शुक्रवार 13 जनवरी 1978 की अव्यक्त मुरली

>

13-01-78om shanti avyakt baapdaadaamdhuban

intazaar ke pahle intazaam karo

kalyaankaari, mahaadaani,mahaan vardaani banaane vaale daya ke saagar pita shiv vatson se bole :-

aaj baap bachchon ko dekh sada harshit hote hain। harek bachcha vartamaan samay mein vishwa ki sarva aatmaon mein shreshtha hai aur bhavishya mein bhi vishwa dvaara poojyaneey hain। aise sarva shreshtha gaayan aur poojan yogya yogi tu aatmaaen, gyaani tu aatmaayen,divya-gundhaari,sada vishwa ke sevaadhaari baap-daada ke sada sneh aur sahayog mein rahne vaale - aise bachchon ko dekh baap ko kitni khushi hoti hai! nambarvaar hote hue bhi last number ka manka bhi vishwa ke aage mahaan hai। aise apni mahaanta ko, apni mahima ko jaante hue chalte rehte ho ya chalte-chalte apne ko saadhaaran samajh lete ho? alaukik baap dvaara praapta hui alaukik jeevan,alaukik karma saadhaaran nahin hain। last number ke manke ko bhi aaj ant tak bhakta aatmaayen aankhon par rakhti hain। kyonki last number bhi baap-daada ke naynon ke taare hain, noore ratan hain। aise noore ratan ko ab tak bhi naynon par rakha jaata hai। apne shreshtha bhaagya ko jaante hue, varnan karte hue anjaan nahin bano। ek baar bhi man se,sachche dil se apne ko baap ka bachcha nishchay kiya us ek second ki mahima aur praapti bahut badi hai। direct baap ka bachcha banna- jaante ho kitni badi lottery (Lottery) hai। ek second mein naam sanskaar shoodra se brahman ho jaata hai। sansaar badal jaata- sanskaar badal jaate, drishti,vritti,smriti sab badal jaata ek second ke khel mein। aisa shreshtha second bhool jaate ho। duniya vaale ab tak nahin bhoole hain। aap aatmaaen chakkar lagaate badal bhi gaeen lekin duniya vaale nahin bhoole। abhi aap sabka bhaagya varnan karte itne khush hote hain- samajhte hain bhagwan hi mil gaya। jab duniya vaale nahin bhoole hain, aap svayan anubhvi moortta to sarva praapti karne vaali aatmaayen ho,phir bhool kyon jaate ho?bhoolna chaahiye nahin lekin bhool jaate ho।

