शनिवार 18 जून 1977 की अव्यक्त मुरली

>

18-06-77om shanti avyakt baapdaadaamdhuban

yog ki powerful stage kaise bane?

sada baap ke har aagya ka paalan karne vaale, aagyaakaari,vaphaadaar,sada svayan ko abhyaas mein busy rakhne vaale, sampoorn gyaan aur yog ki har visheshta ko jeevan mein laane vaali aatmaon ke prati baap-daada ne ye mahaavaakya uchchaare:-

roohaani milan manaane ke liye vardaan bhoomi par aaye ho। roohaani milan vaani se pare sthiti mein sthit hone se hota hai va vaani dvaara hota hai? vaani se pare sthiti priy lagti hai va vaani mein aane ki sthiti priy lagti hai?vaani se pare sthiti shaktishaali hai aur sarva ki seva ke nimitta banaati va vaani dvaara sarva ki seva karne se sthiti shaktishaali anubhav hoti hai?behad ki seva vaani se pare sthiti dvaara hoti hai va vaani se hoti hai? antim sampoorn stage jismen sarva shaktiyon se sampanna master sarvashaktivaan,master knowledgeful ki sthiti practical roop mein hoti hai। aisi sampoorn sthiti vaani se pare ki hoti hai va vaani mein aane se hoti hai?sarva aatmaon ke prati vishwa kalyaankaari,mahaadaani, vardaani, sarva prati sarva kaamnaaon ki poorti karne vaali stage vaani se pare sthiti ki hai va vaani mein aane ki? donon ke anubhvi daaenon stages ko jaanne vaale ho?donon mein se jyaada samay kismen sthit ho sakte ho?kaun-si sthiti sahaj anubhav hoti hai? aise ever ready ho jo second mein jis sthiti mein sthit hone ka direction mile to usi samay svayan ko sthit kar sako va sthit hone mein hi samay nikal jaaega?kyonki jaise samay sampanna hone ka sameep aa raha hai,to samay ke pahle svayan mein yeh visheshta anubhav karte ho?antim samay full stop (Full Stop;poorn viraam) hone sarvashreshtha saadhan yahi hai,jo direction mile usi pramaan, isi ghadi us sthiti mein sthit ho jaana। is saadhan ke practice ko anubhav mein la rahe ho? practice hai? baap-daada ne abhyaas to bahut samay se sikhaaya hai aur sikha rahe hain lekin is abhyaas mein svayan ko sampanna kitne samajhte ho? abhi is varsha ke ant tak svayan ko aise ever ready bana sakenge?taiyaar ho va samay ko dekhte svayan ka abhyaas karne mein aur hi albel ho gae ho? naam roop kab vinaash hoga? is baat ko sochte hue purooshaartha mein sampanna hone ke bajaae,vyartha chintan va vyartha sankalpon ki kamzori mein aaraam pasanda ho gae ho?

aajkal bachchon ke purooshaartha ki raphtaar dekhte hue baap-daada muskaraate rehte hain। sarva aatmaon ko baar-baar sandesh yahi dete rehte ki ‘yogi bano, gyaani bano’ aur sandesh dene vaale svayan ko yeh sandesh dete ho? majority aatmaaen vishesh sabjaikta yaad ki yaatra va yogi bano ki stage mein kamzor dikhaai de rahi hain। baar-baar ek hi shikaayat baap-daada ke aage va nimitta bani hui aatmaon ke aage karte hain - yog kyon nahin lagta va nirantar yog kyon nahin rehta? yog ki powerful stage kaise bane? anek baar anek prakaar ki yuktiyaan milte hue bhi baar-baar yahi chitkiyaan baap-daada ke milti hain। usse kya samjha jaae? sarva shaktivaan ke bachche ban shaktiheen aatma hona,jo svayan ko bhi control na kar sake, ve vishwa ke raajya ka control kaise karenge?kaaran kya hai?yog to seekha,lekin yogayukta rahne ki yuktiyon ko prayog karna nahin aata hai। yog-yog karte parantu prayog mein laane ka attention nahin rakhte।

