रविवार 5 अप्रैल 1970 की अव्यक्त मुरली

>

05-04-70om shanti avyakt baapdaada madhuban

sarva point ka saar point (bindi) bano

sabhi sunne chaahte ho va sampoorn banne chaahte ho?sampoorn banne ke baad sunna hota hoga? pahle hai sunna phir hai sampoorn ban jaana। itni sabhi point suni hai un sabhi point ka svarup kya hai jo banna hai? sarva sune hue point ka svarup kya banna hai? sarva point ka saar va svarup point(bindi) hi banna hai। sarva point ka saar bhi point mein aata hai to point banna hai। point ati sookshm hota hai jisme sabhi samaaya hua hai। is samay mukhya purushaartha kaun-sa chal raha hai? abhi purushaartha hai vishaar ko samaane ka। jisko vistaar ko samaane ka tareeka aa jaata hai vaahi baapdaada ke samaan ban jaate hain। pahle bhi sunaaya tha na ki samaana aur sametna hai। jisko sametna aata hai unko samaana bhi aata hai। beej mein kaun si shakti hai? vriksha ke vistaar ko apne mein samaane ki। to ab kya purushaartha karna hai? beej svarup sthiti mein sthit hone ka arthaat apne vistaar ko samaane ka। to yeh check karo। vistaar karna to sahaj hai lekin vistaar ko samaana saral hua hai? aajkal science vaale bhi vistaar ko sametne ka hi purushaartha kar rahe hain। science power vaale bhi tum silence ki shakti vaalon se copy karte hain। jaise-jaise silence ki shakti sena purushaartha karti hai vaisa hi woh bhi purushaartha kar rahe hain। pahle silence ki shakti sena invention karti hai phir science apne roop se invention karti hai। jaise-jaise yahaan refine hote jaate hain vaise hi science bhi refine hoti jaati hai। jo baaten pahle unhon ko bhi asambhav lagti thi woh ab sambhav hoti ja rahi hain। vaise hi yahaan bhi asambhav baaten saral aur sambhav hoti jaati hain। ab mukhya purushaartha yahi karna hai ki aavaaz mein laana jitna sahaj hai utna hi aavaaz se pare jaana sahaj ho। isko hi sampoorn sthiti ke sameep ki sthiti kaha jaata hai।

yeh group kaun-sa hai? is group ke harek moorat mein apni-apni visheshta hai। visheshta ke kaaran hi srishti mein vishesh aatmaaen bane hain। vishesh aatmaaen to ho hi। ab kya banna hai? vishesh ho, ab shreshtha banna hai। shreshtha banne ke liye bhatthi mein kya karenge? is group mein ek visheshta hai jo koi mein nahin thi। woh kaun si ek visheshta hai? apni visheshta jaante ho? is group ki yahi visheshta dekh rahe hain ki purushaarthi ki leval mein ek do ke najdeek hain। harek ke man mein kuchh karke dikhaane ka hi umang hai। isliye is group ko baapdaada yahi naam de rahe hain – hovanhaar aur ummeedvaar group aur yahi group hai jo srishti ke saamne apna asli roop pratyaksha karke dikha sakte hain। maidaan mein kadi hui sena yeh hai। aap log to backbone ho। to baapdaada ke karttavya ko pratyaksha karne ki yeh bhujaaen hain। maaloom hai ki bhujaaon mein kya-kya alankaar hote hain? baapdaada ki bhujaaen alankaardhaari hain। to apne aap se poochho ki ham bhujaaen alankaardhaari hain? kaun-kaun se alankaar dhaaran kiye hue maidaan par upasthit ho? sarva alankaaron ko jaante ho na? to alankaardhaari bhujaaen ho?alankaardhaari shaktiyaan hi baapdaada ka show karti hain। shaktiyon ki bhujaaen kabhi bhi khali nahin dikhaate। alankaar kaayam honge to lalkaar hogi। to baapdaada aaj kya dekh rahe hai? ek-ek bhuja ke alankaar aur raftaar। is group ko bhatthi mein kya karaayenge? shaktiyon ka mukhya gun kya hai? is group mein ek shaktipan ka pahla gun nirbhayta aur doosra vistaar ko ek sekand mein sametne ki yukti bhi sikhaana। ekta aur ekras। anek sanskaaron ko ek sanskaar kaise banaayen। yeh bhi is bhatthi mein sikhaana hai। kam samay aur kam bol lekin saphalta adhik ho। yeh bhi tareeka sikhaana hai। sunna aur svarup ban jaana hai। sunna adhik aur svarup banna kan, nahin। sunte jaana aur bante jaana। jab saakshaatkaar moortta bankar jaana, vaacha moorti nahin। jo bhi aap sabhi ko dekhe to aakri aur alankaari dekhe। sense bahut hai lekin ab kya karna hai? gyaan ka jo essence hai usme rehna hai। sense ko essence mein laga dena hai। tab hi jo baapdaada ummeed rakhte hain woh pratyaksha dikhaayenge। essence ko jaante ho na। jo is gyaan ki aavashyak baaten hain vahi essence hai। agar woh aavashyaktaaen poori ho jaaengi। abhi koi-na-koi aavashyakaen hain। lekin aavashyaktaaon ko sada ke liye poorn karne ke liye do aavashyak baaten hain। jo bataai – aakaari aur alankaari banna। aakaari aur alankaari banne ke liye sirf ek shabd dhaaran karna hai। woh kaun-sa shabd hai jisme aakaari aur alankaari donon aa jaayen? woh ek shabd hai light। light ka arth ek to jyoti bhi hai aur light ka arth halka bhi hai। to halkaapan aur prakaashmay bhi। alankaari bhi aur aakaari bhi। jyoti svarup bhi,jvaala svarup bhi aur phir halka,aakaari। to ek hi light shabd mein donon baaten aa gai na। ismen karttavya bhi aa jaata hai। karttavya kya hai? light house banna। light mein svarup bhi aa jaata hai। karttavya bhi aa jaata hai।

