शुक्रवार 8 अक्टूबर 1971 की अव्यक्त मुरली

> 08-10-71 om shanti avyakt baapdaada madhuban

deepmaala - chetanya deepkon ki maala ki yaadgaar

aaj baapdaada kya dekh rahe hain? aap deepkon ki maala dekhne ke liye aae hain। jo deepmaala ka yaadgaar divas log manaate hain lekin baapdaada chaitanya deepkon ki maala ko dekh rahe hain। aap sabhi bhi jab deepmaala ke din jage hue deepkon ko dekhte ho to dekhte hue yeh khushi hoti hai ki hamaari hi yaadgaar mana rahe hain? jaise jaga hua deepak pyaara lagta hai, vaise apni yaadgaar ko dekh smriti aane se aap sabhi bhi vishwa ke baap aur saare vishwa ke aatmaon ko pyaare lagte ho। to aaj yaadgaar roop ko pratyaksha roop mein dekhne aae hain। maala mein ek daana nahin hota hai, anekon ki maala banti hai। agar ek deepak alag jaga hua ho to usko deepkon ki maala nahin kahenge। to aise hi anek deepak jage hue, maala ke roop mein dikhaai dete hain। to harek apne ko is deepmaala ke beech piroya hua, jaga hua deepak samajhte ho? va aap log bhi anek jage hue deepkon ki maala ko dekhte hue harshit hote ho? aaj deepmaala ke din aap sabhi ne deepaavli manaai? aaj vishesh roop se deepaavli manaai? yoon to sadaiv jage hue deepak ho, lekin jab vishesh yaadgaar ka divas hota hai to vishesh aatmaon ko kya karna chaahiye? vishesh aatmaaen jo vishesh roop se nimitta bante hain, unhon ko visheshsarvisakya karni hai? vishesh aatmaon ko to anya se vishesh kaarya karna hai na। kyonki jo anya aatmaaen bhi kar sakti hain aur kar rahi hain woh kiya to baaki pharka kya hua? vishesh aatmaon ko vishesh kaarya karna hai। baapdaada vishesh dinon par vishesh roop se bachchon ki aur bhakton ki teenon hi roop se seva karte hain। vishesh aatmaon ko khaas apne yaadgaar ke din saakshaatkaarmoorta ban, saakshaat baapdaada samaan aatmaon ke prati apni kalyaan ki bhaavna se, apne roohaani sneh ke swaroop se, apne sookshm shaktiyon dvaara aatmaon mein bal bharna chaahiye। jaise avyakt roop mein baapdaada chaaron or bachchon ki seva karte hain। woh samajhte hain ki baapdaada ne mere se mulaakaat ki, meri yaad ka respaansa diya va meri yaad ka pratyaksha phal mainne anubhav kiya athva bhakta bhi anubhav karte hain ki hamaare pyaar va bhaavna ka phal bhagwan ne poora kiya, yeh anubhav practical roop mein hota rehta hai।

aise vishesh aatmaon ko apne avyaktasthiti mein, apni roohaani light aur might ki sthiti dvaara light-house aur might-house ban ek sthaan par rehte hue bhi chaaron or alaukik roohaaneesarviski bhaavna aur vritti dvaaraasarviskarni chaahiye। isko kehte hain behad ki service। aise anubhav va mahsoos hona chaahiye ki meri praja va bhakta aaj vishesh roop se yaadgaar ke din mujh vishesh aatma ko yaad kar rahe hain। alpakaal ke riddhi-siddhi vaale ek sthaan par rehte hue apne bhakton ko apne roop ka pratyaksha saakshaatkaar kara sakte hain, to kya vishesh aatmaaen apne light aur might dvaara bhakton ko va praja ko apni seva dvaara anubhav nahin kara sakte hain? to jab aise vishesh yaadgaar ke din aate hain to vishesh aatmaon ko aisi vishesh sarvispar anubhav karna chaahiye। aiseesarviski? achha, yeh rahi service। aur deepaavli ke din apne prati vishesh attention raha? aaj ke din apne aatma ke sanskaaron mein sada ke liye parivartan laane ka vishesh attention diya? jab yaadgaar roop mein aaj ka din puraane khaate khatma karne ki reeti roop mein chalta aa raha hai, woh avashya practical roop mein aap aatmaon ne kiya hai tab to yaadgaar chalta aaya hai। to aaj ke din apne puraane sanskaaron ka zara bhi raha hua khaata khatma kiya? khatma karne ke pahle apne khaate ko check kiya jaata hai, rijaltanikaali jaati hai। aise aap sabhi ne apna potaamel check kiya? kya check karna hai? aaj ke din tak jo bhi purooshaartha chala uskeerijaltaab tak kin baaton mein aur kis percentage mein saphaltaamoorta bane? pahle apne mansa sankalpon ko, potaamel ko check karo ki - ‘‘ab tak sampoorn shreshtha sankalpon ke purooshaartha mein kahaan tak saphalta aai hai? vyartha sankalpon va vikalpon ke oopar kahaan tak vijayi bane hain aur vaani dvaara kahaan tak aatmaon ko baap ka parichay de sakte, kitni aatmaon ko baap ke snehi va sahayogi bana sakte hain? vaacha mein kahaan tak roohaaniyat va alaukikta va aakarshan aai hai? aise hi karmana dvaara sada nyaare aur pyaare, alaukik, asaadhaaran karma kahaan tak kar sakte hain? karmon mein kahaan tak karmayogi ka, yogayukta, yuktiyukta, snehayukta roop laaya hai? apne sanskaaron aur svaroopon mein arthaat soorat mein kahaan tak baap samaan aakarshan roop, snehi roop, sahayogi roop bane?’’ aise apna potaamel check karne se ab tak jo kami va kamzori rah gai hai usko samaapta kar naya khaata shuru kar sakenge। aisa apna potaamel check karo।

