गुरुवार 18 जुलाई 1974 की अव्यक्त मुरली

>

18-07-74 om shanti avyakt baapdaadaamdhuban

sampoorn pavitra vritti aur drishti se shreshtha takdeer ki tasveer

shreshtha takdeer ki tasveer banaane vaale, sarva-aatmaon ke shubh-chintak va sada kalyaankaari parampita shiv paramatma bole:-

aaj vishesh roop se, madhuban nivaasiyon ke takdeer ki lakeer dekh rahe hain। harek shreemat ke anusaar va baap-daada ki paalna ke anusaar,apni-apni takdeer ki lakeer bana rahe hain। kya apni tasveer ko sadaiv darpan mein dekhte rehte ho?kya is takdeer ki lakeer ki mukhya visheshtaaon ko jaante ho? sthool tasveer va chitra banaane vaale jaante hain ki is chitra ki value (value) kin-kin visheshtaaon ke aadhaar par hogi। sthool chitra ki mukhya visheshta, aakarshan va value uske face ke aadhaar par hi hoti hai। koi bhi chitra ko dekhenge, to sabki nazar pahle uske chehre arthaat face par hi jaati hai। har chitra ke nain-chain dekhte hue hi, un chitron ki value ki jaati hai। vaise bhi, is takdeer ke tasveer ki value, mukhya kin baaton par hoti hain? uski mukhya kya visheshtaayen hain। agar koi ki takdeer ki tasveer dekhenge to kya visheshtaayen dekhenge?

ek mukhya visheshta yeh dekhi jaati hai ki takdeer ki tasveer mein kya smriti powerful hai arthaat sada smriti swaroop hai? doosri baat ki kya bhaai- bhaai ki vritti sada kaayam rehti hai?teesri kya roohaani arthaat sampoorn pavitra drishti hai? mool mein ye teen hi baaten hain-smriti,vritti aur drishti। in teenon visheshtaaon ke aadhaar se hi divya gunon ka shrringaar va chamak, jhalak aur phalak tasveer mein dikhaai deti hain। agar yeh teenon hi baaten, yukti-yukta va shreshtha hain aur yeh yathaartha hain, to aisi takdeer ki tasveer automatically (svatah) sarva-aatmaon ko apni taraph aakarshit karti hain। jaise sthool netron ke nain-chain, raasta chalte hue aatma ko bhi apni taraph aakarshit kar dete hain,aise hi yeh takdeer ki tasveer bhi sarva- aatmaon ko apni roohaani drishti va sada smriti aur vritti se apni taraph aakarshit zaroor karti hain। jaise sthool chitra dehdhaari banaane mein arthaat dehaabhimaan mein laane ke nimitta ban jaate hain,na chaahte hue bhi aakarshit karte hain। kachche braahmanon ko va deheeabhimaani banne ke purooshaarthiyon ko bhi aakarshit kar deh-abhimaani bana dete hain। jo hi phir complaint karte hain ki raasta chalte chaitanya chitra va jad chitra dekhte hue, aatma abhimaani se deh-abhimaani ban jaate hain। aise hi jab roohaani chitra va tasveer aakarshanmay banaavenge to anek aatmaayen chalte-phirte bhi deh abhimaani se nikal dehi-aabhimaani ban jaavengi। jab sthool chitron mein itni aakarshan hai,to kya aap roohaani chaitanya chitron mein itni roohaani aakarshan nahin hai, ab yahi chaik karna hai ki meri tasveer va chitra kahaan tak aakarshanmoorta bana hai? is roohaani chitra mein agar in teen vishesh baaton mein se ek ki bhi kami hai to woh vailyuebal nahin gina jaayega। jaise sthool chitron mein bhi aankh,naak va kaan aadi aadi koi bhi ek cheej yathaartha nahin hoti hai, to chitra ki value kam ho jaati hai। chaahe saara chitra kitna hi sundar ho, lekin mukhya face mein, agar thodi-si bhi kami rehti hai,to chitra bekaar ho jaata hai ya phir uski value aadhi ho jaati hai। aise hi, yahaan bhi in teen visheshtaaon mein se ek ki bhi kami hai to praalabdha va praapti ke samay mein se,aadha samay kam ho jaata hai arthaat solah kala se chaudah kala ho jaane se aadhi value ho gayi na? isliye in teenon hi baaton ki, har samay chaiking chaahiye। achha,to kya aisi chaiking karte ho?

kya chaiking ka yantra jaante ho? yantra dvaara hi to chaiking karenge na? woh kaunsa yantra hai ki jisse apne ko chaik kar sako? yantra hai-buddhi, lekin divya-buddhi ka netra brahman bante hi de dete hain। jaise, aise kai laukik kul hote hain jahaan janma lene se hi yuddha mein va hinsa mein praveen banaane ke liye bachpan se hi talvaar ke bajaay chaaku va laathi chalaana sikhlaate hain। jisse ki unko apne shoorveer kul ki smriti rahe। baap-daada bhi har brahman ko maaya ke vaar se bachne ke liye va maaya ko parakhne ke liye yeh divya-buddhi ka netra dete hain। lekin divya-buddhi ke bajaay, jab saadhaaran laukik buddhi vaale ban jaate hain,tab maaya ko parakh nahin sakte va maaya ke vaar se bach nahin sakte va apni chaiking nahin kar sakte। pahle yeh dekho ki kya apna divya buddhi-roopi netra apne paas kaayam hai?kahin divya buddhi-roopi netra par, maaya ke sangadosh va vaataavran ka prabhaavshaali jang to nahin lag raha hai va koi defect to nahin kar raha hai?

