शुक्रवार 23 जनवरी 1970 की अव्यक्त मुरली

> 23-01-70om shanti […/…/…/jpg/Ray2.jpg]avyakt baapdaada madhuban

seva mein saphalta paane ki yuktiyaan – २३-०१-१९७०

aise anubhav karte hain jaise ki service ke kaaran mazboori se bolna padta hai ? lekin service samaapta hui to aavaaz ki sthiti bhi samaapta ho jaaegi (bambai ki ek party baapdaada se bambai mein honevaale sammelan ke liye direction le rahi thi) yeh jo aajkal ki service kar rahe ho usme visheshta kya chaahiye ? bhaashan to varshon kar hi rahe ho lekin ab bhaashnon mein bhi kya avyakt sthiti bharni hai ? jo baat karte hue bhi sabhi aise anubhav karen ki yeh to jaise ki ashareeri, aavaaz se pare nyaare sthiti mein sthit hokar bol rahe hain | ab is sammalen mein yeh naveenta honi chaahiye | yeh speakers aur brahman speakers door se hi alag dekhne mein aayen | tab hai sammelan ki safalta | koi anjaan bhi sabha mein pravesh kare to door se hi mahsoos kare ki anokhe bolnevaale hain | sirf vaani ka jo bal hai va to kanras tak rah jaata hai | lekin avyakt sthiti mein sthit hokar jo bolna hota hai woh sirf kanras nahin lekin manras bhi hoga | kanras sunaanevaale to bahut hain lekin manras dene vaala ab tak duniya mein koi nahin hai | baap to tum bachchon ke saamne pratyaksha hua lekin tum bachchon ko phir bahaar pratyaksha hona hai | to yeh sammelan koi saadhaaran reeti se nahin hona hai | meeting mein bhi bolna – ki chitron mein bhi chaitanyata ho | jaise chaitanya vyakta bhaav ko spashta karte hain vaise hi chitra chaitanya bankar saakshaatkaar karaayen | jab chitra mein chaitanyata ka bhaav pratyaksha hota hai, vaahi chitra achha lagta hai | bahaar ki art ki baat nahin hai lekin bahaar ke saath andar bhi aisa hi ho | baapdaada yahi naveenta dekhna chaahte hain | kam bolna bhi karttavya bada kar dikhaae | yahi braahmanon ki reeti rasma hai | yeh sammelan anokha kaise ho yeh khyaal rakhna hai | chitron mein bhi avyakti chaitanyata ho | jo dorra se hi aisi mahsoosta aaye | nahin to itni praja kaise banegi | sirf mukh se nahin lekin aantarik sthiti se jo praja banegi use hi aantarik sukh ka anubhav kaha jaata hai | aap logon ne ab tak result dekhi ki jo avyakt sthiti ke anubhav se aaye woh shuru se hi sahaj chal rahe hain, nirvighna hai | aur jo avyakt sthiti ke saath phir aur bhi koi aadhaar par chale hain unhi ke bich mein vighna, mushkilaaten aadi kathin purushaartha dekhne mein aata hain | isliye abhi aisi praja banaani hai jo avyakt shakti ki phaaundeshan se bahut thode samay mein aur sahaj hi apne lakshya ko praapta ho | jitna khud sahaj purushaarthi honge, avyakt shakti mein honge utna hi auron ko bhi aap samaan bana sakenge | to is sammelan ki result dekhni hai | topic to koi bhi ho lekin sthiti top ki chaahiye | agar top ki sthiti hai to topics ko kahaan bhi mod sakte ho | ab bhaashan par nahin lekin sthiti par saphalta ka aadhaar kaha jaata hai | kyonki bhaashan arthaat bhaasha ki praveenta to duniya mein bahut hai | lekin aatma mein shakti ka anubhav karaanevaale to tum hi ho | to yahi abhi naveenta laani hai | jab bhi koi kaarya karte ho to pahle vaayumandal ko avyakt banaana aavashyak hai | jaise aur sajaavat ka dhyaan rakhte ho vaise mukhya sajaavat yeh hai | lekin kya hota hai ? chalte-chalte us samay baharmukhta adhik ho jaati hai to jo last vaayumandal hone ke kaaran result woh nahin nikalti | aap log sochte bahut ho, aise karenge, yeh karenge | lekin last samay karttavya jyaada dekh baaharmukhta mein aa jaate ho | vaise hi sunne vaale bhi us samay to bahut achha kehte hain parantu phir jhat baaharmukhta mein aa jaate hain | isliye aisa hi programme rakhna hai jo koi bhi aaye to pahle avyakt prabhaav ka anubhav ho | yeh hai sammelan ki saphalta ka saadhan | kuchh din pahle se hi yeh vaayumandal banaana pade | aise nahin ki usi din sirf karna hai | vaayumandal ko shuddh karenge tab kuchh naveenta dekhne mein aaegi | saakaar shareer mein bhi alaukikta door se hi dekhne mein aati thi na | to bachchon ke bhi is vyakta shareer se alaukikta dekhne mein aaye |