is naye varsha mein baap-daada ko kaun-si naveenta dikhaayenge। jo samay diya hua tha us pramaan to sab sampoorn hi dikhaai dete। jab lakshya 77 (san1977) ka rakha to lakshya pramaan sarva brahman aatmaon ka apna purooshaartha sampanna hona chaahiye। aap to parivartan ke liye taiyaar ho na। ab ka jo samay mila hai woh braahmanon ke svayan purooshaartha ke liye nahin hai lekin har sankalp har bol dvaara daata ke bachche vishwa ki aatmaon prati praapta hue khazaanon ko dene arth hai। woh extra (atirikta) time (Time) svayan ke purooshaartha prati nahin lekin doosron ke prati samay,gun aur khazaana dene ke liye hai। baap ne jis kaarya ke liye samay aur khazaana diya hai agar uske badle svayan prati samay aur sampati lagaate ho to yeh bhi amaanat mein khayaanat hoti hai। yeh vishesh varsha brahman aatmaon ke prati mahaadaani vardaani banne ka hai। jaise aap log programme banaate ho ki is maas mein vishesh yog ka programme hoga, doosre maas mein vishesh seva ka hoga। vaise drama plan anusaar yeh extra samay mahaadaani banne ke liye mila hai। ab tak puraani bhaasha, puraani baaten, puraani reeti rasma woh achhi reeti sab jaante ho। is varsha ka samay iske liye nahin hai। jaise baap ke aage svayan ko samarpan kiya vaise ab apna samay aur sarva praaptiyaan,gyaan,gun aur shaktiyaan vishwa ki seva arth samarpan karo। jo sankalp uthta hai to chaik karo ki vishwa seva prati hai। aise seva prati arpan hone se svayan sampanna sahaj ho jaayenge। jaise jab koi seva ka vishesh programme banaate ho to vishesh kaarya mein busy (Busy) hone ke kaaran svayan ke aaraam ya svayan ke prati saileveshan (Salvation) dene vaali baaten ya chalte-chalte anya aatmaon dvaara aai hui chhoti-chhoti pareekshaaon ko atainshan nahin dete ho, avoid(Avoid) karte ho। kyonki sada kaarya ko saamne rakhte ho aur busy rehte ho। svayan prati samay na lagaakar seva mein vishesh lagaate ho। aise hi is naye varsha mein har second aur sankalp ko seva prati samajhne se, is kaarya mein busy rahne se pareekshaaon ko paas aise karenge jaise kuchh hai hi nahin। sankalp mein bhi nahin aavega ki yeh baat kya thi aur kya hua। svayan ko samarpan karne se is seva ki lagan mein yeh chhote bade papers ya pareekshaaen svatah hi samarpan ho jaavengi। jaise agni ke andar har vastu ka naam roop badal jaata hai vaise pareeksha ka naam roop badal pareeksha praapti ka roop ban jaavegi। maaya shabd se ghabraayenge nahin, sada vijayi banne ki khushi mein naachte rahenge। maaya ko apni daasi anubhav karenge to daasi sevaadhaari banegi ya ghabraayenge। svayan surrender (Surrender) ho jaao seva mein to maaya svatah hi surrender ho jaavegi। lekin surrender nahin hote ho to maaya bhi achhi tarah se chance (avsar) leti hai। chance (Chance) lene ke kaaran braahmanon ka bh chancellor (Chancellor) ban jaati hai। maaya ko chancellor banne nahin do। svayan seva ka chance le chancellor bano। ab suna samay kyon mila hai। ab koi complain nahin karna। samay ke hisaab se harek ko complete (Complete) hona hai। complete aatma kabhi complain (Complaint) nahin karti hai। ho hi jaata, hota hi hai, yeh bhaasha nahin bolti। naya varsha, nai bhaasha, naya anubhav। puraani cheez sambhaalna achha lagta hai lekin use (Use) karna achha nahin hota। to aap use kyon karte ho? 5000varsha ke liye sambhaal kar rakh do। puraane se preet nahin rakho।

sadaiv bhakta aatmaon, bhikhaari aatmaon aur pyaasi aatmaon ke saamne apne ko saakshaat baap aur saakshaatkaar moortta samajhkar chalo। teenon hi line lambi hain। is queue (pankti) ko samaapta karne mein lag jaao। pyaasi aatmaon ki pyaas bujhaao,bhikhaariyon ko daan do। bhakton ko bhakti ka phal baap ke milan ka maarga bataao। is queue ko sampanna karne mein busy rahenge to svayan ke prati kyon ki queue samaapta ho jaavegi। samay ki intazaar mein nahin raho lekin teenon prakaar ki aatmaon ko sampanna banaane ke intazaam mein raho। ab to nahin poochhenge ki vinaash kab hoga। queue ko samaapta karo to parivartan ka samay bhi samaapta ho jaaega। sangam ka samay satayug se shreshtha nahin lagta hai?thak gaye ho kya? jab poochhte ho vinaash kab hoga to thake hue ho tab to poochhte ho। baap ka bachchon se ati sneh hai। baap ko yeh mela achha lagta hai। aur bachchon ko svarga achha lagta hai। svarga to 21 janma milega hi lekin yeh sangam nahin milega। to thak mat jaao। seva mein lag jaao to pratyaksha phal anubhav karenge। bhavishya phal to aapka nishchit hai hi lekin pratyaksha phal ka anubhav sukh saare kalpa mein nahin milega। isliye bhakton ki pukaar suno। merciful bano, mahaadaani ban mahaan punyaaatma ka part bajaao। achha-।

aise baap ke pharmaanbardaar dridh sankalp aur second mein aagyaakaari baap samaan sada vishwa ke kalyaankaari mahaadaani mahaan vardaani sarva ko sampanna karne vaale sada svayan ko seva mein tatpar karne vaale aise baap samaan bachchon ko baapdaada ka yaad-pyaar aur namaste।

