गुरुवार 29 अक्टूबर 1981 की अव्यक्त मुरली

>

29-10-81 om shanti avyakt baapdaada madhuban

"baap aur bachchon ka roohaani milan"

ati meethe-meethe avyakt baap-daada apne ati meethe-meethe bachchon ke prati bole:-

‘‘roohaani baap roohaani bachchon se milan mana rahe hain। yeh roohaani mela sirf aap bachche hi mana sakte ho। ek baap se ek hi samay yeh mela mana sakte ho। aap sabhi deevaali ka mela manaane aaye ho। mele mein ek hota hai - manaana, doosra - ek-do se milna, teesra - kuchh lena, kuchh dena, chautha - khelna। aap sabhi ne bhi yeh chaar hi baaten ki। mele mein to aaye lekin manaana arthaat sada avinaashi utsaah bhari,umang bhari jeevan mein sada rahne ka dridh sankalp karna। yeh roohaani mela manaana,avinaashi utsav manaana,ek do din ke liye nahin,sangamayug hai hi sada ka utsav arthaat utsaah badhaane vaala। to divaali gai nahin lekin divaali hai। naya varsha sada ke liye hai। har ghadi aapke liye nai hai। jaise naye varsha mein usi din vishesh naye-naye vastra, naya-naya shrringaar, naya umang aur vishesh khushi ka din samajhte hue sabko badhaai dete hain, mukh meetha karaate hain vaise aap roohaani bachchon ke liye sangamayug ka har din sarva ko badhaai dene ka hai aur sarva ka sada ke liye mukh meetha karne ka hai। aise sada utsaah mein rehna aur auron ko bhi utsaah dilaana। sada mukh mein meetha bol, yeh hai mukh meetha hona aur auron ko bhi meethe bol dvaara,meethe baap ki smriti dilaana, sambandh mein laana yeh hai - meetha mukh karaana। to sada mukh meetha hai?meethe bol ki mithaai sada aapke mukh mein hai aur sada auron ko khilaate rehte ho? har din shreshtha sthiti arthaat har din apne mein naveenta dhaaran karte rehte ho?second beeta aur nai sthiti। jo ek second pahle sthiti thi woh doosre second chadhti kala ki anubhooti ke kaaran sada shreshtha va nai hoti hai। to sthiti dhaaran karna arthaat naye vastra dhaaran karna। satayug mein to sthool mein sada nai dress pahnenge, vishwa-mahaaraajan va raajyavanshi pahni hui dress nahin pahnenge। to yeh sanskaar yahaan se raajya-adhikaari aatmaon ke bharte hain। har samay ki nai sthiti aur har samay baap-daada dvaara gyaan-vigyaan dvaara, naya shrringaar ho raha hai। jaise sabse jyaada sampattivaan,sada naya-naya shrringaar karenge। to sarvashreshtha sampanna baap,aap shreshtha sampanna bachchon ko roj naya shrringaar karte hain na! to roj naya varsha ho gaya na! naye vastra, naya shrringaar, naya utsav arthaat utsaah aur sada mukh meetha। nirantar hi mukh mein meethepan ki mithaai। isliye baap bhi roj kya bolte hain? (meethe- meethe bachche) yeh to pakka yaad hai na! baap bhi meethe-meethe bachche kehte aur bachche bhi kya kehte? (meethe-meethe baba) to mukh mein kya ho gaya? to roj ka naya varsha ho gaya na! naya varsha to kya, nai ghadi ho gai। to isi prakaar manaaya? ya utsav gaya aur utsaah bhi gaya?aisa alpakaal ka to nahin manaaya na?yahaan roohaani mela arthaat avinaashi mela। doosri baat - manaane ke saath milna। to roohaani milna va milan karna arthaat milna arthaat baap samaan banna। yeh sirf gale milan nahin lekin gunon se milan। sanskaaron se milan। milna arthaat samaan banna। iseelie hi sang ke rang ka gaayan hai। aise roohaani milan manaaya? va sirf ek do sanskaaron ka milan, yeh to sada kaal ka hai na? roj milan manaana hai। to check karo - mele mein aaye to aisa milan manaaya!

