बुधवार 15 अक्टूबर 1975 की अव्यक्त मुरली

>

15-10-75 om shanti avyakt baapdaadaamdhuban

aatma-ghaati mahaapaapi na bankar double ahinsak banne ki yuktiyaan

apne gunon aur apni shaktiyon ko vardaan roop mein dekar manushya-aatmaon ko sarva-shreshtha evan mahaan banaane vaale vishwa-kalyaankaari shiv baba bole -

aaj baapdaada bachchon ka gungaan kar rahe the। gungaan karte dekha ki drama ke andar bachchon ka kitna ooncha aur sarvashreshtha part hai। woh bhi kalpa mein isi sangamayug par hi mahima yogya bante hain। isi yug mein svayan paramatma bhi aap shreshtha aatmaon ki mahima gaate hain। is samay hi tum double mahima ke adhikaari bante ho। ek baap samaan master saagar bante ho, aur jo baap ke gun hain va shaktiyaan hain un donon mein master bante ho। saath-saath aatma ki shreshtha stage ki bhi mahima hai - sarvagun sampanna, solah kala sampoorn… is mahima va bhi practical mein anubhav abhi karte ho। solah kalaayen kya hain? maryaadaayen kya hain? in sab baaton ki knowledge is samay hi dhaaran karte ho। to hi double mahima ke yogya bante ho। do jahaan ke maalik bante ho, double pooja ke yogya bante ho। double varsa ‘mukti aur jeevan-mukti’in donon ke adhikaari bante ho, double taajdhaari bante ho, double ahinsak bante ho aur double baap ke laadle aur sikeeldhe bachche bante ho। aise bachchon ki shreshthata ka gungaan kar rahe the ki bachche kaise baalak ban kar vishwa ke maalik ke bhi maalik ban jaate hain। aise apni mahima kya svayan bhi sumiran kar harshit hote ho? is sumiran se kabhi bhi maaya ka vaar nahin ho sakega।

baap aaj dekh rahe the ki kaun-kaun se bachche kis stage tak pahunche hain? mukhya baat hai baap samaan sarvagunon mein master saagar kahaan tak bane hain? sarva shaktiyon ka varsa practical jeevan mein kahaan tak anubhav kiya hai? saath-saath aatma ki jo shreshtha va mahaan stage hai - sampoorn nirvikaari,sarvagun sampanna, solah kala sampanna,maryaada purooshottam aur sampoorn ahinsak - is mahaanta ko kahaan tak jeevan mein laaya hai? gun sampanna avastha ka keval gaayan hi hai aur sarvagun sampanna ki avastha mein yadi ek bhi gun ki kami hai to unhein full mahima ke yogya nahin kahenge। to apne aap ko check karo ki sarva gunon mein se kitne gunon mein aur kitne percentage mein svayan mein gunon ki kami hai। solah kala arthaat sarva visheshtaaon mein sampanna arthaat jaisa samay vaisa swaroop bana saken, aur jaisa sankalp vaisa swaroop mein la saken। baap dvaara praapta hue purooshaartha ki vidhi dvaara sarva siddhiyaan samay par svayan ke prati va sarva-aatmaon ki seva ke prati kaarya mein laga saken। sarva-shaktiyon ko anubhav mein laate hue sarva-aatmaon ke prati unhon ki aavashyakta pramaan, vardaani roop mein de saken। sarva baaton mein balance rakh saken arthaat abhi-abhi loveful aur abhi-abhi law-full ban saken। abhi-abhi mahaakaali roop aur abhi-abhi sheetla roop ban saken। aisi sarva visheshtaaen arthaat solah kala sampanna। iske liye sarva-karmendriyon aur sarva-aatmik shaktiyon,man, buddhi aur sanskaar - in sarva par adhikaar chaahiye। aisa adhikaari hi solah kala sampanna ban sakta hai।

koi bhi kamzori vaala kala nahin dikha sakta arthaat visheshtaayen nahin dikha sakta aur na hi anubhav kara sakta hai। isi reeti se apne ko check karo ki sarva visheshtaayen dhaaran ki hain arthaat solah kala sampanna bane hain? sampoorn nirvikaari arthaat sarva vikaar sarva vansh-sahit, ansh-maatra bhi arthaat sankalp va svapna-maatra mein bhi na ho। usko kehte hain sampoorn nirvikaari,maryaada purooshottam arthaat har sankalp, har second aur har kadam shreemat anusaar arthaat maryaada ke pramaan ho। sankalp bhi va ek kadam bhi eeshvareey maryaada ki lakeer ke baahar na ho। amritvele se raat ke sone tak har kadam maryaada anukool, smriti,vritti,aur drishti bhi sada hi maryaada pramaan ho। aise maryaada purooshottam kahaan tak bane ho?