pres conference ki result agar achhi hai to karne mein koi harja nahin hai | lekin pahle unhon se milkar unheen ko madadgaar banaana – yeh to bahut zaroori hai | samay par jaakar unhon se kaam nikaalna aur samay ke pahle unhon ko madadgaar banaana ismen bhi pharka padta hai | bahut karke samay par attention jaata hai | abhi apni buddhi ki line ko clear karenge to sabhi spashta hota jaayega | jaise aap logon ka pradarshani mein hai na – switch on karne se javaab milta hai | vaise hi purushaartha ki line clear hone se sankalp ka switch dabaaya aur kiya | aisa anubhav karte jaayenge | sirf vyartha sankalpon ki controlling power chaahiye | vyartha sankalp chalne ke kaaran jo orijinal baapdaada dvaara prerna kahen va shuddh respons milta hai woh mix ho jaata hai kyonki vyartha sankalp adhik hote hain | agar vyartha sankalpon ko kantrol karne ki power hai to usmein ek vahi respons spashta dekhne mein aata hain | vaise hi agar buddhi translight hai to usme har baat ka respons spashta hota jaata hai aur yathaartha hota hai | mix nahin | jinke vyartha sankalp nahin chalte woh apne avyakt sthiti ko jyaada badha sakte hain | shuddh sankalp bhi chalne chaahiye | lekin unko bhi kantrol karne ki shakti honi chaahiye | vyartha sankalpon ka toofaan mejoriti mein jyaada hai |

koi kabhi kaarya shuru kiya jaata hai to saimpal bahut achha banaaya jaata hai | yeh bhi sammelan ka saimpal sabhi ke aage rakhna hai |

avyakt sthiti kya cheez hoti hai, iska anubhav karaana hai | aap ki activity mein sabhi samay ki ghadi ko dekhen | samay ki ghadi bankar ja rahe ho | jaise saakaar bhi samay ki ghadi bane na | vaise shareer ke hote avyakt sthiti ke ghante bajaane ki ghadi banna hai | yeh service sabhi se achhi hai | vyakta mein avyakt sthiti ka anubhav kya hota hai, woh sabhi ko practical mein paath padhna hai | achha |

baapdaada aur daivi parivaar sabhi ke sneh ke sootra mein manka bankar pirona hai | sneh ke sootra mein piroya hua main manka hoon – yeh nasha rehna chaahiye | mankon ko kahaan rakha jaata hai ? maala mein mankon ko bahut shuddhi se rakha jaata hai | uthaate bhi bahut shuddhi poorvak hain | ham bhi aisa amoolya manka hain, yeh samajhna hai | (koi ne service ke liye raay poochhi) unhon ki service vaani se nahin hogi | lekin jab charitra prabhaavshaali honge, change dekhenge tab woh svayan kheenchakar aaenge | koi-koi ko apna ahankaar bhi hota hai na | to vaani se vaani ahankaar ke takkar mein aa jaati hai | lekin practical life ke takkar mein nahin aa sakenge | isliye aise-aise logon ko samjhaane ke liye yahi saadhan hai | vaayumandal ko avyakt banaao | jo bhi sevaakendra hain, unhon ke vaayumandal ko aakarshanmay banaana chaahiye jo unhon ko avyakt vatan dekhne mein aaye | koi bhi door se mahsoos kare ki yeh is ghar ke bich mein koi chiraag hai | chiraag door se hi raushni deta hai | apne taraph aakarshit karta hai | to chiraag maaphik chamakta hua nazar aaye tab hai saphalta |

