सोमवार 23 मार्च 1970 की अव्यक्त मुरली

> 23-03-70om shanti […/…/…/jpg/Ray2.jpg]avyakt baapdaada madhuban

sachchi holi manaana arthaat beeti ko beeti karna – २३-०३-१९७०

baapdaada kya dekhte hain aur aap sab kya dekhte ho ? dekh to aap bhi rahe ho aur baapdaada bhi dekh rahe hain | lekin aap kya dekhte ho aur baapdaada kya dekhte hain ? pharka hai va ek hi hai | roohaani bachchon ko dekhte aaj vishesh kya baat dekh rahe hain ? har chalan ki visheshta hoti hai na | to aaj mulaaqaat mein vishesh kaun si baat dekh rahe hain ? aaj to vishesh baat dekh rahe hain usko dekh harshit ho rahe hain | baapdaada hare ka ke purushaartha ki speed aur sthiti ki spirit dekh rahe hain | jitni jitni spirit hogi utni speed bhi hogi | to yeh dekhkar harsha rahe hain | speed tez hone se service ki saphalta tez hogi | aaj holi kaise manaayi ? (sookshm vatan mein manaayi) vatan mein bhi kaise manaayi ? sirf vatan mein manaayi ya yahaan bhi manaai ? sirf avyakt roop se hi manaai ? holi manaana arthaat sada ke liye aaj ke din beeti so beeti ka paath pakka karna, yahi holi manaana hai | aap log bhi arth sunaate ho na | holi arthaat jo baat ho gayi, beet gayi usko bilkul khatma kar dena | beeti ko beeti kar aage badhna yeh hai holi manaana arthaat holi ke arth ko jeevan mein laana | har divas par purushaartha ko badal dene liye koi na koi baat aise mahsoos ho jaise bahut puraani koi janma ki baat hai | aisi beeti huyi mahsoos ho | jab aisi sthiti ho jaati hai tab purushaartha ki speed tez hoti hai | purushaartha ki speed ko dheela karne vaali mukhya baat yeh hoti hai – beeti hui baat ko chintan mein laana | apni beeti huyi baaten ya doosron ki beeti huyi baaton ko chintan mein laana aur chitta mein bhi rakhna | ek hota hai chitta mein rakhna doosra hota hai chintan mein laana | jo chitta mein bhi na ho | chintan mein bhi na aaye | teesri hota hai varnan karna | to aaj ke din baapdaada holi manaane ke liye aaye hain | holi manaane liye bulaaya hai na | to is rang ko pakka lagaana yahi holi manaana hai | holi ke din ek to rang lagaate hain aur doosra kya karte hain ? ek din pahle jalaate hain dusre din manaate hain | jalaane ke baad manaana hai aur manaane mein mithaai khaate hain | yahaan aap kaun si mithaai khaayenge ? rang to bataaya kaun sa lagaana hai | ab mithaai kyon khaate hain ?

jab yeh rang lag jaata hai to phir madhurta ka gun svatah hi aa jaata hai | apne va dusre ki beeti ko na dekhne se saral chitta ho jaate hain aur jo saralchitta banta hai uska pratyaksha roop mein gun kya dekhne mein aata hai ? madhurta | unke naynon se madhurta mukh se madhurta, aur chalan se madhurta pratyaksha roop mein dekhne mein aati hai | to is rang se madhurta aati hai isliye mithaai ka niyam hai | holi par aur kya karte hain ? (mangal-milan) mangal milan ka arth kya hua ? yahaan mangal milan kaise manaaenge ? madhurta aane ke baad mangal milan kya hota hai ? sanskaaron ka milan hota hai | bhinna-bhinna sanskaaron ke kaaran hi ek do se door hote hain, to jab yeh rang lag jaata hai, madhurta aa jaati hai to phir kaun sa milan hota hai ? aap log sammelan karke aaye ho na | baapdaada ne yeh jo bhatthi banaai hai woh phir sanskaar milan ki banaai hai | jab sanskaar milan ho, yeh sammelanho tab us sammelan ki pratyakshata dekhne mein aaegi | aap logon ne sammelan kiya aur baapdaada sanskaaron ka milan kar rahe hain | to is milan ka yaadgaar yeh mangal milan hai | baapdaada ka bachchon se milan to hai hi lekin aapas mein sabhi se bade te bada milaana hai sanskaaron ka milna | jab yeh sanskaar milan ho jaayega tab jayjaykaar hogi | deviyon ka gaayan hai na ki woh sabhi ko siddhi praapta karaati hain | koi ko bhi riddhi siddhi praapta karni hoti hai to keenhon se praapta karte hain ? riddhi siddhi praapta karaane vaali kaun hain ? deviyaan | jab purushaartha ki vidhi sampoorn ho jaati hai tab yeh siddhi bhi praapta hoti hai | kabhi bhi siddhi ko praapta karne ke liye baapdaada ke paad nahin aayenge | deviyon ke paas jaayenge |