teesri baat- lena aur dena। laukik reeti se bhi kisi mele mein jaayenge to paisa denge aur koi cheez lenge। kuchh na kuchh lete zaroor hain। aur lene se pahle dena to hai hi। to sada lete ho। ek do mein bhi sada har ek ki visheshta va gunon ko lete hi ho। lete ho na sada? jab lete ho arthaat svayan mein dhaaran karte ho। to jab visheshta dhaaran karenge uske badle saadhaaranta svatah hi khatma ho jaati hai। gun ko dhaaran karte ho to us gun ke dhaarna ki kamjori svatah hi samaapta ho jaati hai। to yahi dena ho jaata hai। to gujraat vaalon ne liya aur diya- lena aur dena kiya? to yeh lena aur dena bhi har samay chalta hi rehta hai aur chalta hi rahega। har second lete ho aur dete ho kyonki lene se dena bandha hua hai। to dene mein bhi pharaakhdil ho ya kanjoos ho? pharaakhdil ho na? aur dete bhi kya ho? jisse majboor ho vahi cheez dete ho ।

baap aate hi tab hai jab sab bachche bilkul khaali ho jaate hain। na tan ki shakti,na man ki,na dhan ki। tan ki shakti se khaali iska yaadgaar shiv ki baraat kaisi dikhaai hai?aur man ki shakti ki samaapti ki nishaani-''sada ki pukaar’’ ki yaadgaar hai। roj pukaarte rehte hain na! dhan se khaali ki nishaani - abhi dekhon jo thoda bahut sona bhi raha hai, uske oopar bhi sada government ki okh hai। dar-dar ke pahante hain। agar dhan hai bhi to naam kya hai? ''kaala dhan’’। jitna bada dhanvaan naam ka,utna 90blaikamni hogi। to naam ka dhan raha ya kaam ka?to jab sab taraph se khaali ho jaate ho,sirf sudaame ke sukhe chaaval rah jaate hain tab baap aate hain। to sookhe chaaval khaane se to nuksaan ho jaayega। sirf chaaval dete ho, woh bhi sookhe aur lete kya ho?sarvagun,sarva- shaktiyaan,sarva khazaane।36 prakaar se bhi jyaada variety, to lena hua ya dena hua? sookhe chaaval bhi mitti vaale laate ho। mitti ki hi smriti rehti hai na! ab to badal gaye lekin jab baap ke paas aaye tab mitti vaale hi the?mitti ko dekhte, mitti se khelte aur kya karte the। aur ab ratnon se khelte ho। to lena aur dena yeh bhi sada chalta hi rahega। dene mein bhi hain mitti ke sookhe chaaval lekin phir bhi kai bachche dene mein bhi naaj-nakhre bahut karte hain। aaj kahenge de diya lekin sudaama ke misal woh bhi kachchha (bagal) mein chhipaakar rakhte hain। baap to le sakte hain lekin dene vaale ka banega? agar kheench kar le lenge to dekar ke lena, usmein kami pad jaayegi। ek dena aur padma paana। to sva-ichchha arthaat dridh sankalp se ek dena padam paana। isliye dena aapko hi padega। kyonki dene mein hi kalyaan hai। to samjha,lena-dena kya hai?

jab aisa manaana, milna aur lena-dena ho jaata hai,phir kya hota hai? sada baap ke saath khushi mein khelna। sada ateendriy sukh ke jhoole mein jhoolna। to aisa mela manaaya? yahi roohaani mela sada manaate raho। aur har roj mela hai! samjha? achha।

aise har second mela manaane vaale, sada svayan ka aur sarva ka mukh meetha karne vaale, sada naya utsaah rakhne vaale, arthaat sada utsav manaane vaale,har second chadhti kala ki nai sthiti arthaat naye vastradhaari,naye shrringaardhaari,sada baap ke saath khushi mein khelne vaale,aise sada roohaani mela manaane vaale shreshtha aatmaon ko baap-daada ka yaad pyaar aur namaste।''

