गुरुवार 6 अगस्त 1970 की अव्यक्त मुरली - 1

>

06-08-70om shanti avyakt baapdaada madhuban

“bandhan mukta aatma ki nishaani”

abhi avyakt sthiti mein sthit hokar vyakta deh ka aadhaar lekar dekh rahe hain, yeh anubhav kar rahe ho? jaise koi sthool sthaan mein pravesh karte ho vaise hi is sthool deh mein pravesh kar yeh kaarya kar rahe hain। aisa anubhav hota hai? jab chaahen tab pravesh karen aur jab chaahen tab phir nyaare ho jaaen, aisa anubhav karte ho?ek second mein dhaaran karen aur ek second mein chhoden yeh abhyaas hai?vaise aur sthool vastuon ko jab chaahe tab lo aur jab chaaho tab chhod sakte hain na। vaise is deh ke bhaan ko jab chaahen tab chhod dehi abhimaani ban jaayen– yeh practice itni saral hai,jitni koi sthool vastu ki sahaj hoti hai? rachayita jab chaahe rachna ka aadhaar le jab chaahe tab rachna ke aadhaar ko chhod de aise rachayita bane ho? jab chaahen tab nyaare, jab chaahen tab pyaare ban jaaen। itna bandhanmukta bane ho? yeh deh ka bhi bandhan hai। deh apne bandhan mein baandhati hai। agar deh bandhan se mukta ho to yeh deh bandhan nahin daalegi। lekin kartavya ka aadhaar samajh aadhaar ko jab chaahen tab le sakte hain aisi practice chalti rehti hai?deh ke bhaan ko chhodne athva usse nyaara hone mein kitna samay lagta hai? ek second lagta hai? sadaiv ek second lagta hai va kabhi kitna,kabhi kitna।(kabhi kaisi,kabhi kaisi)isse siddha hai ki abhi sarva bandhanon se mukta nahin hue ho। jitna bandhanmukta utna hi yogayukta honge aur jitna yogayukta honge utna hi jeevanmukta mein unch pad ki praapti hoti hai। agar bandhanmukta nahin to yogayukta bhi nahin। usko master sarvashaktimaan kahenge? deh ke sambandh aur deh ke padaarthon se lagaav mitaana saral hai lekin deh ke bhaan se mukta ho jaana। jab chaahen tab vyakta mein aayen। aisi practice abhi jor shor se karni hai। aise hi samjhen jaise ab baap aadhaar le bol rahe hain vaise hi ham bhi deh ka aadhaar lekar karma kar rahe hain। is nyaarepan ki avastha pramaan hi pyaara banna hai। jitna is nyaarepan ki practice mein aage honge utna hi vishwa ko pyaare lagne mein aage honge। sarva snehi banne ke liye pahle nyaara banna hai। service karte hue, sankalp karte hue bhi apne ko aur doosron ko bhi mahsoosta aisi aani chaahiye ki yeh nyaara aur ati pyaara hai। jitna jo svayan nyaara hoga utna auron ko baap ka pyaara bana sakenge।

service ki saphalta ka svarup kya hai? (bhinna-bhinna vichaar sabhi ke nikle)service ki saphalta ka svarup yahi hai ki sarva aatmaon ko baap ke snehi aur baap ke kartavya mein sahayogi aur purushaartha mein un aatmaon ko shaktiroop banaana। yeh hai service ki saphalta ka svarup। jin aatmaon ki service karo un aatmaon mein yeh teenon hi qualification pratyaksha roop mein dekhne mein aani chaahiye। agar teenon mein se koi bhi gun ki kami hai to service ki saphalta ki bhi kami hai। samjha।

mukhya ek baat dhyaan mein rakhne aur karma mein dhaaran karne vaali kaun si hai, jisse is saphalta svarup ko practical mein la sakte ho?woh kaun si baat hai? bahut sahaj hai। mushkil baat ko dhyaan dekar dhaaran karte hain aur sahaj baat ko chhod dene se sahaj ki dhaarna deri se hoti hai। yeh maaloom hai? samjha jaata hai yeh to koi badi baat nahin hai। ho jaaegi। phir hota kya hai? ho jaaegi, ho jaaegi karte-karte dhyaan se nikal jaati hai। isliye dhaarna roop bhi nahin hote। to woh kaun-si ek baat hai। agar us baat ko dhaaran kar len to saphalta swaroop ban sakte hain। (saaksheepan)haan yeh baat theek hai। aaj baapdaada bhi saakshi avastha ki raakhi baandhane ke liye aaye hain। agar yeh saaksheepan ki raakhi sadaiv bandhi hui ho to service ki saphalta bahut jaldi niklegi। abhi jis kartavya mein maas lagta hai us kartavya mein ek ghanta bhi nahin lagega। yeh saaksheepan ki raakhi baandhani hai। auron ko to pyooriti ki raakhi baandhate ho lekin baapdaada aaj yeh saaksheepan ki raakhi baandh rahe hain। jitna saakshi rahenge utna saakshaatkaarmoorta aur saakshaat moorta banenge। saaksheepan kam hone ke kaaran saakshaat aur saakshaatkaarmoorta bhi kam bane hain। isliye yeh abhyaas karo। kaun-sa abhyaas? abhi-abhi aadhaar liya,abhi-abhi nyaare ho gae। yeh abhyaas badhaana arthaat sampoornata aur samay ko sameep laana hai। to ab kya prayatna karna hai?samay aur sampoornata ko sameep laao। aur ek baat vishesh dhyaan mein yeh rakhni hai ki apne record ko theek rakhne ke liye sarva ko regard do। jitna jo sarva ko regard deta hai utna hi apna record theek rakh sakta hai। doosre ka regard rakhna apna record banaana hai। agar regard kam dete hain to apne record mein kami karte hain। isliye is mukhya baat ki aavashyakta hai। samjha। jaise yagya ke madadgaar banna hi madad lena hai vaise regard dena hi regard lena hai। dete hain lene ke liye। ek baar dena anek baar lene ke haqdaar ban jaate hain। jaise kehte hain chhoton ko pyaar aur badon ko regard। lekin sabhi ko bada samajh regard dena yahi sarva ke sneh ko praapta karne ka saadhan hai। yeh baat bhi vishesh dhyaan dene yogya hai। har baat mein pahle aap। yeh vritti,drishti aur vaani tatha karma mein laani chaahiye। jitna pahle aap kahenge utna hi vishwa ke baap samaan ban sakenge।

