सोमवार 18 जून 1973 की अव्यक्त मुरली

>

18-06-73 om shanti avyakt baapdaadaamdhuban

vishesh aatmaon ki visheshta

har mushkil ko sahaj karne vaale pahaad ko raai banaane vaale, asambhav ko sambhav banaane vaale,srishti ke rachayita, vishwa-kalyaankaari baba bole:-

sabhi is samay apne shreshtha svamaan ke sinhaasan par sthit ho? shreshtha svamaan ka roop jaante ho? is samay vishwa rachayita ki direct rachna, pahli rachna, sarvashreshtha rachna aur rachayita ke ‘baalak so maalik’, jo baapdaada ke noore ratna ho,dil takhta nasheen ho, mastak ki maniyaan ho aur baapdaada ke karttavya mein madadgaar ho aur jo vishwa-kalyaankaari,vishwa ke aadhaarmoortta,vishwa ke aage shreshtha udaahran roop mein ho, kya aise sachche svamaan smriti mein rehte hain? sada svamaan ke sinhaasan par sthit rehte ho?ya sinhaasan par tik nahin paate ho? naam hi hai sinhaasan। iska arth kya hua? is par kaun sthit ho sakta hai? sarva shakti sampanna hi is aasan par arthaat sthiti mein sthit ho sakta hai। sinh arthaat sher ya sherni। agar sinh nahin bane ho to aasan par sthit nahin ho sakte ho। sinhaasan kis ke liye hai? jo sarvashaktimaan ki pahli rachna hai। pahli rachna mein rachayita ke samaan sarva-shaktiyaan swaroop mein dikhaai deti hain? pahli rachna ki visheshta jo is samay hai kya usko jaante ho?jis visheshta ke kaaran vishwa rachayita ke bhi maalik bante ho,baap se bhi vishesh poojya yogya bante ho,baap bhi aisi rachna ka gungaan karte hain, aur vandana karte hain,woh kaun-si visheshta hai?baap ka gaayan aatmaayen hi karti hain lekin aisi sarvashreshtha aatmaon ka gaayan svayan sarvashaktivaan karte hain arthaat paramatma dvaara aatmaon ka gaayan hota hai। svayan baap aisi aatmaon ka har roj baar-baar smaran karte hain। aisi vishesh aatmaon ki mukhya visheshta kya hai jo aise shreshtha bane ho? apni us visheshta ko jaante ho? avashya hi baap se bhi koi visheshta aapki jyaada hai। usko jaante ho?kis baat mein baap se bhi aage ho? woh visheshta sunaao। baapdaada se kis baat mein aage ho? ashta ratnon mein sirf shaktiyaan hain va paandav bhi aa sakte hain। jab bhaai-bhaai hain to aatmik roop ki sthiti mein sthit hui aatma ashta ratna ban sakte hain? ismen shakti athva paandavon ki baat nahin hai,apitu aatmik sthiti ki baat hai। donon aa sakte hain। paandavon ki seat bhi aath mein hai। achha first visheshta kya hui jo aatmaon ko baap ka bhi maalik banaati hai? vo baap se bhi shreshtha bante hain। yeh visheshta hai baap ko pratyaksha karna, baap ke sambandh mein sameep laana,baap ke vaaris banaana। yeh aap pahli rachna ka karttavya hai। baap bachchon dvaara hi pratyaksha hote hain। niraakaar baap aur saakaar brahma baap donon ko, apne nishchay, apne brahman jeevan ke aadhaar se, apne anubhav ke aadhaar se, vishwa ke aage prakhyaat kiya tab vishesh maante hain। to baap ko prakhyaat karne ki visheshta bachchon ki hai, isliye baap return mein vishwa ke aage, svayan gupta roop mein rah, shakti sena va paandav sena ko prakhyaat karte hain। to yeh visheshta bachchon ki hai isliye baap se bhi jyaada poojya bane ho। aisi apni visheshta smriti mein rehti hai ya bhool jaate ho?sangamayugi braahmanon ki visheshta sada smriti swaroop ki hai। to braahmanpan ki visheshta anubhav karte ho? shoodrapan arthaat vismrit swaroop। brahman ban kar bhi phir vismriti mein aaye to shoodra aur brahman mein antar hi kya hua? marjeeva janma ki alaukikta kya hui? vismriti laukikta hai arthaat woh is lok ki reeti-rasma hai। brahman ki rasma ‘sada smriti swaroop hai।’