शनिवार 22 जुलाई 1972 की अव्यक्त मुरली

>

22-07-72om shanti avyakt baapdaadaamdhuban

nashtomoha banne ki bhinna-bhinna yuktiyaan

apne ko harek smriti-swaroop samajhte ho? smriti-swaroop ho jaane se sthiti kya ban jaati hai aur kab banti hai? smriti-swaroop tab bante hain jab nashtomoha ho jaate hain। to aise nashtomoha smriti-swaroop bane ho ki abhi vismriti swaroop ho। smriti swaroop se vismriti mein kyon aa jaate ho? zaroor koi-na-koi moh arthaat lagaav ab tak raha hua hai। to kya jo baap se pahal-pahla vaayda kiya hai ki aur sang tod ek sang jodenge; kya yeh pahla vaayda nibhaane nahin aata hai? pahla vaayda hi nahin nibhaayenge to pahle nambarke poojya mein, raajya-adhikaari va raajya ke sambandh mein kaise aavenge? kya second janma ke raajya mein aana hai? jo pahla vaayda ‘nashtomoha hone ka’ nibhaate hain vahi pahle janma ke raajya mein aate hain। pahla vaayda vaho va pahla paath kaho va gyaan ki pahli baat kaho va pahla alaukik janma ka shreshtha sankalp kaho - kya isko nibhaana mushkil lagta hai? apne swaroop mein sthit hona va apne aap ki smriti mein rehna - yeh koi janma mein mushkil laga? sahaj hi smriti aane se smriti-swaroop bante aaye ho na। to is alaukik janma ke sva swaroop ko smriti mein mushkil kyon anubhav karte ho? jabki saadhaaran manushya ke liye bhi kahaavat hai ki manushya aatma ki visheshta hi yeh hai ki manushya jo chaahe woh kar sakta hai। pashuon aur manushyaatma mein mukhya antar yahi to hai। to jab saadhaaran manushyaatma jo chaahe so karke dikha rahi hai; to kya aap shreshtha manushya aatmaaen, shakti-swaroop aatmaaen,knowledgeful aatmaaen, baap ke sameep samparka mein aane vaali aatmaaen, baap ki direct paalna lene vaali aatmaaen, poojneey aatmaaen, baap se bhi shreshtha martaba paane vaali aatmaaen jo chaahe woh nahin kar sakti hain? to saadhaaran aur shreshtha mein antar hi kya raha? saadhaaran aatmaaen jo chaahe kar sakte hain lekin jab chaahe, jaise chaahe vaise nahin kar sakteen। kyonki unhon mein prakriti ki power hai, eeshvareey power nahin hai। eeshvareey power vaali aatmaaen jo chaahe, jab chaahe, jaise chaahe vaise kar sakte hain। to jo visheshta hai usko practical mein nahin la sakte ho? va aap log bhi abhi tak yahi kehte ho ki chaahte to nahin hain lekin ho jaata hai jo chaahte hain woh kar nahin paate hain। yeh bol master sarvashaktivaan ke va shreshtha aatmaon ke nahin hain। saadhaaran aatmaon ka hai। to kya apne ko saadhaaran aatmaaen kahla sakte ho? apna alaukik janma, alaukik karma jo hai usko bhool jaate ho। kisi bhi vastu se va kisi bhi vyakti se koi bhi vyakta bhaav se lagaav kyon hota hai? kya jo bhi vastu dekhte ho, un vastuon ki tulna mein jo alaukik janma ki praapti hai woh aur yeh vastuen - unhon mein raat-din ka antar nahin anubhav hua hai kya? kya vyakta bhaav se praapta hua duhkh-ashaanti ka anubhav ab tak poora nahin kiya hai kya? jo bhi vyaktiyaan dekhte ho un sarva vyaktiyon se puraani duniya ke naaton ko va sambandh ko is alaukik janma ke saath samaapta nahin kiya hai? jab janma naya ho gaya to puraane janma ke vyaktiyon ke saath puraane sambandh samaapta nahin ho gaye kya? naye janma mein puraane sambandh ka lagaav rehta hai kya। to vyaktiyon se bhi lagaav rakh hi kaise sakte ho? jabki woh janma hi badal gaya to janma ke saath sambandh aur karma nahin badla? va to yeh kaho ki ab tak alaukik janma nahin hua hai। saadhaaran reeti se jahaan janma hota hai, janma ke pramaan hi karma hota hai, sambandh samparka hota hai। to yahaan phir janma alaukik aur sambandh laukik se kyon va karma phir laukik kyon? to ab bataao, nashtomoha hona sahaj hai va mushkil hai? mushkil kyon hota hai? kyonki jis samay moh utpanna hota hai us samay apni shakla nahin dekhti ho? aaeena to mila hua hai na। aaeena saath mein nahin rehta hai kya? agar sikal ko dekhenge to moh khatma ho jaavega। agar yeh dekhne ka abhyaas pad jaaye to abhyaas ke baad na chaahte bhi baar-baar svatah hi aaeene ke taraph khiaanch jaavengi। jaise sthool mein kaiyon ko aadat hoti hai baar-baar dekhne ki। programme nahin banaate lekin automatically aaeene taraph chale jaate hain। kyonki abhyaas hai। yeh bhi nolejroopi darpan mein, apne svamaan roopi darpan mein baar-baar dekhte raho to deh-abhimaan se phauran hi svamaan mein aa jaayenge। jaise sthool shareer mein koi bhi antar maaloom hota hai to aaine mein dekhne se phauran hi isko theek kar dete hain। vaise hi is alaukik darpan mein jo vaastav ka swaroop hai isko dekhte huye jo deh-abhimaan mein aane se vyartha sankalpon ka swaroop, vyartha bol ka swaroop va vyartha karma va