yuglon se :- ‘‘apni visheshta ko jaante ho? is group ki visheshta kya hai? yeh group sannyaasi ko bhi neeche jhukaane vaala hai। sannyaasi arthaat aajkal ki mahaan aatmaayen। to aajkal ke mahaatma kahlaane vaalon ko bhi apne jeevan dvaara baap ka parichay dilaane vaale ho। isi visheshta ko sada smriti mein rakhte hue har kadam uthaayenge to har karma charitra ho jaayega। jaise brahma ka har karma charitra ke roop mein varnan karte ho na! yahaan madhuban mein brahma baap ki charitra bhoomi samajhkar aate ho na! to jaise brahma baap ka har karma charitra ban gaya kyonki shreshtha karma hai, aise is group ki visheshta hai,har karma charitra samaan karne vaale। kyonki abhi alaukik baap ke bachche alaukik ho gaye। brahmaakumaar,kumaari ka alaukik naata ho gaya। alaukik baap,alaukik bachche aur alaukik karma। alaukik karma ko hi charitra kahenge। to saare din mein amritvele se lekar raat tak har karma charitra ho,saadhaaran nahin, alaukik ho। alaukik jeevan vaale saadhaaran karma kar hi nahin sakte।

sabhi ki gaadi do pahiye vaali theek chal rahi hai na? kabhi koi pahiya neeche oopar to nahin hota! ek pahiya aage chale doosra peechhe, aise to nahin hota?aap sab ki yahi visheshta ho - -jo ek-do se aage bhi raho aur ek-do ko aage karne vaale bhi। ek-do ko aage rakhna hi aage hona hai। aise nahin main puroosh hoon, aur woh samjhe main shakti hoon। agar aap shakti ho to woh paandav bhi kam nahin,to shaktiyaan bhi kam nahin। donon hi baap ke sahayogi hain isliye paandav aage hain ya shaktiyaan aage hain,yeh bhi nahin kah sakte। shaktiyon ko dhaal iseelie kehte hain kyonki woh apne ko bahut samay se neeche samajhti hain, isliye nasha chadhaane ke liye aage rakha hai। shaktiyon ko aage rakhne mein hi paandavon ko phaayda hai। shakti peechhe rahegi to aapko bhi peechhe kheench legi। kyonki shaktiyon mein aakarshan karne ki shakti jyaada hoti hai। isliye shaktiyon ko aage rakhna hi aapka aage hona hai। vaise bhi shaktiyaan paandavon ki dhaal hain। paandav kahin aisa bhaashan karen to dande khaane pade। vaise bhi geeta paath shaala kholte ho to kehte ho behen bhejo। maata guru hai,isliye maata mein bhaavna sahaj baith jaati hai। brahma baap bhi backbone raha aur shaktiyon ko aage kiya to aap bhi brahma ki hamjinsa ho। to jaise baap ne shaktiyon ko aage kiya to saphalta mili vaise aap bhi shaktiyon ko aage rakho to saphalta mil jaayegi।

pravritti mein koi khitkhit to nahin hoti? kabhi barttan, barttan mein lagkar thaka to nahin hota?kyonki koi bhi aavaaj hoga to kya kahenge?bhagwan ke bachche, aur barttan barttan se takraata hai! vaise to barttan,barttan mein lagega to aavaaj zaroor hoga lekin yahaan aavaaj nahin ho sakta, kyon?kyonki yahaan beech mein baap hai! jahaan beech mein baap aa gaya vahaan aavaaj hoga? jab beech se baap ko nikaal dete ho phir takkar hota hai,aavaaj hota hai। to sada baap ko saath rakho। baap saath hoga to koi bhi baat agar hui bhi to theek ho jaayegi। vaise bhi jab kisi do ki baat mein,teesra beech mein padta hai to baat khatma ho jaati hai na! aise hi baap ko beech mein rakhenge to baat badhegi nahin,phaisla ho jaayega।

pravritti mein rehte bhi sada deh ke sambandh se nivritta raho। tabhi pavitra pravritti ka part baja sakenge। main puroosh hoon, yeh stri hai - yeh bhaan svapna mein bhi nahin aana chaahiye। aatma bhaai-bhaai hai to stri-puroosh kahaan se aaye? yugal to aap aur baap ho na! phir yeh meri yugal hai - aisa kaise kah sakte? yeh to nimitta maatra sirf seva arth hai baaki combined roop to aap aur baap ho। phir bhi baapdaada mubaarak dete hain, himmat par। himmat rakh aage chal rahe ho aur chalte rahenge। is himmat ki mubaarak dete hain।