avyakt bhatthi mein aakar ke avyakt sthiti ka anubhav hota hai ? yeh anubhav jo yahaan hota hai phir unko kya karenge ? saath lekar jaayenge va yahaan hi chhod jaayenge | unko aisa saathi banaana jo koi kitna bhi is avyakt aakarshan ke saath ko chhudaane chaahe to bhi nahin chhoote | laukik parivaar ko alaukik parivaar banaaya hai | jara bhi laukikpan na ho | jaise ek shaareer chhod doosra lete hain to us janma ki koi bhi baat smriti mein nahin rehti hai na | yeh bhi marjeeva bane ho na | to pichhle jeevan ki smriti aur drishti aise hi khatma ho jaani chaahiye | laukik mein alaukikta bharne se hi alaukik service hoti hai | alaukik service kya kare ho ? aatma ka connection power house ke saath karne ki service karte ho | koi taar ka taar ke saath connection karna hota hai to rabbar utaarna hota hai na | vaise hi aap ka bhi pahla karttavya hai ki apne ko aatma samajh shareer ke bhaan se alag banaana | yahaan ki mukhya subject kitni hain aur kaun-si hain ? subject mukhya hain chaar | gyaan, yog, dhaarna aur seva | inme bhi mukhya kaun se hain ? yahaan se hi shanti ka stock ikaththa kiya hai ? aasheervaad maaloom hai kaise milti hai ? jitna-jitna aatmaabhimaani bante hain utni aasheervaad na chaahte hue bhi milti hai | yahaan sthool mein koi aasheervaad nahin milti hai | yahaan svatah hi milti hai | agar baapdaada ka aasheervaad nahin hota to yahaan tak kaise aate | har sekand baapdaada bachchon ko aasheervaad de rahe hain | lekin lene vaale jitni lete hain, utni apne paas kaayam rakhte hain |

aap ka aur bhi yugal hai ? sada saath rahnevaala yugal kaun hai ? yahaan sadaiv yugal roop mein rahenge to vahaan bhi yugal roop mein raajya karenge | isliye yugal ko kabhi alag nahin karna hai | jaise chaturbhuj kambaaind hota hai vaise yeh bhi kambaaind hai | shivbaaba ko apne se kabhi alag nahin karna | aise yugal kabhi dekh, ८४ janmon mein ८४ yuglon mein aisa yugal kab mila ? to jo kalpa mein ek baar milta hai unko to poora hi saath rakhna chaahiye na | abhi yaad rakhna ki ham yugal hain | akele nahin hain | jaise sthool kaarya mein haardavarkar ho | vaise hi man ki sthiti mein bhi aise hi hard ho jo koi bhi paristhiti mein pighal na jaaen | hard cheez pighalti nahin hai | to aise hi sthiti aur karma donon hard ho | jiske saath ati sneh hota hai sako saath rakha jaata hai na | to sada aise samjho ki main yugal moorta hoon | agar yugal saath hoga to maaya aa nahin sakegi | yugal moorta samajhna yahi bade te badi yukti hai | kadam-kadam par saath rahne ke kaaran saahas rehta hai | shakti rehti hai phir maaya aaegi nahin |

