रविवार 15 मार्च 1981 की अव्यक्त मुरली

>

15-03-81om shanti avyakt baapdaada madhuban

"svadarshan chakradhaari tatha chakravarta hi vishwa-kalyaankaari"

aaj knowledgeful baap apne master knowledgeful bachchon ko dekhkar harshit ho rahe hain harek bachcha, baap dvaara mili hui knowledge mein achhi tarah se raman kar rahe hain। harek nambarvaar yatha yog yatha shakti anusaar knowledgeful stage ka anubhav kar rahe hain। knowledgeful stage arthaat saari knowledge ke harek point ke anubhvi swaroop banna। jab baap-daada direction dete hain ki knowledgeful stage par sthit ho jaao to ek second mein us sthiti mein sthit ho sakte ho? ho sakte ho va ho gaye ho? us sthiti mein sthit hokar phir vishwa ki aatmaon taraph dekho। kya anubhav karte ho? sarva aatmaayen kaise dikhaai deti hain, anubhav kar rahe ho? vishwa ka drishya kya dikhaai deta hai?aaj baapdaada ke saath-saath knowledgeful stage par sthit ho jaao। anubhav karo ki itni shaktishaali vishaal buddhi ki stage hai। trikaaldarshi,trinetri,dooraandeshi,world almighty athaarti, sarva gun aur praapti sampanna khazaane ke maalik pan ki kitni oonchi stage hai! us oonchi stage par baith neeche dekho। sab prakaar ki aatmaon ko dekho। pahle-pahle apni bhakta aatmaon ko dekho - kya dikhaai de raha hai? harek eeshta dev ke anek prakaar ki bhakti karne vaale bhinna-bhinna prakaar ke bhakton ki laainen hain। anginat bhakta hain। koi satopradhaan bhakta hain arthaat bhaavna poorvak bhakti karne vaale bhakta hain। koi rajo,tamoguni arthaat svaartha arth bhakta। lekin hain woh bhi bhakton ki line mein। bichaare dhoondh rahe hain,bhatak rahe hain,chilla rahe hain। kya unhon ki pukaar sun sakte ho? (ek makkhi baba ke aage ghoom rahi thi।) jaise yeh makkhi bhatak rahi hai to jaise inko thikaana dene ka sankalp aata hai vaise bhakton ke liye aisa teevra sankalp aata hai? achha - bhakton ko to dekh liya।

ab dhaarmik logon ko dekho। kitne prakaar ke naam, vesh aur kaarya ki vidhi hai, kitne variety prakaar ke aakarshan karne vaale saadhan apnaaye hue hain। yeh bhi badi achhi raunak ki dharma ki badi baajaar lagi hui hai। harek ke showcase mein apne-apne vidhi ka showpiece dikhaai deta hai। koi khoob kha pi raha hai। koi khaana chhod ke tapasya kar raha hai। ek ki vidhi hai khaao piyo mauj karo,doosre ki vidhi hai - sabka tyaag karo। wonderful drishya hai na! koi laal to koi peela। bhaanti-bhaanti ki theory hai। unhon ko dekh- he master knowledgeful! kya sankalp aata hai? dharma aatmaon ke bhi kalyaankaari master paramatma,kya soch chalta hai? vishwa ke uddhaarmoortta ko in aatmaon ke bhi uddhaar ka sankalp utpanna hota hai। va sva ke uddhaar mein hi busy ho। apne sevaakendron mein hi busy ho? sarva aatmaon ke pita ke bachche ho, sarva aatmaayen aapke bhaai hain। he master knowledgeful, apne bhaaiyon ke taraph sankalp ki najar bhi kab jaati hai?vishaal buddhi dooraandeshi anubhav karte ho?chhoti-chhoti baaton mein to samay nahin ja raha hai, oonchi stage par sthit ho vishaal kaarya dikhaai deta hai?