harek teachers ko baapdaada dvaara personal gyaan ratnon ki saugaat mili

tika kyon lagaaya jaata hai? jaise tilak mashtishka par hi lagaya jaata hai,aise hi bindi svarup yeh bhi tilak hai jo sadaiv laga hi rahe। doosra bhavishya ka raajtikal yeh bhi tilak hi hai। donon ki smriti rahe। uski nishaani yeh tilak hai। nishaani ko dekh nasha rahe। yeh nishaani sada kaal ke liye di jaati hai। jaise sunaaya tha point,vaise yeh tilak bhi point hai। sametna aur samaana aata hai? sametna aur samaana yeh jaadoogri ka kaam hai। jaadoogar log koi bhi cheez ko samet kar bhi dikhaate, samaakar bhi dikhaate। itni badi cheez chhoti mein bhi samaakar dikhaate। yahi jaadoogri seekhni hai। practice yeh karo। vistaar mein jaate phir vahaan hi samaane ka purushaartha karo। jis samay dekho ki buddhi bahut vistaar mein gai hui hai us samay yeh abhyaas karo। itna vistaar ko sama sakte ho? tab aap baap ke samaan banenge। baap ko jaadoogar kehte hain na। to bachche kya hain? sheetal svarup aur jyoti svarup,donon hi svarup mein sthit hona aata hai? abhi-abhi jyoti svarup,abhi-abhi sheetal svarup। jab donon svarup mein sthit hona aata hai। tab ekras sthiti rah sakti hai। donon ki samaanta chaahiye yahi vartamaan purushaartha hai।

yeh pushpa kyon de rahe hain? anek janmon mein jo baap ki pooja ki hai woh returna ek janma mein baapdaada deta hai। jo nyaara hota hai vahi ati pyaara hota hai। agar sarva ka ati pyaara banna hai, to sarva baaton se jitna nyaara banenge utna sarva ka pyaara। jitna nyaaraapan utna hi pyaaraapan। aur aise jo nyaare pyaare hote hain unko baapdaada ka sahaara milta hai। nyaare bante jaana arthaat pyaare bante jaana। agar maano koi aatma ke pyaare nahin ban sakte hain uska kaaran yahi hota hai ki us aatma ke sanskaar aur svabhaav se nyaare nahin bante। jitna jiska nyaaraapan ka anubhav hoga utna svatah pyaara banta jaayega। pyaare banne ka purushaartha nahin,nyaare banne ka purushaartha karna hai। nyaare banne ki praalabdha hai pyaara banne। yeh abhi ki praalabdha hai। jaise baap sabhi ko pyaara hai vaise bachchon ko saare jagat ki aatmaon ka pyaara banne hai। uska purushaartha sunaaya ki uski chalan mein nyaaraapan। to yeh pushpa hai jag se nyaare aur jag se pyaare banne ka। is group mein harsha-pan bhi hai, abhi harsha mein kya aid karna hai? aakarshanmoorta bane hain vahi aakaari moortta bante hain। baap aakaari hote hue bhi aakarshanmoorta the na। jitna-jitna aakaari utna-utna aakarshan। jaise woh log prithvi se pare space mein jaate hain tab prithvi ki aakarshan se pare jaate hain। tum puraani duniya ke aakarshan se pare jaayenge। phir na chaahte hue bhi aakarshanmoorta ban jaayenge। saakaar mein hote hue bhi sabhi ko aakaari dekhna hai। service ka bhi bahut bal milta hai। ek hai apne purushaartha ka bal। ek auron ki service karne se bhi bal milta hai। to donon hi bal praapta hote hain। baapdaada ka sneh kaise praapta hota hai, maaloom hain? jitna-jitna baap ke karttavya mein sahayogi bante hain utna-utna sneh। karttavya ke sahayog se sneh milta hai। aisa anubhav hai? jis din karttavya ke adhik sahayogi hote hain,us din sneh ka vishesh adhik anubhav hota hai? sada sahayogi sada snehi। svamaan kaise praapta hota hai? jitna nirmaan utna svamaan। aur jitna-jitna baapdaada ke samaan utna hi svamaan। nirmaan bhi banna hai, samaan bhi banna hai। aisa hi purushaartha karna hai। nirmaanta mein bhi kami nahin to samaanta mein bhi kami nahin। phir svamaan mein bhi kami nahin। apni svamaan ki parakh samaanta se dekhni hai।