kumaaron se :- apne ko sada raajarishi samajhte ho? adhikaari aur rishi arthaat tapasvi। sva ka raajya praapta hone se svatah hi tapasvi ban jaate hain। kyonki jab sva ka raajya hota hai to svayan ko aatma samajhne se baap ka banne se,yahi tapasya ho jaati hai। aatma baap ki bani arthaat tapasvi bani। to raajya bhi aur rishi bhi। to sabhi svaraajya adhikaari bane ho? koi bhi karmendriy apne taraph aakarshit na kare,sada baap ki taraph aakarshit rahen। kisi bhi vyakti va vastu ki taraph aakarshan na jaaye। aise raajya adhikaari tapasvi kumaar ho? bilkul vijayi। kyonki vaayumandal to kaliyugi hai na aur saath bhi hans aur bagulon ka hai। aise vaataavran mein rehte hue svaraajyadhaari honge tab safe rahenge। jara bhi duniya ke vibration ki aakarshan na ho। koi complain nahin,sada complete। kumaaron ki complain aati hai? kumaar yadi vijayi ban jaaen to sabse mahaan hain। kyonki government bhi youth ko aage badhaati hai। usmein bhi kumaar jyaada hote hain। kumaar jo chaahen woh kar sakte hen kyonki shakti bahut hoti hai। lekin shakti ko vyartha to nahin ganvaate ho। sankalp aur svapna mein baap ke sivaae aur koi nahin tab kahenge number one kumaar। kumaar nirvighna ho gaye to sabko nirvighna bana sakte hain। kumaaron ka title hi hai - vighna-vinaashak। kisi bhi prakaar ka vighna - mansa, chaahe vaacha, chaahe karmana,kisi bhi vighna ke vasheebhoot na hon। isliye bachchon ka hi title hai - vighna-vinaashak। ganesh bachcha hai na! to aapke yaadgaar mein vighna-vinaashak naam prasiddha hai। practical bane ho tab yaadgaar bana hai। vighna-vinaashak banne se svatah hi mansa dvaara bhi seva hoti rahegi। vaayumandal bhi nirvighna banta jaayega। jaise tatvon se mausam badalti hai vaise vighna-vinaashak bachchon se vaayumandal badal jaayega। to chaaron or vighna-vinaashak ki lahar phail jaae। sada yahi smriti mein rakho ki humein vijayi vaayumandal banaana hai। jaise soorya svayan shaktishaali hai to chaaron or apni shakti se prakaash phailasta hai, aise hi shaktivaan bano। kumaaron ko koi na koi kaam zaroor chaahiye, kumaar agar free hue ta khitkhit ho jaayegi। kumaar busy rahe to sva ka bhi kalyaan, vishwa ka bhi kalyaan। to vighna-vinaashak ban vaayumandal banaane mein busy raho। apni visheshta ko is kaarya mein lagaao। ek-ek kumaar anekon ko sanji- vani booti dene vaale mahaaveer arthaat moorchhit ko mahaaveer surjeet karne vaale ho। to sada apna yeh occupation yaad rakho। jaise laukik occupation nahin bhoolta aise yeh alaukik occupation bhi sada yaad rahe। sangamayug par baap dvaara jo bhi title mile hain unki smriti mein raho। title yaad aane se svatah hi gyaan aur gyaandaata donon ki yaad aa jaayengi। achha।

