शुक्रवार 11 जून 1971 की अव्यक्त मुरली

>

11-06-71 om shanti avyakt baapdaada madhuban

teenon lokon mein baapdaada ke sameep rahne vaale ratnon ki nishaaniyaan

yeh kaunsa group hai? is group ko sazaakar kya banaaya hai? badalkar aur bankar ja rahi hain na! to inhon ko badalkar kya banaaya hai? apna jab saakshaatkaar karengi ki ham kya bane hain tab to auron ko banaayengi। yeh group samajhta hai ki ham roohaani sevaadhaari bankar ja rahe hain। sabhi apne ko sevaadhaari samajhkar seva-sthaan par ja rahi ho va apne-apne ghar mein laut rahi ho? kya samajh ke jaati ho? agar apne laukik parivaar mein jaao to usko kya samjhengi? woh bhi seva-sthaan hai va sirf centre hi seva-sthaan hai? agar ghar ko bhi seva-sthaan samjhengi to svatah seva hoti rahegi। jo sevaadhaari hote hain unhon ke liye har sthaan par seva hai। kahaan bhi rahen, kahaan bhi jaaven lekin sevaadhaari ko har samay aur har sthaan par seva hi dikhaai degi aur seva mein hi lage rahenge। ghar ko bhi seva-sthaan samajhkar rahenge। buddhi mein seva yaad rahne se, is smriti ki shakti se karmabandhan bhi sahaj aur sheeghra khatma ho jaayega। isliye jabki sevaadhaari banke ja rahi ho to har sankalp mein seva karni hai। ek second va ek sankalp bhi seva ke sivaay nahin ja sakta। isko kehte hain sachcha roohaani sevaadhaari। roohaani sevaadhaari to rooh athva aatma se bhi seva kar sakte hain। jaise light-house ek sthaan par hote hue bhi chaaron or apni light dvaara seva karte hain। isi prakaar jo sevaadhaari hain woh bhi koi ek sthaan par hote hue bhi behad srishti ke behad service mein tatpar rehte hain। to light-house aur might-house bani ho? donon hi bani ho ya light-house bani ho aur might-house abhi banna hai? gyaan swaroop hain light- house aur yogayukta avastha hai might-house। to sabhi ‘gyaani tu aatma’,’yogi tu aatma’ bankar ja rahi ho na। ki abhi kuchh rah gaya? poora shrringaar kiya? vaise bhi kumaari avastha mein svachchhata aur apne ko theek reeti sajaane ka rehta hi hai। to yahaan bhatthi mein bhi poori tarah gyaan, gunon ke shrringaar se sazaaya hai। sajkar ja rahi hain va vahaan jaakar abhi aur kuchh karna hai? poore astra-shastrase taiyaar hokar yuddha ke maidaan mein ja rahi hain। jo astra-shastradhaari honge woh sadaiv vijayi honge। shastrashatru ko saamne aane nahin denge। to shastradhaari bani ho jo shatru door se hi dekhkar bhaag jaaye। sabhi aise bane hain? madhuban vardaan-bhoomi ke prabhaav mein bol rahi ho va avinaashi shastradhaari va shrringaari apne ko banaaya hai? kal neeche utrengi to stage vahi oonchi rahegi? yeh bhi pakka kar do ki kahaan bhi jaayenge lekin jo apne aap se athva madhuban ke sangathan beech, eeshvareey darbaar ke beech jo pratigya ki hai woh sada kaayam rahegi। aisi avinaashi chhaap harek ne apne aapko lagaai hai? nishchay ki vijay avashya hai aur himmat rakhne vaalon ki baapdaada aur sarva eeshvareey parivaar ki aatmaayen madadgaar rehti hain। kitna bhi koi aapki himmat ko hilaane ki koshish kare lekin pratigya jo ki hai us pratigya ki shakti se jara bhi paanv hilaana nahin। paanv kaunse? jis dvaara yaad ki yaatra karte ho। chaahe srishti kyon na hilaave lekin aap saare srishti ki aatmaon se shaktishaali hain। ek taraph saari srishti ho, doosre taraph aap ek bhi ho - to bhi aapki shakti shreshtha hai। kyonki sarvashaktimaan baap aapke saathi hain। isliye gaayan hai shiv-shaktiyaan। jab shiv aur shaktiyaan donon hi saathi hain to srishti ki aatmaayen uske aage kya hain? anek hote bhi ek samaan nahin hain। itna nishchaybuddhi va pratigya ko paalan karne ki himmat rakhne vaali bankar ja rahi ho na। practical paper hoga। theory ka paper to sahaj hota hai। kisko saptaah course karaana va museum ya pradarshani samjhaana hai theory ka paper। lekin practical paper mein jo paas hote hain vahi ‘paas with honour’ hote hain। jo aise paas hote hain vahi baapdaada ke paas rahne vaale ratna bante hain। to paas mein rehna pasanda karti ho va door se dekhna pasanda aata hai? ‘paas with honour’ banenge। yeh bhi himmat rakhni hai na। is himmat ko avinaashi banaane ke liye ek baat sadaiv dhyaan mein rakhni hai।

