गुरुवार 14 अप्रैल 1983 की अव्यक्त मुरली

>

14-04-83 om shanti avyakt baapdaada madhuban

sampanna aatma sada svayan aur seva se santushta

hal chal se pare le jaane vaale sada achal, avyakt baapdaada apne achal adol bachchon ke prati bole:-

aaj door deshvaasi bachchon se milne ke liye bachchon ke saakaari lok mein saakaar ka aadhaar le, bachchon ko aur is saakaari puraani duniya ko bhi dekh rahe hain। puraani duniya arthaat halchal ki duniya। baapdaada halchal ke duniya ki raunak dekh bachchon ki achal sthiti ko dekh rahe the। yeh sab halchal ke najaare saakshi ho dekhte hain। khel mein yeh najaare aur hi apna achal sweet hom aur apni nirvighna sweet raajdhaani yaad dilaate hain। smriti aati hai ki hamaara ghar,hamaara raajya kya tha aur ab bhi kya raajya aane vaala hai aur ghar jaane vaale hain। aaj baapdaada yeh drishya dekh rooh-roohaan kar rahe the। yeh sab halchal ki duniya mein rah, yeh drishya dekhna kab tak? brahma baap ko bachchon ka yeh thoda bahut sahan karne ka drishya dekh dil mein kya aata ki abhi se sabhi ko vatan mein bula leven। yeh baat pasanda hai? ud sakenge? koi rassiyaan aadi to nahin baandhi hui hain? kisi bhi prakaar ke lagaav se pankh kamzor to nahin hai?lagaav se pankh kahaan chipke hue to nahin hain? abhi aisi taiyaari ki hui hai? baapdaada to second mein udenge aur aap taiyaari karte karte rah jaao to! taiyaar to ho na! pahle to do baaten apne se poochhni paden –

1 - ek to sampoorn svatantra aatma hain? apne purooshaartha ki raphtaar se apne aap se santushta hain?apni santushtata ke saath-saath svayan ki shreshtha sthiti ka sarva samparka vaali aatmaon se santushtata ka respond milta hai?

2 - doosri baat seva mein svayan se santushta hain?yathaartha shaktishaali vidhi ka return siddhi praapta ho rahi hai? apne raajya ki variety prakaar ki aatmaon ko jaise raajya adhikaari, royal family ke adhikaari, royal praja ke adhikaari aur saadhaaran praja ke adhikaari, sarva prakaar ke aatmaon ko sankhya pramaan taiyaar kiya hai? karaavanhaar baap hai lekin nimitta karanhaar bachchon ko hi banaate hain। kyonki karma ka phal praalabdha milti hai। nimitta karma bachchon ko hi karna hai। sambandh mein brahma baap ke saath-saath bachchon ko aana hai। baap to nyaara aur pyaara hi rahega। to aisi checking karke phir bataao ki taiyaar ho?kaarya ko aadha mein to nahin chhodna hai na! aur bina sampannata ke aatma karmaateet ho baap ke saath ja nahin sakti hai। samaan vaale hi saath jaayenge। jaana to saath hai ya peechhe-peechhe aana hai! shiv ki baraat mein to nahin aana hai na! abhi bataao taiyaar ho? ya soch rahe ho ki chhu mantra ka kuchh khel ho jaae। shiv mantra hi chhu mantra hai। woh to mila hua hai na! brahma baap ko bahut ona tha ki bachchon ko takleeph na hui ho। takleeph hui va manoranjan hua? (aaj bahut varsha hone ke kaaran tent aadi sab gir gaye) tent hila va dil bhi hili?dil to majboot hai na। kya hoga, kaise jaayenge, yeh halchal to nahin hai? kuchh to nai cheez bhi dekho na! aabu ki maansoon aap log to kabhi dekhte nahin ho। yeh bhi thoda sa anubhav ho raha hai। pahaadon ki baarish bhi dekhni chaahiye na। yeh bhi ek ramneek drishya dekha। jaldi bhaagne ka sankalp to nahin aata hai na। yeh bhi achha hai jo last din mein toofaan aaya hai। koi nai news to jaakar sunaayenge na ki kya kya dekha। sunaane ke samaachaar mein ramneekta to aayegi na! vaise to sab achal hain। abhi to bahut kuchh hona hai। yeh to kuchh nahin hai। yeh bhi tatvon ke parivartan ki nishaaniyaan hain। isko dekh jaise tatvon ki raphtaar tej ja rahi hai aise sva-parivartan ki raphtaar bhi teevra ho। achha –

aise sada sva-parivartan mein teevragti se chalne vaale, sva ki sampoornata se seva ke kaarya ki sampannata karne vaale, sada saaksheepan ki sthiti mein sthit rah halchal ke part ko bhi ramneek part samajh achal ho dekhne vaale,aise sada shaktishaali shreshtha aatmaon ko baapdaada ka yaad-pyaar aur namaste।’’