tum godli student ho ? double student bankar ke phir aage ka lakshya kya rakha hai ? unch pad kisko samajhte ho ? lakshmi-naaraayan banenge ? jaisa lakshya rakha jaata hai to lakshya ke saath phir aur kya dhaarna karni padti hai ? lakshan arthaat daivi gun | lakshya jo itna unch rakha hai to itne unch lakshan ka bhi dhyaan rakhna hai | chhoti kumaari bahut bada kaarya kar sakti hai | apni practical sthiti mein sthit ho kisko baith sunaaye to unka asar badon se bhi adhik ho sakta hai | sadaiv lakshya yahi rakhna hai ki mujh chhoti ko karttavya bahut bada karke dikhaana hai | deh bhal chhoti hai lekin aatma ki shakti badi hai | jo jaasti purushaartha karne ki ichchha rakhte hain unko madad bhi milti hai | sirf apni ichchha ko dridh rakhna, to madad bhi dridh milegi | kitni bhi koi hilaae lekin yeh sankalp pakka rakhna | sakalpa pakka hoga to phir srishti bhi aisi banegi | bhaal jismaani service bhi karte raho | jismaani service bhi ek saadhan hai isi saadhan se service kar sakte ho | aise hi samjho ki is service ke sambandh mein jo bhi aatmaaen aati hain unko sandesh dene ka yeh saadhan hai | service mein to kai aatmaaen connection mein aati hain | jaise yahaan jo aaye unheen ko bhi service ke liye sambandhiyon ke paas bheja na | aise hi samjho ki service ke liye yeh sthool service kar rahe hain | to phir man bhi usmein lagega aur kamaai bhi hogi | laukik ko bhi alaukik samajh karo | phir koi aur vaataavran mein nahin aayenge | jaise jaise avyakt sthiti hoti jaaegi vaise bolna bhi kam hota jaayega | kam bolne se jyaada laabh hoga | phir is yog ki shakti se service karenge | yogbal aur gyaan-bal donon ikaththa hota hai | abhi gyaan bal se service ho rahi hai | yogbal gupta hai | lekin jitna yogbal aur gyaanbal donon samaanta mein laayenge utni-utni safalta hogi | sare din mein check karo ki yogbal kitna raha, gyaanbal kitna raha ? phir maaloom pad jaayega ki antar kitna hai | service mein busy ho jaayenge to phir vighna aadi bhi tal jaayenge | dridh nishchay ke aage koi rukaavat nahin aa sakti | theek chal rahe hain | athak aur ekras donon hi gun hain | sadaiv follow faadar karna hai | jaise saakaar roop mein bhi athak aur ekras, example bankar dikhaaya | vaise hi auron ke prati example banna hai | yahi service hai | samay bhaal na bhi mile service ka, lekin charitra bhi service dikhla sakta hai | charitra se bhi service hoti hai | sirf vaani se nahin hoti | aap ke charitra us vichitra baap ki yaad dilaaen | yeh to sahaj service hai na | jaise kai log apne guru ka va stri apne pati ka photo locket mein laga deti hai na | yeh ek sneh ki nishaani hai | to tumhaara ya mastak jo hai yeh bhi us vichitra ka charitra dikhlaayen | yeh nayan us vichitra ka chitra dikhaaen | aisa avinaashi locket pahan lena hai | apni smriti bhi rahegi aur service bhi hogi |

madhuban mein aakar mukhya karttavya kya kiya ? jaise koi khaan par jaate hain to khaan ke paas jaakar kya kiya jaata hai | khaan se jitna le sakte hain utna liya jaata hai | sirf thoda-sa nahin | vaise hi madhuban hai sarva praaptiyon ki khaan | to aap khaan par aaye ho na | baaki sevaakendra hain is khaan ki braanches | khaan par jaane se khyaal rakha jaata hai jitna le saken | to yahaan bhi jitna le sako le sakte ho | yahaan ki ek-ek vastu ek-ek brahman aatma bahut kuchh shiksha aur shakti denevaali hai | baapdaada yahi chaahte hain ki jo bhi aate hain woh thoda bahut nahin lekin sabhi kuchh le leven | baapdaada ka bachchon mein shen hai to ek-ek ko sampanna banaane chaahte hain | jitna yahaan lene mein sampanna banenge utna hi bhavishya mein raajya paane ke sampanna honge | isliye ek sekand bhi in amoolya dinon ko aise nahin ganvaana | ek-ek sekand mein padmon ki kamaai kar sakte ho | padam saubhaagyashaali to ho | jo is bhoomi par pahunch gae ho | lekin is padam bhaagya ko sada kaayam rakhne ke liye purushaartha sadaiv sampoornata ka rakhna | jaisa beej hota hai vaisa phal nikalta hai | to aap log jaise beej ho, neenv jitni khud mazboot hogi utna hi eemaarat bhi pakki hogi | isliye sadaiv samajhna chaahiye ki ham neenv hain | hamaare oopar saadi building ka aadhaar hai |