kumaariyon se :- kumaariyon ko dekhkar baapdaada bahut harshit hote hain। kyon? kyonki ek-ek kumaari aneko ko jagaane ke nimitta banne vaali hai। to kumaariyon ke bhavishya ko dekh karke harshit hote hain। ek-ek kumaari vishwa-kalyaankaari banegi। parivaar kalyaan vaali nahin, vishwa-kalyaan karne vaali। agar kumaari grihasthi ho gai to parivaar kalyaankaari ho gai aur brahmakumaari ban gai to vishwa-kalyaankaari ho gai। to kya banne vaali ho? vaise bhi dekho kumaariyon ka bhaktikaal ke ant mein bhi poojan hota hai। to last tak bhi itni shreshtha ho। kumaari jeevan ka bahut mahatva hai। kumaariyon ko brahman jeevan mein lift bhi hai। kumaariyaan kitna jaldi sevaakendra ki incharge ban jaati hain। kumaaron ko deri se chance milta hai। kumaari agar race mein aage jaae to bahut apne ko aage badha sakti hai। ek kumaari anek sevaavendron ko sambhaal sakti hai। drama anusaar yeh lift gift ki reeti se mili hui hai। mehnat nahin ki hai। kumaariyon ki visheshta kya hai? kumaari jeevan arthaat sampoorn paavan। agar kumaari jeevan mein yeh visheshta nahin to uska koi mahatva nahin। brahmaakumaari arthaat mansa mein bhi apvitrata ka sankalp na ho। tabhi poojya hai,nahin to khandit ho jaati hai aur khandit ki pooja nahin hoti। to is visheshta ko jaanti ho?

itni sab kumaariyaan sevaadhaari ban jaaen to kitne centre khul jaaen! baapdaada kisi ko laukik seva chhodne ke liye bhi nahin kehte। lekin balance ho। jitna-jitna is seva mein busy hoti jaayengi to woh aapehi chhoot jaayegi। kisi ko kaho naukri chhodo to soch mein pad jaate। jaise agyaani ko kaho beedi chhodo, sigret chhodo, to chhodne se nahin chhootti, anubhav se chhod dete hain। aise hi aap bhi jab is seva mein busy ho jaayenge to woh chhoot jaayegi। abhi tak gujraat ko dahej mein centre nahin mile hain,baambe ko mile hain। gujraat jo chaahe woh kar sakta hai। kami nahin hai sirf sankalp aur system nahin shuru hui hai। sabhi kumaariyaan baapdaada ke kul ki deepak ho na? apne bhaagya ko dekhkar sada harshit raho to is jeevan mein baap ki ban gai। yahi jeevan giraane vaali bhi hai aur chadhaane vaali bhi hai। to sabhi chadhti kala ke raaste par pahunch gai ho। achha।

party se :- sangamayug ko navayug bhi kah sakte hain kyonki sab kuchh naya ho jaata hai। navayug vaalon ki har samay hi har chaal nai। uthna bhi naya, bolna bhi naya, chalna bhi naya। jisko kehte hain naya arthaat alaukik। nai taat,nai baat,sab naya ho gaya na! smriti mein hi naveenta aa gai। jaisi smriti vaisi sthiti ho gai। baaten bhi nai,milna bhi naya, sab naya। dekhenge to bhi aatma,aatma ko dekhenge! pahle shareerdhaari shareer ko dekhte the ab aatma ko dekhte hain। pahle samparka mein aate the to kai vikaari bhaavna se aate the। abhi bhaai-bhaai ki drishti se samparka mein aate ho। abhi baap ke saathi ban gaye। pahle laukik saathi the। braahmanon ki bhaasha bhi nai। aapki bhaasha duniya vaale nahin samajh sakte। sirf yeh baat bhi bolte ho ki bhagwan aaya hai to bhi aashcharya khaate hain, samajhte nahin। kehte hain, yeh kya bolte ho! to aapki sab baaten nai hain। is liye har second apne mein bhi naveenta laao। jo ek second pahle avastha thi woh doosre second nahin, usse aage। isi ko kaha jaata - fast purooshaartha। jo kabhi chadhti kala mein, kabhi rookti kala mein,unko number one purooshaarthi nahin kahenge। number one purooshaarthi ki nishaani hai har second, har sakanlpa chadhti kala। abhi 80 hain to second ke baad 81 aise nahin ki 80ka 80 rahen। chadhti kala arthaat sada aage badhte rehna। braahmanjeevan ka kaarya hi hai - badhna aur badhaana। aapki chadhti kala mein sarva ka bhala hai। itni jimmevaari hai aap sabke oopar।

achha-om shanti।