सोमवार 9 मार्च 1981 की अव्यक्त मुरली

>

09-03-81om shanti avyakt baapdaada madhuban

"mehnat saamapta kar nirantar yogi bano"

aaj dilvaala baap bachchon ke dil ki lagan ko dekh harshit ho rahe hain। aaj ka milan dilaaraam baap aur dilrooba bachchon ka hai। chaahe sammukh hain, chaahe shareer se door hain lekin dil ke sameep hain। door rahne vaale bachche bhi apni dil ki lagan se dilaaraam baap ke sammukh hain। aise dilrooba bachche jinke dil se baba ka hi saaj bajta rehta hai - anhad saaj, had ka nahin - aise bachche baap ke ab bhi naynon mein samaaye hue hain। unhon ko bhi baap-daada vishesh yaad ka respond kar rahe hain। dilaaraam baap ke dil takhtansheen to sab bachche hain phir bhi nambarvaar to kahenge hi। jaise maala ke manke to sab hain lekin kahaan aath aur kahaan 16hajaar ka last daana। kahenge manke donon ko lekin antar mahaan hai। in number ka aadhaar mukhya salogan hai - ‘pavitra aur yogi bano।'ek hain yog lagaane vaale yogi। doosre hain sada yog mein rahne vaale yogi। teesre hain yog dvaara vighna hataane,paap mitaane ki mehnat mein rahne vaale। jitni mehnat utna phal paane vaale। jaise aajkal ki duniya mein ek hain jo poorva janma ke,bhakti ke hisaab se kie hue shreshtha karma ke aadhaar se, had ki raajaai ka varsa bina mehnat ke paate hain। varsen ke adhikaar se praapti hai is kaaran raajaai ka nasha svatah hi rehta hai। yaad nahin karna padta ki main raajkumaar hoon ya raaja hoon। natural smriti aur sampatti ki praapti hoti hai। aajkal to raajaayen hain nahin lekin yeh dvaapar ke aarambha ki baat hai, satoguni bhakti ke samay ki baat hai। aise number one bachche svatah yogi jeevan mein rehte hain। praapti ke bhandaar varse ke aadhaar se sada bharpoor rehte hain। mehnat nahin karte - aaj sukh do, aaj shanti do। sankalp ka button dabaaya aur khaan khul jaati hai। sada sampanna rehte hain। arthaat yogayukta, yog laga hua hi rehta hai।

2. doosre number ke hain - yog laane vaale। woh aise hain jaise aajkal ke businessman। kabhi bahut kamaate kabhi kam kamaate। phir bhi khazaane rehte hain।dya kamaai ka nasha rehta hai khushi bhi rehti hai lekin nirantar ekras nahin rehti hai। kabhi dekha to bahut sampannata ka swaroop hoga aur kabhi - abhi aur chaahiye abhi aur chaahiye ka sankalp mehnat mein laayega। sada sampanna sada ekras nahin honge। sada svayan se santushta nahin hogen। yeh hai yog lagaane vaale। lagaane vaale arthaat tootta tab phir lagaate hain।

3. teesre hain - jaise aajkal ke naukri karne vaale। kamaaya aur khaaya। jitna kamaaya utna aaraam se khaaya। lekin stock jama nahin hoga। isliye sada khushi mein naachne vaale nahin honge। mehnat ke kaaran kab dilshiksta aur kab dilkhush honge। aise teen prakaar ke bachche hain।

baap kehte hain - sabko varse mein sarva praaptiyon ka khazaana mila hai, adhikaari ho, natural yogi ho, natural svaraajyadhaari ho। baap ke khazaane ke baalak so maalik ho। to itni mehnat kyon karte ho?master rachta aur naukar ke samaan mehnat karen yeh kyon?jaise woh 200 kamaate aur 200 khaate। do hajaar kamaate aur do hajaar khaate vaise do ghanta yog lagaate aur do ghanta uska phal lete। aaj 6 ghanta yog laga aaj 4 ghanta yog laga yeh kyon? vaaris kabhi bhi yeh nahin kehta ki do din ki raajaai hai, 4 din ki raajaai hai। sada baap ke bachche hain aur sada khazaane ke maalik hain। kehna baba aur karna yaad ki mehnat, donon baate ek do ke vipreet hain। to sada yeh salogan yaad rakho - ki main ek shreshtha aatma baalak so maalik hoon। sarva khazaanen ki adhikaari hoon। khoya - paaya, khoya - paaya yeh khel nahin karo। jo paana tha woh pa liya phir khona aur paana kyon! nahin to yeh geet ko badli karo। pa raha hoon, pa raha hoon yeh adhikaari ke bol nahin। sampanna baap ke baalak ho saagar ke bachche ho। ab kya karenge?nirantar yogi bano - main kaun hoon? ham so brahman so devta hain va ham so kshatriy so devta hain? baap-daada ko bachchon ki mehnat dekh taras padta hai। raaja ke bachche naukri karen,yeh shobhta hai?sab maalik bano।