vartamaan samay vishesh ek lahar dikhaai deti hai। koi bhi baat saamne aati to baap dvaara mili hui saamna karne ki shakti ka svayan prayog nahin karte, lekin baap ko saamne kar dete hain ki, aapko saath le jaana hai, humein shakti do, madad dena aap ka kaam hai, aap na karenge to kaun karega? thodi si aasheervaad kar do, aap to saagar ho,ham ko thodi si anchali de do। svayan ki saamna karne ki himmat chhod dete hain, aur himmatheen banne ke kaaran madad se bhi vanchit rah jaate hain। brahman jeevan ka vishesh aadhaar hai - ‘himmat।’jaise shvaas nahin to jeevan nahin, vaise himmat nahin to brahman nahin। baap ka bhi vaayda hai - ‘himmate bachche madat de baap’ sirf madat de baap nahin hai। aajkal ki lahar mein baap ke oopar chhod dete hain। aur svayan albele rah jaate hain। ab karna kya hai? vishesh kamzori yeh hai jo har shakti ko va har gyaan ki yukti ko sunte hue va milte hue svayan ke prati use nahin karte arthaat abhyaas mein nahin laate। sirf varnan karne tak laate। lekin antarmukh ho har shakti ki dhaarna karne ke abhyaas mein jaao। jaise koi nai invention (Invention;aavishkaar) karne vaala vyakti din raat usi invention ki lagan mein khoya hua rehta hai vaise har shakti ke abhyaas mein khoe hue rehna chaahiye। jaise sahanshakti va saamna karne ki shakti kisko kaha jaata hai?sahan shakti se praapti kya hoti hai,sahanshakti ko kis samay use kiya jaata hai?sahanshakti na hone ke kaaran kis prakaar ke vighnon ke vasheebhoot ho jaate hain? agar koi maaya ka roop krodh ke roop mein saamna karne aaye to kis reeti se vijayi ban sakte ho? kaun-kon si paristhitiyon ke roop mein maaya sahanshakti ke paper le sakti hai? one in advance (One In Advance;pahle se hi) vistaar se buddhi dvaara saamne laao। real paper hall mein jaane ke pahle svayan ka master ban svayan ka paper lo, to real imtahaan mein kabhi fail nahin honge। aise ek-ek shakti ke vistaar aur abhyaas mein jaao। abhyaas kam karte hain, ‘vyaas’sab ban gae ho,lekin abhyaas nahin karte ho। isi prakaar svayan ko busy (Busy;vyasta) rakhne nahin aata,isliye maaya aapko busy kar deti hai। agar sada abhyaas mein busy raho to vyartha sankalpon ki complaint bhi samaapta ho jaae। saath-saath aapke abhyaas mein rahne ka prabhaav aapke chehre se dikhaai de। kya dikhaai dega? ‘antarmukhi sada harshitmukhi’dikhaai denge, kyonki maaya ka saamna karna samaapta ho jaaega। jaise anubhvon ko badhaate chalne se baar-baar ek hi shikaayat karne se chhoot jaaenge। jaise sarvashaktiyon ke abhyaas ke liye sunaaya vaise hi svayan ko yogi tu aatma kahlaate ho, lekin yog ki paribhaasha jo auron ko sunaate ho uska svayan ko abhyaas hai?

yog ki mukhya visheshtaaen - sahaj yog hai, karma yog hai, raajayog hai, nirantar yog hai, pramaatma yog hai। jo varnan karte ho ve sab baaten svayan ke abhyaas mein laae ho? sahaj yog kyon kaha jaata hai? uska spashteekran achhi tarah se jaante ho? va abhyaas mein bhi laaya hai? agar sirf knowledgeful ho,to abhyaas mein laao। aur sarva visheshtaaon ka abhyaas chaahiye tab sampoorn yogi ban sakenge। sahaj yog ka abhyaas hai aur raajayog ka nahin, to full paas nahin ho sakenge। isliye har yog ki visheshta ka,har shakti ka aur har ek gyaan ki mukhya point ka abhyaas karo। yahi kami hone ke kaaran maijoriti kamzor ban jaati hai,vaise abhyaas ki kami ke kaaran kamzor aatma ban jaate hain। abhyaasi aatma, lagan mein magan rahne vaali aatma ke saamne kisi bhi prakaar ka vighna saamne nahin aata। lagan ki agni se vighna door se hi bhasma ho jaate hain। jaise aap log model banaate ho na - shakti-swaroop ke, shakti se asur va paanch vikaar bhasma hue dikhaate ho na,ya bhaagte hue dikhaate ho। to yeh model kis ka banaate ho? abhi kya karenge?har baat ka prayog karne ki vidhi mein lag jaao। abhyaas ki prayogshaala me baithe raho to ek baap ka sahaara aur maaya ke anek prakaar ke vighnon ka kinaara anubhav karenge। abhi gyaan ke saagar,gunon ke saagar, shaktiyon ke saagar mein oopar-oopar ki lahron mein lahra rahe ho। isliye alpakaal ki refreshment anubhav karte ho। lekin ab saagar ke tale mein jaao to anek prakaar ke vichitra anubhav kar ratna praapta kar sakenge। svayan bhi samartha bano। ab yahi chitkiyaan nahin likhna,baap ko hansi aati hai। chhoti-chhoti baaten aur vahi-vahi baaten likhte ho। vinaashi doctor ka kaarya bhi baap ke oopar rakhte hain। rachna apni, karmabandhan apna banaaya hua aur todne ki duty phir baap ke oopar। baap ki duty hai yukti bataana va khud hi karna? baap bataane ke liye nimitta hai va karne ke liye bhi nimitta hai?natkhat ho jaate hain na। natkhat bachche sab baap ke oopar hi chhod dete hain। kehte hain - laukik bachcha kehna nahin maanta aap isko theek karo। baap to theek karne ka tareeka suna rahe hain।‘karenge to paayege।’ baap ko world sarvent samajhte hue sab baap ke oopar chhodna chaahte hain, isliye jo direction milte hain us par dhyaan dekar practical mein laao to sab vighnon se mukta ho jaayenge। samjha? achha।

