रविवार 3 अगस्त 1975 की अव्यक्त मुरली

>

03-08-75 om shanti avyakt baapdaadaamdhuban

shiv-shakti va paandav sena ko taiyaar hone ke liye saavdhaani

maaya se yuddha mein vijay praapta karaane vaale, sarva aatmaon ka kalyaan karne vaale, sarva prakaar ke bandhanon va aakarshanon se pare rahne vaale, sarvochcha senaapti shiv baba ne roohaani yoddhaaon ke prati manohar shikshaayen va saavdhaaniyaan dete hue ye madhur aur anmol mahaavaakya uchchaare -

sabhi yog-yukta aur yuktiyukta sthiti mein sthit hote hue apna kaarya kar rahe hain? kyonki vartamaan samay-pramaan sankalp, vaani aur karma ye teenon hi yuktiyukta chaahiye। tab hi sampanna va sampoorn ban sakenge। chaaron taraph ka vaataavran yog-yukta aur yuktiyukta ho। jaise yuddha ke maidaan mein jab yoddhe yuddha ke liye dushman ke saamne khade hue hote hain to unka apne oopar aur apne shastra ke oopar arthaat apni shaktiyon ke oopar kitna attention rehta hai। abhi to samay sameep aata ja raha hai, yeh maano yuddha ke maidaan mein saamne aane ka samay hai। aise samay mein chaaron or sarva-shaktiyon ka svayan mein attention chaahiye। agar jara bhi attention kam hoga to jaise-jaise samay-pramaan chaaron or tension badhta jaata hai aise hi chaaron or tension ke vaataavran ka prabhaav,yuddha mein upasthit hue roohaani paandav sena mein bhi pad sakta hai। dinapratidin jaise sampoornata ka samay najdeek aata jaayega to duniya mein tension aur bhi badhega, kam nahin hoga। kheenchaataan ke jeevan ka chaaron or anubhav hoga jaise ki chaaron or se kheencha hua hota hai। ek taraph se prakriti ki chhoti-chhoti aapdaaon ka nuksaan ka tension, doosri taraph is duniya ki government ke kade lodge ka tension, teesri taraph vyavhaar mein kami ka tension, aur chauthi taraph jo laukik sambandhi aadi se sneh aur freedom hone ke kaaran khushi ki bhaasna alpa kaal ke liye rehti hai woh bhi samaapta ho kar bhay ki anubhooti ke tension mein,chaaron or ka tension logon mein badhna hai। chaaron or ke tension mein aatmaayen tadphengi। jahaan jaayengi vahaan tension। jaise shareer mein bhi koi nas khinch jaati hai to kitni pareshaani hoti hai। dimaag khincha hua rehta hai। aise hi yeh vaataavran badhta jaayega। jaise ki koi thikaana najar nahin aayega ki kya karen? agar haan kare to bhi khinchaavat - na karen to bhi khinchaavat - kamaayen to bhi mushkil, na kamaayen to bhi mushkil। ikaththa karen to bhi mushkil, na kare to bhi mushkil। aisa vaataavran banta jaayega। aise time par chaaron or ke tension ka prabhaav roohaani paandav sena par na ho। svayan ko tension mein aane ki samasyaayen na bhi hon, lekin vaataavran ka prabhaav kamzor aatma par sahaj hi ho jaata hai। bhay ka soch ki kya hoga?kaise hoga?in baaton ka prabhaav na ho -uske liye koi-na-koi beech-beech mein eeshvareey yaad ki yaatra ka vishesh programme madhuban dvaara official jaate rehna chaahiye। jisse ki aatmaon ka kila majboot rahega। aajkal service bhi bahut badhegi। lekin badhne ke saath-saath yukti-yukta bhi bahut chaahiye।

aajkal koi sabhi gyaani tu aatma banne nahin aate hain। ek quality hai baap samaan banne vaali, jo baap swaroop master ban jaate hain। to first kvoliti hai baap samaan banna,doosri quality hai sirf baap ke sambandh mein rahne vaale aur teesri quality hai sirf baap va seva ke samparka mein rahne vaale। aajkal sambandh aur samparka mein rahne vaale jyaada aayenge। swaroop banne vaale kam aayenge। sab ek jaise nahin niklenge। din-pratidin quality bhi kamzor aatmaon arthaat praja ki sankhya jyaada aayegi unhein ek hi baat achhi lagegi, do nahin lagegi। sab baaton mein nishchay nahin hoga। to samparka vaalon ko bhi,unhon ko jo chaahiye-usi pramaan unhon ko samparka mein rakhte rehna hai। samay jaise naazuk aata jaayega vaise samasya pramaan bhi unke liye regular studenta banna mushkil hoga। lekin samparka mein dher ke dher aayenge। kyonki last samay hai na। to last poj kaisa hota hai? jaise pahle uchhal, umang,utsaah hota hai - woh virla koi ka hoga। majority sambandh aur samparka vaale aayenge। to yeh attention chaahiye। aise nahin ki samparka vaali aatmaon ko na parakhte hue samparka se bhi unhein vanchit kar deven। khaali haath koi bhi na jaaye, niymon par bhal nahin chal paate hain, lekin woh sneh mein rehna chaahte hon,to aisi aatmaon ka bhi attention zaroor rakhna hai। samajh lena chaahiye ki yeh group isi pramaan teesri stage vaala hai,to unhon ko bhi usi pramaan handling milni chaahiye। to samay ke pramaan vaataavran ko powerful banaane ki aavashyakta hai।