deviyaan svayan siddhi praapta ki hui hain | tab doosron ko riddhi siddhi de sakti hain | tumhaare purushaartha ki siddhi tab hogi jab sanskaaron ka milan hoga | sabse jaasti bhakton ki queue badi kahaan lagti hain ? (deviyon ke paas) jaise hanumaan ke mandir mein va deviyon ke mandir mein jyaada bheed lagti hai | isse kya siddha hota hai ? saakaar roop mein bhi queue kaun dekhega ? pratyakshata ke baad jo queue lagegi woh kaun dekhenge ? bachche hi dekhenge | baapdaada gupta hai pratyaksha roop mein bachche hi dekhenge | to uska yaadgaar pratyaksha roop mein badi te badi queue bhakton ki, bachchon ke yaadgaar roop par hi lagti hai | lekin yeh queue lagegi kab ? jab sanskaar na milne ka ek shabd nikal jaayega tab woh queue bhi lagegi | is bhatthi mein aur padhaai nahin karni hai lekin antim siddhi ka svarup bankar dikhaana hai | yeh sangathan sanskaaron ko milaane ke liye hai | koi bhi cheez ko jab milaaya jaata hai to kya karna hota hai ? sanskaaron ko milaane ke liye dilon ka milan karna padega | dil ke milan se sanskaar bhi milenge to sanskaaron ko milaane ke liye bhulaana, mitaana aur samaana yeh teenon hi baaten karni padengi | kuchh mitaana padega, kuchh bhulaana padega, kuchh samaana paaega – tab yeh sanskaar mil hi jaayenge | yeh hai antim siddhi ka svarup banna | ab antim sthiti ko sameep laana hai | ek do ki baaton ko sveekaar karna aur satkaar dena | agar sveekaar karna aur satkaar dena yeh donon hi baaten aa jaati hain to phir sampoornata aur saphalta donon hi sameep aa jaati hain | sirf in do baaton ko dhyaan dena, donon hi baaton ko sameep laana hai | ek do ko satkaar dena hi bhavishya ka adhikaar lena hai | yeh keenhon ki bhatthi hai, maaloom hain ? is bhatthi ka naam kya hai ? aap logon ko tilak ke bajaay aur cheez dete hain | auron ko tilak lagaaya | is bhatthi ko lagaani hai chindi | tilak chhota hota hai, chindi badi hoti hai | badepan ki nishaani chindi hai | tilak to chhote bhi lagaate hain lekin chindi bade lagaate hain | jab se jimmevaari apne oopar rakhne ki himmat rakhte hain tab se chindi ko dhaaran karte hain | to tilak achha va chindi achhi ? aap sabhi sarva ke shubh chintak ho, sarvisebul arthaat shubh chintak | to is shubh chintak ki nishaani chindi hai aur naam hai shubh chintak group |

aapke shubh chintak banne se sabhi ki chintaaen mitti hain | aap sabhi ki chintaaon ko mitaanevaali shubh chintak ho | aur slogan kaun sa hai ? jaise vo log kehte hain aatma so paramatma vaise is group ka slogan kaun sa hai ? baalak so maalik | yeh slogan vishesh is group ka hai | ab naam bhi mila, slogan bhi mila, kaam bhi mila aur is bhatthi mein kya karna hai ? bhaashan bhi yeh karna hai ki sanskaar milan kaise ho | is bhatthi mein kamaal yahi karni hai jo ek anekon ko sanskaaron mein aap samaan bana sake | sampoorn sanskaar, apne sanskaar nahin | ek anekon ko sampoorn sanskaar vaali bana le to kya hoga ? samaapti | samaapti karnevaala yeh group hai | aur phir sthaapna karne vaala bhi yeh group hai | samaapti kya karni hai ? paalna kya karni hai aur sthaapna kya karni hai ? yeh teenon hi topics is bhatthi mein spashta karni hai | isliye trimoorti chindi laga rahe hain | sthaapna, palna, samaapti arthaat vinaash |

kya-kya karna hai isko spashta aur saral reeti jo ki practical mein aa sake, varnan tak nahin | practical mein aa sake auron ko bhi kara saken – aisi baaten spashta karni hain | lekin bindi roop bankar ke hi yeh teenon karttavya saphal kar sakenge | isliye aapke is karttavya ke yaadgaar mein chindi de rahe hain smriti bhi, sthiti bhi aur karttavya bhi teenon hi is yaadgaar mein samaaye hue hain | vishesh group ki vishesh baaten hoti hain | aap sabhi holi manaane aaye hain va is group ki seremni (celebration) dekhne ? yeh bhi saubhaagya samjho ki aisi shreshtha aatmaon ke sameep banne ka drama mein part hai | seremni (celebration) dekhna arthaat apne ko aisa shreshtha banaana | yeh hai seremni (celebration) aisa apne ko banaao jo is group ke jaise saakaar mein sameep aaye ho na, vaise hi sambandh mein bhi sameep ho | dekhne vaale bhi kam nahin | dekhne vaali aatmaaen bhi shreshtha aur sameep hai | baapdaada ke dil pasand ratna hain | pahle kaun aaega ? baapdaada to sabhi ko ek hi speed mein dekh rahe hain | isliye one tu nahin kah sakte | is samay sabhi one ki yaad mein number one hi hai |

