मंगलवार 26 अप्रैल 1977 की अव्यक्त मुरली

>

26-04-77om shanti avyakt baapdaadaamdhuban

svatantrata braahmanon ka janma-siddha adhikaar hai

sada svatantra rahne tatha sarva praapti ke adhikaari, prakriti aur maaya ko adheen banaane ki yukti bataate hue avyakt baap-daada bole:-

aavaaz se pare rahne vaali sthiti priy lagti hai, va aavaaz mein aane vaali sthiti priy lagti hai? master olmaaeeti authority (Master ALMIGHTY Authority;master sarvashaktivaan) is shreshtha stage par sthit ho? aavaaz se pare sthiti mein sthit ho sakte ho? olmaaeeti authority ke har direction ko practical mein laane ki himmat ka abhyaas ho gaya hai? baap-daada direction de ki vyartha sankalpon ko ek second mein stop (samaapta) karo, to kar sakte ho? baap-daada kahe is second mein master shakti ka saagar ban vishwa ko shakti ka mahaadaan do, to ek saikanda mein is stage par sthit ho, dene vaale daata ka kaarya kar sakte ho? direction milte hi master sarvashaktivaan ban vishwa ko shaktiyon ka daan de sakte ho? aise ever ready (sada taiyaar) ho? is stage par aane se pahle apne aap se rehearsal(Rehersal;poorva abhyaas) karo। koi bhi invention (Invention;aavishkaar) vishwa ke aage rakhne se pahle apne aap se rehearsal ki jaati hai। aisi rehearsal karte ho? is kaarya mein va abhyaas mein saphal kaun ho sakta hai? jo har baat mein svatantra hoga - kisi bhi prakaar ki partantrata na ho। baap-daada bhi svatantra banne ki hi shiksha dete rehte hain। aajkal ke vaataavran pramaan svatantrata chaahte hain। sabse pahli svatantrata puraani deh ke andar ke sambandh se hai। is ek svatantrata se aur sab svatantrata sahaj aa jaati hain। deh ki partantrata anek partantrata mein, na chaahte hue bhi aise baandh leti hai jo udte pakshi aatma ko pinjare ka pakshi bana deti hai। to apne aapko dekho svatantra pakshi hain va pinjare ke pakshi hain?puraani deh va puraane svabhaav sanskaar va prakriti ke anek prakaar ke aakarshan vash va vikaaron ke vasheebhoot hone vaali partantra aatma to nahin ho? partantrata sadaiv neeche ki or le jaaegi arthaat utarti kala ki taraph le jaayegi। kabhi bhi ateeindriy sukh ke jhoole mein jhoolne ka anubhav nahin karne degi। kisi na kisi prakaar ke bandhanon mein bandhi hui pareshaan aatma anubhav karenge,bina lakshya, bina koi ras, neeras sthiti ka anubhav karenge। sada svayan ko anubhav karenge - na kinaara, na koi sahaara spashta dikhaai dega;na garmi ka anubhav, na khushi ka anubhav - beech mein bhanvar mein honge। kuchh paana hai, anubhav karna hai, chaahiye-chaahiye mein manzil se apne ko sada door anubhav karenge। yeh hai pinjare ke pakshi ki sthiti। (bijli ghadi-ghadi banda ho jaati thi) abhi bhi dekho prakriti ke bandhanon se mukta aatma khush rehti hai। ab apna svatantra-divas manaao। jaise baap sada svatantra hai - aise baap samaan bano। baap-daada abhi bhi bachchon ko partantra aatma dekh kya sochenge?naam hai master sarvashaktivaan aur kaam hai pinjare ka pakshi banna?jo apne aapko svatantra nahin kar sakte,svayan hi apni kamjoriyon mein girte rehte ve vishwa parivartak kaise banenge। to apne bandhanon ki soochi (List) saamne rakho। sookshm-sthool sabko achhi reeti chaik karo। ab tak bhi agar koi bandhan raha hai to bandhanmukta kabhi bhi nahin ban sakenge। ‘ab nahin to kab nahin!’ sada yahi paath pakka karo। samjha? svatantrata brahman janma ka adhikaar hai। apna janma siddha adhikaar praapta karo। achha।

baap samaan sada svatantra aatmaaen, sarva praapti ke adhikaari, prakriti aur maaya ko adheen banaane vaale,sada ateendriy sukh mein jhoolne vaale aise master sukh ke saagar bachchon ko baap-daada ka yaad-pyaar aur namaste।

party se-

jaise laukik mein had ke rachta kahlaae jaate ho, vaise brahman jeevan mein apne ko is prakriti va maaya ke rachta samajh karke chalte ho? rachta kabhi bhi apni rachna ke vasheebhoot,adheen nahin hota। rachta arthaat maalik। maalik kabhi adheen nahin hota, adhikaari hote hain। 63 janma to pinjare mein rahe, ab baap aa karke pinjare se mukta karte hain। jab mukta aatma ban gae phir pinjare mein kyon jaae? arthaat bandhan mein kyon aae? nirbandhan ho? kabhi bhi kya kare - maaya aa gai! chaahte nahin the - lekin ho gaya;aise to nahin bolte ya sochte? purushaarthi hain, abhi thoda bahut to rahega hi, karmaateet to nahin hai - yeh purooshaarthaheen banaane ke sankalp hai। baap dvaara praapta hua khazaana aur us khazaane ke sukh va aananda ka anubhav abhi nahin kiya to satayug mein bhi nahin karenge। satayug mein, baap dvaara yeh khazaana praapta hua hai, yeh smriti emerge nahin hogi। abhi trikaaldarshi hi baap ke sammukh ho; phir baap vaanaprastha mein chale jaayenge।

abhi jo paana hai, woh abhi hi paana hai। pa lenge,nahin। saara din khushi mein aise khoye hue raho jo maaya dekh bhi na sake। door se hi bhaag jaae। jaise aajkal ki bijli ki shakti aisa current lagaati jo manushya najdeek se door jaakar padta। shock aata hai na। aise eeshvareey shakti maaya ko door phenk de। aisi current honi chaahiye। lekin current kismen hogi?jiska connection theek hoga। agar connection theek nahin to current nahin aayengi। connection (Connection;sambandh) shabd ka arth yeh nahin, jis samay yaad mein baithte us samay connection jut jaata, lekin chalte-phirte har second connection juta hua ho। aisa atoot connection hai jo current aaye? paandavon ka taaeetil (pad) hai - ‘vijayi’। kalpa-kalpa ke vijayi hain,yeh pakka hai। yaadgaar dekhkar khushi hoti hai na।

roj amritvele baap vardaan dete hain; agar roj vardaan lete raho to kabhi bhi kamzor nahin ho sakte। vardaan lene ke sirf paatra banna। jo bhi chaahiye amritvele sab mil sakta hai। braahmanon ke liye special (Special;vishesh) samay fix (Fix;niyukta) hai jaise kitna bhi koi bada aadmi ho, lekin phir bhi apne family (parivaar) ke liye vishesh time (samay) zaroor rakhenge। to amritvela vishesh bachchon ke prati hai,phir vishwa ki aatmaon prati। pahla chance bachchon ka hai। to sab achhi tarah se chance lete ho?ismen albele nahin banna।

maayaajeet bachchon ko dekh baap-daada ko bhi khushi hoti hai। jo baar-baar chadhte aur girte rehte to baap bhi dekh raham dil hone kaaran vishesh un aatmaon ko raham ki drishti se dekhte ki yeh kab maayaajeet ban jaae। achha।