deedi ji se baatcheet

sabko ek baat ka intazaar hai woh kaun si baat hai? jo shuru ki paheli hai main kaun?vahi last tak bhi hai। sabko intazaar hai aakhir bhi bhavishya mein main kaun ya maala mein main kahaan ab yeh intazaar kab poora hoga? sab ek do mein rooh- roohaan bhi karte hain 8mein kaun honge, 100 mein kaun honge, 16,000 ka to koi savaal hi nahin। aaikhar bhi 8 mein ya100 mein kaun honge। videshi sochte hain ham kaun-si maala mein honge last mein aane vaale sochte hain ham kaunn-si maala mein honge aur shuru mein aane vaale phir sochte hain last so fast hai। na maaloom hamaara sthaan hai ya last vaale ka hai। aakhir hisaab kya hai? kitaab to baap ke paas hai na। fix nahin kiye gaye hain। aap logon ne bhi art kampateeshan (Art Competition) ki to chitra kaise chuna। pahle thode alag kiye phir usmein se ek, do, teen number lagaaya। pahle chunne hote hain phir number vaar fix hote hain। to ab chune gaye hain। lekin fix nahin hue hain। (peechhe aane vaalon ka kya hoga) sadaiv kuchh seetas (Seats) ant tak bhi hoti hain। rizarveshan (Reservations) hoti hai to bhi last tak kuchh quota rakhte hain lekin woh koton mein koi, koi mein bhi koi hota hai। achha aap sab kis maala mein ho। apne mein ummaden rakho। koi na koi esi wonderful (Wonderful) baat hogi jiske aadhaar par aap sabki ummeeden poori ho jaavengi। ashta ratnon ki visheshta ek vishesh baat se hai। ashta ratan practical (Practical) mein jaise yaadgaar hain vishesh to jo ashta shaktiyaan hain woh har shakti unke jeevan mein practical dikhaai degi। agar ek shakti bhi praikteekal jeevan mein kam dikhaai deti to jaise agar moorti ki ek bhuja khandit ho to poojyaneey nahin hoti isi prakaar se agar ek shakti ki bhi kami dikhaai deti to ashta devtaaon ki list (List) mein ab tak fix nahin kahe jaayenge। doosri baat ashta devtaaen bhakton ke liye vishesh ishta maane jaate hain। ishta arthaat mahaan poojya। ishta dvaara har bhakta ko har prakaar ki vidhi aur siddhi praapta hoti hai। yahaan bhi jo ashta ratan honge woh sarva brahman parivaar ke aage ab bhi ishta arthaat har sankalp aur chalan dvaara vidhi aur siddhi ka maarga darshan karne vaale sabke saamne ab bhi aise hi mahaanmoortta maane jaayenge। to ashta shaktiyaan bhi hongi aur parivaar ke saamne ishta arthaat shreshtha aatma, mahaan aatma, vardaani aatma ke roop mein honge। yeh hai ashta ratnon ki visheshta। achha।

party se baatcheet mein bachchon ke prati uchchaare anmol gyaan ratan

1. duniya ke vibration (Vibrations) se athva maaya se safe rahne ka saadhan

sada ek baap doosra na koi jo isi lagan mein magan rehte woh maaya ke har prakaar ke vaar se bache rehte hain। jaise jab ladaai ke samay bombs (Bombs) giraate hain to underground1 (Underground) ho jaate,uska asar unhein nahin hota to aise hi jab ek lagan mein magan rehte to duniya ke vibration se,maaya se bache rahenge, sada safe rahenge। maaya ki himmat nahin jo vaar kare। lagan mein magan raho। yahi hai safety ka saadhan।

2. baap ke sameep ratnon ki nishaani

baap ke sameep rahne vaalon ke oopar baap ke sat ke sang ka rang chadha hua hoga। sat ke sang ka rang hai roohaaniyat। to sameep ratan sada roohaani sthiti mein sthit honge। shareer mein rehte hue nyaare, roohaaniyat mein sthit rahenge। shareer ko dekhte hue bhi na dekhen aur aatma jo na dikhaai dene vaali cheez hai। woh pratyaksha dikhaai de yahi kamaal hai। roohaani masti mein rahne vaale hi baap ko saathi bana sakte, kyonki baap rooh hai।

3. puraani duniya ke sarva aakarshanon se pare hone ki sahaj yukti

sadaiv nashe mein raho ki ham avinaashi khazaane ke maalik hain। jo baap ka khazaana gyaan, sukh shanti, aananda hai… woh sarva gun hamaare hain। bachcha baap ki proparta (Property) ka svatah hi maalik hota hai। adhikaari aatma ko apne adhikaar ka nasha rehta hai, nashe mein sab bhool jaata hai na। koi smriti nahin hoti, ek hi smriti rahe baap aur main - isi smriti se puraani duniya ke aakarshan se automatically pare ho jaayenge। nashe mein rahne vaale ke saamne sada nishaana bhi spashta hoga। nishaana hai pharishtepan ka aur devtaapan ka।

