मंगलवार 3 नवंबर 1981 की अव्यक्त मुरली

>

03-11-81 om shanti avyakt baapdaada madhuban

"yoddha nahin, diltakhtansheen bano"

door desh mein rahne vaale pardeshi baapdaada bole:-

‘‘aaj doordesh mein rahne vaale pardeshi apne bachchon se milne aaye hain। bachchon ko bhi svadesh ki smriti dilaane aaye hain। aur samartha banaae saath le jaane aaye hain। svadesh smriti mein aa gaya hai na? yeh paraaya desh aur paraaya raajya hai,jismen puraana-hi-puraana dikhaai deta hai। vyakti dekho va vastu dekho sab kya dikhaai deta hai? sab jadajdeebhoot ho gaye hain। chaaron or andhakaar chhaaya hua hai। aise desh mein aap sabhi bandhanon mein bandhe hue bandhanayukta aatma ban gaye tab baap aakar swaroop aur svadesh ki smriti de bandhanmukta banaae svadesh mein le jaate hain। saath-saath svaraajya ke adhikaari banaate hain। to sabhi bachche apne svadesh mein jaane ke liye taiyaar ho?va jaise aap log ek drama dikhaate ho,svarga mein jaane ke liye chaahte hue bhi koi virla taiyaar hota hai। aise hi baaten banaakar ''chalenge- chalenge kahne vaale to nahin ho? hisaab-kitaab samaapta kar liya hai va abhi kuchh raha hua hai? apne hisaab-kitaab ke samaapti ka samaapti samaaroh mana liya hai va abhi tak taiyaari hi kar rahen ho?aise to nahin samajhte ho ki ant mein yeh samaapti samaaroh manaayenge? samaapti samaaroh ab se manaayenge tab ant mein sampoornata samaaroh manaayenge। yeh puraana hisaab-kitaab samaapta karna hai। woh ab karne se bahutkaal ke bandhanmukta,bahutkaal ke jeevanmukta pad ko pa sakenge। nahin to ant tak yuddha karne vaale yoddha hi rah jaayenge। jo ant tak yoddha jeevan mein rehta uski praalabdha kya hogi? yoddha jeevan to bachpan ka jeevan hai। ab to svaraajya-adhikaari ho gaye। smriti ka tilak,baap ke diltakhtansheen ho gaye। takhtansheen yoddhe hote hain kya? yuddha ki praalabdha takhta aur taaj mil gaya। kya yeh vartamaan praalabdha va pratyakshaphal praapta nahin hua hai? sangamayug ki praalabdha pa li hai va paani hai? geet kya gaate ho?paana tha woh pa liya va paana hai? jabki vartamaan ke saath bhavishya ka sambandh hai to bhavishya praalabdha 2500varsha hai to kya vartamaan praalabdha ant ke 5-6maas hogi va 5 din hogi va5 ghante hogi va sangam ka bahukaal hoga?agar sangam yug ki praalabdha bahukaal nahin hogi to bhavishya praalabdha bahukaal kaise hogi? vahaan ke 2500 varsha,yahaan ke 25varsha bhi nahin hogi? direct baap ke bachche ban sangamayug ka sadaakaal ka varsa na paaya to paaya hi kya? sarva khazaanon ke khaanon ke maalik uske baalak ban khazaanon se sampanna nahin bane to maalik ke baalak bankar kya kiya?

‘‘saphalta hamaara janma siddha adhikaar hai'' - yeh kehte sada saphalta ka anubhav nahin kiya to janmasiddha adhikaari banke kya kiya? bhaagya vidhaata ke donon baap ke bachche bane phir bhi sada padmaapadma bhaagyashaali na bane to do baap ke bachche banke kya kiya? shreshtha karmon ki va shreshtha charitra banaane ki ati sahaj vidhi vardaata banke baap ne di phir bhi siddhi swaroop nahin bane to kya kiya? kya yuddha karna,mehnat karna,dheere-dheere aaraam se chalna,yahi pasanda hai kya? yuddha ka maidaan pasanda aata hai?diltakhta pasanda nahin hai kya? agar takhta hi pasanda hai, to takhtansheen ke paas maaya aa nahin sakti। takhta se utar yuddha ke maidaan mein chale jaate ho tab mehnat karni padti hai। jaise kai bachche hote hain, ladne-jhagadne ke bina rah nahin sakte,aur koi nahin milega to apne se hi koi-na-koi kashamkash karte rahenge। yuddha ke sanskaar raajya takhta chhuda ke bhi yuddha ke maidaan mein le jaate hain। ab yuddha ke sanskaar samaapta karo। raajya ken sanskaar dhaaran karo। praalabdhi bano। tab bahukaal ke bhavishya praalabdhi bhi banenge। ant tak yoddhepan ki jeevan hogi to kya banenge? chandravanshi banaana padenga।

sooryavanshi ki nishaani -sada khushi ki raas karne vaale। sada ateendriy sukh ke jhoole mein jhoolne vaale। chandravanshi raam ko kab jhoole mein nahin jhulaate hain। raas nahin dikhaate hain। yuddha ka teer kamaan hi dikhaate hain। peechhe ka raajya bhaagya milega। aadha samay ka raajya bahukaal to nahin hua na! to sada jhoole mein jhoolte raho। sarva se raas milaate hue,khushi ki raas karte raho। isko kaha jaata hai - sangamayug ki praalabdha swaroop। purooshaarthi hain,yeh shabd bhi kahaan tak?

