सोमवार 1 जनवरी 1979 की अव्यक्त मुरली

> > 01-01-79om shanti avyakt baapdaadaamdhuban

nae varsha ke liye baap dvaara karaaya gaya dridh sankalp

vijayi ratna brahman kul-bhooshan bachchon ke prati baap-daada boleh

aaj sarva bachchon ko baap-daada nai umangon naye dridh sankalpon nai duniya ko sameep laane ke suhaavne sankalpon ko sunaate hue ati harshit ho rahe the। harek bachche ke andar vishesh umang hai svayan ko sampanna banaakar vishwa ka kalyaan karne ka। aaj apne andar rahi hui kamjoriyon ko sadaakaal ke liye vidaai dene ke dridh sankalp par, baap-daada bhi badhaai dete hain। isi vidaai ki badhaai ko har roz amritbele smriti ke dvaara samartha banaate rehna। is varsha svayan ke samarthi swaroop ke saath-saath seva mein bhi samartha swaroop laana hai - jaise vinaashkaari group bahut teevragti se apne kaarya ko aage badhaate ja rahe hain - bahut refine second mein shaareerik bandhan se mukta hone arthaat shaareerik duhkh se sahaj mukta hone, anek aatmaon ko bachaane ke sahaj saadhan bana rahe hain। kis aadhaar se? science ki authority se। aise sthaapna ke kaarya mein nimitta bane hue master almighty authority group-aatmaon ko janma-janmaantar ke liye maaya ke bandhan se,maaya dvaara praapta hue anek prakaar ke duhkhon se,ek second mein mukta karne va sadaakaal ke liye sukh- shanti ka vardaan dene,harek aatma ko thikaane lagaane ke liye taiyaar ho! vinaashkaari group ab bhi ever ready hai। sirf order ki deri hai - aise sthaapna nimitta bane hue group ever ready ho? kyonki sthaapna ka kaarya sampanna hona arthaat vinaashkaariyon ko order milna hai। jaise samay sameep arthaat poora hone par sui aati hai aur ghante svatah hi bajte hain - aise behad ki ghadi mein sthaapna ki sampannata arthaat samay par sui (kaanta) ka aana aur vinaash ke ghante bajna। to bataao sampannata mein ever ready ho?

aaj bachchon ke amritvele se naye varsha ke naye umang sunte baap-daada ki bhi ek nai topic par - rooh-roohaan hui।

brahma bole - mukti ka get kab kholna hai! jab tak mukti ka get brahma nahin kholte tab tak anya aatmaaen bhi mukti mein ja nahin sakti। brahma bole ab chaabi lagaaven?

baap bole - udghaatan akela karna hai ya bachchon ke saath! brahma bole - sautele aur maatele bachchon ke duhkh ke aalaap, tadaphne ke aalaap sunte-sunte ab raham aata hai। baap bole - bachchon mein se sarva shreshtha vijayi ratna jo saath-saath bhinna-bhinna sambandh aur swaroop se brahma ki aatma ke saathi banne vaale hain aise saathi vijayi ratnon ki maala taiyaar hai! jinhon ka aadi se yahi sankalp hai ki saath jienge,saath marenge - kisi bhi bhinna roop va sambandh mein saath rahenge - unheen se kie hue vaayde ke pramaan saathiyon ke bina chaabi kaise lagaavenge!