aaj to sirf party se hi milna hai। lekin murli kyon chali, iska bhi raaj hai। aaj bahut mahaaveer bachche baba ko kheench rahe hain। baap-daada aaj unhon ko sammukh rakh murli chala rahe hain। desh-videsh ke bahut mahaavri bachche yaad kar rahe hain। baap-daada bhi aise sevaadhaari aagyaakaari svatah yogi bachchon ko vishesh yaad de rahe hain।

madhuban nivaasi videshi bachchon ko bhi jo bade sneh se chaatrak ban murli sunne ke sada abhilaashi rehte hain, aise serviceable lav- full, lavleen bachchon ko bhi baap-daada vishesh yaad pyaar de rahe hain। mudhuban nivaasi aur jo bhi neeche baithe hain lekin baap-daada ke naynon ke saamne hain aise athak sevaadhaari bachchon ko vishesh yaadapyaar। saath-saath sammukh baithe leki sitaare ko bhi vishesh yaadapyaar aur namaste।

‘‘bangaal bihaar, nepaal zone ke bhaai bahnon se prasnal mulaakaat''

murli to suni, ab sunne ke baad swaroop mein laana। ek hota hai smriti mein laana aur doosra hain swaroop mein laana। jo kuchh sunte hain। smriti mein to sab laate hain, agyaani bhi sune hue ko yaad karte hain lakin gyaan ka arth hi hai swaroop mein laana। to kaun si baat swaroop mein laayenge। baalak so maalik, yeh hai swaroop mein laana। purooshaartha ke saath-saath praalabdha ka anubhav ho। aise nahin abhi to purooshaarthi hain praalabdha bhavishya mein milegi। sangamayug ki visheshta hi hai abhi-abhi purooshaartha abhi-abhi pratyaksha phal। abhi smriti swaroop abhi abhi praapti ka anubhav। bhavishya ki guarantee to hai lekin bhavishya se bhi shreshtha bhaagya ab ka hai। abhi ka varsa to praapta hai na? pa liya hai ya paana hai?agar pa liy hai to phir phariyaad to nahin karteho amrit bele? ya to hai yaad ya hai phariyaad। jahaan yad hai vahaan phariyaad nahin,jahaan phariyaad hai vahaan yaad nahin। to phariyaad samaapta hui? question mark khatma?phariyaad mein hota hai question mark aur yaad mein fullstop arthaat bindi। bindi swaroop ban bindi ko yaad karna hai। baap bhi bindi aap bhi bindi। to parivarttan bhoomi mein aakar koi na koi vishesh parivarttan zaroor karna chaahiye। ab phirayaad ko chhodkar svatah yogi banrak jaana। phirayaad mein uljhan hoti hai khush nahin। to baap se khushi ka khazaana lena hai,uljhan nahin। uljhan to laukik baap ka khazaana tha ab woh to khatma ho gaya। laukik sambandh khatma to phariyaad bhi khatma। alaukik baap alaukik varsa। to phariyaad ki list ki chitthi khatma ho gaya na! phaad diya na! agar mita hua hoga to bhi kahenge ki likha hua tha, isliye phaadkar khatma karo। seva mein samay do jab tak taiyaar nahin hote ho tab tak raajya aane mein deri hai। seva ka koi naya plan banaaya hai?mahaayagya mein to sabhi ne seva ki na! braahmanon ka sangathan hona hi, haajir hona hi seva hai। yeh koi kam baat nahin hai। samay par haajir hona, ever ready hona sahanshakti ka lakshya rakhna yeh bhi register mein jama hota hai। jiska phir last result se connection hota hai। jaise aajkal bhi 3maas 6 maas mein imtihaan lete hain phir sabko marks ka final se connection karte hain to jo bhi braahmanon ke shreshtha kaarya hote hain unmein sahayogi banna iski bhi marks hain। woh marks antim result ke liye jama ho gai। sahan kiya, tan-man-dhan lagaaya, lagaana maana paana। direction pramaan kiya yeh bhi marks jama hui। mahaayagya mein sirf aana nahin hua lekin final result ki marks jama hui। to seva hui na। yeh aavaaj bulanda karna bhi seva ka ek subject hai। seva ke kai swaroop hote hain to yeh sangathi ta roop mein aavaaj bulanda hona bhi yeh bhi seva hai। parivaar ko dekhkar khushi hui na। kitne bhaai bahnon ko dekha। itna bada parivaar ko kabhi kisi yug mein kiska hota nahin। yeh bhi sample tha saara parivaar to nahin tha na। saara parivaar iktatha karen to poori dilli apni banaani pade। aabu mein ikattha karen to aaboorod tak apna banaana pade। woh bhi din aayega jo sab offer karenge ki jamaare makaan mein aao। kalkatta ka Victoria ground aapko taiyaar karke denge। kahenge aao - padhaaro। dheere-dheere aavaaj। phailegi। abhi yeh to samajhte hain na ki yeh koi kam nahin hain। brahma baap ke avyakt hone ke baad itna sangathan kaho yeh dekhkar balihaari jaate hain। ab jagah sanstha tootti hai yahaan badhti hai yeh kamaal dekhte hain। sabhi ne apne-apne shuddh sankalp se, sahayog ki shakti, sangathan ki shakti se,seva ki। abhi sab jagah se nimantran milega। yeh raashtrapti bhavan aapka ghar ho jaayega।

