मंगलवार 23 जनवरी 1973 की अव्यक्त मुरली

>

23-01-73 om shanti avyakt baapdaadaamdhuban

"sampoorn-moortta banne ke chaar stambha"

bachchon ke sada snehi, sahayogi,sarvashaktiyon mein samaan banaane vaale,sarva-siddhiyon ki praapti karaane vaale aur pratyaksha phal dene vaale baba bole:-

sabhi apne ko sampoorn banaane ke purooshaartha mein chal rahe ho? sampoorn moortta banne ke liye mukhya chaar visheshtaae dhaaran karni hain-jisse sahaj hi sampoorn moortta ban sakte ho। jaise auron ko yog ki sthiti mein sada ek-ras sthiti mein sthit hone ke liye, chaar mukhya niyam - stambha ke roop mein dikhaate ho va bataate ho,aise hi sada sampoorn moortta banne ke liye yeh chaar visheshtaayen stambha ke roop mein hain। woh kaun-si hain? - 1.gyaan-moortta, 2. gun-moortta, 3. mahaadaani-moortta,aur 4. yaad-moortta arthaat tapasvi-moortta। yeh chaaron hi visheshtaayen apne mein laane se sampoorn sthiti bana sakte ho। ab yeh dekho ki apni moortta mein yeh chaaron hi visheshtaayen pratyaksha roop mein anubhav hoti hain va anya aatmaon ko bhi dikhaai deti hain?

gyaan-moortta arthaat sadaiv buddhi mein gyaan ka sumiran chalta rahe। sadaiv vaani mein gyaan ke hi bol varnan karte rahe। har karma dvaara gyaan swaroop arthaat master knowledgeful aur master sarvashaktimaan-in mukhya svaroopon ka saakshaatkaar ho। usko kaha jaata hai ‘gyaan-moortta’। is prakaar se man, vaani aur karma dvaara ‘gun-moortta’,mahaadaani-moortta aur yaad arthaat tapasya moortta pratyaksha roop mein dikhaai den। jaise laukik padhaai mein teen maas,chhah maas, nau maas ka imtahaan lete hain, jisse harek ko apni padhaai ka maaloom pad jaata hai,aise hi eeshvareey padhaai ka ab kaaphi samay beet chuka hai। isliye yeh vishesh maas yaad ki yaatra mein rah apni chaiking (checking) karne ke liye arthaat svayan apna shikshak ban, saakshi ban apna paper le dekhne ke liye diya hua hai। ab sirf final paper hi raha hua hai। isliye apni result (RESULT) ko dekh check karo ki in chaaron visheshtaaon mein se kis visheshta mein aur kitni percentage ki kami hai। kya final paper mein sampoorn paas hone ke yogya sarva yogyataayen hain? yeh maas parinaam dekhne ka hai। percentage agar kam hai to sampoorn stage kaise pa sakenge? isliye apni kami ko jaankar use bharne ka teevra purooshaartha karo। ab yeh thoda sa samay phir bhi draamaanusaar purooshaartha ke liye mila hua hai। lekin final paper hone se pahle apne ko sampoorn banaana hai। apna result dekha hai? jaise is maas mein chaaron or yaad ki yaatra ka umang aur utsaah raha hai,iska result kya samajhti ho? kitne marks (Marks) denge? bhale harek ka apna-apna to hai phir bhi chaaron or ke vaataavran va vaayumandal va purooshaartha ki umang aur utsaah ke result mein kitne marks kahenge? total poochhte hain। sabhi ke purooshaartha ka prabhaav madhuban tak pahunchta hai na? kya trikaaldarshi nahin ho? apne sameep parivaar ki aatmaon ke purooshaartha ke trikaaldarshi nahin ho kya?kya bhavishya ke hi trikaaldarshi ho? vartamaan ke nahin ho?vaaibreshnas se aur vaayumandal se parakh nahin sakte ho?