aap log bhi jab spirit mein aur speed mein is group ke sameep aayenge tab phir aap ki bhi seremni (phir harek badi bahnon ko baapdaada chindi lagaaye roohrihaan karte gae)

(deedi) – baalak maalik hai isliye samaan bithaate hain takhta par (sandali par) | vyakta roop mein to yeh seremni kar rahe hain lekin avyakt roop mein yeh seremni hoti hai ? baalak ko maalik banaaya ab se takhtansheen banaate hain | saakaar mein thi dil takhta nasheen, ab hain service ki takhta nasheen aur bhavishya mein hongi raajya takhta nasheen | sangam par takhta nasheen abhi bante hain | drama mein jo part noondha hua hai woh kitna rahasyayukta hai | isko din prati din spashta samajhte jaayenge | sneh se bhi karttavya kahaan bandhan mein baandhata hai | jaise sneh ka bandhan hai vaise karttavya ka bhi bandhan hai | to yeh hai karttavya ka bandhan | karttavya ke bandhan mein avyakt roop mein hain | sneh ke bandhan mein saakaar roop mein the |

(kumaarka daadi) – svapna mein bhi kab yeh socha tha ki avyakt roop mein takhta nasheen banaayenge | takhta nasheen kaun banta hai ? jo sadaiv nashe mein hai aur nishaana bilkul accurate rehta hai | nasha aur nishaana, yog aur gyaan | aise bachche hi teenon takhta ke adhikaari bante hain | trimoorti takhta bhi hai | agar ek takhta nasheen bane to teenon takhta ke banenge | baap takhta nasheen bachchon ko dekhte hain to kya hota hai ? baapdaada ko bhi nasha hota hai ki aise laayak bachche hain |

(jaanki daadi)– ab tak vaaneemoorta bane ho phir banenge saakshaatkaar moorta | abhi vaani se auron ko saakshaatkaar hota hai lekin phir hoga silence se saakshaatkaar | jab banenge to sabhi ke mukh se kya niklega ? yeh jo gaayan hai na ki sabhi paramatma ke roop hain, yeh gaayan sangam par hi practical mein hota hai | bhaktimaarga mein jo bhi baaten kahi hain woh sangam ki baaton ko mix kiya hai | tumhaari ant mein yeh sthiti aati hai, jo sabhi mein saakshaat baapdaada ki moorta mahsoos hogi | sabhi ke mukh se yahi aavaaz niklega yeh to saakshaat baapdaada ke moorta hain | saakshaat roop banne se saakshaatkaar hoga to jo yeh ant ka roop sabhi mein saakshaat roop dekhte hain isko mix karke kah dete hain – sabhi paramatma ke roop hain | baap ke samaan ko paramatma ka roop kah dete | yeh sabhi baaten yahaan se hi chali hain to saakshaatkaar moorta banne ke liye saakshaat baapdaada samaan banna hai | ab checking kya karni hai ? samaanta ki checking karni hai, woh checking nahin | woh to bachpan ki thi | ab yeh checking karni hai | jitni samaanta utna svamaan milega | samaanta se apne svamaan ka pata laga sakte hain | samaanta kaha tak aai hai aur kahaan tak samaanta laani hai yahi checking karna aur karaana hai | yeh bhi topic hai jitni jisme samaanta dekho utna sameep samjho | sameep ratna ki parakh samaanta hai |

(chandramni daadi) - aap sooryamni ho ya chandramni ho ? chandramniyaan jo hote hain unka nivaas sthaan kahaan aur sooryamniyaan jo hote hain unka nivaas sthaan kahaan hota hai ? aap kaun si mani ho ? (donon hain) shakti roop bhi hain aur sheetal roop bhi hain | isliye kehti hain sooryamni bhi hoon aur chandramni bhi hoon | abhi knowledge to aa gayi hai lekin sthiti to nahin hai na | knowledge se light aai hai | abhi might nahin aai hai | jab light aur might donon mein ekras honge tab number out honge | abhi auron ko bhi knowledge ki light de sakti ho, might nahin de sakti ho | isliye saphalta bhi usi anusaar hoti hai | sabhi ko light arthaat raushni aa rahi hai ki inhon ki knowledge kya hai, lekin light ka prabhaav kam hai, aadha kaarya abhi raha hua hai | might dene mein number one yeh banengi | koi-koi ka light dene mein number aage hai, koi ka might dene mein number aage hai | koi donon mein hai | teen quality hai | (jab baapdaada chindi pahnaate the to sabhi taaliyaan baja rahe the) satayug mein bajengi shahnaaiyaan | abhi bajti hain taaliyaan |

