शनिवार 13 सितंबर 1975 की अव्यक्त मुरली

>

13-09-75 om shanti avyakt baapdaadaamdhuban

vishwa-parivartan hi brahman jeevan ka vishesh karttavya hai

vishwa-parivartak, vishwa-kalyaankaari,sada saakshi swaroop shiv baba vishwa-parivartan mein sahayogi bachchon ko dekh bole -

vishwa ka rachayita baap aaj apne sahayogi vishwa-parivartak shreshtha aatmaon ko dekh rahe hain। jaise baap vishwa ko parivartan karne ke liye nimitta hain, vaise hi aap sab bhi sada apne ko isi kaarya ke nimitta samajh chalte ho? sada yeh smriti kaayam rehti hai ki mujhe parivartan karna hai? vishwa ko parivartan karne vaale pahle svayan ko parivartan karte hain। jo svayan ka parivartan kisi bhi baat mein nahin kar paate,ve vishwa ke parivartan ka kaarya karne arth nimitta kaise ban sakte hain? abhi-abhi baapdaada direction den ki ek second mein apni smriti ko parivartan kar lo, arthaat svayan ko deh nahin aatma ke swaroop mein sthit hokar dekho, to svayan ki smriti ko ek second mein parivartan kar sakte ho? aise hi apni vritti ko second mein parivartan kar sakte ho? apne svabhaav aur sanskaar ko second mein parivartan kar sakte ho?apni aatma ke kisi bhi samparka ko second mein parivartan kar sakte ho?apne second ke sankalp ko second mein,vyartha se samartha mein parivartan kar sakte ho?apne purooshaartha ki raphtaar ko second mein saadhaaran se teevra kar sakte ho? apne ko second mein saakaar vatan se paar niraakaari paramdham ke nivaasi bana sakte ho?isko kaha jaata hai - parivartan shakti। sangamayug par vishesh khel hi parivartan ka hai। jaise aur shaktiyaan svayan mein check karte ho vaise hi parivartan karne ki shakti in sab baaton mein kahaan tak aayi hai, yeh check karte ho? purooshaartha mein vighna roop,parivartan ki shakti ki kami hai।

sarva praapti ka aadhaar parivartan shakti hai। svayan ka parivartan na kar sakne ke kaaran jitna ooncha lakshya rakhte ho us lakshya ko praapta nahin kar sakte ho। parivartan karne ki shakti na hone ke kaaran chaahte hue bhi, saadhan apnaate hue bhi,sang karte hue bhi, yatha-shakti niymon par chalte hue bhi aur svayan ko brahman kahlaate hue bhi apne-aap se santushta nahin। ek parivartan karne ki shakti sarva shaaktimaan baap aur sarva shreshtha aatmaon ke sameep jaane ka saadhan ban jaati hai। parivartan shakti nahin to sadaiv har praapti se vanchit apne ko kinaare par khada hua anubhav karenge। sab baaton mein door-door dekhne aur sunne vaala apne ko anubhav karenge। sada sneh, sahayog aur shakti ke anubhav karne ke pyaase rahege। anek prakaar ki svayan ke prati ichchhaaon ka va aashaaon ka aur kaamnaaon ka vistaar toofaan ke samaan aata hi rahega। is toofaan ke kaaran praapti ki manzil sada door najar aayegi।

