बुधवार 6 जनवरी 1982 की अव्यक्त मुरली

>

06-01-82 om shanti avyakt baapdaada madhuban

"sangamayugi brahman jeevan mein pavitrata ka mahattva"

pavitrata ke saagar, sada poojya shiv baba bole:-

‘‘baapdaada aaj vishesh bachchon ke pyooriti ki rekha dekh rahe hain। sangamayug par vishesh vardaata baap se do vardaan sabhi bachchon ko milte hain। ek- ‘sahajyogi bhav'। doosra- ‘pavitra bhav'। in donon vardaanon ko har brahman aatma purooshaartha pramaan jeevan mein dhaaran kar rahe hain। aise dhaarna swaroop aatmaon ko dekh rahe hain। har ek bachche ke mastak aur naynon dvaara pavitrata ki jhalak dikhaai de rahi hai। pavitrata sangamayugi braahmanon ke mahaan jeevan ki mahaanta hai।‘pavitrata brahman jeevan ka shreshtha shrringaar hai।'jaise sthool shareer mein vishesh shvaas chalna aavashyak hai। shvaas nahin to jeevan nahin। aise brahman jeevan ka shvaas hai - ‘pavitrata'। 21janmon ki praalabdha ka aadhaar arthaat foundation pavitrata hai। aatma arthaat bachche aur baap se milan ka aadhaar‘pavitra buddhi' hai। sarva sangamayugi praaptiyon ka aadhaar ‘pavitrata'hai। pavitrata, poojya-pad paane ka aadhaar hai। aise mahaan vardaan ko sahaj praapta kar liya hai? vardaan ke roop mein anubhav karte ho va mehnat se praapta karte ho? vardaan mein mehnat nahin hoti। lekin vardaan ko sada jeevan mein praapta karne ke liye sirf ek baat ka attention chaahiye ki ‘vardaata aur vardaani' donon ka sambandh sameep aur sneh ke aadhaar se nirantar chaahiye। vardaata aur vardaani aatmaayen donon sada combined roop mein rahen to pavitrata ki chhatrachhaaya svatah rahegi। jahaan sarvashiktavaan baap hai vahaan apvitrata svapna mein bhi nahin aa sakti hai। sada baap aur aap yugal roop mein raho। single nahin,yugal। single ho jaate ho to pavitrata ka suhaag chala jaata hai। nahin to pavitrata ka suhaag aur shreshtha bhaagya sada aapke saath hai। to baap ko saath rakhna arthaat apna suhaag,bhaagya saath rakhna। to sabhi,baap ko sada saath rakhne mein abhyaasi ho na?

vishesh double videshi bachchon ko akela jeevan pasanda nahin hai na? sada companion chaahiye na! to baap ko companion banaaya arthaat pavitrata ko sada ke liye apnaaya। aise yugalmoorta ke liye pavitrata ati sahaj hai। pavitrata hi natural jeevan ban jaayegi। pavitra rahoon,pavitra banoon, yeh question hi nahin। braahmanon ki life hi ‘pavitrata'hai। brahman jeevan ka jeey-daan hi pavitrata hai। aadi- anaadi swaroop hi pavitrata hai। jab smriti aa gai ki main aadi-anaadi pavitra aatma hoon। smriti aana arthaat pavitrata ki samartha aana। to smriti swaroop, samartha swaroop aatmaayen to niji pavitra sanskaar vaali - niji sanskaar pavitra hain। sangadosh ke sanskaar apvitrata ke hain। to niji sanskaaron ko emerge karna sahaj hai va sangadosh ke sanskaar emerge karna sahaj hai?brahman jeevan arthaat sahajyogi aur sada ke liye paavan। pavitrata brahman jeevan ke vishesh janma ki visheshta hai। pavitra sankalp braahmanon ki buddhi ka bhojan hai। pavitra drishti braahmanon ke aankhon ki roshni hai। pavitra karma brahman jeevan ka vishesh dhandha hai। pavitra sambandh aur samparka brahman jeevan ki maryaada hai।

to socho - ki brahman jeevan ki mahaanta kya hui? pavitrata hui na! aisi mahaan cheej ko apnaane mein mehnat nahin karo, hath se nahin apnaao। mehnat aur hath nirantar nahin ho sakta। lekin yeh pavitrata to aapke jeevan ka vardaan hai, ismen mehnat aur hath kyon? apni niji vastu hai। apni cheej ko apnaane mein mehnat kyon?paraai cheej ko apnaane mein mehnat hoti hai। paraai cheej apvitrata hai, na ki pavitrata। raavan paraaya hai,apna nahin hai। baap apna hai, raavan paraaya hai। to baap ka vardaan pavitrata hai raavan ka shraap apvitrata hai। to raavan paraaye ki cheej ko kyon apnaate ho? paraai cheej achhi lagti hai?apni cheej par nasha hota hai। to sada sva-swaroop pavitra hai, svadharma pavitrata hai arthaat aatma ki pahli dhaarna pavitrata hai। svadesh pavitra desh hai। svaraajya pavitra raajya hai। sva ka yaadgaar param pavitra poojya hai। karmendriyon ka anaadi svabhaav sukarma hai, bas yahi sada smriti mein rakho to mehnat aur hathayog se chhoot jaayenge। baapdaada bachchon ko mehnat karte hue nahin dekh sakte, isliye ho hi sab pavitra aatmaayen। svamaan mein sthit ho jaao। svamaan kya hai? - ‘‘main param pavitra aatma hoon।''sada apne is svamaan ke aasan par sthit hokar har karma karo। to sahaj vardaani ho jaayenge। yeh sahaj aasan hai। to sada pavitrata ki jhalak aur phalak mein raho। svamaan ke aage deh abhimaan aa nahin sakta। samjha!