brahman bachchon ki saadhaaran reeti se dincharya beete woh aajkal ke samay pramaan na hona chaahiye, nahin to woh prabhaav badh jaayega। isliye vishesh reeti se vaataavran ko yaad ki yaatra se powerful banaane mein sab bachchon ka attention khinchavaana chaahiye। apne ko us duniya ke vaataavran se kaise bacha saken?woh stage kya hai? karma yogi hote hue bhi yogeepan ki stage kisko kaha jaata hai? isi prakaar ki pvaaintsa ke oopar ab vishesh attention dena hai। kyonki ab draamaanusaar chaaron or badi-badi service karne ka time kuchh samay ke liye merge hai na। bade-bade programmes baahar ke nahin kar paate ho-to teachers free hui-baahar ki service nahin to baaki rahi centres par aane vaalon ki seva। baahar ki service se buddhi free hai। nahin to kehte hain bahut busy rehte hain - plans banaana, manthan karna। lekin ab to woh bhi nahin hai। to ab yaad ki yaatra ki subject ke oopar jyaada attention dena hai। koi-na-koi programme har centre par chalna chaahiye-jo aane vaalon mein bal bhar jaaye। aise samay par woh bhi nyaare rahe,saakshi hokar samasya ka saamna karen। uske liye yaad ka bal chaahiye। to jab tak baahar ki service ka, naye-naye plans ka force kam hai to koi point ka jor hona chaahiye। nahin to free hokar phir vyartha ka side jyaada ho jaayega। service mein busy rahne se vyartha ki baaton se bache rehte hain। abhi woh service ka scope kam hai,to zaroor samay bachega-woh phir vyartha vaataavran mein samay jaayega। isliye braahmanon ko khabardaar, hoshiyaar karne ke liye va svayan ki safety ke liye kuchh aisi points va classes ke programmes banaao, jisse woh yeh samjhen ki humein madhuban light haaoos se vishesh light aa rahi hai। achha।

kaarobaar to draamaanusaar theek hi chal rahi hai। abhi ki kaarombaar se raajya chalaane ke sanskaar badhte ja rahe hain na। raaj-sinhaasan aur yeh hai raaj-aasan। raajya karne vaale bankar phir us sinhaasan par baithenge। raajya karne vaale arthaat adhikaari ban gaye। koi bhi aakarshan ke, karma bhog ya karma indriyon ke adheen na ho adhikaari banna hai। abhi hai raaj-aasan। yog ke liye aasan hota hai na,aasan par sthit hote hain। aasan hota hi hai baithne ke liye, sthiti hone ke liye। to sthiti mein sthit hona arthaat aasan par baithna। to jitna-jitna aasan par baithne ka abhyaas hoga, utna hi raaj-sinhaasan par baithne ka abhyaas praapta hoga। abhyaas ho raha hai na। natural roop leta ja raha hai। karna nahin padta, lekin ho hi jaata hai। svabhaav hi aisa ho gaya hai। jaise aur koi svabhaav ke vash koi bhi kaarya karna svatah ho hi jaata hai,vaise hi yeh bhi svabhaav ho jaaye। adhikaari bane rahne ka svabhaav। yog lagaane ka sankalp kiya aur hua। baba kaha aur yog laga। yahi sameepta ki sthiti hai। baithe hi aasan par hain। jaise sinhaas par baitha hua kab bhool nahin sakta ki main raaja hoon - aise hi aasan par arthaat is sthiti par sthit hua yeh bhool nahin sakta ki ham adhikaari hain।

sabhi yathaartha aur yukti-yukta hain? thoda-bahut to hota hi hai aur hona bhi chaahiye। nahin to last papers kaise honge? yeh bhi practical papers hi hain। yeh papers hi marks jama karaate hain। marks jama hote-hote paas with honour ki list mein aayenge। yeh jo kuchh hota hai woh papers ke marks jama hone ke liye hain। sab baaton mein jama hona chaahiye na sirf yaad ki yaatra mein nahin, lekin chaaron sabjektas mein marks jama honi chaahiye। tab hi paas with honour honge।

saphalta to har kaarya mein pahle se hi noondhi hui hai। phir chaahe parde ke andar ho, chaahe parde ke baahar ho। koi haalat mein parde ke andar saphalta hoti hai aur koi haalat mein pratyaksha saphalta hoti hai। hai to donon haalat mein saphalta va pratyakshata। kuchh samay gupta ko bhi dekhna padta hai। chhipe hue ko pratyaksha hone mein kuchh samay lagta hai। pratyaksha to usi samay dikhaai padti hai। yeh bhal chhupi hui hai,parantu hai to saphalta hi। woh to mit nahin sakti। achha।