baapdaada ka apne se saakshaatkaar karaane liye kya banna padega? koi bhi cheez ka saakshaatkaar kis mein hota hai? darpan mein। to apne ko darpan banaana padega। darpan tab banenge jab sampoorn arpan honge। sampoorn arpan to shreshtha darpan, jis darpan mein spashta saakshaatkaar hota hai। agar yathaayogya yathaashakti arpan hain to darpan bhi yathaayogya yathaashakti hai। sampoorn arthaat svayan ke bhaan se bhi arpan। apne ko kya samajhna hai? vishesh kumaari ka karttavya yahi hai jo sabhi baapdaada ka saakshaatkaar karaaen। sirf vaani se nahin lekin apni soorat se। jo baap mein visheshtaaen theen saakaar mein, ve apne mein laani hain। yeh hai vishesh group। is group ko jaise saakaar mein kehte the jo ote so arjun samaan alla। to is group ko bhi samaan alla banna hai। aise karke dikhaana jaise mastishka mein yeh tilak chamakta hai aise srishti mein svayan ko chamkaana hai। aisa lakshya rakhna hai। service mein sahayogi hone ke kaaran baapdaada ka vishesh sneh bhi hai। sahayog aur sneh ke saath abhi shakti bharni hai। abhi shaktiroop banna hai। shaktiyon mein vishesh kaun si shakti bharni hai? sahanshakti। jisme sahan shakti kam usme sampoornata bhi kam। vishesh is shakti ko dhaaran karke shakti svarup ban jaana hai। tripta aatma jo hoti hai unka vishesh gun hai nirbhayta aur santushta rehna। jo svayan santushta rehta hai aur doosron ko santushta rakhta hai usme sarvagun aa jaate hain। jitna-jitna shaktisvarup honge to kamjori saamne rah nahin sakti। to shaktiroop bankar jaana। brahmaakumaari bhi nahin,kumaari roop mein kahaan-kahaan kamjori aa jaati hai। shakti-roop mein sanhaar ki shakti hai। shakti sadaiv vijayi hai। shaktiyon ke gale mein sadaiv vijay ki maala hoti hai। shakti-roop ki vismriti se vijay bhi door ho jaati hai isliye sada apne ko shakti samajhna।

