रविवार 29 मई 1977 की अव्यक्त मुरली

>

29-05-77om shanti avyakt baapdaadaamdhuban

purooshaartha ki raphtaar mein rookaavat ka kaaran aur uska nivaaran

sada maryaada purooshottam, sarva khajaanon ko saphal karne vaale, saphaltaamoortta,baap ke aagyaakaari,shreemat par chalne vaale aatmaon prati baba bole-

harek purushaarthi yatha shakti purooshaartha mein chal rahe hain - baap-daada bhi harek purushaarthi ki raphtaar ko dekhte, jaante hain harek ke saamne kaun se vighna aate hain aur kaise lagan se vighna-vinaashak bante hain। kabhi rookte hain, kabhi daud lagaate hain, aur kabhi high jump (oonchi chhalaang) bhi lagaate hain। lekin rookaavten kyon aati hain,jiske kaaran teevra purushaarthi se purushaarthi ban jaate hain?chadhti kala ki bajaae thaharti kala mein aa jaate hain। maalik va master sarvashaktivaan ke bajaae, udaas va daas ban jaate hain। kaaran? bahut chhoti-chhoti baaten hain। jaise us din sunaaya, mool baat majority ke saamne vyartha sankalpon ka toofaan jyaada hai।

vyartha sankalp aane ka aadhaar hai, shubh sankalp arthaat shuddh vichaar,gyaan ke khazaane ki kami। milte hue bhi use (USE) karna nahin aata hai। aur jama karna nahin aata hai। va to vidhi nahin aati,is kaaran vriddhi nahin hoti। suna arthaat mila,lekin usi samay alpakaal ki khushi, va shakti ka anubhav karke,khatma kar dete hain। jaise laukik roop mein kamaaya aur khaaya, kuchh khaaya kuchh udaaya। isi reeti se dhaarna shakti ki kamjori hone kaaran,vidhi so vriddhi na karne kaaran sada svayan ko gyaan aur shaktiyon ke khazaane se khaali anubhav karte hain। isliye nirantar shaktishaali nahin ban paate hain। nirantar harshit nahin rah sakte। kamzor hone ke kaaran, maaya ke vighnon ke vasheebhoot va maaya ke daas ban jaate hain। saath-saath anya aatmaon ko sampanna dekhte hue, svayan udaas ho jaate hain। gyaan ka khajaana jama karna,shreshtha samay ka khajaana jama karna, va sthool khazaane ko, ek se laakh guna banaana arthaat jama karna, in sab khajaanon ko jama karne ka mukhya saadhan hai - svachchha arthaat hamaare buddhi aur sachchhi dil। pure buddhi ka aadhaar hai buddhi dvaara baap ko jaan, buddhi ko bhi baap ke aage samarpan karna। samarpan karna arthaat meraapan mitaana। aise baddhi ko samarpan kiya hai? shudrapan ki buddhi samarpan karna arthaat dena। to dene ke saath divya buddhi ka lena hai। dena hi lena hai। jaisa sauda karte hain, to dekar phir lete hain na। paisa dena, vastu lena। vaise yahaan bhi dena hi lena hai। pahle sab kuchh dena hai। kaise?shubh sankalp dvaara। sab kuchh baap ka hai, mera nahin। merepan ka adhikaar chhodna, isi ko hi samarpan kaha jaata hai। isi ko hi nashtomoha stage kaha jaata hai। smriti swaroop na hone ka kaaran, va vyartha sankalp chalne ka kaaran,udaas va daas banne ka kaaran,merepan se nashtomoha nahin hain। merepan ka vistaar bahut hai। baap-daada bhi saara din sabhi bachchen ka, vishesh dene ki chaturaai ka khel dekhte rehte hain। abhi-abhi denge,abhi-abhi phir vaapis le lenge। abhi-abhi mukh se kahenge-mera kuchh nahin, lekin mansa mein adhikaar rakha hua hai। adhikaar arthaat lagaav। kabhi karma se dekar vaani se vaapis le lete। chaturaai yeh karte hain ki nae ke saath puraana bhi apne paas rakhna chaahte hain। kahlaate hain trustee, lekin prekteekal (Practical;vyavhaar) hain grihasthi। to vyartha sankalp mitaane ka aadhaar hai,grihastheepan chhodna। chaahe kumaari hai va kumaar hai lekin, mera svabhaav, mera sanskaar, meri buddhi yeh vistaar grihastheepan hai। jo samarpan ho gae to jo baap ka svabhaav,woh aapka svabhaav। jo baap ka sanskaar, woh aapke sanskaar। jaise baap ki divya buddhi,vaise aapki। to divya buddhi mein smriti na rahe,yeh nahin ho sakta। ek ghante ki avastha bhi check karo to sadaiv sankalpon ka aadhaar koi na koi meraapan hi hoga। merepan ki nishaani sunaai lagaav।