sambandh ka swaroop spashta dekhne se vyartha ko samartha mein badal lete phir yeh moh rahega kya। aur jab nashtomoha ho jaavenge to nashtomoha ke saath sada smriti-swaroop svatah hi ho jaayayenge। sahaj nahin hain? jab sarva praapti ek dvaara hoti hai to us mein tripta aatma nahin hote ho kya! koi apraapta vastu ho jaati hai tab to tripta nahin hote hain। to kya sarva praapti ka anubhav nahin hota hai? abhi tripta aatma nahin bane ho। jo baap de sakte hain, kya woh yeh vinaashi aatmaaen itne janmon mein de saki hai? jab anek janmon mein bhi anek aatmaaen vahcheezvah praapti nahin kara saki hai aur baap dvaara ek hi janma mein praapta hoti hai to bataao buddhi kahaan jaani chaahiye? bhatkaane vaalon mein, roolaane vaalon mein, thukraane vaalon mein va thikaana dene vaalon mein? jaise aap aur aatmaon se bahut prashn karte ho na। to baap ka bhi aap aatmaon se yahi ek prashn hai। is ek prashn ka hi uttar ab tak de nahin paaye ho। jinhonne is prashn ka uttar diya hai woh sada ke liye prasanna rehte hain। jinhonne uttar nahin diya hai woh baar-baar utarti kala mein utarte hi rehte hain। nashto moha banne ke liye apni smriti swaroop ko change karna padega। moh tab jaata hai jab yeh smriti rehti hai ki ham grihasthi hain। hamaara ghar, hamaara sambandh hai tab moh jaata hai। yeh to is had ke jimmevaari ko behad ke jimmevaari mein parivartan kar lo to behad ki jimmevaari se had ke jimmevaari svatah hi poori ho jaavengi। behad ko bhoolkar aur had ke zimmevaari ko nibhaane ke liye jitna hi samay aur sankalp lagaati ho itna hi nibhaane ke bajaay bigaadte jaate ho। bhale samajhte ho ki ham pharja nibha rahe hain va karttavya ko sambhaal rahe hain। woh nibhaana va sambhaalna nahin hain। aur hi apne had ki smriti mein rahne ke kaaran un nimit bani hui aatmaon ke bhi bhaagya banaane ke bajaay bigaadne ke nimit banti ho। jo phir woh aatmaaen bhi aapke alaukik chalan ko na dekhte huye alaukik baap ke saath sambandh jodne mein vanchit rah jaate hain। to pharja ke bajaay aur hi apne aap mein bhi merge laga dete ho। yeh moh ka merge hai। aur vahi merge anek aatmaon mein bhi svatah hi lag jaata hai। to jisko pharja samajh rahi ho woh pharja badalkar ke merge ka roop ho jaata hai। isliye sada apne is smriti ko parivartan karne ka purooshaartha karo। main grihasthi hoon, phalaane bandhan vaali hoon va main phalaane jimmevaari vaali hoon – uske bajaay apne mukhya 5 swaroop smriti mein laao। jaise 5 mukhi brahma dikhaate hain na। 3 mukh bhi dikhaate hain, 5 mukh bhi dikhaate hain। to aap braahmanon ko bhi 5 mukhya swaroop smriti mein rahen to merge nikal vishvake kalyyaankaari ke pharja menchalen jaayenge। woh swaroop konse hain jis smriti-swaroop mein rahne se yeh sabhi roop bhool jaaven? smriti mein rakhne ke 5 swaroop bataao। jaise baap ke 3 roop bataate ho vaise aap ke 5 roop hain - (1) main bachcha hoon (2) godly student hoon(3) roohaani yaatri hoon (4) yoddha hoon aur (5) eeshvareey va khudaai-khidmatgaar hoon। yeh 5 swaroop smriti mein rahen। savere uthne se baap ke saath rooh-roohaan karte ho na। bachche roop se baap ke saath milan manaate ho na। to savere uthne se hi apna yeh swaroop yaad rahe ki main bachcha hoon। to phir grihasthi kahaan se aavegi? aur aatma baap se milan manaave to milan se sarva praapti ka anubhav ho jaaye। to phir buddhi yahaan-vahaan kyon jaavegi? isse siddha hai ki amritvele ki is pahle swaroop ki smriti ki hi kamzori hai। isliye apne girti kala ke roop smriti mein aate hain। aise hi saare din mein agar yeh paanchon hi roop samay- prati-samay bhinna karma ke pramaan smriti mein rakho to kya smriti-swaroop hone se nashtomohaah nahin ho jaavenge? isliye bataaya -- mushkil ka kaaran yeh hai jo sikal ko nahin dekhti ho। to sadaiv karma karte hue apne darpan mein in svaroopon ko dekho ki in svaroopon ke badli aur swaroop to nahin ho gaya। roop bigad to nahin gaya। dekhne se bigde hue roop ko sudhaar lenge aur sahaj hi sadaakaal ke liye nashtomohaah ho jaavenge। samjha? abhi yeh to nahin kahenge ki nashtomohaah kaise bane? nahin। nashtomohaah aise bane। ‘kaise’ shabd ko ‘aise’ shabd mein badal dena hai। jaise yeh smriti mein laati ho ki ham hi aise the, ab phir se aise ban rahe hain। to ‘kaise’ shabd ko ‘aise’ mein badal lena hai। ‘kaise bane’ iske bajaaye ‘aise bane’, ismen parivartan kar lo to jaise the vaise ban jaavenge। ‘kaise’ shabd khatma ho aise ban hi jaavenge। achha!

aise second mein apne ko vismriti se smriti-swaroop mein laane vaale nashtomoha sada smriti-swaroop banne vaale samartha aatmaon ko baapdaada ka yaad-pyaar aur namaste।