jab science (Science) vaale prithvi se space (Space)mein jaane vaalon ki har gati aur har vidhi ko jaan sakte hain to kya yaad ke bal se aap apne shreshtha purooshaartha ki gati aur vidhi ko nahin jaan sakte ho? last mein jaanenge jab aavashyakta nahin hogi? abhi se yeh jaanne ka abhyaas bhi hona chaahiye-catching power (CatchingPower) chaahiye। jaise science door ki aavaaz ko catch kar chaaron or suna sakti hai to aap log bhi shuddh-vibration; shuddh-vrittiyon va shuddh-vaayumandal ko catch nahin kar sakti ho? yeh catching power pratyaksha roop mein anubhav hogi। jaise aajkal door se scene teleevijan dvaara spashta dikhaai dete hain, vaise divya-buddhi banne se, sirf ek yaad ke shuddh-sankalp mein sthit rahne se aap sabhi ko bhi ek doosre ki sthiti va purooshaartha ki gati-vidhi aise spashta dikhaai degi। yeh science bhi kahaan se nikli?silence(Silence) ki shakti se hi science nikli hai। science aap logon ki vaastavik sthiti aur sampoorn stage ko samjhaane ke liye ek saadhan nikla hai। kyonki sookshm shakti ko jaanne ke liye tamoguni buddhi vaalon ke liye koi sthool saadhan chaahiye। jis shreshtha aatma mein ye chaaron hi visheshtaayen, sampoorn percentage mein arthaat jisko saint percent kehte hain, emerge roop mein hongi,aisi aatma mein sarva-siddhiyon ki praapti dikhaai degi? yeh siddhi apne vartamaan samay ke purooshaartha mein dikhaai deti hain? kuchh percentage mein bhi dikhaai deti hain ya yeh stage abhi door hai? kuchh sameep dikhaai deti hai। yoon to is maas ki result chaaron or ki bahut achhi rahi। ab aage kya karenge?yaad ki yaatra mein rahne se koi naye plaansa practical mein laane ke liye emerge hue?jaise chaaron or sangathan ke roop mein yaad ka bal apne mein bharne ka purooshaartha kiya vaise ab phir aane vaale yeh do maas vishesh bulanda aavaaz se chaaron or baap ko pratyaksha karne ke nagaare bajaane hain। jin nagaaron ki aavaaz ko sunkar soi hui aatmaayen jaag jaayen। chaaron or yeh aavaaz kaun-sa hai aur is samay kaisa shreshtha karttavya chal raha hai?

harek aatma apna shreshtha bhaagya ab hi bana sakti hai। aise hi chaaron or bhinna-bhinna yuktiyon se bhinna-bhinna programme se baap ki pahchaan ka nagaada bajaao। in do maas mein sabhi ko is vishesh kaarya mein apni visheshta dikhaani hai। jaise yaad ki yaatra mein harek ne apne purooshaartha pramaan race mein aage badhte rahne ka purooshaartha kiya, vaise ab is do maas ke andar baap ko pratyaksha karne ke naye-naye plaansa practical mein laane ki race karo। phir result sunaayenge ki is race mein first, second aur third prize lene vaale kaun-kaun nimitta bane?chance bhi bahut achha hai। shiv jayanti ka mahotsav bhi in do maas mein hain na? isliye ab result dekhenge। ek maas ke andar yogbal ki praapti ka kya anubhav kiya? ab yogbal dvaara aatmaon ko jagaane ka karttavya karo aur saboot dikhaao। jaise baapdaada se bhi purooshaartha ka pratyaksha phal praapta hota hai vaise return mein pratyaksha phal dikhaao aur sarva shaktivaan baap ki paalna ka pratyaksha swaroop dikhaao। saakaar roop dvaara bhi bahut paalna li aur avyakt roop dvaara bhi paalna li। ab anya aatmaon ki gyaan ki paalna karke unko bhi baap ke sammukh laao aur baap ke sameep laao।