isko kehte hain deepaavli manaana athva apne ko sampoorn banaane ka dridh sankalp karna hi manaana hai। to aise deepaavli manaai hai ki sirf milan manaaya? milan manaane ka yaadgaar maala ke roop mein hai lekin dridh sankalpon ka yaadgaar deepak ke jyoti roop ka hai। to donon roop se manaaya? naye vastra pahne? aatma ko naya chola kis aadhaar se milta hai? sanskaaron ke aadhaar se milta hai na। aatma ke jaise sanskaar hote hain us pramaan hi chola taiyaar hota hai। to naya chola va naye vastrakaunse pahnenge? aatma mein naye yug ke sanskaar va naye yug ke sthaapak baap jaise sampoorn sanskaaron ko dhaaran karna-yahi naye vastraphanna hai। shareer mein naye vastra bhale kitne bhi pahno lekin aaj ki puraani duniya ki nai vastu bhi nai duniya ke aage puraani hai kyonki jadajdeebhoot avastha ko praapta ho chuke hain। isliye naye vastra pahno to bhi naye nahin kahenge। satopradhaan duniya mein hi sab-kuchh naya hai। tamopradhaan duniya ki cheezen sabhi puraani hain। asaar hain। to unko naya kahenge kya? to naya vastraarthaat apni aatma ke naye sanskaar, shreshtha sanskaar dhaaran karna hai। aur kya karenge? jab naye sanskaar dhaaran kar liye hain to potaamel rakhne se potaai ho jaayegi na। to potaamel rakhna - yahi potaai arthaat saphaai, svachchhata hai। jaise potaai karte hain to jo bhi gandagi va keetaanu hote hain woh svatah hi khatma ho jaate hain। to jab aisa potaamel check karenge to jo bhi kamjori hogi woh svatah hi khatma ho jaayegi। ek-do mein apne madhur bol se len-den kya karenge? jaise deepaavli par ek-do se kharcha lete hain na। aap log ek-do mein kaunseekharcheedenge। aapke paas kaunsi cheez hai jo ek do ko kharcha denge? (sneh ki kharcha) snehi to ek-do ke sada ke liye ho, ki aaj ke din khaas snehi banenge? snehi to ho aur isi sneh ki nishaani, ek-do ke sameepta ki nishaani deepmaala kaha jaata hai। vishesh dinon par vishesh kharcha kaunsi deni hai? jo ab tak apne purooshaartha dvaara sahaj saphalta praapta hui ho va anubhav hua ho, aisa apne anubhav ka gyaan-ratna, jis dvaara practical anubhvi ban anubhvi bana sakte ho, aisa ratna ek-do ko kharcha ke roop mein vishesh roop se dena chaahiye। samjha? baap ke khazaane ko apne anubhav dvaara jo apna banaaya aisa apna banaaya hua gyaan-ratna ek do ko dena chaahiye, jisse woh aatma bhi isse sahaz anubhvi ban jaaye। yeh hai kharcha। to ek- do ko aisi kharcha deni chaahiye jo sada ke liye yaad roop ban jaae। jab aisa ratna kisko denge to sada ke liye us aatma ko baap ke saath aapke diye hue ratna ki yaad zaroor rahegi। to kisko sada ke liye sampanna karne vaali kharcha deni chaahiye। aisi deepaavli manaao aur aise hi shreshtha aatma ban anya aatmaon ki shreshtha seva karo।

aaj ke din sarva aatmaaen dhan ke pyaasi hain। to aisi pyaasi aatmaon ko aisa roohaani dhan do jisse kabhi bhi aatma ko dhan maangane ki aavashyakta hi na rahe। dhan kaun maangate hain? bhikhaari। aaj ke din aatma bhikhaari banti hai। royal bhikhaari kaho। kitne bhi karodapti hon, lekin aaj ke din bhikhaari bante hain। aisi bhikhaari aatma ko bhikhaareepan se chhudaao, yeh hai behad ki seva। daata ke bachche ho na। to daata ke bachche, vardaata ke bachche, apne vardaan ki shakti se, gyaan-daan ki shakti se bhikhaariyon ko maalaamaal banaao। aaj ke din in bhikhaari aatmaon ke oopar vidhaata aur vardaata ke bachchon ko taras padna chaahiye। jin aatmaon ko aisa taras padta hai, unhon ko hi maaya aur vishwa ki aisi aatmaaen namaskaar karti hain। isliye ab tak bhi deepak jagaate hain। jab light jalaate hain to namaskaarazroorkarte hain। to aisi jyoti jagi hui aatmaon ki yaadgaar abhi tak bhi kaayam hai। bujhe hue deepak ko namaskaar nahin karte। to sada jaagti jyoti bano। aisi aatmaon ko baapdaada bhi namaste karte hain। achha।