4. ek second ka wonderful khel jisse paas with honour ban jaayen –

ek second ka khel hai abhi-abhi shareer mein aana aur abhi-abhi shareer se avyakt sthiti mein sthit ho jaana। is second ke khel ka abhyaas hai, jab chaaho jaise chaaho usi sthiti mein sthit rah sako। antim paper second ka hi hoga jo is second ke paper mein paas hua vahi paas with honour hoga। agar ek second ki halchal mein aaya to fail, achal raha to paas। aisi controlling power (Controlling Power) hai। abhi aisa abhyaas teevra roop ka hona chaahae। jitna hangaama ho utna svayan ki sthiti ati shant। jaise saagar baahar aavaaz sampanna hota andar bilkul shant, aisa abhyaas chaahiye। controlling power vaale hi vishwa ko control kar sakte hain। jo svayan ko nahin kar sakte woh vishwa ka raajya kaise karenge। sametne ki shakti chaahiye। ek second mein vistaar se saar mein chale jaayen। aur ek second mein saar se vistaar mein aa jaayen yahi hai wonderful khel।

5. atindreey sukh ke jhoole mein jhoolte raho

aapko sabhi aatmaayen sukh mein jhoolta dekh duhkhi se sukhi ban jaayen। aapke nayan, mukh chehra sab sukh den, aisa sukhdaayi banen। aisa sukhdaai jo banta use sankalp mein bhi duhkh ki lahar nahin aa sakti। achha।

madhuban nivaasi bhaai-bahnon se

madhuban nivaasi sabhi sada baap ki yaad mein lavleen rahne vaale ho na। baap ke samaan sada athak aur sada double light (Double Light) sthiti mein sthit ho na। jo jitna halka hota utna athak hota। kisi bhi prakaar ka bojh thakaata hai। jaise shareer ke bojh vaala bhi thak jaata, halka thakta nahin। aise kisi bhi prakaar ka bojh chaahe mansa ka ho, chaahe samparka, sambandh ka ho, lekin bojh thakaavat mein laayega। madhuban nivaasiyon ko athak bhav ka vardaan mila hua hai। to athak ho na? aur bhi mela chale?jitna aage chalenge utna yeh mela bada hi hoga, kam nahin। jitna badhaate jaayenge utna badhta jaayega। kitna bhi plan banaao,jitna banaayenge utna badhta jaayega kyonki sangam par hi eeshvareey parivaar ki vriddhi hoti hai। jitna samay kam utni vriddhi jyaada। yeh to nahin samajhte aur bahut aa jaayenge to ham rah jaayenge। jo khud tyaageemoortta bante unke liye sabka svatah hi khyaal rehta hai। to aap log to nishkaami ho na। jitna har kaamna se nyaare rahenge utna har kaamna sahaj poori hoti jaayegi। khushi mein, praapti mein thakaavat nahin hoti। madhuban nivaasiyon ne purooshaartha ka naya tareeka kya nikaala hai? madhuban nivaasiyon ko purooshaartha ki nai yuktiyaan nikaalni chaahiye। jo sab follow (Follow) karen। naya varsha shuru hua to nai baat nikaalni chaahiye। sahaj purooshaartha ki nai invenshan(Invention) nikaalo aur prektikal anubhav karke doosron ko sunaao। sarva aatmaaen aapko oonchi nazar se dekhti hain। jaise aakaash ke oopar chamakte hue sitaaron ko oonchi nazar se dekhte vaise aap sabko sarvashreshtha mahaan, luckiest (Luckiest), sameep aatmaon ki nazar se dekhte hain। to jis nazar se dekhte usi mein sthiti raho। aapka uthna, baithna,chalna sabhi charitra ke roop mein dekhte। jaise baap ke har karttavya ko aapne charitra ke roop mein dekha na। to har karma karte charitravaan hokar chalna pade। saadhaaran nahin। madhuban vishwa ke aage stage (manch) hai, stage par jo actor (Actor)hota uska har act (Act) par kitna attention (Attention) rehta hai। haath uthaayega to bhi attention se। kyonki use maaloom hai ki humein sab dekhne vaale hain। aapke har kaarya ka mahatva hai। baap-daada bhi jitna madhuban ki aatmaon ka mahatva hai usi mahatva se dekhte hain achha। naya plan banaao ki svatah aur sahajyogi kaise bane। kyonki sabhi is varsha mein yahi lakshya rakh karke chal rahe hain ki ab last mein sahjayog aur svatah yog ka anubhav zaroor hona chaahiye। to sahjayog kis aadhaar par hota aur ya svatah yogi kis yukti se ban sakte। yeh plan nikaalo aur anubhav karo phir sabhi ko sunaao to woh aapke gun-gaan karenge। mehnat kam aur saphalta jyaada aise naye purooshaartha ke tareeke banaao। plan aisa taiyaar karo। jisko dekh sab madhuban nivaasiyon ko thanks (Thanks) den। achha