aaj aise vishwa-parivartak bachchon ka drishya dekha। saakaar duniya mein paani ka toofaan aaya hua hai uska najaara sunte rehte ho। sunte hue maja aata hai ya raham aata hai ya bhay bhi aata hai? kya hota hai - kabhi bhay lagta, kabhi raham aata hai?paandavon ko bhay lagta hai?raham aata hai ya maja aata hai। bhay to hona na chaahiye। main female (kamzor,bina mel ke) hoon, us samay yeh smriti bhi wrong (galat) hai - apne ko akela kabhi nahin samajhna chaahiye। apne combined roop shiv-shakti ke roop ki smriti mein rehna chaahiye। sirf shakti bhi nahin-shiv shakti। combined roop ki sthiti se jaise sthool mein do ko dekhte hue vaar karne ke liye sankoch hota hai - vaise hi combined sthiti ka prabhaav us samay ke prakriti aur vyakti ke oopar padega arthaat kisi bhi prakaar ke vaar karne mein sankoch hoga। na sirf vyakti lekin prakriti ka tatva bhi sankoch karega arthaat woh bhi vaar nahin kar sakega। ek kadam ki doori par bhi safe (surakshit) ho jaayenge। shastra hote hue bhi,shastra shaktivaan hote hue bhi nirbal ho jaayenge। lekin us second parivartan karne ki shakti use (prayog) karo ki main akeli nahin,main female nahin, shiv-shakti hoon aur combined hoon। ismen bhi parivartan shakti chaahiye na? jo svayan ki powerful smriti aur vritti se vyakti ko va prakriti ko parivartan kar len। ab to yeh doosri-teesri chaupdi ya doosri-teesri class ke papers hai। final (antim) paper ki roop-rekha to isse kai guna bhayaanak roop ki hogi। phir kya karenge। kaiyon ka sankalp chalta hai - kaun-sa ? kai sneh aur hujjat mein kehte hain ki is drishya ke pahle hi hamko bulaana, ham bhi vatan se dekhenge। lekin shakti swaroop ka practical part va shakti avtaar ki pratyakshata ka part, svayan dvaara sarvashaktivaan baap ko pratyaksha karne ka part aisi hi paristhiti mein hona hai। isliye aise najaayen ko, akaale mrityu ke nagaadon ko dekhne aur sunne ke liye parivartan ki shakti ko badhaao। ek second mein parivartan karo,kyonki khel hi ek second ke aadhaar par hai।

aise samay par ek taraph naathing new ka paath bhi yaad rehna chaahiye - jisse mirooaan maut malookaan shikaar ki sthiti hogi to saaksheepan ki sthiti arthaat dekhne mein maja bhi aayega aur saath-saath vishwa-kalyaankaari ki sthiti jismen taras bhi hoga। donon ka balance (santulan) chaahiye। saaksheepan ki stage bhi aur vishwa-kalyaankaari stage bhi। samjha? yeh to hua-saakaari duniya ka samaachaar। aakaari vatan ka samaachaar kya hua - jo pahle sunaaya ki parivartan shakti ki kami hone ke kaaran jo anek prakaar ki kaamnaaon ke toofaan dikhaai dete hain - uske andar majority (adhikaansh) bachche nambarvaar dikhaai dete hain। unki pukaar kya sunaai deti hai? - ham chaahte hain, phir kyon nahin hota? yeh hona chaahiye-lekin hota nahin-bahut purooshaartha kar liya। aisi anek prakaar ki man ki aavaaj sunaai deti hai। isliye-is toofaan se nikalne ka saadhan parivartan shakti ko badhaao to pratyaksha phal ki praapti kar sakenge। sadaiv yeh smriti mein rakho ki main baap ka sahayogi, vishwa ka parivartan karne vaala - main hoon hi vishwa-parivartak। parivartan karna hi mera kaarya hai। arthaat isi kaarya-arth hi brahman jeevan praapta hua hai। to apne niji kaarya ko smriti mein rakhte hue chalo।

aise har sankalp aur har second baap ke saath sahayogi aatmaayen, prakriti aur paristhiti va vyakti ko parivartan karne vaale, sada baap-samaan master sarvashaktivaan ke svamaan mein sthit rahne vaale, svayan ke prati aur sarva ke prati sada kalyaan ki bhaavna rakhne vaale, aise vishwa-kalyaankaari vishwa-parivartak aatmaon ko baapdaada ka yaadapyaar aur namaste।

is murli ka saar-tatva

1. vishwa-parivartan ka kaarya sampanna karne ke liye sabse pahle svayan mein second mein parivartan karne ki shakti ki aavashyakta hai। svayan ki powerful smriti aur vritti se vyakti va prakriti ko parivartan kar lo।

2. sarva praaptiyon ka aadhaar parivartan shakti hai। parivartan karne ki shakti sarvashaktivaan baap aur sarvashreshtha aatmaon ke sameep jaane ka saadhan ban jaati hai।