kab bhi apne laukik kul ki reeti-rasma va maryaadaayen kisko bhoolti hain kya? brahman kul ki reeti-rasma va maryaadaayen brahman hi bhool jaayen yeh sambhav (aasaan) hai kya? braahmanon ke reeti-rasma alaukik hain। is reeti-rasma mein chalna saadhaaran aur sahaj baat hai kyonki jab hain hi brahman। doosre kul ki reeti-rasma apnaana mushkil ho sakti hai। lekin yeh to aapke aadi ki reeti-rasma hai। natural jeevan ki baat hai। brahman janma ke sanskaaron ki baat hai, ismen mushkil kya hai? brahman jeevan ka sanskaar aur svabhaav kaunsa hai? sarva divya gun hi braahmanon ka svabhaav hai,jisko divya svabhaav kehte hain to divya gun braahmanon ki svaabhaavik cheez hai arthaat brahman-jeevan ka svabhaav sarva divyagun hain। gambheerta, ramneekta,harshitmukhta,sahansheelta,santosh, yeh braahmanon ke jeevan ka svabhaav hai aur sanskaar hai-’vishwa ke sevaadhaari।’jab brahman jeevan ka svabhaav aur sanskaar yahi hai to koi bhi gun ko dhaaran karna va sevaadhaari banne ke liye svayan ka arthaat ‘main pan’ ka tyaag va nirantar tapasvi swaroop va smriti swaroop banna sahaj aur saadhaaran baat hui na? agar koi ka, koi bhi janma ka sanskaar hota hai va janma se svabhaav hota hai usko parivartan karna mushkil hota hai, ya chalna sahaj hota hai? jaise aap log bhi kamjori-vash bahaana dete ho ki yeh mera svabhaav va sanskaar hai,isi prakaar brahman jeevan ka jo aadi svabhaav aur sanskaar hai usmein braahmanon ka chalna sahaj hoga ya mushkil hoga? yadi koi kahe ki in divya gunon ke sanskaaron ke vipreet koi kaarya karo, tab yeh braahmanon ke liye mushkil hona chaahiye। abhi practical mein kya hai?shoodrapan ke sanskaar aur svabhaav natural roop se hain ya braahmanpan ke svabhaav aur sanskaar natural roop mein hain?ismen to purooshaartha karne ki aavashyakta nahin jabki jeevan ke niji sanskaar hai। lekin jaise pahle sunaaya ki apne svamaan ke sinhaasan par sthit nahin ho paate, apna takhta chhod dete ho, aur apna bana hua bhaagya bhool jaate ho। iseeliye niji svabhaav aur sanskaar mushkil anubhav karte ho। samjha?

baap ka is baat par ek gaayan hai jo bachchon ka bhi hai। ‘‘mushkil ko sahaj karne vaale।’’ to jab baap ka gaayan hai mushkil ko sahaj karne vaale,pahaad ko raai banaane vaale va rooi banaane vaale। rooi (kapaas) kitni halki hoti hai aur svachchha hoti hai aur pahaad kitna mushkil aur bhaari hota hai। kahaan pahaad, kahaan rooi va raai। to jo baap ka gaayan hai woh aapka nahin hai? jo mushkil ko sahaj banaane vaale brahman, unko koi bhi baat mushkil anubhav ho, yeh ho sakta hai?to apne svamaan mein sthit rah apni visheshta ko har samay smriti mein rakho। vishesh aatmaayen har sankalp aur har kaarya vishesh karengi arthaat shreshtha karengi।

achha, aise sada mushkil ko sahaj karne vaale, sada smriti swaroop, baap ke samaan har sankalp, har second vishwa-kalyaan ke vishesh karttavya mein lagaane vaale, vishwa-kalyaankaari aur baapdaada ke dil-takhtansheen shreshtha aatmaon ko baapdaada ka yaad-pyaar aur namaste।