मंगलवार 24 अप्रैल 1973 की अव्यक्त मुरली

>

24-04-73 om shanti avyakt baapdaadaamdhuban

alaukik janma-patri

gyaan ke saagar, sarva mahaan, shreshtha mat ke daata,karmon ki rekhaaon ke gyaata, sarva aatmaon ke pita shiv bole:-

is samay sabhi master sarvashaktivaan swaroop mein sthit ho? ek second mein apne is sampoorn stage par sthit ho sakte ho?is roohaani drill ke abhyaasi bane ho? ek second mein jis sthiti mein apne ko sthit karna chaaho, usmein sthit kar sakte ho? jitna samay aur jis samay chaahen tabhi sthit ho jaao,ismen abhyaasi ho,ki abhi tak bhi prakriti dvaara bani hui paristhitiyaan avastha ko apni taraph kuchh-na-kuchh aakarshit kar leti hain? sabhi se jyaada apni deh ke hisaab-kitaab,rahe hue karma-bhog ke roop mein aane vaali paristhitiyaan apni taraph aakarshit karti hain? yeh bhi aakarshan samaapta ho jaaye, isko kaha jaata hai - ‘sampoorn nashtomohah’। jis vastu se moh arthaat lagan hoti hai,woh apni taraph baar-baar aakarshit karti hai। koi bhi deh ki va deh ki duniya ki paristhiti sthiti ko hila nahin sake isi sthiti ka hi gaayan gaaya hua hai। angad ke roop mein jo kalpa pahle ka gaayan hai-yahi sampoorn stage hai। jo buddhi roopi paanv ko prakriti ki paristhitiyaan hila nahin saken, aise bane ho? lakshya to yahi hai na?abhi tak lakshya aur lakshan mein antar hai। kalpa pahle ke gaayan aur vartamaan practical jeevan mein antar hai। is antar ko mitaane ke liye teevra purooshaartha ki yukti kaun-si hai? jab yuktiyon ko jaante bhi ho phir antar kyon? kya netra nahin hain? ya netra bhi hain lekin netra ko yogya samay par use (Use) karne ki yogyata nahin hai?

jitni yogyata, utni mahaanta dikhaai deti hai? mahaanta ki kami ke kaaran jaante ho?jo mukhya maanyata sadaiv sunaate bhi rehte ho। us maanyata ki maheenta nahin hai। maheenta aane se mahaaveerta aa jaati hai। mahaaveerta arthaat mahaanta। to phir kami kis baat ki rahi - maheenta ki। maheen vastu to kisi mein bhi sama sakti hai। bina maheenta ke koi bhi vastu jahaan jaisa samaana chaahe vaise sama nahin sakti। jitni jo vastu maheen hoti hai utni maanneey hoti hai। powerful hoti hai।

to apne-aap se poochho ki pahli maanyata va sarva maanyataaon mein shreshtha maanyata kaun-si hai? shreemat hi aapki maanyata hai to pahli maanyata kya hai? (deh sahit sabhi kuchh bhoolna) chhodo ya bhoolo, bhoolna bhi chhodna hai। paas rehte bhi agar bhoole hue hain to chhoda hua hai। bhoolna bhi goya chhodna hai। jaise dekho sanyaasiyon ke liye aap log challenge karte ho ki unhonne chhoda nahin hai। kehte hain ghar-baar chhoda hai lekin chhoda nahin hai kyonki bhoole hue nahin hain। aise hi agar sarakmastaansij(Circumstances)pramaan baahar ke roop se agar chhoda bhi arthaat kinaara bhi kiya lekin man se yadi bhoole nahin to kya usko chhodna kahenge? yahaan chhodne ka arth kya hua? man se bhoolna। man se to aap bhoole ho na? to chhoda hai na ya ki abhi bhi chhodna hai? agar abhi tak bhi kahenge ki chhodna hai to phir bahut samay se chhodne vaalon ki list se nikal,abhi se chhodne vaalon ki list mein aa jaayenge।

jinhonne jab se man se tyaag kiya arthaat koi bhi deh ke bandhan va deh ke sambandh ko ek second mein tyaag kar diya un ki woh tithi-taareekh aur vela sabhi drama mein va baapdaada ke paas noondhi hui hai। jaise aajkal jyotishi, jyotish vidya ko jaanne vaale janma ki tithi aur vela ke pramaan apni yatha-yogya knowledge ke aadhaar se bhavishya janmapatri banaate hain। unhon ka bhi aadhaar tithi aur vela par hota hai। vaise yahaan bhi marjeeva janma ki tithi vela aur sthiti hai। ve log paristhiti ko dekhte hain kis paristhiti mein paida hua। yahaan us vela ke samay sthiti ko dekha jaata hai। janmate hi kis sthiti mein rahe, usi aadhaar par yahaan bhi harek ke bhavishya praarabdha ka aadhaar hai। to aap log bhi in teenon baaton ki tithi, vela aur sthiti ko jaante hue apne sangamayug ki praarabdha va sangamayug ki bhavishya sthiti aur bhavishya janma ki praarabdha apne-aap bhi jaan sakte ho। ek-ek baat ki praapti practical jeevan ke saath sambandhit hai। yeh hai hi apne takdeer ko jaanne ka netra। isse aap harek apni final stage (Final Stage) ke number ko jaan sakte ho।

