गुरुवार 31 दिसंबर 1970 की अव्यक्त मुरली

Brahma KumarisBrahma Kumaris> 31-12-70om shanti avyakt baapdaada madhuban

“amritvele se parivartan shakti ka prayog”

aaj baapdaada vartamaan aur bhavishya donon kaal ke raajya adhikaari arthaat vishwa kalyaankaari aur vishwa ke raajya adhikaari donon hi roop mein bachchon ko dekh rahe hain । jitna-jitna vishwa-kalyaankaari utna hi vishwa raajya adhikaari bante hain । in donon adhikaaron ko praapta karne ke liye vishesh sva-parivartan ki shakti chaahiye । us din bhi sunaaya tha ki parivartan shakti ko amritvele se lekar raat tak kaise kaarya mein lagaao ।

pahla parivartan – aankh khulte hi main shareer nahin aatma hoon, yeh hai aadi samay ka aadi parivartan sankalp, isi aadi sankalp ke saath saare din ki dincharya ka aadhaar hai । agar aadi sankalp mein parivartan nahin hua to saara din svaraajya va vishwa-kalyaan mein saphal nahin ho sakenge । aadi samay se parivartan shakti kaarya mein laao । jaise srishti ke aadi mein brahm se dev-aatma satopradhaan aatma part mein aayegi, aise har roz amritvela aadikaal hai । isliye is aadikaal ke samay uthte hi pahla sankalp yaad mein brahman aatma padhaare – baap se milan manaane ke liye । yahi samartha sankalp, shreshtha sankalp, shreshtha bol, shreshtha karma ka aadhaar ban jaayega । pahla parivartan – “main kaun!” to yahi phaaundeshan parivartan shakti ka aadhaar hai । iske baad –

doosra parivartan "main kiska hoon" sarva sambandh kisse hain । sarva praaptiyaan kisse hain! pahle deh ka parivartan phir deh ke sambandh ka parivartan, phir sambandh ke aadhaar par praaptiyon ka parivartan – is parivartan ko hi sahaj yaad kaha jaata hai । to aadi mein parivartan shakti ke aadhaar par adhikaari ban sakte ho ।