ab teesre taraph bhi dekho। varttamaan sangam samay par aur saath-saath bhavishya mein bhi aapke raajya mein sahayog dene vaale vigyaani aatmaayen, woh bhi kitni mehnat kar rahe hain। kya-kya invention nikaal rahe hain। abhi bhi aap jo sun rahe ho, vaigyaaniyon ke sahayog (mike,haidphon aadi) kaaran sun rahe ho। refine invention taiyaar kar aap shreshtha aatmaon ko gift mein de chale jaayenge। in aatmaon ka bhi kitna tyaag hai! kitni mehatnat hai! kitna dimaag hai! mehnat khud karte aur praalabdha aapko dete। in aatmaon ko bhi aaphreen aur thanks to denge na! vishwa kalyaankaari in aatmaon ke kalyaan ki bhi vidhi sankalp mein aati hai? va yeh samajhkar chhod dete ki yeh to naastik hain,yeh kya jaanen? lekin naastik hain va aastik hain,phir bhi bachche to hain na! aapke bhaai to hain! brotherhood ke naate se bhi in aatmaon ko bhi kisi prakaar se varsa to milega na! vishwa-kalyaankaari ke roop mein is taraph aapke kalyaan ki najar nahin to jaayegi! va in aatmaon ke taraph kalyaan ki najar nahin daalenge? yeh bhi adhikaari hain। harek ke adhikaar lene ka roop apna-apna hai। achha, chalo aage।

desh aur videsh ke raajya adhikaariyon ko dekho। dekha? raajya hil raha hai va achal hai? raajneeti ka drishya kya najar aata hai?kalpa pahle ke yaadgaar mein ek khel dikhaaya hua hai, jaante ho kaun-sa khel?jo saakaar baap ka bhi priy khel tha। chaupad ka khel। abhi-abhi kiske taraph paoon baarah, abhi-abhi phir itni haar jo apne parivaar ko paalne ki bhi himmat nahin। abhi- abhi betaaj baadshaah aur abhi-abhi vote ke bhikhaari। aisa khel dekh rahe ho। naam aur shaan ke bhookhe hain। aisi aatmaon ko bhi kuchh to anchali denge। inhon par bhi raham dil aatmaayen ban raham ki drishti, daata ke swaroop se kuchh kana daana dekar santushta karenge na। har section ki seva apni-apni hai। woh phir vistaar aap karna। aage chalo।

chaaron or ki aam public jismen bahut prakaar ki variety hai। koi kya geet ga rahe hain koi kya geet ga rahe hain। chaaron or ‘‘chaahiye'' ‘‘chaahiye'' ke geet baj rahe hain। ab aise geet gaane vaalon ko kaun-sa geet sunaao jo yeh geet samaapta ho jaae? sarva aatmaon ke prati mahaagyaani,mahaadaani, mahaashakti swaroop, vardaani moortta, master daata, second ke drishti vidhaata, aise kalyaan karne ka shreshtha sankalp utpanna hota hai? phursat hai chaaron taraph dekhne ki? search light bane ho va light house bane ho? ab chaaron or chakra lagaaya।

aise vishwa kalyaankaari trikaaldarshi, trinetri,master knowledgeful, master vishwa rachayita,vishwa ke chaaron aare parikrama lagaao। najar daalo। roj vishwa ka chrak lagaao tab svadarshan chakradhaari kahlaayenge। saath-saath chakravarta kahlaayenge। sirf svadarshan chakradhaari ho va chakravarta bhi ho? donon hi ho na!

aise master knowledgeful, vishwa parikrama dene vaale, chakravarta svaraajya adhikaari, sada sarva aatmaon ke prati merciful, kalyaan ki bhaavna rakhne vaale, aise baap samaan shreshtha aatmaon ko baapdaada ka yaadapyaar aur namaste।

