सोमवार 1 मार्च 1971 की अव्यक्त मुरली

>

01-03-71 om shanti avyakt baapdaada madhuban

siddhi-swaroop banne ki sahaj vidhi

sabhi master trikaaldarsheebne ho? trikaaldarsheebanne se koi bhi kaarya asphal nahin hota। koi bhi kaarya karne ke pahle apne master trikaaldarsheeki sthiti mein sthit hokar kaarya ke aadi-madhya-ant ko jaankar karttavya karne se sadaiv saphalta milegi arthaat saphaltaamoortta ban jaayenge va sampoornamoorta ban jaayenge। abhi jo gaayan hai ki yogiyon ko riddhi-siddhi praapta hoti hai, woh kaunsi siddhi? sankalp ki siddhi aur karttavya ki vidhi। yeh donon hi hone se janmasiddha adhikaar sahaj hi pa lete ho। sankalp ki siddhi kaise aayegi, maaloom hai? sankalpon ki siddhi na hone ka kaaran kya hai? kyonki abhi sankalp vyartha bahut chalte hain। vyartha sankalp mix hone se samartha nahin ban sakte ho। jo sankalp rachte ho uski siddhi nahin hoti hai। vyartha sankalpon ki siddhi to ho nahin sakti hai na। to sankalpon ki siddhi praapta karne ke liye mukhya purooshaartha yeh hai - vyartha sankalp na rach samartha sankalpon ki rachna karo। samjha? rachna jyaada rachte ho, isliye poori paalna kar unhon ko kaam mein lagaana yeh kar nahin sakte ho। jaise laukik rachna bhi agar adhik rachi jaati hai to unko laayak nahin bana sakte hain। isi reeti se sankalpon ki jo sthaapna karte ho woh bahut adhik karte ho। sankalpon ki rachna jitni kam utni powerful hogi। jitni rachna jyaada utni hi shaktiheen rachna hoti hai। to sankalpon ki siddhi praapta karne ke liye purooshaartha karna pade। vyartha rachna banda karo। nahin to aajkal vyartha rachna kar uski paalna mein samay bahut vesta karte hain। to sankalpon ki siddhi aur karmon ki saphalta kam hoti hai। karmon mein saphalta ki yukti hai - master trikaaldarsheebanna। karma karne se pahle aadi,madhya aur ant ko jaankar karma karo, na ki karma karne ke baad ant mein parinaam ko dekhkar phir socho। isliye sampoorn banne ke liye in do baaton ka dhyaan dena pade।

yeh pravritti vaala group hai। to pravritti mein rehte in donon baaton ka dhyaan dene se serviceable ban sakenge। sarvissirpha mukh se nahin hoti lekin shreshtha karmon dvaara bhi service kar sakte ho। yeh jo group aaya hai apne kosarvisaebal group samajhte ho? is group mein jo apne kosarvisaebal samajhte hain woh haath uthaayen। ab jinhonnesarvisaebal mein haath uthaaya hai, vahsarvismen samay nikaal madadgaar ban sakte hain? maataaon ki madad se bahut naam baala ho sakta hai। jitne aaye hain utne sabhi haindsasarvismen madadgaar ban jaayen to bahut jaldi naam baala kar sakte ho। kyonki yugalmoorta ban chalne vaale ho। isliye aise yugal sarvismen bahut apna show kar sakte ho। aise karttavya karke dikhaao jo aapke karttavya har aatma ko aapki taraph aakarshan karen। maataaon ka group, so bhi aisi maataayen jo ki yugal roop mein chal rahi hain unko samay nikaalna sahaj ho sakta hai। abhi bhi samay nikaal kar aai ho na। abhi bhi aap ke peechhe pravritti chal rahi hogi na। jaise yeh baat zaroori samajhkar bandhanon ko halka kar pahunch gai ho, aise samay-prati-samay apni pravritti ke bandhanon ko halka kar sarvismen jitni madadgaar banti jaayengi utna hi yeh hisaab-kitaab jaldi chuktu hoga। to maataaon ko aise madadgaar banne mein hi apni unnati ka saadhan samajhna chaahiye। sunna aur sunaana -- donon hi anubhav karna chaahiye। jaise baap madadgaar bante hain vaise bachchon ko bhi madadgaar banna hai। yahi madad lena hai। to aisi is grup mein shakti bharkar jaana jo apne bandhanon ko halka kar sarvismen madadgaar ban sako। nahin to is subject mein agar kami rah gai to full marks kaise le sakenge। lakshyato full paas hone ka rakha hai na। isliye is group ko khaas aisi-aisi yuktiyaan rachne ki training lekar jaana hai। bhattheese kya bankar jaana hai, samjha? serviceable aur madadgaar। ghar mein rehte shakti-swaroop ki smriti sadaiv rahne se karma-bandhanvighnanheen daalenge। ghar mein rehti ho lekin shaktiroop ki bajaay pavitra pravritti ka bhaan jyaada rehta hai। pravritti mein rehte hue shaktipan ki vritti kam rehti hai। isliye ab tak jo aavaaz nikalta hai ki karma-bandhan hai, kya karen, kaise karen, kaise karma-bandhan kaaten। yeh aavaazaislie nikalta hai kyonki shaktipan ka alankaar sadaiv kaayam nahin rah paata। to ab is bhatthi mein apni smriti aur swaroop ko badal kar jaana। isliye do baaten sadaiv yaad rakhna। ek to change hona hai, doosra challenge karna hai। shakti roop mein apni vritti aur swaroop ko bhi change karna aur jitna-jitna apne ko change karte jaayenge utna auron ko chelenja kar sakenge। isliye yeh do baaten yaad rakhna। jab sukarma karte ho to baap ka snehi swaroop saamne aata hai aur agar koi vikarma karte ho to vikraal roop saamne laana chaahiye। aap log snehi to ho na। snehi sadaiv sukarma hote hain। koi bhi aisa karma na ho - yeh sadaiv smriti mein rakhna। kyonki aap sabhi srishti ke stage par hero actors ho। to hero actors par sabhi ki nigaah hoti hai। isliye apne ko pravritti mein rahne vaali na samajh, stage par hero actor samajhkar har karma karti chalengi to koi bhi aisa karma nahin ho sakega।