bachche baap se bade jaadoogar hai। baapse bade jaadoogar isliye, jo baap ko jo banaane chaahte woh bana sakte hain। baap ke liye to gaayan hai ki jo chaahe so bana sakte lekin ko jo chaahe so bana sakte,woh kaun? bachche। avyakt hote bhi vyakta mein laate yeh jaadoogri kahen? avyakt hone ke din najdeek hain tab to avyakt ki lift mili hai। gyaanmoortta aur yaadmoortta donon mein samaan banna hai। jab chaahe tab gyaan moortta jab chaahe tab yaad moortta banen। jitna jo khud yaad moortta ho rehta rehta hai utna hi woh auron ko baap ki yaad dila sakte hain। yaad moortta ban sabhi ko yaad dilaana hai। samay ka intazaar karti ho ya samay tumhaara intazaar karta hai? samay ke liye apne ko intazaar nahin karna hai। apne ko sadaiv aise hi ever ready rakhna hai jo kabhi bhi samay aa jaaye। intazaar ko khatma karke intazaam rakhna hai। jab apna intazaam poora hota hai phir intazaar karne ki aavashyakta nahin rehti। usko hi kaha jaata hai ever ready। sab mein ever ready। sirf service mein nahin,purushaartha mein bhi ever ready। sanskaaron ko sameep karne mein bhi ever ready। vishesh sneh hai isliye vishesh banaane ki baaten chal rahi hain। vriksha mein jo peechhe-peechhe full aur patte lagte hain ve kaise hote hain? pahlevaale puraane hote hain aur peechhe vaale bade sundar hote hain। to yeh bhi peechhe aaye hain lekin pyaare bahut hain। peechhe vaale narma bahut hain। yahaan narma mein kya hai? jitna narma utna garam। agar sirf narma honge koi chheen bhi lega। komal banne ke saath kamaal karni hai। komalta aur kamaal donon hi sang hone se kamaal kar dikhaate hain? yeh saara group kamaal karke dikhaanevaala hai। aisa lakshya rakhna hai jo koi kamaal karke dikhaae। tab kahenge bade, bade hain lekin chhote samaan alla। jaisa-jaisa karma karenge vaisa naam padega। agar shreshtha kaam karenge to naam padega। shreshthamni। shreshthamni ko sarva kaarya shreshtha karne padte hain। man, vaani,karma mein saralta aur sahansheelta yeh donon aavashyak hain। agar saralta hai sahansheelta nahin to bhi shreshtha nahin। isliye saralta aur sahansheelta donon saath-saath chaahiye। agar sahansheelta ke bina saralta aa jaati hai to bholaapan kaha jaata hai। saralta ke saath sahansheelta hai to shakti svarup kaha jaata hai। shaktiyon mein saralta aur sahansheelta donon hi gun chaahiye। abhi ki result mein yahi dekhte hain ki kahaan sahansheelta adhik hai kahaan saralta adhik hai। ab in donon ko samaan banaana hai। madhurta bhi chaahiye। shakti roop bhi chaahiye। deviyon ke chitra bahut dekhte hain to usmein kya dekhte hain?jitna jvaala utni sheetalta। karttavya jvaala ka hai soorat sheetalta ki hai। yeh hai antim svarup।

jaise buddhi se chhota bindu khisak jaata hai। aise yeh chhota bindu bhi haath se khisak jaata hai। jitna-jitna apne deh se nyaare rahenge utna samay baat se bhi nyaare। jaise vastra utaarna aur pahanna sahaj hai ki mushkil? is reet nyaare honge to shareer ke bhaan mein aana, shareer ke bhaan se nikalna yeh bhi aise lagega। abhi-abhi shareer ka vastra dhaaran kiya,abhi-abhi utaara। mukhya purushaartha aaj is vishesh baap par karna hai। jab yeh mukhya purushaartha karenge tab mukhya ratnon mein aaenge। yeh bindi lagaana kitna sahaj hai। aise hi bindi roop ho jaana sahaj hai।

braahamnon ki len den kaun si hoti hai? sneh lena aur sneh dena। sneh dene se hi sneh milta hai। sneh ke dene lene se baap ka sneh bhi lete aur aise hi snehi sameep hote hain। sneh vaale door hote bhi sameep hain। baapdaada ke sameep aane liye sneh ki len-den karke sameep aana hai। is len-den mein raat din bitaana hai। yahi braahmanon ka karttavya hai, to braahmanon ka lakshan bhi hain। snehi banne liye kya karna padega? jitna jo videhi hoga utna vo snehi hoga। to videhi banna arthaat snehi banna kyonki baap videhi hai na। aise hi deh mein rehte bhi videhi rahne vaale sarva ke snehi rehte hain। yahi note karna hai kitna videhi rehte hain। aisa shreshtha saubhaagya kab svapna mein bhi tha? to jaise yeh svapna mein bhi sankalp nahin tha aise hi jo bhi kamjoriyaan hain unhon ka bhi svapna mein sankalp nahin rehna chaahiye। aisa purushaartha karna hai। lakshya bhi rakho ki yeh kamjoriyaan poorva janma ke bahut janmon ki hain। vartamaan janma ke liye aisi kamjoriyon ka praayahlop karo। master sarvashaktimaan ho? sarvashaktimaan ke bachche arthaat sarvashaktimaan। aise kabhi nahin kahen ki main yeh nahin kar sakti। sab kuchh kar sakti hoon। koi bhi asambhav baap nahin। koi mushkil baat bhi sahaj। unke liye kuchh mushkil hota hai? nahin। master sarvashaktimaan banna hai। ek shakti ki bhi kami na rahe। jahaan akela bano vahaan saath samjho। kahaan akela bhejen to saath samjhenge na। agar shivbaaba saath hai to phir kahaan akeli ho to akelaapan lagega nahin। akele rehte bhi saath ka anubhav ho। yeh abhyaas zaroor karna chaahiye। aur saath rehte bhi akela samjhe, yeh bhi abhyaas chaahiye। saath bhi rah saken aur akela bhi rah saken। akela arthaat nyaara। sangathan arthaat pyaara। nyaare bhi hon to pyaare bhi hon। abhyaas donon chaahiye। baap akela rehta hai ya saath mein rehta hai? akela rehna hi saath hai। baahar ka akelaapan aur andar ka saath। baahar ke saath se akelaapan bhool jaate hain। lekin baahar se akele andar se akele nahin।

