शुक्रवार 28 जनवरी 1977 की अव्यक्त मुरली - 2

>

29-01-77om shanti avyakt baapdaadaamdhuban

madhuban ki mahima

knowledgeful, niraakaari,nirvikaari baba madhuban nivaasi bachchon se bole :-

sabhi sada khush ho na? jo teenon kaalon ke raaz ko jaan gae to raazi ho gae ho na? kabhi bhi koi naaraaz hota hai arthaat drama ke raaz ko bhool jaata hai। jo sada drama ke raaz ko aur teenon kaalon ko jaanta hai to woh raazi rahega na। naaraaz hone ka kaaran raaz ko nahin jaanna hai। teenon kaalon ke gyaata banne vaale ko ‘trikaaldarshi’kaha jaata hai। woh sada raazi aur khush rehta hai। madhuban nivaasi arthaat sada khush aur raazi rahne vaale। doosre se naaraaz hona arthaat apne ko raaz jaanne ki stage se neeche le aana। takhta chhod kar neeche aate ho tab naaraaz hote ho। trikaaldarshi arthaat knowledgeful (Knowledgeful) knowledgeful ki stage ek takhta hai, oonchaai hai। jab is takhta ko chhodkar neeche aate ho tab naaraaz hote ho। jaisa sthaan vaisi sthiti honi chaahiye।

madhuban ko svarga bhoomi kehte ho na! yeh to maante ho madhuban svarga ka model (Model) hai to svarga mein maaya aati hai kya? iski bhi avidya honi chaahiye ki maaya kya hai। svarga mein maaya ka gyaan nahin hota hai। is bhoomi ko saadhaaran samajhne ke kaaran maaya aati hai। madhuban vardaan bhoomi ko saadhaaran sthaan nahin samjho। madhuban ki smriti bhi samarthi dilaati hai। madhuban mein rahne vaale ‘pharishte’ hone chaahiye। madhuban ki mahima arthaat madhuban nivaasiyon ki mahima। madhuban ki deevaaron ki mahima to nahin hai na! madhuban nivaasiyon ko saari duniya kis nazar se dekhti hai; vishwa ab tak bhi yaad ke roop mein kitni oonchi nazar se dekhti, bhakta bhi madhuban nivaasiyon ke gungaan karte hain। brahman parivaar bhi oonchi nazar se dekhta hai। agar aapki bhi itni oonchi nazar ho to pharishta to ho hi gae na?

madhuban nivaasi ‘yagya nivaasi’ bhi kahe jaate hain। yagya mein rahne vaalon ko apni aahuti daalni hai। tab phir doosre follow (Follow) karenge। yaadgaar ke yagya mein bhi aahuti saphal tab hoti hain, jab mantra japte hain। yahaan bhi sada manmanaabhav mantra smriti mein rahe tab aahuti saphal hoti hai। madhuban nivaasi to nirantar mantra mein sthit hone vaale hain। sirf bolne vaale nahin, lekin mantrasvaroop ho। abhi to baap ne riylaaeejeshan course (REALIZATION Course;anubhooti karna) diya hai to apne ko riylaaeejeshan kar change kiya? sabhi theek hain?koi theek kehta hai to baap-daada to kehte hain - mukh mein gulaab। kahne se bhi theek ho hi jaayega। kami ko baar-baar sochne se kami rah jaati hai। kami ko dekhte khatma karte jaao। chaik karne ke saath-saath change bhi karo। koi kamaal karke dikhaana hai na? itne samay mein jitna bhi saath mila,kamaal ki। koi aisa kaam jo kamaal ka gaaya jaae, ya karte hue bhi bhool jaate ho?apne ko sada gunmoortta dekhte oonchi stage par sthit rehte raho। neeche nahin aao। sunaaya tha na ki jo royal family (ROYAL Family;uchcha parivaar) ke bachche hote hain woh kab dharti par, mitti par paanv nahin rakhenge। yahaan deh-bhaan mitti hai, ismen neeche nahin aao। is mitti se sada door raho। sankalp se bhi dehaabhimaan mein aae arthaat mitti mein paanv rakha। vaacha, karmana mein aana arthaat mitti kha li। royal family ke bachche kabhi mitti nahin khaate। sada smriti mein raho ki oonche se oonche baap ke oonchi stage vaale bachche hain to neeche nazar nahin aaegi। puraanaapan to svapna se bhi khatma kar dena hai। jo yogi tu aatma, gyaani tu aatma hoga unka svapna bhi nai duniya,nai jeevan ka hoga। jab svapna hi badal gaya to sankalp ki baat hi nahin। madhuban nivaasiyon ke svapna bhi shreshtha। baap-daada bhi usi nazar se dekhte hain। madhuban nivaasi naam ki mahima hai jo ant samay tak bhi, naamdhaari(vrindaavan,madhuban) sirf naampar apna shareer nirvaah karte rehte hain। naam ki itni mahima hai, to madhuban nivaasiyon ka naam hi mahaan hai। jab naam ki itni mahima hai to svayan swaroop ki kya hogi? achha, sabhi santushta to ho hi, achha।