lagaav ki bhi stejas (Stages;avasthaaen) hain। ek hai sookshm lagaav,jisko sookshm aatmik sthiti mein sthit hokar hi jaan sakte hain। doosre hain sthool roop ke lagaav, jisko sahaj jaan sakte ho। sookshm lagaav ka bhi vistaar bahut hai। bina lagaav ke, buddhi ki aakarshan vahaan tak ja nahin sakti। va buddhi ka jhukaav vahaan ja nahin sakta। to lagaav ki chaiking hui jhukaav। chaahe sankalp mein ho,vaani mein ho,karma mein ho,sambandh mein ho, samparka mein ho, na chaahte hue bhi samay us taraph lagega zaroor। is kaaran vyartha sankalp ka mool kaaran hai - lagaav। isko chaik karo। jin baaton ko aap nahin chaahte ho, woh bhi vyartha sankalpon ke roop mein disturb (Disturb;dakhal) karti hain। iska bhi kaaran,puraane svabhaav aur sanskaaron mein merepan ki kami hai। jab tak mera svabhaav,mera sanskaar hai, to woh kheechenge। jaise meri rachna, rachta ko khenchati hai,vaise mera svabhaav sanskaar roopi rachna aatma rachta ko apni taraph kheenchenge। mera nahin, yeh shoodrapan ka sanskaar hai,shoodrapan ke sanskaar ko mera kehna, yeh mahaapaap hai, chori bhi hai aur thagi bhi hai। shoodron ki cheez agar brahman chori karte, arthaat mera kehte, to yeh mahaapaap hua। aur baba! yeh sab kuchh aapka hai,aise kahkar phir mera kehna,yeh thagi hai। aur isi prakaar ke paap hone se,paapon ka bojh badhte jaane se, buddhi oonchi stage par tik nahin sakti। is kaaran vyartha sankalpon ke neeche ki stage par baar-baar aana padta hai। aur phir chillaate hain ki kya karen?

vyartha sankalpon ka doosra kaaran hai saare din ki dincharya mein mansa, vaacha,karmana jo baap dvaara maryaadaaon sampanna shreemat hai, uska kisi na kisi roop se ullanghan karte ho। aagyaakaari se avagyaakaari ban jaate ho। maryaadaaon ki lakeer se mansa dvaara bhi agar baahar nikalte,to vyartha sankalp roopi raavan, vaar kar sakta hai। to yeh bhi chaiking karo,sankalp dvaara, vaani,karma, sambandh,samparka dvaara braahmanon ki neeti aur reeti ko ullanghan to nahin karte hain? avashya koi neeti va reeti miss (Miss;gum) hai tab buddhi mein vyartha sankalp mix (Mix;mishrit) hote hain। samjha doosra kaaran? isliye chaiking achhi tarah honi chaahiye। tab vyartha sankalpon ki nivritti ho sakti hai। saara din baap dvaara jo shuddh pravritti mili hui hai,buddhi ki pravritti hai shuddh sankalp karna, vaani ki pravritti hai jo baap dvaara suna woh sunaana, karma ki pravritti hai karmayogi ban har karma karna,kamal samaan nyaara aur pyaara ban rehna, har karma dvaara baap ke shreshtha kaaryon ko pratyaksha karna tatha har karma charitra roop se karna। chaturaai nahin lekin charitra,woh bhi divya charitra। samparka mein pravritti hai nimitta svayan samparka mein aate sada sarva ka jo baap hai, usse samparka karaana। ta aisi pavitra pravritti mein busy rahne se vyartha sankalpon se nivritti hogi। woh log kehte hain pravritti se nivritti। baap kehte hain ‘pavitra pravritti se hi nivritti ho।’ grihasthi alag hai - unko grihasthi nahin kahenge। pavitra pravritti ko trustee kahenge na ki grihasthi। to samjha nivritti ka aadhaar pavitra pravritti hai। achha।

sada maryaada purooshottam, sarva khajaanon ko saphal karne vaale, saphaltaamoortta,vyartha ko samartha mein parivartan karne vaale, aise baap ke aagyaakaari,sada shreemat par chalne vaale bachchon ko baap-daada ka yaad-pyaar aur namaste।