vishwa ke baap samaan ka arth kya hai? ek to vishwa ke baap samaan banna। doosra jab vishwa raajan banenge to bhi vishwa ke baap hi kahlaayenge na। vishwa ke raajan vishwa ke baap hain na। to vishwa ke baap bhi banenge aur vishwa ke baap samaan bhi banenge। kisse? pahle aap karne se। samjha।

nirmaan banne se pratyaksha pramaan ban sakenge। nirmaan banne se vishwa ka nirmaan kar sakenge। samjha। aisi sthiti ko dhaaran karne ke liye saaksheepan ki raakhi baandhani hai। jab pahle se hi saaksheepan ki raakhi baandh ke jaayenge to raakhi ki service saphaltaapoorvak hogi। samjha।

party se

sammelan kar rahe ho। sammelan ka arth kya hai? sarva aatmaon ka milan। sarva aatmaon ka milan kisse karaayenge?baap se। aajkal samay kaun-sa hai? sampoornata ka samay sameep aane ka hai to vartamaan samay ke pramaan nishchit hui padi hai। jaise kalpa pahle bhi purushaartha nimittamaatra karaaya tha। aise hi nahin ki purushaartha aaj aur praapti kab jo jaaegi। nahin। abhi-abhi purushaartha abhi-abhi praapti। aisa purushaartha hai? jab svayan praapti svarup banenge tab anya anek aatmaao ko praapti kara sakenge। agar svayan praapti svarup nahin honge to anya ko kaise praapti kara sakenge?ab nahin karaayenge to kab karaayenge। sunaaya tha na ki“kab” shabd bhi khatma। har baat mein “ab”ho। itna parivartan vaani, karma aur sankalp mein laana hai। sankalp mein bhi ab yeh na aaye ki kab kar lenge ya kab ho jaayega। nahin। ab ho hi jaayega। aisa parivartan karna hai tab service ki saphalta hai। agar svayan mein hi kab hoga to aap ki praja bhi kahegi ki achha to bahut laga kab kar lenge ya kab ho jaayega। kab par chhodne vaale pichhli praja ke hote hain। to ab najdeek ki praja banaani hai। najdeek ki praja banaane ke liye naazukapna chhodna padega। naajon se chalna chhod raajon se chalna hai। albelaapan naazukpan hota hai। jitna-jitna raazayukta honge utna utna naazukpan chhootta jaayega। roohaaniyat ka ek hi roop sadaiv rehta hai? roop badalne ke bajaay yeh shareer ka bhaan chhodna hai is practice mein rehna hai। shareer chhodne ka abhyaas hoga to roop badalna chhoot jaayega। padhaai mein bhi regular hona mukhya baat hoti hai। woh bhi sirf aane mein nahin lekin har baat mein regular,jitna regular utna hi ruler banenge। to kya karna pade?sabhi baaton mein regular। amritbele uthne se lekar har karma, har sankalp aur har vaani mein bhi regular। ek bhi bol aisa na nikle jo vyartha ho। is duniya ke jo bade aadmi hain woh log jab speech karte hain to unhon ke bolne ke shabd bhi fix kiye jaate hain। aap bhi bade se bade aadmi ho na। to aapke bol bhi fix hone chaahiye। maaya ki mix na ho। aise regular banne vaalon ki service saphal hui padi hai। sammelan ka har kaarya karte bhi yeh kabhi nahin bhoolna ki ham vishwa ke aage saakshaatkaarmoorta hain। saakshaatkaar moorta banne se aap ke dvaara baapdaada ka saakshaatkaar svatah hi hoga। woh tab kar sakenge jab svayan ko gyaan,yog ka pratyaksha pramaan banaayenge। jitna svayan ko pratyaksha pramaan banaayenge utna baap ko pratyaksha kar sakenge।

achha !!!