(aaj deedi-daadi donon hi baapdaada ke sammukh baithi hain)

baapdaada vishesh nimitta aatmaon ko dekh kyon khush hote hain? koi bhi baap apne bachchon ko takhta dene ke baad kaise takhta par baith raajya chala rahe hain। woh is kaliyugi duniya mein nahin dekhte hain lekin alaukik baap, paarlaukik baap, bachche seva ke takhtansheen ban kaise seva ka kaarya chala rahe hain, woh practical mein dekh harshit hote hain। yeh sangamayug ki visheshta hai jo baap svayan bachchon ko dekh sakte hain। yahi parampara satayug mein bhi chalegi। vahaan bhi baap bachchon ko raajya tilak de dekhenge,kaliyug mein koi nahin dekhta। baapdaada to roj dekhte hain। har ghadi ka drishya, sankalp bol, karma,sarva ke samparka baapdaada ke paas itna spashta hai jo aap logon se bhi jyaada clear hai। har ghadi ka kaarya dekh baap khush hote hain। practical return dekh rahe hain। baap ne aap samaan banaaya aur bachchon ne respond diya। isliye bachchon ko dekh harshit hote hain।

ek drishya dekh vishesh harshaate। roj ki ek wonderful raas dekhte hain aap logon ki। jo saare din mein bahut karte ho। karte sabhi hain lekin vishesh nimitta yeh hain। isliye nimitta vaalon ko bhi jyaada karni padti hain। woh hai sanskaar milaane ki raas। vaise bhi koi kaarya shuru karte to raas milaate hain na। aur raas karne mein bhi ek do ka milan hota hai to saara din yeh raas kitna samay karte ho? baapdaada ke paas T.vi. athva radio aadi sab hain,usmein kaisi scene lagti hogi?jab sanskaar,sanskaar mein takraate hain woh bhi scene achhi hoti hai। phir jaise foreign vaalon ki body ilaastik hoti hai, jahaan modne chaahen mod lete, to varttamaan samay apne ko modne mein bhi easy hote ja rahe hain। isliye woh bhi drishya achha lagta hai। pahle tight hote phir bhi thoda loose hote phir loose hone ke baad milan ho jaata। phir milne ke baad khushi ka naach karte। to scene kitni achhi hogi! baapdaada ke paas sab automatically chalta hai। sab saaj,sab saadhan ever ready hain। sankalp kiya aur emerge hua। aajkal ki science bhi sab saadhnon ko bahut sookshm kar rahi hai na। ati chhota aur ati powerful। sookshm vatan to hain hi powerful vatan। itni bindi ke andar aap sab dekh sakte ho।। vistaar karo to bahut bada dekhenge,chhota karo to bilkul bindi। phir bhi bachchon ki mehnat aur himmat ke oopar baapdaada bhi nyochhaavar ho jaate hain। kyonki bhale kaise bhi bachche hain lekin ek baar jab baba kaha to nyochhaavar ho hi gaye। phir bhi bachche hi hain। to jab bachche nyochhaavar hue to baap bhi nyaachhaavar hota। aur baap sada bachche ki bhool mein bhi bhale ko hi dekhte hain। bhool ko nahin dekhte। bhool se bhgyala kya nikla baap usko dekhte hain। jaise aapki is saakaari duniya mein chhote-chhote bachchon ko khush karne ke liye agar koi girta hai to unko kehte hain - kya mila? change kar lete hain। to yahaan bhi bachche agar chalte-chalte thokar kha lete hain to baap kehte - thokar se anubhvi ban thaakur ban gaya। baap thokar ko nahin dekhte। thokar se thaakurpan kitna aaya, baap woh dekhte hain। isliye baap ko har bachcha ati priy hai। । chaahe pyaada hai, chaahe ghodasvaar hain,lekin pyaara na ho to vijay nahin pa sakte। isliye harek aatma ki aavashyakta hai। baap teenon kaalon ko dekhte hain। sirf varttamaan nahin dekhte। bachche sirf varttamaan dekhte hain isliye kabhi-kabhi ghabda jaate hain ki yeh kyon,yeh kya!