to naye varsha ka naya sankalp brahma ka suna! baap ke is sankalp ko practical mein laane vaale vijayi group ab kya karenge! shreshtha vijayi ratan hi baap ke is sankalp ko poora karne vaale hain - isliye is varsha mein vishesh roop se master almighty authority ke swaroop se second mein mukta karne ki machinery teevra karo। abhi mejoriti aatmaaen prakriti ke alpakaal ke saadhnon se, va aatmik shanti praapta karne ke bane hue alpagya sthaanon se arthaat parmaatma milan manaane ke thekedaaron se ab thak gae hain,niraash ho gae hain - samajhte hain satya kuchh aur hai - satyata ki manzil ki khoj mein hain - praapti ke pyaase hain। aisi pyaasi aatmaon ko aatmik parichay,parmaatma parichay ki yathaartha boond bhi tripta aatma bana degi - isliye gyaan kalash dhaaran kar pyaason ki pyaas bujhaao। amrit kalash sada saath rahe। chalte phirte sada amrit dvaara amar banaate chalo। tab hi brahma baap ke saath-saath mukti ke get ka udghaatan kar sakenge! abhi to bhavnon ka udghaatan kar rahe ho - abhi vishaal get ka udghaatan karna hai। uske liye sada amar bano aur amar banaao - amar bhav ke vardaani moorta bano। ab purooshaartha karne vaali aatmaaen jo antim ati kamzor aatmaaen hain,aisi kamzor aatmaon mein purooshaartha karne ki bhi himmat nahin hai aisi aatmaon ko svayan ki shaktiyon dvaara samartha banaakar praapti karaao। isliye gyaan moorta se jyaada abhi vardaani moorta ka part chaahiye। sunne ki shakti bhi nahin hain। chalne ki himmat nahin hai sirf ek pyaas hai ki kuchh mil jaae - aisi anek aatmaaen vishwa mein bhatak rahi hen - chalne ke paanv arthaat himmat bhi aapko deni padegi। to himmat ka stock jama hai! amrit kalash sampanna hai! akhut hai! akhanda hai! queue lagaaven?svayan ki queue samaapta ki hai - agar svayan ki queue mein busy honge to anya aatmaon ko sampanna kaise banaavenge! isliye is varsha mein apni queue ko samaapta karo। kyon,kya, ki bhaasha change karo। ek hi bhaasha ho - sarva prati sankalp se, vaani se vardaani bhaasha ho - vardaani moorta ho - vardaanon ki varsha ke bhaashan hon। jo bhi sunen woh anubhav kare ki bhaashan nahin lekin varaadaanon ke pushpon ki varsha ho rahi hai - tab udghaatan karenge। naye varsha ki yahi naveenta karna। achha –

aise sada amrit kalashdhaari, har sankalp se vardaani anek aatmaon ko himmat badhaane vaale, himmate bachche madad baap,aise ever ready brahma baap ke saath-saath sada saath ka part bajaane vaale aise vijayi ratnon ko, sampanna aatmaon ko baap-daada ka yaadapyaar aur namaste!

(deedi ji se) brahma ko yeh sankalp kyon utha - iska rahasya samajhte ho! brahma ke sankalp se srishti rachi aur brahma ke sankalp se hi get khulega। ab shankar kaun hua? yeh bhi guhya rahasya hai - jab brahma hi vishnu hai to shankar kaun? is par bhi rooh- roohaan karna। ab to vardaani moorta group, jinhon ke in sthool haathon mein nahin lekin sada smriti mein,samartha swaroop mein vijay ka jhanda ho - aise vijay ka jhanda lahraane vaala group ho। jisko kaha jaata hai roohaani social worker group - aisa group ab stage par chaahiye। stage par aane vaale ke oopar sabhi ki nazar automatically jaati hai - abhi parde ke andar hai,svayan ke purooshaartha ka parda hai- abhi isi parde se nikal seva ki stage par aao to vishwa ki aatmaaen - aise hero paartadhaariyon ko dekh nazar se nihaal ho jaavenge। aise plan banaao aise group ke mukh se satyata ki authority svatah hi baap ki pratyakshata karegi - abhi to baby bomb phenk rahe hain - abhi parmaatma bomb dvaara dharni ko parivartan karo। iska sahaj saadhan hai sada mukh par va sankalp mein baapdaada - baapdaada ki nirantar maala ke samaan smriti ho। sabki ek hi dhun ho baap-daada। sankalp,karma aur vaani mein yahi akhanda dhun ho - jaise woh akhanda dhuni jagaate hain vaise yeh akhanda dhun ho। yahi ajpaajaap ho - jab yeh ajpaajaap ho jaavega to aur sab baaten svatah hi samaapta ho jaavengi। kyonki ismen hi busy rahenge। phursat hi nahin hoti to vyartha svatah hi samaapta ho jaavega। to ab suna ki is varsha mein kya karna hai - aaj ke sankalp se samay ko jaanna - sui to brahma hi hain na। to sui kahaan tak pahunchi hain! sookshm vatan se aage bhi badhegi na! achha –

