बुधवार 11 नवंबर 1981 की अव्यक्त मुरली

>

11-11-81 om shanti avyakt baapdaada madhuban

"bindu ka mahatva"

jyoti-bindu shiv baba niraakaar, jyoti-bindu aatmaon prati bole:-

aaj sneh ke saagar baap apne snehi aatmaon se milne aaye hain। baap ke sneh mein door-door se bhaagte hue milan sthaan par pahunch gaye। baapdaada aisi snehi aatmaon ko sneh ka return sneh or sahayog sada dete hain, ab bhi de rahe hain aur dete rahenge।

sarva sthaanon ki snehi aatmaayen ab bhi sookshm pharishton ke roop mein is milan sabha mein sammukh hain। baapdaada double sabha dekh rahe hain। ek saakaari shareerdhaari is dharni par baithe hue hain doosre aakaari roopdhaari jinhon ko is dharni ke sthaan ki aavashyakta nahin, dharni se oopar light roop mein light ke aasandhaari, jo thode sthaan par bahut dikhaai de rahe hain। to donon sabhaaon ko baapdaada dekh harshit ho rahe hain।

baapdaada bachchon ke sneh ki shakti dekh rahe hain ki sneh ki shakti ke aadhaar par second mein kitni bhi door se sameep pahunch jaate hain। jitni sneh ki shakti mahaan hai, utni sammukh pahunchne ki speed mahaan hai। kitne amoolya ratan saamne aa rahe hen। ek-ek ratna ki mahima mahaan hai। kis-kis mahaarthi ka varnan karen। shama ke oopar parvaane aa rahe hain। sabhi bachchon ko baapdaada sada sahajyogi bhav ka vardaan de rahe hain। sirf ek bindi ko yaad karo। sabse saral maatra bindi hai। to baapdaada sirf bindi ka hi hisaab bataate hain। svayan bhi bindu roop bano, yaad bhi bindu ko karo aur drama ke har drishya ko jaane,karne ke baad bindu ki maatra laga do। ek bindu ki maatra mein aap, baap aur rachna, sab aa jaata hai। to jaanna hi kya hai - ‘‘bindu''। karna bhi kya hai -’’bindu ko yaad''। isi bindu ki maatra ke mahatva ko jaan sada sahajyogi ban sakte ho। kitna bhi bada vistaar hai lekin samaaya hua bindu mein hai। beej bindu, usi mein saara vriksha samaaya hua hai। aatma bindu usi mein 84janmon ke sanskaar samaaye hue hain। 5hajaar varsha ke drama ko ab sangam ke ant mein samaapta kar rahe ho, ab drama ka chakra poora hua। arthaat jo chakra beet chuka usko full stop arthaat bindi lagaaye,bindi ban,ab ghar jaana hai। bindu ke saath bindu bankar jaana hai। ghar bhi sarva binduon ka ghar hai। sankalp,karma, sanskaar sab merge arthaat bindi lagi hui hai। samaapti ki maatra hai hi bindu। sarvagun,sarvagyaan ke khazaanon ke saagar…lekin saagar bhi hai - bindu। sambandh aur samparka me bhi aao to sarva ke mastak mein kya chamak raha hai - bindu। sarva kaaryakarta kaun hain? bindu hi hain na! chaahe dharni se chandrama tak pahunche to bhi bindu pahuncha। chaahe aap silence ki shakti se 3 lokon tak pahunchte to bhi kaun pahunchta - bindu। science ki shakti ya silence ki shakti, nimaarkan karne ki shakti va nirvaan mein jaane ki shakti hai to bindu na! beej se itna saara vriksha vistaar ko paata lekin vistaar ke baad samaata kisme hai? beej arthaat bindu mein। to anaadi avinaashi hai hi bindu। aap bhi teen kaalon ki knowledge, teen lokon ki knowledge praapta karte ho lekin praapta karne vaala kaun? ''bindu’’। aadi se ant tak variety part bajaaya lekin paartadhaari kaun? kisne part bajaaya?bindu ne। to mahatva saara bindu ka hai। aur bindu ko jaana to sab kuchh jaana। sab kuchh paaya। bindu roop mein sthit ho jo sankalp karo,jo bhaavna rakho, jo bol bolo, jo karma karo, jaise bindu mahaan hai vaise sarva baaten mahaan ho jaati hain arthaat svatah shreshtha ho jaati hain।

