शनिवार 18 जनवरी 1975 की अव्यक्त मुरली - 1

>

18-01-75 om shanti avyakt baapdaadaamdhuban

saakshaatkaar moorta aur pharishta moorta banne ka nimantran

pavitra bhav aur yogi bhav ka amar vardaan dene vaale, sarva aatmaon ke snehi, parampita shiv bole:-

sarva-snehi aatmaon ko sneh ka respaans (javaab) sneh se de rahe hain। nainon ke asuvan moti, gale ki maala jo bachchon ne baapdaada ko pahnaai hai,uske return mein gyaan-ratnon ki maala baapdaada de rahe hain। aaj amrit vele har-ek snehi bachche ka sankalp baapdaada ke paas pahunch gaya। har- ek ki rooh-roohaan, har-ek ka shubh sankalp, har-ek ka kiya hua vaayda pahuncha। us sarva rooh-roohaan ke respaans mein baapdaada svayan avyakt mein milne ki tamanna (abhilaasha) kar rahe hain। baap ko bachche vyakta mein bulaate hain aur baap bachchon ko avyakt vatan mein bula rahe hain। avyakt vatan-vaasi baap-samaan banna- yahi bachchon ke prati baap ki shubh ichchha hai। ab bataao, kitne samay mein avyakt vatan padhaarenge?avyakt vatan ka milan kitna sundar hai - usko jaante ho?

baapdaada bhi bachchon ke sivaay vaapis ghar nahin ja sakte hain। ghar jaane se pahle avyakt pharishton ki mahphil avyakt vatan mein hoti hai। us mahphil mein baapdaada sab snehi bachchon ka aahvaan kar rahe hain। bachche baap ka puraani duniya mein aahvaan karte va bulaate hain lekin baap aap bachchon ko pharishton ki duniya mein bula rahe hain, jahaan se saath-saath roohon ki duniya mein chalenge। yeh alaukik avyakt nimantran bhaata hai? agar bhaata hai to kya vyakta janma, vyakta bhaav bhoolna nahin aata hai?baap samaan nirantar pharishta banna nahin aata? ek second ka sankalp nirantar dridh karna nahin aata?banna hi hai,aana hi hai - aise second ke sankalp ki tikten leni nahin aati? kya shakti roopi khazaana hote hue bhi yeh ticket reserve nahin kara sakte? vishwa ki sarva aatmaon ko najar se nihaal kar unhein bhi apne saath mukti-jeevanmukti roopi varsa baap se nahin dila sakte ho?baap ke ya apne bhakton ko bhatakne se jaldi-se-jaldi chhudaane ka shubh sankalp teevra roop se utpanna hota hai? merciful baap ke bachche ho;duhkh-ashaanti mein tadapti hui aatmaon ko dekhte hue sahan kar sakte ho?kya raham nahin aata? anek prakaar ke vinaashi sukh-shanti mein vichlit hui aatmaaen, jo baap ko aur apne aap ko bhool chuki hain,aisi bhooli hui aatmaon par kalyaan ki bhaavna dvaara unhein bhi yathaartha manzil bata kar avinaashi praapti ki anjali dene ka sankalp utpanna nahin hota?

ab to samay-pramaan saptaah course ke bajaay apne vardaanon dvaara, apni sarvashaktiyon ke dvaara second ka course bataao;tab hi sarva aatmaon ko roohon ki duniya mein baap ke saath le ja sakenge। ashareeri bhav, niraakaari bhav,nirhankaari aur nirvikaari bhav ka vardaan,vardaata dvaara praapta ho chuka hai na? ab aise vardaan ko saakaar roop mein laao! arthaat svayan ko gyaan-moorta,yaad-moorta aur saakshaatkaar-moorta banaao। jo bhi saamne aaye, use mastak dvaara mastak-mani dikhaai de, nainon dvaara jvaala dikhaai de aur mukh dvaara vardaan ke bol nikalte hue dikhaai den। jaise ab tak baapdaada ke mahaavaakyon ko saakaar swaroop dene ke liye nimitta bante aaye ho,ab is swaroop ko saakaar banaao।

baapdaada bachchon ke sneh, sahayog aur seva par baar-baar santushtata ke pushpa chadha rahe hain। mehnat par dhanyavaad de rahe hain। saath-saath bhavishya ke liye nimantran bhi dete hain ki ab jaldi,jaldi teevra gati se ho rahi eeshvareey seva ko sampanna karo,arthaat svayan ko baap-samaan banaao। baap ke aahvaan ki pasaari hui baanhon mein sama jaao aur samaan ban jaao! sneh ka pratyaksha swaroop hai - samaan ban jaana!