koi bhi sangadosh mein apne ko laane ke bajaay, bachaate rehna। kai prakaar ke aakarshan paper ke roop mein aayenge, lekin aakarshit nahin hona। harshitmukh ho paper samajh paas hona hai। sangadosh kai prakaar ka hota hai। maaya sankalpon ke roop mein bhi apne sang ka rang lagaane ki koshish karti hai। to is vyartha sankalpon ke va maaya ki aakarshan ke sankalpon mein kabhi fail nahin hona। aur phir sthool sambandhi ka sang, usmein na sirf parivaar ka sambandh hota hai lekin parivaar ke saath-saath aur bhi koi sambandh ka sang। saheli ka sang bhi sambandh ka sang hai। to koi bhi sambandhi ke sang mein nahin aana। koi ke vaani ke sangadosh mein bhi nahin aana। vaani dvaara bhi ulta sang ka rang lag jaata hai। isse bhi apne ko bachaana। aur phir anna ka sangadosh bhi hai। agar kabhi bhi kiske bhi samasya anusaar va koi sambandhi ke sneh ke vash bhi annadosh mein aa gai to yeh anna bhi apne man ko sang ke rang mein laga deta hai। isliye isse bhi apne ko bachaate rehna। karma ka sang bhi hota hai। isliye isse bhi apne ko bachaate rehna। tab ‘paas with honour’ banengi। sangadosh ke paper mein paas ho gai to samjho sameep aa sakti ho। agar sangadosh mein aa gai to door ho jaayengi। phir na niraakaari vatan mein, na abhi sangamayug mein, na bhavishya mein paas rah sakengi।

ek sangadosh teenon lokon mein door hata deta hai। ek sangadosh se bachne se teenon lokon mein, teenon kaalon mein baap ke sameep rahne ka bhaagya praapta kar sakti ho। is group ko baapdaada hanson ka sangathan kehte hain। hanson ka karttavya va swaroop kya hota hai? hanson ka swaroop hai purity aur karttavya hai sadaiv gunon roopi moti hi dhaaran karenge। avgun roopi kankad kabhi bhi buddhi mein sveekaar nahin karenge। yeh hai hanson ka karttavya। lekin is karttavya ko paalan karne ke liye baapdaada se sadaiv aagya milti rehti hai। woh kaunsi aagya? jis aagya ka aapka chitra bhi bana hua hai। bura na dekhna, bura na sunna, na bolna, na sochna। agar is aagya ko sadaiv smriti mein rakhenge to phir sachcha hans bankar, baap jo sarva gunon ka saagar hai, saagar ke kinaare par sadaiv baithe rahenge। to apni buddhi ko sivaay gyaan-saagar baap ke aur kahaan bhi thikaana na dena। kyonki hanson ka thikaana hai hi saagar। to apne ko hans samajhkar apni pratigyaaon ko paalan karti rehna। samjha? moti aur kankad - donon ko chhaantana seekha hai? kankad kya hota hai, ratna kya hote hain? knowledgeful to bani ho na! ab dekhenge yeh hans kya kamaal kar dikhaate hain। hanson ka sangathan na chaahte hue bhi apne taraph aakarshitkarta hai। to sangadosh se bachna hai aur eeshvareey sang mein rehna hai। anek sang chhodna, ek sang jodna hai। eeshvareey sang sirf shareer se nahin hota lekin buddhi dvaara bhi eeshvareey sang mein rehna hai। buddhi sadaiv eeshvareey sang mein rahe aur sthool sambandh mein bhi eeshvareey sang rahe। is sang ke aadhaar par anek sangadosh se bach jaayenge। sirf transfer karna hai। komalta ko kamaal mein parivartan karna। komalta dikhaana nahin। sirf sanskaaron ko parivartan karne mein komal banna hai। karma mein komal nahin banna। ismen to shakti roop banna hai। agar shakti-swaroop ka kavach sadaiv dhaaran nahin karengi to komal ko teer bahut jaldi lag jaayega। teer bhi komal sthaan par hi lagaate hain। isliye agar shakti-swaroop ka kavach dhaaran karengi to shakti roop ban jaayengi। phir maaya ka koi teer lag nahin sakega। karma mein komal nahin banna। sirf mould hone ke liye real gold banna hai। chehre se, nain-chain se komalta nahin laana। yeh sabhi baaten smriti mein rakh ‘paas with honour’ banna hai। is group mein practical saboot de saboot banne vaale ummeedvaar ratna dikhaai dete hain। harek ko ek do se aage jaana hai। doosre ko aage jaata dekh harshitanheen hona hai, sirf doosre ko dekhte rahenge to bhakta ho jaayenge। bhakta log sirf dekh-dekh unke gun gaate khush hote hain। tumko bhakta nahin banna hai। gyaan- swaroop aur yogayukta, ‘gyaani tu aatma’ aur ‘yogi tu aatma’ banna hai। ab paper ki result dekhenge। jo practical saboot denge woh first number aayenge। jo sochte rahenge to baap bhi raajya-bhaagya dene ke liye sochenge। jo svayan ko svayan hi offer karte hain unko baapdaada bhi vishwa ki raajdhaani ka raajya- bhaagya pahle offer karte hain। agar apne ko offer nahin karenge to baapdaada bhi vishwa ka takhta kyon offer karenge। apne ko aapehi offer karo to aaphreen kahi jaayegi। gas ke gubbaare nahin banna। woh bahut tej udte hain lekin alpakaal ke liye। yahaan apne mein avinaashi enarja bharna। temporary oxygen ka aadhaar nahin lena। achha।