(nirmalshaanta daadi) - tan ke rog par vijay praapta kar rahi ho | sangam par taaj, tilak, takhta aur suhaag-bhaag sabhi milte hain | ek hi samay par sarva praaptiyaan baapdaada karaate hain | jo ek janma ki den anek janma chalti hai | vaise bachchon ko phir anek janmon ke hisaab-kitaab ek janma mein chuktu karne hain | yeh ek janma ka anek janma chalta hai | woh anek janmon ka ek janma mein khatma hota hai to anek janon ka hisaab-kitaab ek janma mein khatma karne ke kaaran kabhi-kabhi woh forsa se roop le aata hai | baapdaada yeh yuddha dekhte rehte hain aap bhi dekhti ho apni va doosron ki ? jab saakshi ho dekhne lag padte to yeh vyaadhi badalkar khel roop mein ho jaati hai | baapdaada saakshi ho dekhte bhi hain aur unka saahas dekhkar harshit bhi hote hain | aur saath-saath sahayogi bhi bante hain | thakti to nahin ho na | (nahin) athak baap ke bachche athak aur avinaashi ho | maalum hai ab kya karna hai ? ab ant mein saakshaatkaar moortta banna hai jitna saakshi avastha jyaada rahegi utna samjho ki saakshaatkaar moortta banne vaale hain | ab antim purushaartha yeh rah gaya hai | saakshaatkaar moortta ban baapdaada ka saakshaatkaar aur apna saakshaatkaar karaana hai |

(shaantaamni daadi) - shreshthata laane ke liye mukhya gun kaun sa hai ? jitni spashtata hoti utni shreshthata aati hai | jo spashta hota hai vaahi saral aur shreshtha hota hai | spashtata shreshthata ke najdeek hai aur jitni spashtata hoti hai utni saphalta bhi hoti hai | saphalta phir itni sameepta mein laati hai | sameep ratnon ki nishaani kisse maaloom padegi ? samaanta se | baapdaada ke sanskaaron ki samaanta se sameepta ka maaloom padta hai | to samaanta sameepta ki nishaani hai | aadi ratan ho | aadi so anaadi | jo aadi ratan hain woh anaadi gaayan yogya bante hain | kyonki aadi dev ke saath madadgaar hain | aadi ratan hi srishti ke karttavya ke aadhaar hai |

(ratna mohini daadi)– snehi ho va sahayogi ho ? (donon) snehi aur sahayogi donon samaan hain, jitna jo snehi utna sahayogi banta hai | snehi sahayog ke sivaae rah nahin sakta | jitna snehi hai utna sahayogi hai | utna hi shaktiroop bhi hai | jab sneh, sahayog aur shakti teenon ki samaanta hoti hai tab samaapti hoti hai | is samay double taajdhaari ho ki bhavishya mein banenge ? sangam par double taajdhaari ho ? kaun sa double taaj hai ? ek hai sneh ka doosra hai service ka | service ka taaj hai jimmevaari ka taaj | woh sthool aur woh sookshm hai na | sneh ka taaj sookshm hai | jo jahaan double taajdhaari bante hain, woh vahaan bhi double taajdhaari bante hain | baapdaada double taaj dete hain | numbervaar taaj to hote hain na | yahaan bhi nambarvaar purushaartha anusaar taajdhaari dekhne mein aaenge |

(manohar daadi) – jaise saakaar mein jab avyakt programme chalte the to shrringaar kar baithte the | aaj vaahi shrringaar kiye hue chitra dekhte hain | harek ki visheshta apni-apni hai jo visheshta sameep laati hai | aapki visheshta kya hai ? sarva se snehi aur sarva ke sahayogi banna – yeh visheshta hai | jo sarva ke snehi bante hain sarva se sneh bhi unko praapta hota hai | sarva snehi bhi kaun bante hain ? jo sarva tyaagi hote hain | jo sarva tyaagi hote hain, vaahi sarva ke snehi aur sahayogi bante hain | aise shreshtha sankalp vaale shreshtha pad ke adhikaari bante hain | sankalp mein bhi sarva ke kalyaan ki bhaavna ho | sirf apni nahin | aise hi sarva praaptiyon ke adhikaari bante hain | aise ko baapdaada tatha sabhi se satkaar milta hai | satkaar ka adhikaar len yeh bhi bahut badi baat hai | achha –