aaj hi baapdaada ke saath chaloge? aise ever ready ho ya rahi hui seva ka shubh sambandh kheenchega? sarva kaarya sampanna kar diya hai ya abhi raha hua hai?woh phir vatan se karenge? ek second mein sarva sambandh ke liye seva bhulaane ka purooshaartha karte ho। aise hi apna niji-swaroop va vardaani swaroop sada smriti mein rehna chaahiye। apvitrata ka aur vismriti ka naam-nishaan bhi na rahe। isko kaha jaata hai - vardaan ka course karna। aisa course kiya hai ya karna hai?

jaise aap log saaptaahik course samaapta karne ke sivaay kisi bhi aatma ko class mein jaane nahin dete ho, aise hi brahman bachche, jo yeh practical course samaapta nahin karte, to jaante ho ki baapdaada unhein kaun-se class mein jaane nahin deten? ve first-class mein daakhil nahin ho sakte। first class kaun-sa hai? jab aap log unhon ko class mein jaane nahin dete to drama bhi first-class mein jaane ka adhikaari nahin bana sakta। first class mein jaane ke liye yeh do mukhya vardaan practical roop mein chaahiye। vismriti va apvitrata kya hoti hai? - iski avidya ho jaae। tum sangam par upasthit ho na?to aise anubhav ho ki yeh sanskaar va swaroop mera nahin hai balki mere poorva janma ka tha। ab nahin hai। main brahman hoon aur ye to shoodron ke sanskaar va swaroop hai aise apne se bhinna arthaat doosre ke sanskaar hain - aisa anubhav hona,isko kaha jaata hai - nyaara aur pyaara। jaise deh aur dehi donon alag-alag do vastuen hain,lekin agyaan-vash donon ko mila diya gaya hai; mere ko main samajh liya gaya hai aur isi galti ke kaaran itni pareshaani, duhkh tatha ashaanti praapta ki hai। aise hi yeh apvitrata aur vismriti ke sanskaar,jo mere, arthaat braahmanpan ke nahin hain;shoodrapan ke hain, in ko bhi mere samajhne se maaya ke vash ho jaate hain aur phir pareshaan arthaat braahmanpan ki shaan se pare (door) ho jaate ho। yeh chhoti-si bhool check (jaanch) karo ki yeh mera sanskaar to nahin, yeh mera swaroop to nahin। samjha?to is vardaan - pavitra bhav aur yogi bhav - ko practical swaroop mein laao; tab hi baap-samaan aur baap ke sameep jaane ke adhikaari ban sakte ho।

aaj kalpa pahle vaale, bahut kaal se bichhude hue baap ki yaad mein tadapne vaale va avyakt milan manaane ke shubh sankalp mein raman karne vaale, apni sneh ki dor se baapdaada ko bhi baandhane vaale, avyakt ko bhi aap-samaan vyakta mein laane vaale, naye-naye bachche va saakaari desh mein door-deshi bachche jo hain,unhon ke prati vishesh milne ke liye baapdaada ko bhi aana pada hai to shaktishaali kaun hue? baandhane vaale ya bandhane vaale। baap kehte hain - vaah bachche vaah! shaabaash bachche! nayon ke prati vishesh baapdaada ka sneh hai kyonki nishchay ki sada vijay hai। vishesh sneh ka kaaran yeh hai ki naye bachche sada avyakt milan manaane ki mehnat mein rehte hain। avyakt roop dvaara vyakta roop se kiye hue charitron ka anubhav karne ke sada shubh aasha ke deepak jagaaye hue rehte hain। aisi mehnat karne vaalon ko phal dene ke liye baapdaada ko bhi vishesh yaad svatah hi rehti hain। isliye baapdaada aap ki yaad, aaj ki good morning va namaste pahle vishesh chaaron or ke naye-naye bachchon ko de rahe hain, saath mein sab bachche to hain hi। avyakt roop mein avyakt mulaakaat to sadaakaal ki hai। aise vardaata bachchon ko yaad-pyaar aur namaste।

avyakt vaani ka saar

1. sneh ka pratyaksha swaroop hai - baap ke samaan ban jaana।

2. baap ki vatson ke prati yahi shubh ichchha hai ki ve baap ke samaan banen।

3. ghar jaane se pahle avyakt pharishton ki mahphil avyakt vatan mein hoti hai। is mahphil mein sarva-snehi baapdaada bachchon ka aahvaan kar rahe hain।

4. ab to samay-pramaan saaptaahik course ki bajaay apne vardaanon dvaara aur apni sarvashaktiyon dvaara second ka course karaao। tab hi aap sarvaaatmaaon ko baap ke saath roohon ki duniya mein le ja sakoge।

5. pavitra-bhav aur yogi-bhav - ye vardaan practical swaroop mein laao। tab hi baap samaan ban sakte hain aur baap ke sameep jaane ke adhikaari ban sakte ho।

6. vismriti aur apvitrata kya hoti hai,uski bhi avidya ho jaay - isko kaha jaata hai vardaan ka course karna।