raajasthaan party:-

1. madhuban mein har kadam mein sahaj kamaai ka anubhav hota hai? madhuban ko vardaan bhoomi kaha hai। to vardaan sahaj praapti ko ho kaha jaata hai। to madhuban mein aane se hi mehnat karna samaapta ho jaata aur sahaj praapti hona shuru ho jaati। to is thode se samay mein kitni kamaai jama ki?madhuban mein aana arthaat kamaai ki khaan ikatthi karna। to aisa mahatva jaante hue thode se samay mein khazaana jama kiya। kyonki madhuban hai hi direct baap daada ki karmabhoomi, charitrabhoomi,sevaabhoomi,tapasya bhoomi। yahaan tapasya ka vibration,vaayumandal hai। yeh sab baaten is bhoomi mein aane se sahaj anubhav kar sakte hain। jaise koi vishesh kamaai ki season hoti to kamaai ke bagair rah nahin sakte। neend ka bhi samay tyaag dete। to madhuban mein extra lottery hai kamaai karne ki। tapasveekumaar ho na। tapasvi ki tapasya sirf baithne ke samay nahin,tapasya arthaat lagan,chalte-phirte bhojan karte bhi lagan hai na। ek ki yaad mein, ek ke saath mein bhojan sveekaar karna yeh tapasya hui na। jo bhi chance milta hai usko achhi tarah lekar sampanna bano aur doosron ko bhi banaao।

2. gyaan saagar ke bachche sada gyaan ratnon se hi khelte rehte ho?sabse bade se bade, avinaashi ratna gyaan ratna hain। gyaan saagar ke bachche gyaan ratnon se khelenge। aadhaakalpa patthar buddhi rahe aur pattharon se khela, isliye duhkh-ashaanti rahi। aap kisse khelte? gyaan ratnon se। jaise raaja ke bachche, sone-chaandi ke khilaune se khelte hain to gyaan saagar ke bachche sada gyaan ratnon se khelte hain। gyaan ratnon mein khelne se duhkh-ashaanti ki lahar nahin aayegi। gyaan ratna bhi hain,to knowledge bhi। knowledge ke aadhaar par ashaanti ki lahar aa nahin sakti। abhi naya jeevan hai, duhkh-ashaanti ki jeevan aise lagegi - meri nahin, doosre ki jeevan thi। beeti hui jeevan par hansi aayegi।

3. sabhi santushta maniyaan ho na। mani sadaiv mastak ke beech mein chamakti hai। taaj ke andar sundar maniyaan hoti hain। to jo santushta mani hain woh sadaiv baap ke mastak mein rehte hain। arthaat baap ki yaad mein rehti hain, baap bhi unko yaad karte। jab bachche baap ko yaad karte to baap bhi return (Return) dete hain। sada baap ki yaad mein rahne vaale har paristhiti mein santushta rahenge। chaahe paristhiti asantosh ki ho,duhkh ki ghatna ho lekin sada sukhi। duhkh ki paristhiti mein sukh ki sthiti ho, aisi knowledge ki shakti hai। kaisi bhi paristhiti ho lekin sthiti ekras। knowledge ki shakti ke aadhaar par paristhiti jo pahaad ke muaaaaphik hai woh bhi raai anubhav hogi। arthaat kuchh nahin। kyonki nothing-new। aisi sthiti hai?kuchh bhi ho jaaye, nothing-new,isko kaha jaata hai mahaaveer।

