बुधवार 24 अप्रैल 1974 की अव्यक्त मुरली

>

24-04-74 om shanti avyakt baapdaadaamdhuban

ab trimoorti light ke saakshaatkaar-moorta banne ki date fix karo

ek second mein janma-siddha eeshvareey adhikaar dene vaale, na-ummeedvaar ko ummeedvaar banaane vaale,aur sarva aatmaon ko bliss dene vaale trimoorti shiv baba bole:-

aaj is sangathan ki kaun-si visheshta baap-daada dekh rahe hain? kya harek apni visheshta ko jaante hain? trimoorti baap se trimoorti vanshaavli harek mein aaj teen light dekh rahi hain ki teenon hi light apni taraph aakarshit karne vaali hain va nambarvaar hain?jab teenon hi light jagamgaati hui dikhaai den tab hi sabko saakshaatkaar kara sakenge। purity ki light, satopradhaan divya- drishti ki light aur mastak mani ki light yeh teenon hi sampoorn banaane ki mukhya baaten hain। to apne aap se poochho ki sada satopradhaan aatmik drishti, sada har sankalp, har bol va karma mein purity ki jhalak kahaan tak aayi hai? kya sada smriti swaroop bane ho?agar aap mein ek baat ki bhi kami hai to trimoorti light ka saakshaatkaar nahin kara sakoge। yahi purity sabse shreshtha aur sahaj pablisiti hai aur yahi antim pablisiti ka roop hai। jo anya koi bhi aatmaaen kar nahin sakteen। vishwa parivartan ke kaarya mein sabse powerful pablisiti ka saadhan aap vishesh aatmaon ka yahi hai। to kya aisi pablisiti kar rahe ho ya koi aisa plan banaaya hai ya aisi koi vichitra film banaai hai?jaise sthool film dekhne se aaj ke log prabhaavit hote hain, vaise hi aap sabke mastak aur nayan aise vichitra anubhav karaane ki film dikhaaven,to log kya parivartan mein nahin aavenge?jaise parde ke saamne baithne se bhinna-bhinna drishya parde par dikhaai dete hain vaise hi aapke saamne aane se anek prakaar ki divya-drishti dikhaai degi। kya aisi reel taiyaar kar rahe ho? isi purooshaartha mein lage hue ho ya ab tak svayan ko hi seat par set karne mein lage hue ho?

duniya ki aatmaon ko aajkal koi nai baat chaahiye jo ki kabhi kisi ke sankalp mein bhi na ho। aisa karttavya dikhaane ke kaun nimitta banenge?-mahaarthi। harek apne ko mahaarthi to samajhte ho na?jabki bhavishya mein sada shreelakshmi shreenaaraayan banne ki himmat rakhte hain aur chandravanshi mein koi bhi haath nahin uthaate, to sooryavanshi banne vaale mahaarthi hue na? jab sab mahaarthi aisa mahaan kaarya karne lag jaayen,to vishwa-parivartan kitne samay mein hoga? mahaarthiyon ka sangathan samay-prati-samay hota hi rehta hai। ab ke sangathan mein bhi kya beete hue sangathan pramaan hi plan banaavenge ya practical prabhaav ki date fix bhi karenge? jaise anya sab baaton ka plan aur date fix karte ho vaise hi sampoorn saphalta trimoorti light ke saakshaatkaar-moorta banne ka plan aur date is baar fix karenge ya iske liye koi aur meeting hogi? science vaale time-bam banaate hain to kya aap time-bamsa nahin banaate?aap sirf baamsa hi banaate ho kya?ya sochte ho ki abhi dharni nahin bani hai jo ki pratyaksha phal nikal aaye?