2. apne ko sada dil takhtansheen samajhte ho? yeh diltakhta saare kalpa mein sivaae is sangam yug ke kahaan bhi praapti nahin ho sakta। dikhtakhta par kaun baith sakta hai? jiski dil sada ek dilaaraam baap ke saath hai। ek baap doosra na koi aisi sthiti mein rahne vaalon ke liye sthaan hai diltakhta। to kis sthaan par rehte ho? agar takhta chhod dete ho to phaansi ke takhtepar chale jaate। janam janmaantar ke liye maaya ki phaansi mein phans jaate ho। yeh to hai baap ka diltakhta ya hai maaya ki phaansi ka takhta। to kahaan rehna hai?ek baap ke sivaae aur koi yaad na aaye apna shareer bhi nahin। agar deh yaad aai to deh ke saath deh ke sambandh, padaartha,duniya sab ek ke peechhe aa jaayenge। jara sankalp roop mein bhi agar sookshm dhaaga juta hua hoga to woh apni taraph kheench lega। isliye mansa,vaacha karmana mein koi sookshm mein bhi rassi na ho। sada mukta raho tab auron ko bhi mukta kar sakenge। aajkal saari duniya maaya ke jaal mein phansakar tadap rahi hai, unhein is jaal se mukta karne ke liye pahle svayan ko mukta hona pade। sookshm sanklap mein bhi bandhan na ho। jitna nirbandhan honge utna apni oonchi stage par sthit ho sakenge। bandhan hoga to ooncha chaahte bhi neench aa jaayenge।

3. sabhi apne ko is vishwa ke andar sarva aatmaon mein se chuni hui shreshtha aatma samajhte ho? yeh samajhte ho ki svany baap ne humein apna banaaya hai? baap ne vishwa ke andar se kitni thodi aatmaon ko chuna। aur unmein se ham shreshtha aatmaayen hain। yeh sankalp karte hi kya anubhav hoga? ateendriy sukh ki praapti hogi। aise anubhav karte ho?ateendriy sukh ki anubhooti hoti hai va suna hai?practical ka anubhav hai va sirf knowledge hai? kyonki gyaan arthaat samajh। samajh ka arth hi hai anubhav mein laana। sunna, sanaana alag cheez hai,anubhav karna aur cheez hai। yeh shreshtha gyaan hai anubhvi banne ka। dvaapar se anek prakaar gyaan sune aur sunaaye। jo aadhaakalpa kiya woh abhi bhi kiya to kya badi baat! yeh nai jeevan, naya yug, nai duniya ke liye naya gyaan, to iski naveenta hi tab hai jab anubhav mein laao। ek ek shabd, aatma,paramatma,chakra koi bhi gyaan ka shabd anubhav mein aaye। । realisation ho। aatma hoon yeh anubhooti ho,paramatma ka anubhav ho isko kaha jaata hai naveenta। naya din, nai raat, naya parivaar sab kuchh naya aise anubhav hota hai? bhakti ka phal abhi gyaan mil raha hai to aise gyaan ke anubhvi bano arthaat swaroop mein laao।

4. sab vijayi ratan ho na? vijay ka jhanda pakka hai na। vijay hamaara janma siddha adhikaar hai। yeh mukh ka naara nahin lekin practical jeevan ka naara hai। kalpa-kalpa ke vijay hain ab ki baar nahin har kalpa ke, anginat baar ke vijayi hain। aise vijayi sada harshit rehte hain। haar ke andar dukh ki lahar hoti hai। sada vijayi jo honge woh sada khush rahenge,kabhi bhabh kisi sarkamastaans mein bhi dukh ki lahar nahin aa sakti। dukh ki duniya se kinaara ho gaya, raat khatma hui, prabhaat mein aa gaye to dukh ki lahar kaise aa sakti। vijay ka jhanda sada lahraata rahe neenche na ho।

vidaai ke samay deedi se -baap-daada bhi prem ke bandhan mein bandhe hue hain। chhootne chaahen to bhi chhoot nahin sakte hain? iseelie bhakti mein bhi bandhan ka chitra dikhaaya hai। practical mein prem ke bandhan mein avyakt hote bhi bandhana padta hai। vyakta se chhudaaya phir bhi chhoot nahin sakte। iseelie aap bhi bandhan mein ho। baap bhi bandhan mein hai। (videshiyon ki or ishaara) yeh bhi tapasya kar rahe hain। din hai va raat hai?iseelie to kehte hain jaadu laga diya।

murli ka saar

1. sangam yug ki visheshta hai abhi-abhi purooshaartha abhi-abhi pratyaksha phal।

2. jahaan yaad hai vahaan phariyaad nahin,jahaan phariyaad hai vahaan yaad nahin।

3. ek baap doosra na koi aisi sthiti mein sthit rahne vaalon ke liye sthaan hai baap ka dil takhta। ya to hai baap daada ka dil takhta ya hai maaya ki phaansi ka takhta।