aatmik enarja bhi bindu hai, jo sthaapna ki enarja hai aur vinaashkaari bhi atomic enarja bindu hai। vinaash bhi bindu se hota,sthaapna bhi bindu se hoti। srishti chakra ke aadi mein bhi bindu ban utarte ho aur ant mein bhi bindu ban jaate ho। to aadi ant ka swaroop bhi bindu hua। kitna sahaj ho gaya। ek bindu ko yaad karna mushkil hai kya? school mein bhi chhote bachche bindu ki maatra sahaj laga sakte hain। kahaan bhi pencil ko rakh den to bindu ho jaayegi। to itni sahaj maatra yaad nahin rehti?isse sahaj aur kya bata sakte hain। isse sahaj kuchh hai? bhakti mein to lamba chauda aakaar yaad karte। buddhi mein bhaavna dvaara chitra banaate, tab bhakti siddha hoti। yahaan to knowledge dvaara sirf kya saamne rakhte? bindu। isi bindu ki smriti dvaara svayan hi siddhi swaroop ban jaate। to kya sahaj hua? buddhi mein bindu lagaana ya aakaar emerge karna? iseelie sahajyogi bano। bindu ko jaano to sada sahaj hai। to sneh ka return sahaj saadhan dvaara sahajyogi bhav। to sabhi sahajyogi ban gaye na! vistaar mein jaate ho to mushkil mein chale jaate ho। kyonki vistaar mein jaane se question mark bahut lag jaate hain। isliye jaise question mark ki maatra svayan hi tedhi hain, to kya-kya ke question mark ke tedhe maarga par chale jaate ho। bindu ban vistaar mein jaao to saar milega। bindu ko bhool vistaar me jaate ho to jangal mein chale jaate ho। jahaan koi saar nahin। bindu roop mein sthit rahne vaale saarayukta, yogayukta,yuktiyukta swaroop ka anubhav karenge। unhon ki smriti, bol aur karma sada samartha honge। bina bindu banne ke vistaar mein jaane vaale sada kyon, kya ke vyartha bol aur karma mein samay aur shaktiyaan bhi vyartha ganvaayenge kyonki jangal se nikalna padta hai। to sada kya yaad rakhenge? ek hi baat - bindu। sahaj hai na? ismen bhaasha jaano, na jaano lekin bindu to sab bhaasha mein hai। aur kuchh bhi na jaan sako lekin bindu shabd ko to jaan jaayenge। samjha-kya karna hai? bindu shabd hi kamaal ka shabd hai। jaadu ka shabd hai। bindu bano aur order karo to sab taiyaar hai। sankalp ki taali bajaao aur sab taiyaar ho jaayega। lekin bindu ki taali prakriti bhi sunegi, sarva karmaindriyaan bhi sunengi aur sarva saathi bhi sunenge। bindu ban karke taali bajaane aati hai? achha!