4. apne ko padmaapadma bhaagyashaali samajhte ho? har kadam mein padmon ki kamaai jama ho rahi hai। aise anginat padmon ka maalik anubhav karte ho saari srishti ke andar aisa apna shreshtha bhaagya banaane vaale koto mein koi hain na। jo gaayan hai koto mein koi,koi mein koi yeh ham aatmaon ka gaayan hai,kyonki saadhaaran roop mein aaye hue baap ko aur baap ke karttavya ko jaanna yeh koto mein koi ka part hai। jaan liya, maan liya aur pa liya। jab vishwa ka maalik apna ho gaya to vishwa apni ho gai na। jaise beej apne haath mein hai to vriksha to hai hi na। jisko dhoondhate the usko pa liya। ghar baithe bhagwan mila। to kitni khushi honi chaahiye। bhagwan ne mujhe apna banaaya, isi khushi mein raho to kahin bhi aankh nahin doobegi। saamne dekhte bhi nazar nahin jaayegi। baap mila sab kuchh mila yahi sabse badi khushi hai,isi khushi mein man se naachte raho। isse badi khushi ki baat hai hi kya? isliye gaayan hai ateendriy sukh poochhna ho to gop-gopiyon se poochho।

5. sada apne ko khushanseeb samajhte ho? saare vishwa ke andar sabse shreshtha naseeb arthaat takdeer hamaari hai, aisa nishchay rehta hai। hamaare jaisa khushanseeb aur koi ho nahin sakta। baap ne svayan aakar apna banaaya। is bhaagya ka varnan karte sada khushi mein naachte raho। unheen ka naseeb kya hai?abhi-abhi sukh hoga, abhi-abhi duhkh hoga, lekin aapka naseeb avinaashi hai। sada aise aananda swaroop naseeb vaale ho। jo svapna mein bhi nahin tha woh praapti ho gai, baap mila sab-kuchh mila। isi khushi mein raho to sada samarthi swaroop rahenge।

6. sabse shreshtha brahman jeevan gaaya hua hai, braahmanon ka naam bhi ooncha aur kaam bhi ooncha aur sthiti bhi oonchi। jaise braahmanon ki mahima oonchi hai vaise apne ko sachche brahman arthaat oonchi sthiti vaale anubhav karte ho। oonche se ooncha baap aur oonche se oonche aap। baap aur aap donon oonche is smriti mein raho to karma aur sankalp automatic oonche rahenge। yog agni se puraane khaate bhasma karo। aisi agni tez ho jo vyartha ka naamnishaan hi khatma ho jaaye। sangam par puraana khaata khatma kar naya chaalu karna hai। agar puraana khaata bhi chalta rahe to jo praapti honi chaahiye khushi ki woh nahin hogi,abhi-abhi kamzor,abhi-abhi samartha honge। baap sada samartha hai, to bachchon ko bhi sada samartha banna hai। achha।

is murli ki pramukh baaten:-

1. yeh extra time svayan ke purooshaartha prati nahin lekin doosron ke prati samay,gun, aur sarva khajaane dene ke liye hain।

2. svayan saraindar ho jaao seva mein to maaya svatah hi saraindar ho jaayegi। lekin saraindar nahin hote to maaya bhi achhi tarah chance leti hai। chance lene kaaran braahmanon ka bhi chancellor ban jaati hai। maaya ko chancellor banne nahin do। svayan seva ka chance le chancellor bano।

