गुरुवार 9 जनवरी 1975 की अव्यक्त मुरली

> 09-01-75 om shanti avyakt baapdaadaamdhuban

intazaar ki bajaay intazaam karo

apne sarvashreshtha evan kalyaankaari sankalp se satayugi, paavan srishti ka srijan karne vaale srijanhaar shiv baba bole:-

niraakaari, aakaari aur saakaari - in teenon stejis ko samaan banaaya hai?jitna saakaari roop mein sthit hona sahaj anubhav karte ho,utna hi aakaari swaroop arthaat apni sampoorn stage va apne anaadi swaroop - niraakaari stage - mein sthit hona sahaj anubhav hota hai?saakaari swaroop aadi swaroop hai, niraakaari anaadi swaroop hai। to aadi swaroop sahaj lagta hai ya anaadi roop mein sthit hona sahaj lagta hai?woh avinaashi swaroop hai aur saakaari swaroop parivartan hone vaala swaroop hai। to sahaj kaun-sa hona chaahiye? saakaari swaroop ki smriti svatah rehti hai ya niraakaari swaroop ki smriti svatah rehti hai, ya smriti laani padti hai? main jo hoon, jaisa hoon usko smriti mein laane ki kya aavashyakta hai? ab tak bhi smriti-swaroop nahin bane ho?kya yeh antim stage hai ya bahut samay ke abhyaasi hi ant mein is stage ko praapta kar paas with honour ban sakenge? vartamaan samay purooshaarthiyon ke man mein yeh sankalp uthna ki ant mein vijayi banenge va ant mein nirvighna aur vighna-vinaashak banenge - yeh sankalp hi royal roop ka albelaapan hai arthaat royal maaya hai; yeh sampoorn banne mein vighna daalta hai। yahi albelaapan saphaltaamoorta aur samaan-moorta banne nahin deta hai।

doosra sankalp - vinaash ki ghadiyon ki ginti karte rehte ho na। sochte rehte ho ki kya hoga, kaise hoga ya hoga ki nahin hoga?yeh seedha swaroop nahin hai, yeh hai -- seedha sanshay ka roop। isliye seedha shabd na bol royal shabd bolte hain ki kya hoga, kaise hoga? -is swaroop se sochte ho। jitna samay sameep aa raha hai,utna svayan ko satayug ke devi-devtaaon ki visheshtaaon ke sameep bana rahe ho? vinaash kiske liye hoga; kinke liye hoga - yeh jaante ho? teevra purooshaarthiyon va sampoorn banne vaali aatmaon ke liye sampoorn srishti va satopradhaan prakriti ki praalabdha bhogne ke liye vinaash hona hai। to vinaash ki ghadiyaan ginti karte rehna chaahiye ya svayan ko sampoorn satopradhaan banaane ke liye baap-samaan qualification ko baar-baar ginti karna chaahiye?

vinaash ki ghadiyon ka intazaar karne ki bajaay to svayan ko abhi se sampanna banaane aur baap-samaan banaane ke intazaammen rehna chaahiye। parantu intazaar mein jyaada rehte ho। praarabdha bhogne vaale hi is intazaar mein rehte hain to anya aatmaayen, jo saadhaaran praarabdha paane vaali hain,un tak bhi sookshm sankalp pahunchaate ho?result mein majority aatmaayen yahi shabd bolti hain ki jab vinaash hoga tab dekh lenge। jab practical prabhaav dekhenge, tab ham bhi purooshaartha kar lenge। kya hoga, kaise hoga - yeh kisko pata?yeh vibrations nimitta bani hui aatmaon ka auron ke prati bhi kamzor banaane ka va bhaagyaheen banaane ka kaaran ban jaata hai।