videshi bhaai-bahnon se -double videshi bachchon ke teevra purooshaartha ki raphtaar ko dekh baap-daada bhi harshit hote hain। videshi bachchon ne apne asli baap ko, apne asli desh ko,asli dharma ko bahut achhi tarah se pahchaan liya hai। jaise kalpa pahle ki bani hui dharniyon mein sirf baap ke parichay ka beej padne se phal swaroop pratyaksha ho gae। baapdaada jaante hain ki is group mein kai aise ratan hain jo baap-daada ke gale ke maala ke manke hain। aise mankon ko baap bhi sada vishwa ke aage pratyaksha karne ke va vishwa ke aage bachchon dvaara baap pratyaksha hone ke kai drishya dekh bhi rahe hain - abhi pratyaksha ho rahe hain, aur aage chal ke bhi honge। aap sabhi apne ko aise amoolya ratan samajhte ho! jo sabse amoolya ratan hain unheen ka nivaas sthaan kahaan hai? amoolya ratnon ka sthaan hai hi dil ki dibbi। sada dil mein rahne vaale arthaat sada baap ki yaad mein rahne vaale। sabhi apne ko teevra purushaarthi anubhav karte ho?kis line mein ho? high jump lagaane vaale ho na। double light vaale sada high jump denge। agar kisi bhi prakaar ka bojh hai to high jump nahin de sakte। sabhi sikeeldhe ho। kyonki baap ka parichay milte hi sahjayog dvaara baap ko sahaj hi pahchaan liya। mushkil ka anubhav nahin hua। mushkil ko sahaj karne ka saadhan hai - baap ke saamne baith jaao - to sada vardaan ka haath apne oopar anubhav karenge। second mein sarva samasyaaon ka hal mil jaaega। lekin baap ke saamne kaun baith sakenge? jinhonne baap ko jo hai,jaise hai, vaise divya chakshu dvaara, buddhi dvaara jaan liya aur dekh liya। baap jaante hain ki in aatmaon ne vishwa ke aage ek example ban anek aatmaon ke kalyaan ke liye bahut achha kadam uthaaya hai। vishwa aapko follow karegi। achha।

dilli zone (28.12.79 - paarteeyon se)

1. antim manzil ke sameepta ki nishaani - sarva se kinaara - sada apni manzil ati sameep anubhav karte ho? aise samajhte ho ki apni antim pharishte jeevan ki manzil par abhi pahunchne vaale hi hain। jitna-jitna is antim manzil ke nazdik aate jaaenge utna sab taraph se nyaare aur baap ke pyaare bante jaaenge। jaise jab koi cheez banaate ho jab woh taiyaar ho jaati hai to kinaara chhod deti hai na,jitna sampanna stage ke sameep aate jaaenge utna sarva se kinaara hota jaaega। pharishta arthaat ek ke saath sab rishta। aise anubhav karte ho ki kinaara hota jaata hai। jab koi cheez poori nahin banti to tale mein lagte jaati hai, jab ban jaati hai to kinaara chhod deti, kinaara nahin chhoda maana abhi taiyaar nahin। to sab bandhanon se sab taraph se vritti dvaara kinaara hota jaata hai ki abhi lagaav hai? agar speed dheeli hogi to samay par pahunch nahin sakenge। samay ke baad pahunche to praapti ki list mein nahin aa sakenge। isliye yeh check karo ki chaaron or ke bandhan se mukta hote jaate hain। agar nahin hote to siddha hai pharishta jeevan sameep nahin। jab ek taraph sambandh ka sukh praapta ho sakta hai to bhatakne ki kya zaroorat hai, thikaane lag jaana chaahiye na। ek ke saath sarva rishte nibhaana yeh hai thikaana। sada apna antim pharishta swaroop smriti mein rakho to jaisi smriti hogi vaisi sthiti ban jaaegi।

2. vaah drama vaah isi smriti se anekon ki seva - sabhi sadaiv vaah drama vaah isi smriti mein drama ke har scene ko dekhte hue chalte ho?koi bhi scene ko dekhte hue ghabdaate to nahin! jab drama ka gyaan mil gaya to vartamaan samay kalyaankaari yug hai, jo bhi drishya saamne aata hai usmein kalyaan bhara hua hai, vartamaan na bhi jaan sako lekin bhavishya mein samaaya hua kalyaan pratyaksha ho jaaega - vaah drama vaah yaad rahe to sada khush rahenge, purooshaartha mein kabhi bhi udaasi nahi aaegi, svatah hi aap dvaara anekon ki seva ho jaaegi।

3. sahayogi aatmaon ko sada sampanna rahne ka vardaan - jo aatmaaen dil va jaan sik va prem se yagya ko sampanna banaati hain, jinhonne samay ke anusaar sahayog ki anguli di unheen ka ek se anek guna ban gaya, samay ki bhi value hoti, aadi mein aavashkata ke samay jin aatmaon ka amoolya sahayog sthaapna ke kaarya mein hua hai unheen ko return mein sada sampanna rahne ka vardaan praapta ho gaya। woh sada bharpoor rehte aae hain aur rahenge। achha - om shanti।