yaad ka respond milta hai ? baapdaada to ab sabhi ke saath hain hi, kyonki saakaar mein to ek sthaan par saath rah sakte the | abhi to sarva ke saath rah sakte hain | sadaiv yeh dhyaan rakho ki ek mat se ek result hogi | is gun ko parivartan mein laana | kaisi bhi paristhiti aaye, lekin apne ko mazboot rakhna hai | auron ko apne gunon ka daan dena hai | jaise daan karne se return mein bhavishya mein milta hai na | is gun ka daan karne se bhi badi praalabdha milti hai jo ek mat hote hain vaahi ek ko pyaare lage hain | baapdaada do hote ek hain na | vaise bhaal kitne bhi ho lekin ek mat hokar chalna | baap ke ghar mein aakar vishesh khazaana liya ? baap ke ghar mein visheshtaaen bhari hui hain na | apne ghar mein asli svarup mein sthit hone aaye ho apna asli svarup aur asli sthiti kya hai, woh yaad aati hai ? aatma ki asli sthiti kya hai ? jaise pahle aatma paramdham ki nivaasi, sarva gunon ka svarup hai | vaise hi yahaan bhi apni sthiti ka anubhav karne ke liye aaye ho | madhuban mein aaye ho us sthiti ka taste karne | taste karne baad unko sada ke liye apnaana hai | iska naam hi hai madhuban | madhu arthaat madhurta yaani sneh aur shakti donon hi vardaan poorn roop se praapta karna | yahaan madhuban mein donon cheez vardaan roop mein milti hai | phir bahaar mein jaayenge to in donon cheez ke liye apna purushaartha karna padega | isliye yahaan vardaan roop mein praapta jo ho raha hai unko aisa praapta karna jo avinaashi rahe | jab vardaan roop mein praapta ho sakte hain to purushaartha karke kyon leven | guru vardaan deta hai to kya karna hota hai ? apne ko uske arpan karna padta hai, tab vardaan praapta hota hai | to yahaan bhi jitna apne ko arpan karenge, utna vardaan praapta hoga | vardaan to sabhi ko milta hai, lekin jo jyaada apne ko arpan karta hai, utna hi vardaan ka paatra banta hai | vardaan se aisi jholi bhar lo, jo bhari hui jholi kabhi khaali na ho | jitna jo bharna chaahe woh bhar sakte hain | aisa hi dhyaan rakhkar in thode dinon mein athak laabh uthaana hai | ek-ek sekand saphal karne ke yeh din hai | abhi ka ek sekand bahut phaayde aur bahut nuksaan ka bhi hai | ek sekand mein jaise kai varshon ki kamaai ganva bhi dete hain na | to yahaan ka ek sekand itna bada hai |

tyaag se hi bhaagya banta hai | lekin tyaag karne ke baad mansa mein bhi sankalp utpanna nahin hona chaahiye | jab koi bali chadhta hai to ume agar zara bhi chillaaya va aankhon se boond nikli to unko devi ke aage sveekaar nahin karaaenge | jhaatku suna hai na | ek dhak se koi cheez ko khatma karne aur baar baar kaatne mein farka rehta hai na | jhaatku arthaat ek dhak se khatma | baapdaada ke paas bhi kaun se bachche sveekaar honge ? jinko mansa mein bhi sankalp na aaye isko kaha jaata hai mahaabli | aise mahaan bali ko hi mahaan bal ki praapti hoti hai | sarvashaktivaan ke bachche ho aur phir shakti nahin, baap ki ppuru jaaydaad ka haqdaar banna hai na | sarvashaktivaan baap ki sarva shaktiyon ki jaaydaad, janma-siddha adhikaar sadaiv apne saamne rakho | sarvashaktivaan ke aage kamzori thahar sakti hai ? aaj se kamzori khatma | sirf ek shakti nahin | paandav bhi shakti roop hain | ek deep se anek jagte hain |