apni aisi shreshtha tasveer banaane ke liye mukhya teen visheshtaaon ko bharne ke liye teen shabd yaad rakho-(1) nirvaan sthiti mein hona hai (2) nirmaan banna hai aur (3)nirmaan karna hai। nirvaan, nirmaan aur nirmaan arthaat maan se pare-yeh teen shabd smriti mein rakho to takdeer ki tasveer aakarshanmay ban jaayegi। chalte-chalte in teen baaton ki kami ho jaati hai। nirvaan sthiti mein kam rehte hain, vaani me sahaj aur roochi se aate hain। jitni vaani se lagan hai, utni vaani se pare sthiti mein sthit hone ki lagan va ras kam anubhav karte ho। nirmaan banne ke bajaae anek prakaar ke maan-deh ka va position ka,gunon ka,seva ka, saphalta ka va anek prakaar ke maan sahaj sveekaar kar lete ho aur sveekaar karne ki ichchha mein rehte ho। aap maan ke jigyaasu ho, isliye svamaan ka course abhi tak samaapta nahin kar sake ho? jab yeh jigyaasu roop samaapta hota hai, tab hi svamaan ki sthiti svatah aur sada rehti hai। maan, svamaan ko bhula deta hai। aise hi nav-nirmaan karne ke bajaay ya construction ke bajaay destruction kar dete ho। arthaat nav-nirmaan ke bajaay kabhi-kabhi koi ki sthiti ko neeche giraane ke nimitta ban jaate ho। sadaiv har karma mein va har sankalp mein chaik karo ki yeh sankalp, bol va karma kya nav-nirmaan ke nimitta hain?aisi stage rakhne se sarva-visheshtaayen svatah hi aa jaavengi। yeh hai vartamaan samay purooshaartha ko teevra karne ki yukti।

madhuban nivaasiyon ki result achhi rahi। mejoriti sneh aur sahayog mein athak sevaadhaari rahe hain aur aage bhi bante rahenge। mahima yogya to bane ho, jo ki svayan baap-daada mahima kar rahe hain। ab aage kya karna hai?madhuban nivaasiyon ko aur sab aatmaon ko vishesh vrat lena chaahiye। kaun-sa?vrat yahi lena hai ki ham sab ek mat, ek hi shreshtha vritti, ek hi roohaani drishti aur ekras avastha mein ek-do ke sahayogi ban, shubh chintak ban, shubh bhaavna aur shubh kaamna rakhte hue aur anek sanskaar hote hue bhi,ek baap-samaan satopradhaan sanskaar aur sva ke bhaav mein rahne vaala,svabhaav banaane ka kila majboot banaavenge-yeh hai vrat। kya svayan ke prati va sarva-aatmaon ke prati, yeh vrat lene ki himmat hai? svayan ke prati to pravritti mein rahne vaale aur vaataavran mein rahne vaale bhi karte hain। madhuban nivaasiyon mein, na sirf svayan ke prati, saath hi sangathan ke prati bhi vrat lene ki himmat chaahiye। yahi madhuban vardaan bhoomi ki visheshta hai। samjha!

jaise abhi himmat ka pratyaksha phal dikhaaya, aise hi ek-do ko saavdhaan karte hue aur ek-do ke sahayogi bante hue, is vrat ko saakaar roop mein laane mein saphal ho jaavenge। jaise aur zone vaalon ko, apni-apni vishesh service ka saboot dene ke liye sunaaya hai vaise hi madhuban nivaasiyon ko bhi is baat ka saboot dena hai। is aadhaar par hi,January mein prize milegi। itne samay mein, saboot dena mushkil hai kya? saakaar roop dvaara va avyakt roop dvaara shiksha aur sneh ki paalna, kitne samay li hai? paalna lene ke baad,anya aatmaon ki paalna karne ke nimitta ban jaate hain। kya aisi paalna karne ke nimitta bane ho ya abhi tak lene vaale hi ho? abhi to puraanon ko,aane vaale naye bachchon ki paalna karni chaahiye arthaat apne shikshaasvaroop dvaara aur sneh dvaara unko aage badhaane mein sahayogi banna hai aur is kaarya mein din-raat busy rehna chaahiye। yeh avyakt part bhi vishesh nayon ke liye hai aur puraanon ko to,ab baap ke samaan ban, nai aatmaon ke himmat aur ullaas ko badhaana hai। jaise baap-daada ne, bachchon ko apne se bhi aage rakhte hue,apne se bhi oonch banaaya, aise hi puraanon ka kaarya hai nayon ko apne se bhi aage badhaane ka saboot dikhaana va sarva-shikshaaon ko saakaar swaroop mein dikhaana hai। paalna ka practical roop return roop mein dena hai। achha,

aise sapoot bachche, apni takdeer ki tasveer apni dhaarnaaon dvaara dikhlaane vaale, sada mool-mantra aur yantra ko karttavya mein laane vaale,baapdaada ke samaan har second aur sankalp sarva-aatmaon ke kalyaan ke prati lagaane vaale, sada sva ke bhaav mein rahne vaale, baapdaada samaan shreshtha sanskaar arthaat anaadi aur aadi sanskaaron ko pratyaksha roop mein laane vaale, har sankalp aur har samay ko saphal banaane vaale saphaltaamoortta sitaaron ko baap-daada ka yaad pyaar,good night aur namaste।