party ke saath avyakt baapdaada ki mulaakaat

(1) sada saaksheepan ki sthiti mein sthit rehte hue drama ke har drishya ko dekhte ho? saaksheepan ki sthiti sada drama ke andar hero part bajaane mein sahayogi hoti hai। agar saaksheepan nahin to hero part baja nahin sakte। hero paartadhaari se saadhaaran paartadhaari ban jaate hain। saaksheepan ki stage sada hi double hero banaati hai। ek heere samaan banaati hai aur doosra hero paartadhaari banaati hai। saaksheepan arthaat deh se nyaare, aatma maalikpan ki stage par sthit rahe। deh se bhi saakshi। maalik। is deh se karma karaane vaali, karne vaali nahin। aisi saakshi sthiti sada rehti hai? saakshi sthiti sahaj purooshaartha ka anubhav karaati hai kyonki saakshi sthiti mein kisi bhi prakaar ka vighna ya mushkilaat aa nahin sakti। yeh hai mool abhyaas। yahi saakshi sthiti ka pahla aur last paath hai। kyonki last mein jab chaaron or ki halchal hogi, to us samay saakshi sthiti se hi vijayi banenge। to yahi paath pakka karo। achha –

(2) sada apne ko sangamayugi shreshtha aatmaayen samajhte ho? sangamayug shreshtha yug hai, parivartan yug hai, aatma aur paramatma ke milan mele ka yug hai। aise sangamayug ke visheshtaaon ko socho to kitni hain। inheen visheshtaaon ke smriti mein rah samartha bano। jaisi smriti vaisa swaroop svatah ban jaata hai। to sada gyaan ka manan karte raho। manan karne se shakti bharti hai। agar manan nahin karte,sirf sunte sunaate to shakti swaroop nahin। lekin sunaane vaale speaker banenge। aap bachchon ke manan ka chitra bhakti mein bhi dikhaaya hai। kaise manan karo woh chitra yaad hai! vishnu ka chitra nahin dekha hai? aaraam se lete hue hain aur manan kar rahe hain, simran kar rahe hain। simran kar, manan kar harshit ho rahe hain। to yeh kiska chitra hai? shaiya dekho kaisi hai! saamp ko shaiya bana diya arthaat vikaar adheen ho gaye। uske oopar soya hai। neeche vaali cheez adheen hoti hai, oopar maalik hote hain। maayaajeet ban gaye to nishchint। maaya se haar khaane ki, yuddha karne ki koi chinta nahin। to nishchinta aur manan karke harshit ho rahe hain। aise apne ko dekho, maayaajeet bane hain। koi bhi vikaar vaar na kare। roj nai nai point smriti mein rakh manan karo to bada maja aayega,mauj mein rahenge। kyonki baap ka diya hua khazaana manan karne se apna anubhav hota hai। jaise bhojan pahle alag hota hai, khaane vaala alag hota hai। lekin jab hajam kar lete to vahi bhojan khoon ban shakti ke roop mein apna ban jaata hai। aise gyaan bhi manan karne se apna ban jaata,apna khazaana hai yeh mahsoosta aayegi।

(3) sabhi apne ko sada shreshtha aatma samajhte ho? shreshtha aatma arthaat har sankalp,bol aur karma sada shreshtha ho। kyonki saadhaaran jeevan se nikal shreshtha jeevan mein aa gaye। kaliyug se nikal sangamayug par aa gaye। jab yug badal gaya,jeevan badal gai,to jeevan badla arthaat sab kuchh badal gaya। aisa parivartan apne jeevan mein dekhte ho? koi bhi karma, chalan,saadhaaran logon ke maaphik na ho। ve hain laukik aur aap - alaukik। to alaukik jeevan vaale laukik aatmaon se nyaare honge। sankalp ko bhi check karo ki saadhaaran hai va alaukik hai? saadhaaran hai to saadhaaran ko check karke change kar lo। jaise koi cheez saamne aati hai to check karte ho yeh khaane yogya hai, lene yogya hai, agar nahin hoti to nahin lete, chhod dete ho na। aise karma karne ke pahle karma ko check karo। saadhaaran karma karte-karte saadhaaran jeevan ban jaayegi phir to jaise duniya vaale vaise aap log bhi usmein mix ho jaayenge। nyaare nahin lagenge। agar nyaaraapan nahin to baap ka pyaara bhi nahin। agar kabhi kabhi samajhte ho ki hamko baap ka pyaar anubhav nahin ho raha hai to samjho kahaan nyaarepan mein kami hai, kahaan lagaav hai। nyaare nahin bane ho tab baap ka pyaar anubhav nahin hota। chaahe apni deh se, chaahe sambandh se,chaahe kisi vastu se…sthool vastu bhi yog ko todne ke nimitta ban jaati hai। sambandh mein lagaav nahin hoga lekin khaane ki vastu mein, pahanne ki vastu mein lagaav hoga, koi chhoti cheez bhi nuksaan bahut bada kar deti hai। to sada nyaaraapan arthaat alaukik jeevan। jaise woh bolte,chalte, grihasthi mein rehte aise aap bhi raho to antar kya hua! to apne aapko dekho ki parivartan kitna kiya hai chaahe laukik sambandh mein bahu ho, saasu ho, lekin aatma ko dekho। bahu nahin hai lekin aatma hai। aatma dekhne se ya to khushi hogi ya raham aayega। yeh aatma bechaari parvash hai, agyaan mein hai, anjaan mein hai। main gyaanvaan aatma hoon to us anjaan aatma par raham kar apni shubh bhaavna se badalkar dikhaaoongi। apni vritti,drishti change chaahiye। nahin to parivaar mein prabhaav nahin padta। to vritti aur drishti badalna hi alaukik jeevan hai। jo kaam agyaani karte woh aap nahin kar sakte ho। sang ka rang aapka lagna chaahiye,na ki unhon ke sang ka rang aapko lag jaae। apne ko dekho main gyaani aatma hoon, mera prabhaav agyaani par padta hai, agar nahin padta to shubh bhaavna nahin hai। bolne se prabhaav nahin padega lekin sookshm bhaavna jo hogi uska phal milega। achha –