teachers ke saath-teachers ne aap samaan kitni teachers taiyaar ki hain? bade to bade-chhote samaan baap hain। jab hands taiyaar ho jaayenge to seva ke bina rah na sakenge। phir seva svatah hi badhegi। baapdaada ke advance mein jo uchchaare hue mahaavaakya hain woh phir practical ho jaayenge। abhi kahaan tak pahunche ho? jaise nakshe mein harek state bhi bindi maaphik dikhaate hain। vaise seva mein kahaan tak pahunche ho? abhi to bahut seva padi hui hai। abhi bahut-bahut badhaate jaao। kitne varsha pahle ke bol abhi sun rahe ho। baap ki yahi aash hai ki ek-ek anek centre sambhaalen। tab kahenge number one teacher। jab kaliyugi prime minister ek din mein kitne chakra lagaate,to sangamayugi teachers ko kitne chakra lagaane chaahiye। tab kahenge chakravarta raaja। to kya karna padega?plan banaao। videsh ki seva mein itni mehnat nahin karni padti, bhaarat mein bahut mehnat lagti hai। videsh ki dharni phir bhi suni-sunaai baaton se saaph hai। bhaarat mein yeh bhi mehnat karni padti hai। doosri baat - videshi aatmaayen abhi sab kuchh dekhkar thak gai hain, aur bhaarat vaalon ne dekhna shuru kiya hai। bhaarat vaalon ke andar abhi ichchha utpanna hui hai, aur unhon ki poori ho gai hai। isliye bhaarat ki seva se videsh ki seva easy hai। lucky ho। jaldi pratyakshaphal nikaal sakte ho।

party se - laukik mein jab koi ghar se jaata hai to ghar vaalon ko khushi nahin hoti। lekin baapdaada bachchon ko baahar jaate hue dekh khush hote hain, kyon?kyonki samajhte hain ki ek-ek sapoot bachcha saboot nikaalne ke liye ja raha hai? jaate nahin ho lekin doosron ko laane ke liye jaate ho। ek jaayenge anekon ko laayenge to khushi hogi na। kahaan bhi jaayenge baapdaada saath chhod nahin sakte। baap chhodne chaahen to bhi nahin chhod sakte,bachche chhodne chaahen to bhi nahin chhod sakte। donon bandhan mein bandhe hue hain। (satayug mein to chhod dete) satayug mein bhi raajyabhaag dekar khush ho jaate hain। faith hai na bachchon mein ki yeh achha raajya karenge isliye nishchinta rehte hain। london vaalon ne apne aas-paas vriddhi to achhi ki hai। abhi aur bhi chaaron or vishwa mein phailaana chaahiye। jo bhi sthaan khaali hain,london mein itne hands hain jo seva mein sahayogi ban sakte hain। saboot achha diya hai।

amritbele powerful stage rakhne ka bhinna-bhinna anubhav karte raho। kabhi knowledgeful stage ki anubhooti karo, kabhi prem swaroop ki anubhooti karo। aise bhinna-bhinna stage ke anubhav mein rahne se ek to anubhav badhta jaayega doosra yaad mein jo kabhi-kabhi aalasya va thakaavat aati hai woh bhi nahin aayegi। kyonki roj naya anubhav hoga। bhinna-bhinna stage ka anubhav karte raho। kabhi karmaateet stage ka, kabhi pharishte roop ka, kab rooh-roohaana ka anubhav karo। variety anubhav karo। kab sevaadhaari bankar sookshm roop se parikrama lagaao। isi anubhav ko aage badhaate raho।

nyoojeelainda party -nyoojeelainda vaalon ko sada kya yaad rehta hai? nyoojeelainda ko sada yaad rahe ki vishwa ko kya new news den। nyoojeelainda ko vishwa mein roj new news deni chaahiye। to nyoojeelainda kya ban jaayega? saari vishwa ke liye light house ban jaayega। sabki najar nyoojeelainda ki taraph jaayegi ki kahaan se yeh news aai hai! abhi bhi dekho akhbaaron mein koi new news aati hai to sabka attention kahaan jaata hai? yeh news kahaan se aai? to nyoojeelainda ko yeh kamaal karni chaahiye। ab koi nai baat karo। koi naya plan banaao। kamaal to yeh karo jo vahaan se itni teachers niklen jo sab taraph phail jaaen। phir kahenge jaisa naam hai vaisa kaam hai। sabhi bahut-bahut sikeeldhe ho jo door-door se baap ne chun liya। bhaarat chhod karke bhi gaye lekin bhaarat ke baap ne nahin chhoda। nyoojeelainda ki phulvaadi bhi bahut khili hui hai।