amritvele ke baad apne deh ke kaaryakram karte hue kaun-se parivartan ki aavashyakta hai? jisse nirantar sahajyogi ban jaayenge । sada yeh sankalp rakho – “ki main chaitanya sarvashreshtha moorti hoon aur yeh mandir hai, chaitanya moorti ka yeh deh chaitanya mandir hai । mandir ko saja rahe hain । is mandir ka andar svayan baapdaada ki priy moorti viraajmaan hai । jis moorti ke gunon ki maala svayan baapdaada simran karte hain । jis moorti ki mahima svayan baap karte hain । aisi vishesh moorti ka vishesh mandir hai ।” jitni moorti vailyuebal hoti hai moorti ke aadhaar par mandir ki bhi value hoti hai । to parivartan kya karna hai? mera shareer nahin lekin baapdaada ki vailyuebal moorti ka yeh mandir hai । svayan hi moorti svayan hi mandir ka trustee ban mandir ko sajaate raho । is parivartan sankalp ke aadhaar par meraapan arthaat dehbhaan parivartan ho jaayega । iske baad – apna godli student roop sada smriti mein rahe । ismen vishesh parivartan sankalp kaun-sa chaahiye? jisse har second ki padhaai har amoolya bol ki dharna se har second vartamaan aur bhavishya shreshtha praalabdha ban jaaye । ismen sada yeh parivartan sankalp chaahiye ki main saadhaaran student nahin, saadhaaran padhaai nahin lekin direct baap roj doordesh se hamko padhaane aate hain । bhagwan ke versions hamaari padhaai hai । shri-shri ki shreemat hamaari padhaai hai । jis padhaai ka har bol padmon ki kamaai jama karaane vaala hai । agar ek bol bhi dhaaran nahin kiya to bol miss nahin kiya lekin padmon ki kamaai anek janmon ki shreshtha praalabdha va shreshtha pad ki praapti mein kami ki । aisa parivartan sankalp ‘bhagwan bol rahe hain’, ham sun rahe hain । mere liye baap teacher bankar aaye hain । main special laadla student hoon – isliye mere liye aaye hain । kahaan se aaye hain, kaun aaye hain, aur kya padha rahe hain? yahi parivartan shreshtha sankalp roz class ke samay dhaaran kar padhaai karo । saadhaaran class nahin , sunaane vaale vyakti ko nahin dekho । lekin bolne vaale bol kiske hain, usko saamne dekho । vyakta mein avyakt baap aur niraakaari baap ko dekho । to samjha – kya parivartan karna hai । aage chale – padhaai bhi padh li – abhi kya karna hai? abhi seva ka part aaya । seva mein kisi bhi prakaar ki seva chaahe pravritti ki, chaahe vyavhaar ki, chaahe eeshvareey seva, pravritti chaahe laukik sambandh ho, karmabandhan ke aadhaar se sambandh ho lekin pravritti mein seva karte parivartan sankalp yahi karo – marjeeva janma hua arthaat laukik karmabandhan samaapta hua । karmabandhan samajh kar nahin chalo । karmabandhan, karmabandhan sochne aur kahne se hi bandha jaate ho । lekin yeh laukik karmabandhan ka sambandh ab marjeeve janma ke kaaran shreemat ke aadhaar par seva ke sambandh ka aadhaar hai । karmabandhan nahin, seva ka sambandh hai । seva ke sambandh mein variety prakaar ki aatmaon ka gyaan dhaaran kar, seva ka sambandh samajh karke chalenge to bandhan mein tang nahin honge । lekin ati paap aatma, ati apkaari aatma, bagule ke oopar bhi naphrat nahin, ghrina nahin, niraadar nahin lekin vishwa-kalyaankaari sthiti mein sthit ho merciful ban taras ki bhaavna rakhte hue seva ka sambandh samajhkar seva karenge aur jitne hopeless case ki seva karenge to utne hi praais ka adhikaari banenge । naamigraami vishwa-kalyaankaari gaaye jaayenge । peacemaker ki praais lenge । to pravritti mein karmabandhan ke bajaae seva ka sambandh hai – yeh parivartan sankalp karo । lekin seva karte-karte attachment mein nahin aa jaana । kabhi doctor bhi patient ki attachment mein aa jaate hain ।

seva ka sambandh arthaat tyaag aur tapasvi roop । sachchi seva ke lakshan yahi tyaag aur tapasya hai । aise hi vyavhaar mein bhi direction pramaan nimitta maatra shareer nirvaah lekin mool aadhaar aatma ka nirvaah, shareer nirvaah ke peechhe aatma ka nirvaah bhool nahin jaana chaahiye । vyavhaar karte shareer nirvaah aur aatma nirvaah donon ka balance ho । nahin to vyavhaar maaya jaal ban jaayega । aisi jaal jo jitna badhaate jaayenge utna phansate jaayenge । dhan ki vriddhi karte hue bhi yaad ki vidhi bhoolni nahin chaahiye । yaad ki vidhi aur dhan ki vriddhi donon saath-saath hona chaahiye । dhan ki vriddhi ke peechhe vidhi ko chhod nahin dena hai । isko kaha jaata hai laukik sthool karma bhi karmayogi ki stage mein parivartan karo । sirf karma karnevaale nahin lekin karmayogi ho । karma arthaat vyavhaar yog arthaat parmaartha । parmaartha arthaat parampita ki seva arth kar rahe hain । to vyavhaar aur parmaartha donon saath-saath rahe । isko kaha jaata hai shreemat par chalnevaale karmayogi । vyavhaar ke samay parivartan kya karna hai? main sirf vyavhaari nahin lekin vyavhaari aur parmaarthi arthaat jo kar raha hoon woh eeshvareey seva arth kar raha hoon । vyavhaari aur parmaarthi combined hoon । yahi parivartan sankalp sada smriti mein rahe to man aur tan double kamaai karte rahenge । sthool dhan bhi aata rahega । aur man se avinaashi dhan bhi jama hota rahega । ek hi tan dvaara ek hi samay man aur dhan ki double kamaai hoti rahegi । to sada yeh yaad rahe ki double kamaai karne vaala hoon । is eeshvareey seva mein sada nimitta maatra ka mantra va karanhaar ki smriti ka sankalp sada yaad rahe । karaavanhaar bhoole nahin । to seva mein sada nirmaan hi nirmaan karte rahenge । achha …।