is samay aap sabki jagat-maata aur jagat-pita ki va master rachayita ki stage hai। to rachayita ke har sankalp athva vritti ke vibrations rachna mein svatah hi aa jaate hain। isliye vartamaan samay jo karma ham karenge hamko dekh sab karenge - sirf yeh attention nahin rakhna hai, lekin saath-saath ‘‘jo main sankalp karoongi,jaisi meri vritti hogi vaise vaayumandal mein va anya aatmaon mein vibrations phailenge’’ - yeh slogan bhi smriti mein rakhna aavashyak hai varna aap rachayita ki rachna kamzor arthaat kam pad paane vaali ban jaayegi। rachayita ki kami rachna mein bhi spashta dikhaai degi। isliye apne kamzor sankalpon ko bhi ab samartha banaao। yeh jo kahaavat hai ki ‘sankalp se srishti rachi’,yeh is samay ki baat hai। jaisa sankalp vaisi apni rachna rachne ke nimitta banenge। isliye har-ek star mein alag-alag duniya ka gaayan karte hain।

svayan ka aadhaar anek aatmaon ke prati smriti mein rakhte hue chalte ho ya yeh baapdaada ka kaam hai? aapka kaam hai ya baap ka kaam hai? praarabdha paane vaalon ko purooshaartha karna hai ya baap ko? jaise lene mein kuchh bhi kami nahin karna chaahte ho ya lene ke samay svayan ko kisi se bhi kam nahin samajhte ho balki yahi sochte ho ki mera bhi adhikaar hai, vaise hi har baat ko karne mein apne ko adhikaari samajhte ho? ya karne ke samay to yeh samajhte ho ki ham chhote hain, yeh badon ka kaam hai aur lene ke samay yeh sochte ho ki ham chhote bhi kam nahin hain, chhoton ko bhi sab adhikaar hone chaahiye; chhoton ko bhi bada samajhna chaahiye va banna chaahiye?jo karenge woh paayenge ya jo sochenge woh paayenge? niyam kya hai? sochna,bolna aur karna - ye teenon ek-samaan banaao! sochna aur bolna bahut ooncha, karna kuchh bhi nahin - to ve sochte aur bolte hi samay bita denge aur karne se jo paana hai, woh ve pa nahin sakenge। svayan ko to shreshtha praapti se vanchit karenge hi, apni rachna ko bhi vanchit karenge। isliye kehna kam aur karna jyaada hai। mehnat karke paayenge - yeh lakshya sada yaad rakho। mujhe bhi mahaarthi va serviceable samjha jaae, mujhe bhi adhikaar diya jaae, sneh va sahayog diya jaae - yeh maangane ki cheej nahin। shreshtha karma, shreshtha vritti aur shreshtha sankalp ki siddhi roop mein yeh sab baaten svatah hi praapta hoti hain। isliye in saadhaaran sankalpon mein ya vyartha sankalpon mein bhi samay vyartha na ganvaao। samjha?

aise baap-samaan gun aur karma karne vaale, har sankalp mein jimmevaari samajhne vaale,sankalp mein bhi albelepan ko mitaane vaale, sada baap-samaan baap ke saathi ban saath nibhaane vaale, har part ko saakshi ho bajaane vaale,sarva-shreshtha aatmaon ko baapdaada ka yaad-pyaar aur namaste।

avyakt vaani ka saar

1. jitna saakaari roop mein sthit hona sahaj anubhav hota hai,utna hi aakaari swaroop arthaat apni sampoorn stage mein aur utna hi apni niraakaari, anaadi stage mein sthit hona sahaj anubhav hona chaahiye।

2. yeh yaad rakhna hai ki jaisa sankalp main karoongi aur jaisi meri vritti hogi,vaayumandal mein vaise hi vaaibreshansa phailege।

3. vinaash ki ghadiyaan ginti karne ki bajaay svayan ko sampoorn banaane ki aur baap-samaan kvolipheekeshansa ki baar-baar ginti karo।

4. kehna kam hai, karna jyaada hai।

5. sochna,bolna aur karna - teenon ek-samaan banaao।