sabhi se shreshtha mani kaun hote hain? mastakamni kaun banta hai? jo mastak mein viraajmaan hui aatma mein jyaada samay upasthit rehta hai। woh thode hote hain। mastak mein thode,hraday mein bahut hote hain। sabhi se pahle nazar kahaan jaati hai? aise mastakamni banna hai। mastakamni woh bante hain jo sadaiv aastik rehte hain। woh sadaiv haan karte hain। jo aastik hai, vahi mastakamni hain। koi bhi baat mein na shabd sankalp mein bhi na ho। aise gun vaale mastak mein aa jaate hain।

gaayan yogya kaun bante hain aur poojan yogya kaun bante hain? ek hi baat se donon yogya bante hain ya donon ke liye do vishesh baaten hain?kai aisi bhi deviyaan hain jinka gaayan bahut hai poojan kam hai। aur kai deviyon ka donon hota hai। to jo kab kaise, kab kaise rehte hain unka pooja ekras nahin rehta aur jo sada paani sthiti mein rehte to unka poojan bhi sada rehta hai। ekras rahnevaale ka poojan ekras hota hai। purushaartha mein kab shabd nahin rehna chaahiye। teevra purushaarthi ki nishaani hai jo kab na kah ab kehte hain। jo purushaartha mein kab kahenge to unki pooja bhi kam। isliye koi bhi baat mein kab dekhenge,nahin। lekin ab dikhaaoonga। isko kaha jaata hai teevra purushaarthi। sampoorn sthiti jo hoti hai usme sarva shaktiyaan sampanna hoti hain। sarva shakti sampanna banne se sarva gun sampanna banenge। bhavishya mein banna hai sarvagun sampanna, ab banna hai sarva shakti sampanna। jitna sarva shakti sampanna utna sarva gun sampanna banenge।

kitni shaktiyaan hoti hai? maaloom hain? kaun si shaktiyaan sunaai theen?ek hai sneh shakti,sambandh shakti,sahayog shakti, sahan shakti। yeh chaar shaktiyaan hain, to samband sameep hai। chaaron samaan hon। jyaada saahas hai va sahan shakti hai? saahas arthaat himmat। jo himmat vaale hote hain unko madad milti hai। madad maangane se nahin milti। himmat rakhni padti hai। himmat puru rakhte hain madad bahut milti hai। himmat hai to sarva baaton mein madad hai। sadaiv himmatvaan banna hai phir baapdaada,daivi parivaar ki madad aape hi milegi। snehmoortta ho? shaktimoortta ho? sneh aur shakti donon ki aavashyakta hai। shaktiroop se vijayi aur sneh roop se sambandh mein aate ho। agar shakti nahin hoti to maaya par vijay nahin paate ho। isliye shakti roop se vijayi aur sneh roop se sambandh bhi chaahiye। donon chaahiye। baap ko sarvashaktimaan aur pyaar ka saagar bhi kehte hin। to sneh aur shakti donon chaahiye।

sitaare kitne hote hain? aap apne ko kya samajhti ho? baapdaada ne kaun se naam rakhe hain? lucky sitaare ho। apne ko lucky samajhte ho? lucky to sabhi hain jab se baap ke bane ho। lekin lucky mein bhi sadaiv saphalta ke sitaare। koi sameep ke sitaare,koi ummeed ke sitaare। woh harek ka apna hai। ab sochna hai ki main kaun hoon? apne ko saphalta ka sitaara samajhna hai। pratyakshaphal ki kaamna nahin rakhnevaale saphalta paate hain।

om shanti