double surgery karte ho ? aur hi achha chance milta hai do maarga bataane ka | shareer ka bhi aur man ka bhi | jaise sthool service karne se tanakhvaah milti hai ? (svarga ki baadshaahi milti hai) woh to vahaan milegi lekin yahaan kya milta hai ? pratyaksha phal ka anubhav hota hai ? bhavishya to banta hi hai lekin bhavishya se bhi jyaada abhi ki praapti hai | abhi jo eeshvareey ateendriy sukh milta hai woh bhavishya mein nahin mil sakta | yeh ateendriy sukh saare kalpa mein kabhi nahin mil sakta | aisa khajaana abhi baap dvaara milta hai | anek janma indriyon ka sukh aur ek sekand mein ateendriy sukh anubhav hota hai ? shivbaaba ko yugal banaaya hai ? woh dehdhaari yugal to sukh ke saathi hote hain lekin yeh to duhkh ke samay saathi banta hai | aise yugal ko to ek sekand bhi alag nahin karna chaahiye | saath rakhna arthaat shakti roop banna | yeh brahman parivaar dekha | itna bada parivaar kab milta hai ? sirf is sangam par hi itna bada parivaar milta hai | ham itne bade parivaar ke hain – yeh nasha rehta hai ? jitna koi bade parivaar ka hota hai utni usko khushi rehti hai | saari duniya mein ham thodon ko itna bada parivaar milta hai | to yeh nishchay aur nasha hona chaahiye | harek ko yeh nasha hona chaahiye ki koton mein se koi ham gaayan mein aanevaali aatmaaen hain | kabhi socha tha kya ki aisa saubhaagya praapta ho sakta hai ? achaanak lottery mili hai | lottery ki khushi hoti hai na aur phir yeh avinaashi lottery hai | jo kabhi khatma ho na sake | aisi lottery ham aatmaon ko mili hai | yeh nasha rehta hai ? kone-kone se baapdaada ne dekho keenhon ko chuna hai | chune hue ratnon mein aap vishesh hain | yeh yaad rehta hai | baapdaada ko kaun-se ratna achhe lagte hain ? saadhaaran | aisi khushi sadaiv avinaashi rahe | woh kaise rahegi ? jaise deepak hota hai woh sadaiv jaga rahe iske liye dhyaan rakhte hain | ghrit aur batti in do cheez ka khyaal rakhna padta hai | to yahaan bhi khushi ka deepak sadaiv jaga rahe iske liye do baaten dhyaan mein rakhni hai | gyaan ghrit aur yog hai batti | agar yeh donon hi theek hain to khushi ka deepak avinaashi rahega | kabhi bujhega nahin |

१५ din bhi is sangamayug ke bahut hain | aise mat samajhna ki ham to १५ din ke bachche hain lekin sangam ka samay hi abhi bahut kam hai | is kaam ke hisaab se yeh १५ din bhi bahut hain, isliye ab aise hi sochna ki last vaalon ko faasta hona hai | bichhde hue jo hote hain woh aane se hi teevra purushaartha mein lag jaate hain himmat bachche rakhte hain, madad baap dete hain | ek kumaari १०० braahmanon se uttam gaai jaati hai | ek mein १०० ki shakti bharenge to kya nahin kar sakte | sirf apne paanv ko pakka majboot banaao | kitna bhi koi hilaaen to hilna nahin hai | achalghar bhi tumhaara yaadgaar hai na | achal arthaat jisko koi hila na sake | teen maas mein teen varsa liye hain ? baapdaada teen varsa kaun sa dete hain ? sukh, shanti aur shakti | jitna adhikaar lenge utna vahaan raajya ke adhikaari banenge | sampoorn adhikaar paane ka lakshya rakhna hai | kyonki baap bhi sampoorn hai na |

yugal rehte hue akele rahe ho ga yugal roop mein rehte ho ? akela roop kaun sa hai ? aatma akeli hai na | aate bhi akele hain | jaate bhi akele hain | to yugal roop mein part bajaate bhi aatmik sthiti mein rehna arthaat akele banna hai aur phir roohaani yugal banna hai | to baap aur bachche | woh to hua deh ka yugal | aatma aur paramatma yeh bhi yugal hain | aatma sajni, seeta kehte hain na | paramatma hai saajan, raam | to roohaani yugal moorta banna hai | bas | deh ke yugal roop nahin | dehdhaari ka yugal roop khatma hua | anek janma dehdhaariyon ka yugal roop dekha | ab aatma aur paramatma ka yugal roop banna hai | aisi sthiti mein rehte ho ? is anokhe yugal roop ke saamne woh yugal to kuchh nahin | to deh ki bhaavna khatma ho jaaegi | sabhi se priy cheez kya hai ? priy cheez achhi lagti hai na | to us priy vaastu ko chhod dusre ko priy kaise bana sakte hain | akela bhi ban jaana hai, phir yugal bhi banna hai |

koi ko aane se hi lottery mil jaati hai | koi ko prayatna karne se lottery milti | aise uchcha bhaagyashaali apne ko samajhte ho ? kumaaron ke liye bhi saral maarga hai | kyonki ulti seedhi jo chadhe hue hain, unko utarni padti hain | isliye kumaar-kumaariyon ke liye aur hi sahaj hai | jo bandhan mukta hote hain woh jaldi daud sakte hain | to sabhi baaton mein nirbandhan rehna hai | kaisi bhi paristhiti mein apni sthiti oonchi rakhni hai | jo uchcha jeevan ka lakshya hai unse door nahin hona hai | achha-