double videshi to ismen paas ho na? hathayogi to nahin ho?mehnat vaale yogi to nahin ho?muhabbat mein raho to mehnat khatma। lavleen aatma bano, sada ek baap doosra na koi,yahi natural purity hai। to yeh geet gaana nahin aata hai? yahi geet gaana sahaj pavitra aatma banna hai। achha –

aise sada sva-aasan ke adhikaari aatmaayen, sada brahman jeevan ki mahaanta va visheshta ko jeevan mein dhaaran karne vaali aadi anaadi pavitra aatmaayen,sva swaroop,svadharma,sukarma mein sthit rahne vaali shreshtha aatmaon ko va param pavitra poojya aatmaon ko,pavitrata ke vardaan praapta kiye hue mahaan aatmaon ko, baapdaada ka yaad pyaar aur namaste।''

France, braajeel tatha anya kuchh sthaanon se aaye hue videshi bachchon se avyakt baapdaada ki mulaakaat –

(1) sabhi apne ko sada master sarvashaktivaan samajhte hue har kaarya karte ho?sada seva ke kshetra mein apne ko master sarvashaktivaan samajhkar seva karenge to seva mein saphalta hui padi hai kyonki vartamaan samay ki seva mein saphalta ka vishesh saadhan hai - ‘vritti se vaayumandal banaana'। aajkal ki aatmaon ko apni mehnat se aage badhna mushkil hai isliye apne vibration dvaara vaayumandal aisa powerful banaao jo aatmaayen svatah aakarshit hote aa jaaen। to seva ki vriddhi ka foundation yeh hai - baaki saath-saath jo seva ke saadhan hain woh chaaron or karne chaahiye। sirf ek hi area mein jyaada mehnat aur samay nahin lagaao aur chaaron taraph seva ke saadhnon dvaara seva ko phailaao to sab taraph nikle hue chaitanya phoolon ka guldasta taiyaar ho jaayega।

(2) baapdaada khushanseeb bachchon ko dekh ati harshit hote hain। harek roohe gulaab hain। roohe gulaab group arthaat roohaani baap ki yaad mein lavleen rahne vaala group। sabhi ke chehre par khushi ki jhalak chamak rahi hai।

baapdaada ek-ek ratna ki value ko jaante hain। ek-ek ratna vishwa mein amoolya ratna hai isliye baapdaada usi visheshta ko dekhte hue har ratna ki value ko dekhte hain। ek-ek ratna anekon ki seva ke nimitta banne vaala hai। sada apne ko vijayi ratna anubhav karo। sada apne mastak par vijay ka tilak laga hua ho kyonki jab baap ke ban gaye to vijay to aapka janma siddha adhikaar hai। isliye yaadgaar bhi ‘vijay maala' gaai aur pooji jaati hai। sabhi vijay maala ke manke ho na? abhi final nahin hua hai isliye chance hai jo bhi chaahe seat le sakte hain।

(3) sada apne ko har gun, har shakti ke anubhvi moorta anubhav karte ho?kyonki sangamayug par hi sarva anubhvi moorta ban sakte ho। jo sangam yug ki visheshta hai usko zaroor anubhav karna chaahiye na। to sabhi apne ko aise anubhveemoorta samajhte ho? shaktiyaan aur gun, donon hi bade khajaane hain। to kitne khajaanon ke maalik ban gaye ho? baapdaada to sarva khajaane bachchon ko dene ke liye hi aaye hain। jitna chaaho utna le sakte ho? saagar hai na! to saagar arthaat athaah। khutne vaala nahin। to master saagar bane ho?

sabse jyaada bhaagya videshiyon ka hai। jo ghar baithe baap ka parichay mil gaya hai। itna bhaagyavaan apne ko samajhte ho na? bahut lagan vaali aatmaayen hain,snehi aatmaayen hain। sneh ka pratyaksha swaroop baap aur bachchon ka mela ho raha hai। harek apne ko sooryavanshi aatma samajhte ho? pahle raajya mein aayenge va doosre number ke raajya mein aayenge? first raajya mein aane ka ek hi purooshaartha hai,woh kaun sa?sada ek ki yaad mein rahkar ekras avastha banaao to one-one aur one mein aa jaayenge। achha-