jaise jyotishi haston ki lakeeron dvaara kisi ki bhi janma-patri ko jaan sakte hain, vaise aap log master trikaaldarshi,trinetri va gyaanasvaroop arthaat master knowledgeful hone ke naate apne marjeeva jeevan ki practical karma rekhaaon se, sankalpon ki sookshm lakeeron se agar sankalp ko chitra mein laayenge to kis roop mein dikhaavenge?apne sankalpon ki lakeeron ke aadhaar par va karmon ki rekhaaon ke aadhaar par apni janmapatri ko jaan sakte ho ki sankalp roopi lakeeren seedhi arthaat spashta hain?karma ki rekhaayen shreshtha arthaat spashta hain! ek to yeh check karo ki bahut kaal se sthiti mein va samparka mein shreemat ke pramaan bitaaya hai? yeh hai kaal arthaat samay ko dekhna। samay arthaat vela ka prabhaav bhi janmapatri par bahut hota hai। to yahaan bhi samay arthaat bahut samay ke hisaab se sambandh rakhta hai। bahut samay ka matlab yeh nahin ki sthool taareekhon va varshon ke hisaab se nahin,lekin jab se janma liya tab se bahut samay ki lagan ho। sabhi sabjektas mein yathaartha roop se kahaan tak bahut samay se rehte aaye hain, iska hisaab jama hoga। maano koi ko 35varsha hue hain lekin apne purooshaartha ki saphalta mein bahut samay nahin bitaaya hai to unki ginti bahut samay mein nahin aayegi। agar koi 35 varsha ke badle 15varsha se aa rahe hain lekin 15 varsha mein bahut samay purooshaartha ki saphalta mein raha hai to unki ginti jaasti mein aayegi। bahut samay saÌphalta ke aadhaar par gina jaata hai। to vela ka aadhaar hi hua na?

bahut samay ke lagan mein magna rahne vaale ko praarabdha bhi bahut samay tak praapta hoti hai। alpa kaal ki saphalta vaalon ki alpakaal arthaat 21janmon mein thode janma ki hi praarabdha hoti hai। baaki saadhaaran praarabdha। isliye jyotishi log bhi vela ko mahatva dete hain। bahut kaal se nirvighna arthaat karmon ki rekha clear ho, uska aadhaar janmapatri par hota hai। jaise haston ki line mein agar beech-beech mein lakeer kat hoti hain to shreshtha bhaagya nahin gina jaata hai va badi aayu nahin maani jaati hai। vaise hi yahaan bhi agar beech-beech mein vighnon ke kaaran baap se juti hui buddhi ki line kat hoti rehti hai, va clear nahin rehti hai to badi praarabdha nahin ho sakti।

abhi apne-aapko jaan sakenge ki hamaari janmapatri kya hai? kis pad ki praapti noondhi hui hai?janmapatri mein dashaayen bhi dekhte hain। jaise brihaspati ki dasha rehti hai। kya bahut samay brihaspati ki dasha rehti hai ya baar-baar dasha badalti rehti hai? kabhi brihaspati ki,kabhi raahu ki?agar baar-baar badalti hai arthaat nirvighna nahin hai to praarabdha bhi bahut samay ke liye nirvighna raajya mein nahin pa sakte। to yeh dashaayen check karo ki shuru se lekar abhi tak kaunsi dasha rahi hai?

janmapatri mein raashi dekhte hain। yahaan kaun-si raashi hai? yahaan teen raashi hain। ek hai mahaarthi ki raashi, doosri hai ghode savaar ki aur teesri hai pyaade ki। in teenon mein se apni raashi ko bhi dekho ki shuru se arthaat janma se hi purooshaartha ki raashi mahaarthi ki rahi, ya ghudasvaar ya pyaade ki rahi hai? is raashi ke hisaab se bhi janmapatri ka maaloom pad jaata hai। master trikaaldarshi ka gyaan-swaroop ban apni janmapatri svayan hi check karo aur apne bhavishya ko dekho। raashi ko va dasha ko va lakeeron ko badal bhi sakte hain। parakhne ke baad,check karne ke baad, phir change (Change)karne ka saadhan apnaana। sthool knowledge mein bhi kai saadhan bataate hain। yahaan to saadhan ko jaante ho na? to saadhnon dvaara sampoorn siddhi ko praapta karo। samjha?

aise gyaan-swaroop, buddhi dvaara siddhi ko praapta karne vaale, sampoornata ko apne jeevan se pratyaksha dikhlaane vaale,sada apni sva-sthiti se paristhiti ko paar karne vaale mahaaveeron ko baapdaada ka yaad-pyaar aur namaste। achha! om shanti।

is murli ki vishesh baaten

koi bhi deh ki va deh ki duniya ki paristhiti, sthiti ko hila na sake isi sthiti ka hi to gaayan hai ‘angad’ ke roop mein, jo buddhi roopi paanv ko prakriti ki paristhitiyaan hila na sakeen।