aajkal ke jamaane mein dharni ko parivartan karna koi mushkil baat nahin hai। kaisi bhi dharni mein aajkal science phal paida kar deti hai na? na-ummeedvaar ko bhi ummeedvaar bana deti hai na? to aap master sarvashaktimaan,taaj, takhta aur tilakdhaari kya na-ummeedvaar ko ummeedvaar nahin bana sakte?asambhav ko sambhav karna yeh challenge aap braahmanon ka svadharma hai arthaat dhaarna hai to svadharma mein sthit hona sahaj hai ya kathin hai? board jo lagaate ho usme kya likhte ho? ek second mein janma-siddha adhikaar praapta karo। to zaroor ek second mein praapta karne ka plan practical mein hai, tab to likhte ho na? to yahi asambhav ko sambhav hone ka challenge karte ho na? to aisa fast karttavya kab se shuru karenge? lekin board ke neeche aur bhi shabd likhte ho-’abhi nahin to kabhi nahin’। phir to ab se hi hona chaahiye na? to is varsha mein koi aisa anokha plan banaao। pahle kya saakshaatkaar-moorta taiyaar ho? kyonki bhakti mein bhi niyam hai ki jara bhi khandit moorti poojya ya mandir ke yogya nahin ban sakti, aur na darshaneey-moortta hi ban sakti hai। drama ka parda khul jaae aur moorti sampanna nahin ho, to kya yeh shobhega? jaise shrringaar mein solah shrringaar prasiddha hain,to kya aise hi sampoorn solah kala sampanna bane ho?ya samay par jis kala ki aavashyakta ho,kya us samay woh kala swaroop mein nahin la sakte? yadi smriti mein aata hai lekin swaroop mein nahin aa paata ho to aapko saphalta kaise hogi? yadi yuddha sthal mein samay par shastra upayog mein na la sako, to kya vijay hogi? pahle svayan ko sampanna banaane ke practical plan banaao, to sahaj saphalta aapke sammukh aa jaayegi।

ab tak result kya dekhi hai? svayan ki aur anya aatmaon ki donon ki seva saath-saath aur sada rahi। donon ka balance samaan rahe yeh dikhaai deta hai? donon ka balance vishwa ki sarva-aatmaon ko bliss dilaane ke nimitta banegi। yoon to sarva kaarya baap ka hai lekin jaise anya kaarya mein nimit bane hue ho, to ismen kyon bhool jaate ho?jaise bhakta logon ko jab koi kaarya mushkil lagta hai, to bhagwan ke oopar rakh dete hain na?sahaj mein svayan aur mushkil mein bhagwan ab to baap ne sarva-shaktiyon ka aur sarva-karttavyon ka aapko nimitta bana diya hai na?kyonki baap ne svayan ko vaanaprasthi banaakar aap sabko takhtansheen aur taajdhaari bana diya hai। jo baap ki zimmevaariyaan rahi hui hain woh ab tum bachchon ki hain। haan, madadgaar baap avashya hai। lekin saakaar swaroop mein,aur naam baala karne mein san shows father (Son Shows Father) hai। isliye aap sabhi jimmevaar aatmaayen ho, parantu saadhaaran aatmaayen nahin ho। aap gyaani tu aatmaayen aur vijay ratna ho,samjha!-yeh hai mahaarthiyon ka kaarya।

pratyaksha phal ke practical plan banaane vaale, sada vijay hamaara janma-siddha adhikaar hai, aise adhikaar praapta karne vaale, challenge ko practical mein laane vaale,sada sampanna, saakshaatkaar-moorta trimoorti light dhaaran karne vaale trimoortivanshi,ek second mein teenon shaktiyon dvaara saath-saath kaam karne vaale aur baap-daada ke sada saathi, aise mahaaveeron ko baap-daada ka yaad-pyaar aur good night। achha।

murli ka saar

svayan mein yeh dekhte raho ki sada smriti swaroop, sada satopradhaan aatmik drishti, sada har sankalp, bol aur karma mein purity ki jhalak kahaan tak aayi hai tabhi trimoorti light ka saakshaatkaar kara sakenge।