गुरुवार 3 फ़रवरी 1972 की अव्यक्त मुरली

>

03-02-72om shanti avyakt baapdaadaamdhuban

svayan ke jaanne se sanyam aur samay ki pahchaan

jaisebaap ke liye kaha hua hai ki woh jo hai, jaisa hai, vaisa hi unko jaanne vaala sarva praaptiyaan kar sakta hai। vaise hi svayan ko jaanne ke liye bhi jo hoon, jaisa hoon, aisa hi jaan kar aur maan kar saara din chalte-phirte ho? kyonki jaise baap ko sarva svaroopon se va sarva sambandhon se jaanna aavashyak hai, aise hi baap dvaara svayan ko bhi aisa jaanna aavashyak hai। jaanna arthaat maanna। main jo hoon, jaisa hoon - aise maankar chalenge to kya sthiti hogi? deh mein videhi, vyakta mein hote avyakt, chalte-phirte pharishta va karma karte hue karmaateet। kyonki jab svayan ko achhi tarah se jaan aur maan lete hain; to jo svayan ko jaanta hai us dvaara koi bhi sanyam arthaat niyam neeche-oopar nahin ho sakta। sanyam ko jaanna arthaatsanyam mein chalna। svayan ko maankar ke chalne vaale se svatah hi sanyam saath-saath rehta hai। unko sochna nahin padta ki yeh sanyam hai va nahin, lekin svayan ki sthiti mein sthit hone vaala jo karma karta hai, jo bol bolta hai, jo sankalp karta hai vahi sanyam ban jaata hai। jaise saakaar mein svayan ki smriti mein rahne se jo karma kiya vahi brahman parivaar ka sanyam ho gaya na। yeh sanyam kaise bane? brahma dvaara jo kuchh chala vahi brahman parivaar ke liye sanyam bana। to svayan ki smriti mein rahne se har karma sanyam ban hi jaata hai aur saath-saath samay ki pahchaan bhi unke saamne sadaiv spashta rehti hai। jaise bade officers ke saamne saara plan hota hai, jisko dekhte hue woh apni-apni kaarobaar chalaate hain। jaise aeroplane va steamer chalaane vaalon ke paas apne-apne plans hote hain jisse woh raaste ko spashta samajh jaate hain। isi prakaar jo svayan ko jaanta hai usse sanyam automatically chalte rehte hain aur samay ki pahchaan bhi aise spashta hoti hai। saara din svayan jo hai, jaisa hai vaisi smriti rehti hai। isliye gaaya hua bhi hai - jo karma main karoonga mujhe dekh sabhi karenge। to aise svayan ko jaanne vaala jo karma karega vahi sanyam ban jaayega। unko dekh sabhi follow karenge। aisi smriti sada rahe। pahli stage jo hoti hai usmein purooshaartha karna padta hai, har kadam mein sochna padta hai ki yeh right hai va rong hai, yeh hamaara sanyam hai va nahin? jab svayan ki smriti mein sada rehte hain to natural ho jaata hai। phir yeh sochne ki aavashyakta nahin rehti। kab bhi koi karma bina sanyam ke ho nahin sakta। jaise saakaar mein svayan ke nashe mein rahne ke kaaran athoriteese kah sakte the ki agar saakaar dvaara ulta bhi koi karma ho gaya to usko bhi sulta kar denge। yeh authority hai na। utni authority kaise rahi? svayan ke nashe se। svayan ke swaroop ki smriti mein rahne se yeh nasha rehta hai ki koi bhi karma ulta ho hi nahin sakta। aisa nasha nambarvaar sabhi mein rehna chaahiye। jab follow father hai to follow karne vaalon ki yeh stage nahin aayegi? isko bhi follow karenge na। saakaar roop phir bhi pahli aatma hai na। jo first aatma ne nimit bankar ke dikhaaya, to unko second, third jo nambarvaar aatmaaen hain woh sabhi baat mein follow kar sakti hain। niraakaar swaroop ki baat alag hai। saakaar mein nimit bankar ke jo kuchh karke dikhaaya woh sabhi follow kar sakte hain nambarvaar purooshaartha anusaar। isi ko kaha jaata hai apne mein sampoorn nishchay-buddhi। jaise baap mein 100% nishchaybuddhi bante hain, to baap ke saath-saath svayan mein bhi itna nishchaybuddhizroor banen। svayan ki smriti ka nasha kitna rehta hai? jaise saakaar roop mein nimit ban har karma sanyam ke roop mein karke dikhaaya, aise practical mein aap logon ko follow karna hai। aisi stage hai? jaise gaadi agar theek patte par chalti hai to nishchay rehta hai - accident ho nahin sakta। bephikra ho chalaate rahenge। vaise hi agar svayan ki smriti ka nasha hai, foundation theek hai to karma aur vachan sanyam ke bina ho nahin sakta। aisi stage sameep aa rahi hai। isko hi kaha jaata hai sampoorn stage ke sameep। is svamaan mein sthit hone se abhimaan nahin aata। jitna svamaan utni nirmaanta। isliye unko abhimaan nahin rahega। jaise nishchay ki vijay avashya hai, isi prakaar aise nishchaybuddhi ke har karma mein vijay hai; arthaat har karma sanyam ke pramaan hai to vijay hai hi hai। aise apne ko check karo - kahaan tak is stage ke najdeek hain? jab aap log najdeek aayenge tab phir doosron ke bhi number najdeek aayenge। din-pratidin aise parivartan ka anubhav to hota hoga। verify karaana, ek do ko regard dena woh doosri baat hai lekin apne mein nishchay rakh koi se poochhna woh doosri baat hai। woh jo karma karega nishchaybuddhi hoga। baap bhi bachchon ko regard dekar ke raay-salaah dete hain na। aisi stage ko dekhna hai kitna najdeek aaye hain? phir yeh sankalp nahin aayega - pata nahin yeh right hai va rong hai; yeh sankalp mit jaayega kyonki master knowledgeful ho। svayan ke nashe mein kami nahin honi chaahiye। kaarobaar ke sanyam ke pramaan ek do ko regard dena - yeh bhi ek sanyam hai। aisi stage hai, jaise ek sample roop mein dekha na! to saakaar dvaara dekhi hui baaton ko follow karna to sahaj hai na। to aisi stage samaanta ki aa rahi hai na। abhi aise mahaan aur guhyagti vaala purooshaartha chalna hai। saadhaaran purooshaartha nahin। saadhaaran purooshaartha to bachpan ka hua। lekin ab vishesh aatmaon ke liye vishesh hi hai। achha!