sada anaadi avinaashi swaroop roop mein sthit rahne vaale, bindu ke mahatva ko jaan sada mahaan rahne vaale,bindu swaroop ho sarva khazaanon ke saar ko paane vaale, saarayukta,yogayukta,jeevanmukta aatmaon ko baapdaada ka yaad-pyaar aur namaste।''

teachers ke saath- sabhi roohaani sevaadhaari ho-roohaani sevaadhaari ka arth hi hai roohaani khazaanon se sampanna। tab hi roohaani sevaadhaari ban sakte ho। sevaadhaari arthaat dene vaala। seva dvaara sukh dene vaala, isko kehte hain sevaadhaari। to dene vaala zaroor svayan sampanna hoga tab to auron ko de sakega! to sevaadhaari arthaat master sukh daata, master shanti daata,master gyaan daata। daata sada sampanna moortta hote hain। jaise svayan honge vaise auron ko banaayenge। agar svayan mein kisi bhi shakti ki kami hai to auron ko bhi sarva shaktivaan nahin bana sakte hain। roohaani sevaadhaari arthaat sarvashaktivaan। roohaani sevaadhaari arthaat ever ready aur all-round। all-round sevaadhaari hi sachche sevaadhaari hain। to sachche sevaadhaari ke sarva lakshan apne mein anubhav karte ho?jo sampanna honge woh sada santushta honge aur sarva ko santushta karenge। kisi bhi prakaar ki apraapti,asantushtata paida karti hai। sarva praapti hain to sada santushta। santushta rehna aur santushta karna,uski vidhi hai - sampanna aur daata। donon baaten chaahiye। koi sampanna ho lekin daata na ho to bhi santushta nahin kar sakte। to daata bhi aur sampanna bhi।

yeh khushi to sabhi ko hai na ki ham vishesh aatmaayen hain? saare vishwa mein se kitni thodi si aatmaayen sada baap ki seva mein tatpar rahne vaali nimitta banti hain। to jo koto mein koi,koi mein koi aatmaayen nimitta banti hain usmein hamaara hi part hai, hamaara naam hai, yeh kitni badi khushi hai! koton mein koi…yeh hamaara gaayan hai, yeh roohaani nasha rehta hai? roohaani nasha sada jitna ooncha utna namra banaayega। dehbhaan ka nasha hoga thoda lekin ghamanda se, abhimaan se ooncha samjhenge। sachche nashe mein rahne vaale sada namrachit honge। namrata se hi sabko apne aage jhukaayenge। sukhdaata, namrachit aatma ban sakti hai। abhimaan namrachit banne nahin deta। namrachit nahin to seva ho nahin sakti। to sevaadhaari ki visheshta - sada namrachit, svayan jhuka hua hoga tab auron ko jhuka sakega। to roohaani sevaadhaari!‘roohaani'shabd sada yaad rakho। chalte-phirte,bolte… karma mein roohaaniyat dikhaai de। saadhaaranta nahin, roohaaniyat।

santushta aatma ko hi sevaadhaari ka title mil sakta hai। santushta nahin to seva lenge। to seva lene vaale ho ya seva karne vaale ho? roohaani sevaadhaari lene vaale nahin, aaj yeh hua, kal yeh hua… aisi baaton ke peechhe samay ganvaakar seva to nahin lete ho! yeh sab bachpan hi baaten hain। ab bachpan samaapta hua। abhi jo liya uska return karna hai। abhi koi bhi kachahri na honi chaahiye। badon ka extra samay nahin lena hai। kisse-kahaaniyaan samaapta। agar abhi tak bhi seva lene vaale ho to aaj se samaapta kar dena। bindi laga dena। beeti so beeti,bindi lag gai na! to samaapti ki bindi lagaakar jaana। bindi lagaakar sada santushta rehna aur sabko santushta karna, yahi paath sada yaad rakhna। achha!