mahaaraashtra ki party ke saath baatcheet

sadaiv svayan ko sarvashreshtha mahaan aatma samajhte ho। mahaan aatma jiski smriti se svatah hi har sankalp aur har karma mahaan athva sarvashreshtha hote hain। jaise aajkal ki duniya mein alpakaal ki paazeeshan (Position) vaali aatmaaen apne position ki smriti mein rahne ke kaaran din-raat svatah hi usi nashe mein rehti hain vaise baap dvaara praapta hui position ko smriti mein rakhna sahaj aur svatah hai। jaisi paazeeshan hai vaisa hi karma, jaisa naam vaisa hi shreshtha karma bhi hai isliye vartamaan samay sahajyogi ke saath karmayogi bhi kahlaayenge। karmayogi arthaat har karma dvaara baap se sneh aur sambandh ka har aatma ko saakshaatkaar hoga। jaise had ki aatmaon se sneh rakhne vaali aatma ka unke chehre aur jhalak se dikhaai deta hai ki koi se sneh mein lavleen hai। aise apne aap se poochho ki har karma baap ke saath snehi aatma ka anubhav karaata hai। isko hi kaha jaata hai karmayogi। karmayogi ki ya sahaj raajayogi ki paribhaasha badi guhya hai। karmayogi ya sahaj raajayogi ka har sankalp baap ke sneh ke vibration (Vibration) phailaane vaale honge jaise jad chitra bhi shanti ke alpakaal ke sukh ke vibration ab tak bhi aatmaon ko dene ka kaarya kar rahe hain to avashya chaitanya roop mein sankalp dvaara, vaani dvaara, karma dvaara vishwa mein sada sukh-shanti baap ke sneh ke vibration phailaane ka karttavya kiya hai। tab jad chitron mein bhi shanti hai। jab science ka yantra garmi ka ya sarda ka vibration vaayumandal bana sakte hain to master sarvashaktivaan apne silence (Silence) arthaat yaad ki shakti se apne lagna ki sthiti dvaara jo vaayumandal ya vibration phailaana chaahen woh sab bana sakte hain। aisi praiktikas karo। abhi-abhi sukh ka ya shanti ka vaayumandal ya shakti roop ka vaayumandal bana sakte ho। jis vaayumandal ke andar jo bhi aatmaaen hon woh anubhav karen ki yahaan duhkh se sukh ke vaayumandal mein aa gaye hain। mahsoos karen ki yahaan bahut sukh praapta ho raha hai। jaise eyarkandeeshan (Air Condition) mein sarda va garmi ka anubhav karte hain ki sachmuch garmi se thandi hava mein aa gaye hain। thandi se garmi mein aa gaye hain। aise aapki chalan aur chehre dvaara aapke sankalp shakti dvaara sukh-shanti aur shakti ka anubhav karen। jaise ek second mein andhakaar se roshni ka anubhav kiya na। aise aajkal ke manushya apni shakti se anubhav nahin kar sakenge। lekin aap sabko apni praapti ke aadhaar se, yaad ke aadhaar se anubhvi banaana padega। yeh hai vaastavik sahaj raajayog ya karmayog ki paribhaasha। svayan prati shanti ka ya shakti ka anubhav kiya yeh koi badi baat nahin lekin apne yaad ki shakti dvaara ab vishwa mein vibration dvaara vaayumandal banaao। tab kahenge number one sahaj raajayogi। sirf svayan santushta na rah jaao। santushta rehna aur sarva ko santushta karna hai। yeh hai yogi ka karttavya। achha।

baap dvaara sada khush rahne ka saadhan mila hua hai na। kaisi bhi paristhiti ho lekin apne paas saadhan hain to sada khush rahenge। sirf baap ko yaad karne ka saadhan hi bahut bada hai। baba kehna aur khushi praapta hona। aisa saadhan sada use karte raho। baba shabd yaad karna arthaat switch on hona। jaise switch on karne se second mein andhakaar bhaag jaata hai। aise hi baba kehna arthaat andhakaar ya duhkh-ashaanti, uljhan,udaasi,tension sabki second mein samaapti ho jaati hai,aisa mantra baap ne diya hai। ek shabd ka to mantra hai। sirf baba। kaisa bhi samay ho yeh mantra ek second mein paar kar lene vaala hai। sirf is mantra ko vidhipoorvak samay par kaarya mein lagaao। yeh ek shabd ka mantra wonderful (Wonderful) jaadu karne vaala hai। is ek shabd ke mantra dvaara jo chaaho woh le sakte ho। chaahe sukh-shanti,chaahe shakti aananda jo chaaho sab praapti karaane vaala mantra hai isliye jdu mantra kehte hain। baap to sada yahi bachchon ke prati kaamna karte hain ki baap samaan behad ke sevaadhaari banna hai। woh sab hain had ki zimmevaariyaan lekin baap ki zimmevaari hai behad ki। to behad ki zimmevaari mein baap samaan banna pade na। jaise had ki zimmedaari nibhaane mein samay- shakti deni padti hai na। to baap ki yeh shubh kaamna bhi poori karni hi hai। ab raajayogi banna hai। raajayogi raajraajeshvar banenge। to pahli stage hai raajayogi ki। raajayogi banna kathin nahin hai। gharbaar chhodne vaala yogi banna kathin hota hai। achha।

alag-alag group ke saath:-

1. is samay do kaarya saath-saath ho rahe hain। ek taraph pichhla hisaabkitaab chuktu kar rahe ho aur doosre taraph bhavishya aur vartamaan jama bhi kar rahe ho। ek ka laakh guna jama hone ka samay abhi hai। isliye sadaiv is baat par attention chaahiye ki har samay jama hota hai। chuktu karte samay bhi jama kar sakte ho। kyonki chuktu karne ka saadhan hai yaad। yaad se jama bhi hota aur chuktu bhi hota। aisa na ho chuktu karne mein hi time chala jaae। agar trustee ban chuktu karte ho to bhi jama hota hai। vidhipoorvak kaarya karne se chuktu ke saathsaath jama bhi hoga।