abhi-abhi purooshaarthi,abhi-abhi praalabdhi। sangam ke purooshaarthi,satayug ke praalabdhi nahin। sangamayug ke praalabdhi ke banna hai। abhi abhi beej boo, abhi-abhi phal khaao। jab science vaale bhi har kaarya mein praapti ke gati ko teevra bana rahe hain,to silence ki shakti vaale apne gati ko usse bhi jyaada teevra karenge na! va ek janma mein karna aur doosre janma mein paana?ve log aavaaj ki gati se bhi tej jaane chaahte hain। sab kaarya second ki gati se bhi aage karna chaahte hain। itne saare vishwa ka vinaash kitne thode samay mein karne ke liye taiyaar ho gaye hain? to sthaapna ke nimitta bani hui aatmaayen second mein karna,second mein paana,aisi teevra gati ke anubhvi nahin honge। to samjha - abhi kya karna hai?pratyaksha phal khaao। pratyakshaphal nahin achha lagta?mehnat karne vaala phal achha lagta hai? mehnat ka sookha phal kha ke to aise kamjor ban gaye,nayanheen,buddhiheen,shreshtha karmaheen ban gaye। ab to taaja pratyakshaphal khaao। mehnat ko muhabbat mein badal do। achha।

aise sada raajya vansh ke sanskaar vaale, sada sarva khazaanon ke adhikaari arthaat baalak so maalik, sada sangamayugi praalabdhi sanskaar vaale, pratyakshaphal khaane vaale, aise sada praapti swaroop, sada sarva bandhanmukta,sangamayugi jeevanmukta,aise takhta,taajdhaari bachchon ko baapdaada ka yaad-pyaar aur namaste।''

party ke saath personal mulaakaat

1. sada roohaani nashe mein sthit rehte ho? roohaani nasha arthaat aatma-abhimaani banna। sada chalte-phirte aatma ko dekhna yahi hai roohaani nasha। roohaani nashe mein sada sarva praapti ka anubhav sahaj hi hoga। jaise sthool nashe vaale bhi apne ko praaptivaan samajhte hain, vaise yeh roohaani nashe mein rahne vaale sarva praapti swaroop ban jaate hain। is nashe mein rahne se sarva prakaar ke duhkh door ho jaate hain। duhkh aur ashaanti ko vidaai ho jaati hai। jab sadaakaal ke liye sukhdaata ke,shaantidaata ke bachche ban gaye to duhkh ashaanti ko vidaai ho gai na! ashaanti ka naamnishaan bhi nahin। shanti ke saagar ke bachche ashaanta kaise ho sakte?roohaani nasha arthaat duhkh aur ashaanti ki samaapti। uski vidaai ka samaaroh mana diya? kyonki duhkh ashaanti ki utpatti hoti hai apvitrata se। jahaan apvitrata nahin vahaan duhkh ashaanti kahaan se aai। patit paavan baap ke bachche master patit paavan ho gaye। jo auron ko patit se paavan banaane vaale hain woh svayan bhi to paavan honge na! jo paavan pavitra aatmaayen hain unke paas sukh aur shanti svatah hi hai। to paavan aatmaayen,shreshtha aatmaayen vishesh aatmaayen ho। vishwa mein mahaan aatmaayen hon kyonki baap ke ban gaye। sabse bade te badi mahaanta hai - paavan banna। isliye aaj bhi isi mahaanta ke aage sir jhukaate hain। woh jad chitra kiske hain? abhi mandir mein jaayenge to kya samjhenge?kiski pooja ho rahi hai? smriti mein aata hai-ki yeh jamaare hi jad chitra hain। aise apne ko mahaan aatma samajhkar chalo। aise divya darpan bano jismen anek aatmaon ko apni asli soorat dikhaai de।

2.sada chadhti kala mein ja rahe ho? har kadam mein chadhti kala ke anubhvi। sankalp, bol,karma, samparka aur sambandh sabmen sada chadhti kala। kyonki samay hi hai chadhti kala ka,aur koi bhi yug chadhti kala ka nahin hai। sangamayug hi chadhti kala ka yug hai, to jaisa samay vaisa hi anubhav hona chaahiye। jo second beeta uske aage ka second aaya,to chadhti kala। aise nahin - do maas pahle jaise the vaise hi abhi ho। har samay parivartan। lakin parivartan bhi chadhti kala ka। kisi bhi baat mein rookne vaale nahin। chadhti kala vaale rookte nahin hain, ve sada auron ko bhi chadhti kala mein le jaate hain।

prashn :- jo sada udte panchhi honge unki nishaani kya hogi?

uttar :-woh chakravarta honge। all-round paartadhaari। udti kala vaale aise nirbandhan honge jo jahaan bhi seva ho vahaan pahunch jaayenge। aur har prakaar ki seva mein saphaltaamoortta ban jaayenge। jaise baap all-round paartadhaari hai, sakha bhi ban sakte to baap bhi ban sakte, aisi udti kala vaale jis samay jo seva ki aavashyakta hogi usmein sampanna part baja sakenge, isko hi kaha jaata hai - all-round udta panchhi। achha!