double ahinsak arthaat apvitrata arthaat ‘kaam mahaashatru’ svapna mein bhi vaar na karen। sada bhaai-bhaai ki smriti sahaj aur svatah arthaat smriti swaroop mein ho। aise double ahinsak,aatmaghaat ka mahaapaap bhi nahin karte। aatmaghaat arthaat apne sampoorn satopradhaan stage se neeche gir kar apna ghaat nahin karte। oonchaai se neeche girna hi ghaat hai। aatma ke asli gun-swaroop aur shakti-swaroop sthiti se neeche aana arthaat vismrit hona yeh bhi paap ke khaate mein jama hota hai। isliye kaha jaata hai aatmaghaati mahaapaapi। saath-saath ahinsak aatma kabhi khoon nahin karti। khoon karna arthaat hinsa karna। to aap mein se koi khoon karte hain?jo baap dvaara divya-buddhi va divya-vivek va eeshvareey-vivek mila hai woh maaya vash, parmat vash, kusang vash, ya paristhiti ke vash agar eeshvareey vivek ko dabaate ho, to samjho ki eeshvareey vivek ka khoon karte ho, ya divya-buddhi ka khoon karte ho। baad mein phir chillaate ho ki chaahta to nahin hoon lekin kar liya,na chaahte hue bhi ho gaya। goya yeh hai eeshvareey vivek ka khoon karna। jhooth bolna, chori karna,thagi karna va dhokha dena isko bhi hinsa va mahaapaap kaha jaata hai। to tum brahman chori kaunsi karte ho? shoodrapan ke sanskaar svabhaav va bol va kisi ke prati bhaavna,brahman banne ke baad kaarya mein lagaate ho va apnaate ho to goya shoodron ki vastu chori karte ho। jabki yeh braahmanon ki vastu hi nahin hai। to doosron ki vastu use karna arthaat brahman banne ke baad aasuri va shoodrapan ke sanskaar va svabhaav dhaaran karna arthaat hinsa karna hai। aise hi jhooth kaise bolte ho? kehte ho ham trustee hain - sab kuchh aapka hai - tan,man aur dhan sab tera। phir main-man mein moh vash hokar chalte ho। to main-pan laana ya mera samajhna yeh bhi jhooth hua na? kehna tera aur karna mera - jhooth hua na? vaayda karte ho tumheen se khaanu, tumheen se baithoon, tumheen se boloon aur tumheen se sarva- sambandh nibhaaoon - lekin practical mein anya aatmaon se bhi sambandh va samparka rakhte ho। baap ki smriti ke bajaay anya smriti bhi saath-saath rakhte ho। to yeh bhi khoon hua na? vaayda hai ki mera to ek baap, doosra na koi। agar woh nahin nibhaate to yeh bhi jhooth hua। aise hi dhokha aur thagi kaunsi karte ho? sabse bada dhokha svayan ko dete ho ki jo jaante hue, maante hue phir bhi svayan ko shreshtha praapti se vanchit kar dete ho - yeh hua svayan ko dhokha dena। dhokhe ki nishaani hai jisse duhkh ki praapti hoti hai। saath-saath brahman parivaar mein bhi dhokha dete ho। kehna ek aur karna doosra,apni kamjori ko chhipaakar baahar se apna naam baala karna ya apne ko achha purushaarthi siddha karna। yeh ek doosre ko dhokha dete ho। koi bhi galti karke chhipaana yeh bhi dhokha dena hai va thagi karna hai। to double ahinsak arthaat punya aatma,mahaan aatma, jisse koi prakaar ka paap na ho। aise apne ko check karo ki aatma ki sarvashreshtha stage jo abhi sunaai woh kahaan tak dhaaran ki hai?aise sarvashreshtha aatmaon ka baap bhi gaayan karte hain। to aaj aise bachchon ka gungaan kar rahe the va maala sumiran kar rahe the। achha।

aise sarva mahaan, sarva yogyataayen-sampanna,gaayan aur poojan yogya aur double ahinsak bachchon ko baapdaada ka yaad-pyaar aur namaste। om shanti!

is murli ka saar

1. is sangamayug par tum bachche double mahima ke adhikaari bante ho। ek baap samaan gun aur shaktiyon ke master saagar bante ho, saath-saath aatma ki sarvashreshtha stage ki mahima - sarvagun sampanna, solah kala sampoorn,sampoorn nirvikaari,sampoorn ahinsak aur maryaada purooshottam ke yogya bante ho।

2. solah kala sampanna banne ke liye sarva-karmendriyon aur sarva aatmik shaktiyon par adhikaar chaahiye।

3. jis vyakti mein sarva vikaar sarva vansh sahit ansh-maatra va svapna-maatra mein bhi na ho usko kahenge - sampoorn nirvikaari।

4. amrit vele se lekar raat ke sone tak har sankalp,har second,har bol,har karma, har kadam eeshvareey maryaada ke anukool ho - aise vyakti ko hi maryaada purooshottam kahenge।5. double ahinsak arthaat apvitrata arthaat kaam mahaashatru svapna mein bhi vaar na kare, sada bhaai-bhaai ki sahaj smriti rahe। aise double ahinsak apne sampoorn satopradhaan stage se gir kar aatmaghaat nahin karte।