kuchh dheela lagaakar jaayenge to phir activity mein change nahin dekhne mein aayegi। yeh to suna tha na-bhatthi mein aana arthaat apna roop rang donon badalna hai।

bhatthi mein jo cheez aati hai, unki jo buraai hoti hai woh gal jaati hai। jo asli roop hai, asli jo kartavya hai woh yahaan se lekar ke jaana। woh kaunsa roop hai? kya badlenge? abhi rang badalte rehte hain phir ek hi rang pakka chadh jaayega jiske oopar aur koi rang chadh nahin sakta aur jis rang ko koi mita nahin sake aur na mit sake,na aur koi rang chadh sake। sabhi baaton mein active hona hai। jaisa samay,jaisi service usmein ever ready। koi bhi kaarya aata hai, to active jo hota hai, us kaarya ko sheeghra hi samajh kar aur saphalta ko praapta kar leta hai। jo active nahin hote to pahle kaarya ko sochte rehte hain। sochte-sochte samay bhi ganvaayenge,saphalta bhi nahin hogi। active arthaat ever ready। aur woh har kaarya ko parakh bhi lega। usmein jut bhi jaayega। aur saphalta bhi pa lega। teenon baaten usmein hogi। jismen bhaareepan hota hai unko active nahin kaha jaata। purushaartha mein bhaari, apne sanskaaron mein bhaari, unko active nahin kaha jaayega। active jo hoga woh ever ready aur easy hoga। khud easy banne se sab kaarya bhi easy, purushaartha bhi easy ho jaata hai। khud easy nahin bante to purushaartha aur service donon easy nahin hoti। mushkilaaton ka saamna karna padta hai। service mushkil nahin lekin apne sanskaar, apni kamjoriyaan mushkil ke roop mein dekhne mein aati hain। purushaartha bhi mushkil nahin। apni kamjoriyaan mushkil bana deti hai। nahin to koi ko sahaj,koi ko mushkil kyon bhaasta। agar mushkil hi hai to sabhi ko sabhi baaten mushkil ho। lekin vahi baat koi ko mushkil koi ko sahaj kyon?apni hi kamjoriyaan mushkilaat ke roop mein aati hai। isliye yeh do baaten dhaaran karni hain।

atraiktiv bhi tab ban sakenge jab pahle apne mein visheshtaaen hogi। aakarshit banne liye harshit bhi rehna padega। harshit ka arth hi hai ateendriy sukh mein jhoomna। gyaan ko sumiran karke harshit hona। avyakt sthiti ka anubhav karte ateendriy sukh mein ana। isko kaha jaata hai harshit। harshit bhi man se aur tan se donon se hona hai। aisa jo harshit hota hai vahi aakarshit hota hai। prakriti aur maaya ke adheen na hokar donon ko adheen karna chaahiye। adheen ho jaane ke kaaran apna adhikaar kho lete hai। to adheen nahin hona hai, adheen karna hai tab apna adhikaar praapta karenge aur jitna adhikaar praapta karenge utna prakriti aur logon dvaara satkaar hoga to satkaar karaane liye kya karna padega?adheenpan chhodkar apna adhikaar rakho। adhikaar rakhne se adhikaari banenge। lekin adhikaar chhod kar ke adheen ban jaate ho। chhoti-chhoti baaton ke adheen ban jaate ho। apni hi rachna ke adheen ban jaate hain। laukik bachche to bhal hain lekin apni hi rachna arthaat sankalpon ke adheen ho jaate hai। jaise laukik rachna se adheen bante ho vaise hi ab bhi apni rachna sankalpon ke bhi adheen ban jaate ho। apni rachna karmendriyon ke bhi adheen ban jaate ho। adheen banne se hi apna janma siddha adhikaar kho lete ho na। to bachche bane aur adhikaar hua। sarvada sukh,shanti aur pavitrata ka janma siddha adhikaar kehte ho na। apne aap se poochho ki bachcha bana aur pavitrata, sukh,shanti ka adhikaar praapta kiya। agar adhikaar chhoot jaata hai to koi baat ke adheen ban jaate ho। to ab adheenta ko chhodo, apne janma siddha adhikaar ko praapta karo। yeh jo kehte ho kab prabhaav niklega? yeh prabhaav bhi kyon nahin nikalta kaaran kya? kyonki ab tak kai baaton mein khud hi prabhaavit hote rehte ho। to jo khud prabhaavit hota rehta hai unka prabhaav nahin nakalta। prabhaav chaahte ho to in sabhi baaton mein prabhaavit nahin hona। phir dekho kitna jaldi prabhaav nikalta hai। apni activity se andaaja nikaal sakte ho। aisa saubhaagya saare kalpa mein ek hi baar milta hai। satayug mein bhi laukik baap ke saath rahenge। paarlaukik baap ke saath nahin। 84 janmon mein kitna shrringaar kiya hoga। bhinna- bhinna prakaar ke bahut shrringaar kiye? baapdaada ka sneh yahi hai ki bachchon ko shrringaarar kar showcase mein srishti ke saamne laaye। jab sabhi sampoorn bankar showcase arthaat vishwa ke saamne aayenge to kitne saje hue honge। satayug ka shrringaar nahin। gunon ke gahne dhaaran karne hai।