drama mein ab yeh jo samay chal raha hai athva abhi ka jo yeh varsha chal raha hai ismen bahut anokhi baaten dekhenge। iske liye aarambha mein vishesh yaad ka bal bharne ka chonsa mila hai। ab bahut jaldi naye-naye najaare aur nai- nai baaten sunenge aur dekhenge। iske liye avyakt sthiti aur avyakt milan ka vishesh anubhav karna hai। jo kisi bhi samay milan dvaara buddhi-bal se apne purooshaartha va vishwa-seva ke sarva kaarya mein saphalta-moortta ban sako। ab avyakt milan ka anubhav kiya? jis samay chaaho, ya jis paristhiti mein chaaho, us samay us roop se milan milaane ka anubhav kar sakte ho? kya yeh practice ho gayi? jab thodi-si practice ki hai to usko badha sakte ho na? tareeka to sabhi ko aa gaya hai? yeh to bahut sahaj tareeka hai। jisse jis desh mein, jis roop mein milna chaahte ho vaisa apna vesh bana lo। agar apna vesh bana liya,to us vesh mein aur us desh mein pahunch hi jaayenge aur us desh ke vaasi baap se anek roop se milan mana sakenge। sirf us desh ke samaan vesh dhaaran karo। arthaat sthool vesh aur sthool shareer ki smriti se pare sookshm shareer arthaat sookshm desh ke veshdhaari bano। kya bahuroopi nahin ho? kya vesh dhaaran karna nahin aata? jaise aajkal ki duniya mein jaisa karttavya vaisa vesh dhaaran kar lete hain,vaise aap bhi bahuroopi ho?to jis samay,jaisa karma karna chaahte ho kya vaisa vesh dhaaran nahin kar sakte? abhi-abhi saakaari aur abhi-abhi aakaari,jaise sthool vastra sahaj badal sakte ho to kya apni buddhi dvaara apne sookshm shareer ko dhaaran nahin kar sakte ho?sirf bahuroopi ban jaao। to sarva svaroopon ke sukhon ka anubhav kar sakenge। bahut sahaj hai। apna hi to swaroop hai। koi nakli roop kisi doosre ka thode hi dhaaran karte ho? doosre ke vastra oopar neeche ho sakte hain, fit ho ya na hon। lekin apne vastra to sahaj hi dhaaran ho sakte hain। to yeh apna hi to roop hai। sahaj hai na? draamaanusaar yeh vishesh abhyaas bhi koi rahasya se noondha hua hai। kaun-sa rahasya bhara hua hai?touch hota hai?jo bhi sabhi bol rahe hain sabhi yathaartha hai kyonki ab yathaartha sthiti mein sthit ho na?vyartha sthiti to nahin hai? samartha shakti swaroop ki sthiti hai na?

ab drama ki reel jaldi-jaldi parivartit honi hai, jo ab vartamaan samay chal raha hai, yeh sabhi baaten parivartan honi hain। vyakta dvaara avyakt milan-yeh sabhi teevra parivartan hone hain। is kaaran avyakt milan ka vishesh anubhav vishesh roop se karaaya hai aur aage bhi avyakt sthiti dvaara avyakt milan ke vichitra anubhav bahut karenge। is varsha ko avyakt milan dvaara vishesh shaktiyon ki praapti ka vardaan mila hua hai। isliye aise nahin samajhna ki yeh maas samaapta hua lekin isi abhyaas ko aur isi anubhav ko jo lagaataar aage aage badhaate rahenge unko bahut naye-naye anubhav hote rahenge। samjha?

aise sarva gunon mein apne ko sampanna banaane vaale, apne sankalp, vaani aur karma dvaara sarva visheshtaayen pratyaksha karne vaale, baapdaada ke divya paalna ka pratyaksha phal dikhaane vaale,baap ke sada snehi, sada sahayogi, sarva-shaktiyon mein samaan banne vaale aur sarva-siddhiyon ko praapta karne vaali shreshtha aatmaon evan teevra purushaarthi aatmaon ko baapdaada ka yaad-pyaar aur namaste।

is murli ka gyaan-bindu

1. eeshvareey padhaai ka ab kaaphi samay beet chuka hai। isliye yaad ki yaatra mein rah apni chaiking karne ke liye arthaat svayan apna hi shikshak ban, saakshi ban apna paper lena hai।