jaise science ki parmaanu shakti aaj kya se kya dikha rahi hai। vaise hi silence ke shaktidal mein aap pravritti mein rahne vaali pramaan ho। woh parmaanu shakti hai aur aap log srishti ke aage ek pramaan ho। to aap bhi pramaan bankar bahut hi sarviskar sakti ho। maataaon ki to bahut maangani hai। maataaon ke kaaran kone-kone mein sandesh phailaana abhi raha hua hai। kai aatmaon ko sandesh na milne ki zimmevaari aap logon ke oopar hai। isliye is group ko aisa hi taiyaar ho jaana hai। yeh group samay-prati-samaysarvismen madadgaar ban sakta hai। ummeedvaar hai। jaise adharkumaaron ka group bhi bahut ummeedvaar group tha। aise hi yeh group bhi hovanhaar madadgaar hai। lekin kaise madadgaar bane, uski yukti bhi hai। lekin shakti nahin hai। isliye apne swaroop parivartan ka, apni teacher se certificate le jaana। jaise ek-ek kumaari 100 braahmanon se uttam gaai hui hai vaise ek-ek maata jagat maata hai। kahaan 100 brahman, kahaan saara jagat। to kiski oonchi mahima hui? ek-ek maata jagatmaata bankar jagat ki aatmaon ke oopar taras, sneh aur kalyaan ki bhaavna rakho। isliye is group ko ek vaayda karna hai। vaayda karne ki himmat hai? kaunsa bhi vaayda ho ki sunne ke baad himmat rakhenge? sunne ke pahle himmat hai va sunne ke baad himmat rakhenge? kya samajhti ho? jo bhi vaayda hoga uski himmat hai? agar koi kada vaayda ho to phir sochengi na। harek ko yeh vaayda karna hai ki samay-prati-samay mainsarvismen madadgaar aur saath-saath shakti-swaroop ban vighna-vinaashak bankar hi pravritti mein rahengi। sahaj vaayda hai na। vighnon ke aane se chillaayenge nahin, ghabraayenge nahin, lekin shakti bankar saamna karenge। yeh vaayda apne aap se sadaiv ke liye karke jaana hai।

koi bhi prakaar ki aasakti hai to vahaan hi maaya bhi aa sakti hai। aasakti hone ke kaaran maaya aa sakti hai। agar anaasakta ho jaao to maaya aa nahin sakti। jab aasakti khatma ho jaati hai tab shaktisvaroop ban sakte hain। apni deh mein va sambandhon mein, koi bhi padaartha mein, kahaan bhi agar aasakti hai to maaya bhi aa sakti hai aur shakti nahin ban sakte। isliye shaktiroop banne ke liye aasakti ko anaasakti mein badli karo। jaise aap log auron ko kehte ho ki ek deepak anekon ko jaga sakta hai। aise hi aap ek-ek saare vishwa ke kalyaan ke nimitta ban sakte ho। to apne karttavya ko aur apne swaroop ko donon ko yaad rakhte hue chalte chalo। brahma ki bhujaayen ho na। to hendsa banenge na। apne ko brahma ki bhujaayen samajhti ho? brahma ki bhujaaon ka bhi karttavya kya hota hai? brahma ka karttavya hai sthaapna; to brahma ki bhujaaon ka bhi karttavya hua sthaapna ke kaarya mein sadaiv tatpar rehna। had ke sambandhon mein aane ka sirf inhon ko tareeka sikhaana hai। nirbandhan apne ko bana sakti ho, lekin tareeka nahin aata hai। ek to tareeka nahin, doosri taakat nahin। to taakat bhi bharna aur tareeka bhi seekhna। baapdaada phir bhi ummeedvaar group samajhte hain। ab dekhenge ki harek apne ko kitna baar offer karte hain। apne aap ko khud hi offer karna hai।aaphreenaunko milti hai jo svayan ko khud offer karta hai। agar kahne se karte hain to aaphreenanheen milti hai। ab dekhenge ki kaun-kaun apne ko offer karte hain। snehi to ho lekin snehi ke saath sahayogi bhi bano। is group ka naam kya rakhen? naam-sanskaar hota hai na। kyonki parivartan-bhattheemen aaye ho। aap log bhi naam-sanskaar ke utsav mein aaye ho na। is grap ka kya naam? yeh hai sada sahayogi aur shaktisvaroop group। ab apni shakti kabhi bhi kam nahin karna। jab apni shakti ko ganva dete to raavan bhi dekhta hai ki yeh apni shakti ko ganva baithe hain, to woh khoob roolaata hai। shakti ganvaana arthaat raavan ko bulaana। isliye kabhi bhi apni shakti ko kam na hone dena। jama karna seekho। bhavishya 21 janmon ke liye shakti ko jama karna hai। abhi se jama karenge to jama hoga। isliye sadaiv yahi socho ki jama kitna kiya hai? achha।