nirmalshaanta daadi se :- mahaan aatma arthaat saphalta moortta। to sada saphaltaamoortta ho na? jo jitne halke rehte hain, utna sahaj aur svatah kaarya ho jaata hai। jo jyaada kaarya ka bojh uthaate hain to bojh ke kaaran nirnay shakti kaam nahin kar sakti hai isliye saphalta mein pharka pad jaata hai। kaarya karne ke pahle sada svayan double light,vaayumandal bhi light,svayan bhi light, saathi bhi sab light-to light house ka kaarya ho hi jaata hai।

lekin koi bhi kaarya jab shuru karte hain to lakshya theek rakhte hain, phir beech mein woh lakshya merge ho jaata hai। aadi shaktishaali hota,madhya mein percentage kam ho jaati hai। jaise aadi mein plan ke samay attention rakhte,aise jab practical kaarya mein busy ho jaate ho tab bhi attention rahe। aadi-madhya-ant ek samaan rahe to saphalta sahaj ho jaayegi। achha-

is baari mele mein shanti kunda banaana। jisse sab samjhen ki yahaan aavaaj hote bhi shanti hai। vritti aur anubhooti hi badal jaae। (baapdaada kalkatte mein aaven) zaroor,haan woh samay dikhaayega, kyonki bachche bulaaven baap na aaven - yeh ho nahin sakta। lekin kis reeti se aayenge yeh dekhna। kuchh naya hona chaahiye na! achha- jo banaayenge usmein saphal ho jaayenge, kyonki sachchi dil par saahab raaji। yeh mela bhi baap ke darshan karne ka sthaan hai। bhakta darshan karenge aur bachche milan manaayenge। achha hai, yeh bhi ek saadhan hai sva ke liye aur anya aatmaon ke liye। brahman bhi umang-utsaah mein aa jaate hain aur anya ki bhi seva ho jaati hai। sva ki bhi seva aur auron ki bhi seva। achha!

vidaai ke samay :- sabhi ne suna to bahut hai, baaki kuchh sunna rah gaya hai kya? sirf ek hi baat rah gai hai-woh kaun si? paana tha vo pa liya kaam kya baaki raha? sab samaapta ho gaya hai, kya raha hai? abhi sirf ek baat baapdaada dekhna chaahte hain। sabhi 16shrringaardhaari saji-sajaai sajniyaan arthaat 16kala sampanna।16 shrringaar hi 16 kala hain। to sabhi 16 kala sampanna arthaat 16shrringaardhaari banen। abhi tak koi 8 kala,koi 10 kala,koi 11kala… lekin sabhi 16 kala ban jaaen। apne-apne number anusaar sabhi 16 kala to honge na! jaise aur dharmon ki bhi apne hisaab se golden stage hoti hai। to yahaan bhi sabhi ki apne hisaab se16 kala hongi na! kehna,karna aur sochna sab samaan ho to sampanna ban jaayenge। baapdaada ab isi swaroop mein sabko dekhna chaahte hain। woh kab hoga? iske liye sab taiyaari bhi karte hain,sankalp bhi karte hain, ichchha bhi yahi ek hai। baaki kya rah jaata hai? stage par jab baithte ho to kya sunaate ho ki bas, ab sampanna banna hai! to ichchha bhi sabko hai,lekin baaki kya rah jaata hai?agar aur sab ichchhaaon se ichchha maatram avidya ho jaao to yeh ichchha puri ho jaaye। chhoti-chhoti aur ichchhaayen is ek ichchha ko poorn karne nahin deti hain। achha।

party se

prashn- kaun-si pahchaan buddhi me spashta hai to samartha aatma ban jaayenge?

uttar-samay ki aur svayan ki pahchaan agar buddhi mein spashta hai to samartha aatma ban jaayenge, kyonki yeh sangam ka samay hi hai shreshtha takdeer banaane ka। saare kalpa ke shreshtha te shreshtha takdeer abhi hi bana sakte ho। sangam par hi baap dvaara sarva adhikaar praapta hote hain। to adhikaari aatma ho, shreshtha aatma ho, shreshtha praalabdha paane vaale ho। sada yeh smriti mein rakho to samartha ho jaayenge। samartha hone se maayaajeet ban jaayenge। samartha aatma vighna-vinaashak hoti hai। sankalp mein bhi vighna aa nahin sakta। master sarvashaktivaan sada vighna-vinaashak honge। achha! vighna-vinaashak honge।

achha!