sada baap ke har aagya ka paalan karne vaale aagyaakaari, ‘ek baap doosra na koi’ is paath ka paalan karne vaale, sada svayan ko abhyaas mein busy rakhne vaale, sampoorn gyaan aur yog ki har visheshta ko jeevan mein laane vaale aisi vishesh aatmaon ko baapdaada ka yaad-pyaar aur namaste।

vidaai ke samay:-

mahaarthiyon ki speed sabse fast arthaat teevra hai, lekin saath-saath brake bhi itni powerful ho। har second mein sankalp dvaara saari vishwa to kya,teenon lonkon ke chakra ko saamne laate, teenon lonkon ka chakkar bhi lagaaven aur oopar stop karen to buddhi bilkul beej roop sthiti mein second mein sthit ho jaaven - aisi practice ho। ati vistaar aur stop। brake itni powerful ho;stop karne mein time na lage। jaise sthool militri vaalon ko agar martial (Marshal) order karta hai, daud rahe hain full force mein aur martial order kare - ‘stop’ - koi second bhi lagaave to shoot kiya jaae। to jaise woh shaareerik practice hai,vaise yeh hai sookshm practice। mahaarthiyon ke purooshaartha ki gati bhi teevra aur brake bhi powerful ho,tab ant mein ‘paas with honour’ banenge। kyonki us samay ki paristhitiyaan buddhi mein sankalp laane vaali hogi, us samay sab sankalpon se pare ek sankalp mein hone ki sthiti chaahiye। paristhitiyaan kheenchengi। aise time par brake powerful na hogi to paas na ho sakenge। isliye mahaarthiyon ki practice aisi honi chaahiye, jis samay vistaar mein bikhri hui buddhi ho aur usi samay stop ki paiktis karen। jaise draaeevar ko jab motor chalaane ki practice karaate hain to jaan-boojh kar aisa raasta bana hua hota hai jisse maaloom pade ki yeh kahaan tak accident se pare rah sakte hain। isi reeti se yeh bhi pahle se hi practice chaahiye। stop kehna aur hona। yeh hain ashta ratnon ki saugaat। ek second bhi yahaan-vahaan nahin। isliye sirf 8nikalte hain। aisi practice hai?bilkul aise anubhvi ho jaise sthool haath aadi control mein hain, vaise sookshm shaktiyaan tatha sankalp control mein ho। vaastav mein hain yeh vistaar ke sankalp ko control karne ki baat, lekin un longon ne shvaas ko control karne ka saadhan bana diya hai। yahaan hai vistaar ke bajaae ek sankalp mein sthit hona,un longon ne shvaas ko control karne ka abhyaas chaalu kar diya hai। ab mahaarthiyon ke yaad ki yaatra ki aisi siddhi chaahiye। aise ek sankalp ko dhaaran karne vaale, jo jitna samay chaahe buddhi ko sthit karen। achha।

sada baap ke har aagya ko paalan karne vaale, aagyaakaari, ‘ek baap doosra na koi’ -is paath ko practical mein laane vaale vaphaadaar, sada apne ko abhyaas mein busy rakhne vaale, sampoorn gyaan aur yog ki har visheshta ko jeevan mein laane vaale, aisi vishesh aatmaon ko baap-daada ka yaad-pyaar aur namaste।