party ke saath-

shaktiyaan apna jalva dikhaaengi, paandav saath denge। shaktiyon ko aage rakhna arthaat svayan aage hona। unhon ko aage rakhne se aapka naam baala ho jaaega। jo tyaag karta uska bhaagya automatically jama ho jaata hai। shaktiyaan shastradhaari ho? shastran se thak to nahin jaati? shastradhaari shaktiyon ka hi poojan hota hai। to aap sabhi poojya ho? poojya arthaat shastradhaari। agar kisi bhi samay shastra chhod deti to us samay poojya nahin। shakti roop nahin to kamzor ho। kamzor ki pooja nahin hoti। poojya arthaat sada poojya - aise nahin, kabhi poojya kabhi kamzor। to shastra sada kaayam rehte hain?jab apne ko grihasthi samajhte tab grihasthi ka jaal hota। grihasthi banna arthaat jaal mein phansana। trustee arthaat mukta। sada yahi smriti rakho ki ham poojya hain।

kaisa bhi koi parivartan aave, usmein vijayi hone kaaran raaji rehte। kabhi bachchon aadi se naaraaj to nahin hoti? jab kehte ho bachche, to bachche arthaat besmajh। bachche arthaat chanchal, jab hain hi chanchal svabhaav, besmajh to unse naaraaj kyon hote?jab raaj ko jaante hain ki kaliyugi bachche hain, tamoguni paidaaish hai, zaroor chanchal honge। jaisi mitti vaisa hi matka banega। mitti garam hai to paani thanda ho - yeh ho kaise sakta?to naaraaj hona arthaat gyaanvaan nahin। raaj ko nahin jaante। agar yogayukta hokar unhein shiksha do to woh parivartan ho jaaenge। naaraaj nahin hona hai।

saara din sankalp, bol aur karma baap ke yaad aur seva mein hi lage rehte hain?har sankalp baap ki yaad va seva। aise hi har bol dvaara baap ki yaad dilaana ya diya hua khajaana doosron ko dena। karma dvaara bhi baap ke charitron ko siddha karna। to aise yaad aur seva mein sadaiv rehte ho? agar yaad aur seva in donon mein sada busy raho to maaya aa sakti hai? agar yaad aur seva ko bhoolte to maaya ka get (Gate;dvaar) khol dete hain। to yeh get nahin kholo। vismriti arthaat maaya ka get kholna, smriti arthaat pakka gaadrej ka lock lagaana। yaad aur seva ki smriti double lock hai। double lock lagaayenge to maaya kabhi nahin aa sakti। agar single lock sirf yaad ka lagaate, seva nahin to bhi maaya aa jaayegi। brahman jeevan hi hai yaad aur seva। to jeevan ka kaarya koi bhoolta hai kya?agar bhoolte to maaya se dhokha khaate। dhokha khaane se duhkh ki lahar aati। to double lock sadaiv banda rakhna। isse sada safe rahenge, khush rahenge, santushta rahenge।

sada har kadam shreemat par uthaane vaale shreshtha aatma apne ko samajhte ho? har kadam shreemat par hai ya manmat par hai? uski parakh jaante ho?parakhne ka saadhan kya hai?shreemat aur manmat ko parakhne ka saadhan yahi hai ki agar shreemat par kadam hoga to kabhi bhi apna man asantushta nahin hoga। man mein kisi prakaar ki halchal nahin hogi। svatah shreemat par chalne se natural (Natural;vaastavik) khushi rahegi। jaise koi achha karma kiya jaata to uski svatah andar se khushi hoti hai। bura kaam kiya jaata to andar se man zaroor khaata hai - chaahe baahar se bole nahin। manmat par chalne vaale ke man mein halchal hogi। shreemat par chalne vaala sada halka aur khush hoga। isse parakh sakte ho ki shreemat par hoon ya manmat par hoon? -yeh thermometer hai। jab bhi man mein halchal ho, jara si khushi ka percentage kam ho to check karo -zaroor koi shreemat ki avagya hogi। sada chaiking aur change। chaiking ka arth hai change karna। chaiking aur change yeh donon hi shaktiyaan chaahiye। magar donon mein se ek ki bhi kami hai to santushta nahin rah sakte। na svayan santushta rahenge na auron ko santushta kar sakenge। ‘change hone ki shakti tab aaegi jab sahanshakti hogi। buddhi ki line clear hone se parakh shakti aaegi।’achha।