2. svadarshan chakradhaari ho na। svadarshan chakradhaari so bhavishya chhatradhaari। agar svadarshan chakradhaari nahin to chhatradhaari bhi nahin। svadarshan chakra anek vyartha chakkaron ko samaapta kar deta hai। svadarshan chakra ke aage koi chakra thahar nahin sakta hai। second mein samaapta ho jaayega। to apna alankaar sada kaayam rakhte ho ki kabhi thak jaate ho? svadarshan chakra dhaaran karna arthaat halka rehna। halki cheez jo hoti usko sada dhaaran karna mushkil nahin hota। svadarshan chakradhaari banna hi halka banna hai। to nirantar yeh chakkar ghoomta rahe। isko chhodna nahin kyonki praapti ka anubhav hai na।

3. jitna pyaasi aatmaon ki pyaas bujhaate utna svayan bhi tripta aatma rehte। doosron ko khushi dena arthaat svayan khush rehna। jaise daan dene se dhan badhta, aise anya aatmaon ko khushi, shanti,shakti dena nahin lekin bharna hai। jab lagna lag jaati hai seva ki to sote hue bhi svapna mein bhi seva karenge। svapna mein bhi seva ke achhe-achhe plan aayenge,jaise yog dvaara touching hui hai। lagan ka return svapna mein bhi milta, isko kaha jaata hai lagan mein magan। aap bachchon ke liye braahmanon ka sansaar, sansaar hai baaki asansaar hai। dekhte hue bhi nahin dekhte,rehte hue bhi nahin rehte। isliye sevaadhaari ke svapna mein kya aayega,baap aur seva,aur kuchh hai hi nahin। achha।

4. maaya ko ek shabd se moorchchhit karo - woh kaun-sa shabd? ‘baba’jahaan baba hai vahaan maaya nahin। agar dil se, sambandh se, sneh se baba kaha aur maaya bhaagi। jaise kitna bhi bada daaku ho lekin jab pakda jaata hai to bada daaku bhi bakri ban jaata। to baba shabd nikalna aur daaku ka pakda jaana। maaya jo second ke pahle sher ke roop vaali hoti woh second baad bakri ban jaati। to is saadhan ko sada saath rakho। baba bhoola maana sab kuchh bhoola। saadhan sahaj hai sirf baar-baar use (USE) karne ka tareeka aana chaahiye। second mein parivartan ho isko kaha jaata hai use karne ka tareeka aata hai। sada yeh yaad rakho mera baba, jab mera baba aa gaya to maaya bhaag gai।

5. sahajyogi ki stage svatah bani rahe uski vidhi:- amritvele ke mahatva ko jaano। amritvela hai din ka aadi। jo amritvele arthaat saare din ke aadi ke samay powerful stage (Powerful Stage) banaayenge to saara din madad milegi। saare din ki jeevan mahaan ban jaayegi। kyonki jab amritvele vishesh baap se shakti bhar li to shakti swaroop ho chalne se mushkil nahin hoga, chaahe jaisa kaarya aave mushkil ka anubhav nahin,lekin praapta shakti ke aadhaar se sahaj ho jaayega। isse sahaj yogi ki stage svatah bani rahegi। amritvele ko miss karna arthaat sangam ki vishesh praapti ko khatma karna। jo bhi eeshvareey maryaadaayen hain un maryaadaaon poorvak jeevan bitaane se example ban jaayen। vishwa aapke jeevan ko dekhte apni jeevan banaayegi,to maryaada ki lakeer ke andar raho to maaya aa nahin sakti।

kuchh bhi ho lekin svayan ka umang-utsaah har second naya hona chaahiye। svayan ke umang-utsaah ka aadhaar svayan hai, usmein koi doosra rok nahin sakta, usmein sada chadhti kala honi chaahiye। rookna kaam hai kamzoron ka। achha।

is murli ki vishesh baaten

1. jo jitna halka hota utna athak hota। kisi bhi prakaar ka bojh thakaata hai।

2. madhuban vishwa ke aage stage hai, stage par jo actor hota hai uska har act par kitna attention rehta hai। madhuban mein aana arthaat kamaai ki khaan ikaththa karna।

3. tapasvi ki tapasya sirf baithne ke samay nahin,tapasya arthaat lagan,chalte-phirte bhojan karte bhi lagan।

4. knowledge ki shakti ke aadhaar par paristhiti jo pahaad ke muaaiphak hai woh bhi raai anubhav hogi। arthaat kuchh nahin, kyonki nothing-new।