trineedaad party-baapdaada sada bachchon mein kya visheshta dekhte hain? baapdaada harek bachche ko dekh, harek bachchon mein unke 21janmon ki praalabdha ko dekhte hain?kya the,kya bane hain aur kya banne vaale hain?teenon kaal dekhte hue bhavishya kitna shreshtha hai,usko dekhkar harshit hote hain। aap harek bhi apni praalabdha ko samajhkar, anubhav kar harshit hote ho? apni praalabdha itni spashta hai ki aaj ham yeh hain, kal yeh banne vaale hain। yeh to avashya hai jab baap ka ban gaye to baap ka banna arthaat brahman banna। brahman so devta bhi avashya banenge। baaki devta mein bhi kya pad milna hai woh hai harek ke apne purooshaartha par।

abhi to seva ke anek saadhan hain। vaacha ke saath-saath ek sthaan par baithe hue bhi vishwa ki seva kar sakte ho। mansa seva ka bhi bahut achha chance hai। saara din koi na koi prakaar se seva mein busy raho।। madhuban mein refresh hona arthaat seva ke liye nimitta ban karke sevaadhaari banaakar seva ka chance lena। seva karne ke pahle jo nimitta bane hue sevaadhaari hain unhon se samparka rakhte hue aage badhte chalo to saphalta milti jaayegi। abhi dekhenge kitne centre kholkar aate ho। bulletin mein niklega ki kitne naye sevaakendra khole।

sada yahi smriti rahe ki ham sab roohaani social worker, sabhi ko bhatakne se chhudaane vaale hain। anek aatmaayen bhatak rahi hain to bhatakti hui aatmaon ko dekh taras aata hai na। jaise apni past life ko dekhkar samajhte ho kitna bhatke hain, kitne janmon se bhatke hain, apne anubhav ke aadhaar se aur hi jyaada taras padna chaahiye। to sada apne andar plan banaate raho ki in aatmaon ko bhatakne se kaise chhudaayen। roj nai-nai point socho। kaun-si aisi point den jo jaldi se parivarttan ho jaaen। ab bhakton ko bhakti ka phal dilaao। sada baap se milaane ke sahaj raaste sochte raho। yahi manan chalta rahe।

America -sada ateendriy sukh ke jhoole mein jhoolte rehte ho? baapdaada ke sikeeldhe bachche ho। to sikeeldhe bachchon ko maa baap sada aise sthaan par bithaate hain jahaan koi bhi takleeph na ho। baap-daada ne aap sikeeldhe bachchon ko kaun sa sthaan baithne ke liye diya hai? diltakhta। yeh diltakhta kitna bada hai?is takhta par baithkar jo chaaho woh kar sakte ho,to sada takhtansheen raho। neeche nahin aao। jaise foreign mein jahaan-tahaan galeeche laga dete hain ki mitti na lage। baapdaada bhi kehte hain - dehbhaan ki mitti mein maile na ho jaae isliye sada dil takhtansheen raho। jo abhi takhtansheen honge vahi bhavishya mein bhi takhtansheen banenge। to check karo ki sada takhtansheen rehte hain ya utarte chadhte hain? takhta par baithne ke adhikaari bhi kaun bante? jo sada double light roop mein rehte hain। agar jara bhi bhaareepan aaya to takhta se neeche aa jaayengen। takhta se neeche aaye to maaya se saamna karna padega। takhtansheen hain to maaya namaskaar karegi। baapdaada dvaara buddhi ke liye jo roj shaktishaali bhojan milta hai,use hajam karte raho to kabhi bhi kamjori aa nahin sakti। maaya ka vaar ho nahin sakta।