(4) har kadam mein sarvashaktivaan baap ka saath hai,aisa anubhav karte ho? jahaan sarvashaktivaan baap hai vahaan sarva praaptiyaan svatah hongi। jaise beej hai to jhaad samaaya hua hai। aise sarvashaktivaan baap ka saath hai to sada maalaamaal, sada tripta, sada sampanna honge। kabhi kisi baat mein kamzor nahin honge। kabhi koi complaint nahin karenge। sada complete। kya karen, kaise karen…yeh complaint nahin। saath hain to sada vijayi hain। kinaara kar dete to bahut lambi line hai। ek kyon,queue bana deti hai। to kabhi kyon ki queue na lage। bhakton ki, praja ki queue bhale lage lekin kyon ki queue nahin lagaani hai। aise sada saath rahne vaale chalenge bhi saath। sada saath hain, saath rahenge aur saath chalenge yahi pakka vaayda hai na! bahut kaal ki kami ant mein dhokha de degi। agar koi bhi kami ki rassi rah jaayegi to ud nahin sakenge। to sab rassiyon ko check karo। bas bulaava aaye, samay ki seeti baje aur chal paden। himmate bachche madde baap! jahaan baap ki madad hai vahaan koi mushkil kaarya nahin। hua hi pada hai।

(5) sada apne ko master sarvashaktivaan anubhav karte ho?is swaroop ki smriti mein rahne se har paristhiti aise anubhav hogi jaise paristhiti nahin lekin ek sidescene hai। paristhiti samajhne se ghabra jaate lekin sidescene arthaat raaste ke najaare hain to sahaj hi paar kar lete। kyonki najaaron ko dekh khushi hoti hai,ghabraate nahin। to vighna, vighna nahin hain lekin vighna aage badhne ka saadhan hai। pareeksha class aage badhaata hai। to yeh vighna, paristhiti,pareeksha aage badhaane ke liye aate hain aise samajhte ho na! kabhi koi baat sochte yeh kya hua, kyon hua? to sochne mein bhi time jaata hai। sochna arthaat rookna। master sarvashaktivaan kabhi rookte nahin। sada apne jeevan mein udti kala ka anubhav karte hain।

(6) vardaata baap dvaara sarva vardaan praapta hue?baap dvaara sabse mukhya vardaan kaun sa mila?ek to sada yogi bhav aur doosra pavitra bhav। to yeh donon vishesh vardaan sada jeevan mein anubhav karte ho?yogi jeevan bana li ya yog lagaane vaale yogi ho? yog lagaane vaale yogi do chaar ghanta yog lagaayenge phir khatma। lekin yogi jeevan arthaat nirantar। to nirantar yogi jeevan hai! aise hi pavitra bhav ka vardaan mila hai। pavitra bhav ke vardaan se poojya aatma ban gaye। yogi bhav ke vardaan se sada shakti swaroop ban gaye। to shakti swaroop aur pavitra poojya swaroop donon hi ban gaye ho na। sada pavitra rehte ho? kabhi-kabhi to nahin। kyonki ek din bhi koi apvitra bana to apvitra ki list mein aa jaayega to pavitrata ki list mein ho? kabhi krodh to nahin aata? krodh ya moh ka aana isko pavitrata kahenge? moh apvitrata nahin hai kya?agar nashtomoha nahin banenge to smriti swaroop bhi nahin ban sakenge। koi bhi vikaar aane nahin dena। jab kisi bhi vikaar ko aane nahin denge tab kahenge - pavitra aur yogi bhav! ba

padaada sabhi bachchon se ummeeden rakhte hain, har bachche ko dridh sankalp karna hai,vyartha nahin sochenge,vyartha nahin karenge,vyartha ki beemaari ko sada ke liye khatma karenge। yahi ek dridh sankalp sada ke liye saphalta moortta bana dega। sada saavdhaan rehna hai arthaat vyartha ko khatma karna hai।

achha - om shanti।