aur aage chalo, aage chal anek prakaar ke vyakti aur vaibhav anek prakaar ki vastuon se samparka karte ho । ismen bhi sada vyakti mein vyakta bhaav ke bajaae aatmik bhaav dhaaran karo । vastuon va vaibhvon mein anaasakta bhaav dhaaran karo to vaibhav aur vastu anaasakta ke aage daasi ke roop mein hogi aur aasakta bhaav vaale ke aage chumbak ki taraph phansaanevaali hogi । jo chhudaana chaaho to bhi chhoot nahin sakte । isliye vyakti aur vaibhav mein aatma bhaav aur anaasakta bhaav ka parivartan karo ।

aur aage chalo – koi bhi puraani duniya ke aakarshanmay drishya alpa kaal ke sukh ke saadhan use karte ho va dekhte ho to un saadhnon va drishya ko dekh kahaan-kahaan saadhna ko bhool saadhan mein aa jaate ho । saadhnon ke vasheebhoot ho jaate ho । saadhnon ke aadhaar par saadhna – aise samjho jaise ret ke phaaundeshan ke oopar building khadi kar rahe ho । uska kya haal hoga? baar-baar halchal mein dagmag honge । gira ki gira yahi haalat hogi । isliye yahi parivartan karo ki saadhan vinaashi aur saadhna avinaashi । vinaashi saadhan ke aadhaar par avinaashi saadhna ho nahin sakti । saadhan nimitta maatra hain, saadhna nirmaan ka aadhaar hai । to saadhan ko mahatva nahin do saadhna ko mahatva do । to sada ye samjho ki main siddhi svarup hoon na ki saadhan svarup । saadhna siddhi ko praapta karaaegi । saadhnon ki aakarshan mein siddhi svarup ko nahin bhool jaao । har laukik cheez ko dekh, laukik baaton ko sun, laukik drishya ko dekh, laukik ko alaukik mein parivartan karo arthaat gyaan svarup ho har baat se gyaan uthaao । baat mein nahin jaao, gyaan mein jaao to samjha, kya parivartan karna hai । achha … ।

aur aage chalo – abhi baaki kya rah gaya ! abhi sona rah gaya । sona arthaat sone ki duniya mein sona । sone ko bhi parivartan karo । bed par nahin soo । lekin kahaan soyenge । baap ki yaad ki godi mein soyenge । pharishton ki duniya mein svapnon mein sair karo to svapna bhi parivartan karo aur sona bhi parivartan karo । aadi se ant tak parivartan karo । samjha – kaise parivartan shakti use karo ।

is nae varsha ki saugaat parivartan shakti ki saugaat hai । sva parivartan aur vishwa parivartan ki isi gift ki lift se vishwa ke parivartan ka samay sameep laayenge । naye saal ki mubaarak to sab dete hain lekin baapdaada nae varsha mein sada teevra purushaarthi banne ki naveenta ki in-advance mubaarak de rahe hain । naya varsha, nae sanskaar, naya svabhaav, naya umang – utsaah, vishwa ko naya banaane ka shreshtha sankalp, sarva ko mukti-jeevanmukti ka vardaan dene ka sada shreshtha sankalp aise naveenta ki mubaarak ho, badhaai ho । puraane sanskaaron, puraani chaal, puraani dhaal, puraane ki vidaai ki badhaai ho । achha … ।

aise har karma mein parivartan shakti dvaara sva parivartan aur vishwa parivartan karne vaale, har second, har sankalp, har karma naya arthaat golden ej karne vaale shreshtha arthaat satopradhaan karne vaale, nae varsha mein sava mein aur vishwa mein naya chamatkaar dikhaane vaale jo ab tak asambhav samajh rahe hain sarva ke prati va vishwa ke prati, us asambhav ko sambhav karne vaale, aise sada saphaltaamoorta shreshtha siddhi svarup aatmaon ko baapdaada ka yaad-pyaar aur namaste ।

achha !!!