सोमवार 5 दिसंबर 1983 की अव्यक्त मुरली

>

05-12-83 om shanti avyakt baapdaada madhuban

sangamayug - baap bachchon ke milan ka yug

sarva hitkaari shivbaaba apne adhikaari bachchon ke prati bole:-

aaj sabhi milan mela manaane ke liye pahunch gaye hain। yeh hai hi baap aur bachchon ke madhur milan ka mela। jis milan mele ke liye anek aatmaayen anek prakaar ke prayatna karte hue bhi beanta, asambhav va mushkil kehte intajaar mein hi rah gaye hain। kab ho jaayega - isi ummeedon par chalte chale aur ab bhi chal rahe hain। aisi bhi anya aatmaayen hain jo kab hoga,kab aayenge,kab milenge aise viyog ke geet gaate rehte hain। vo sabhi hain kab kahne vaale aur aap sab hain - abhi vaale। vo viyogi aur aap sahaj yogi। second mein milan ka anubhav karne vaale। abhi bhi koi aapse poochhe ki baapse milna kab aur kitne samay mein ho sakta hai, to kya kahenge?nishchay aur umang se yahi kahenge ki baap se milna bachchen ke liye kabhi mushkil ho nahin sakta। sahaj aur sada ka milna hai। sangamayug hai hi baap bachchon ke milan ka yug। nirantar milan mein rehte ho na। hai hi mela। mela arthaat milaap। to bade phakhur se kahenge aap log milna kehte ho lekin ham to sada unheen ke saath arthaat baap ke saath khaate-peete, chalte, khelte,palte rehte hain। itna phakhur rehta hai?woh poochhte paramatma baap se sneh kaise hota hai, man kaise lagta! aur aapke dil se yahi aavaaz nikalta ki man kaise lagaana to chhoda lekin man hi unka ho gaya। aapka man hai kya jo man kaise lagaaven। man baap ko de diya to kiska hua! aapka ya baap ka! jab man hi baap ka hai to phir lagaaven kaise yeh prashn uth nahin sakta। pyaar kaise karte yeh bhi question nahin। kyonki sada lavleen hi rehte hain। pyaar swaroop ban gaye hain। master pyaar ke saagar ban gaye, to pyaar karna nahin padta, pyaar ka swaroop ho gaye hain। saara din kya anubhav karte,pyaar ki lahren svatah hi uchhalti hain na। jitna-jitna gyaan soorya ki kirnen va prakaash badhta hai utna hi jyaada pyaar ki lahren uchhalti hain। amritvele gyaan soorya ki gyaan murli kya kaam karti?khoob lahren uchhalti hain na। sab anubhvi ho na! kaise gyaan ki lahren, prem ki lahren, sukh ki lahren, shanti aur shakti ki lahren uchhalti hain aur un hi lahron mein sama jaate ho। yahi alaukik varsa praapta kar liya hai na! yahi brahman jeevan hai। lahron mein samaate-samaate saagar samaan ban jaayenge। aisa mela manaate rehte ho va abhi manaane aaye ho! brahman bankar agar saagar mein samaane ka anubhav nahin kiya to brahman jeevan ki visheshta kya rahi! is visheshta ko hi varse ki praapti kaha jaata hai। saare vishwa ke brahman isi alaukik praapti ke anubhav ke chaatrak hain।

abhi bhi sarva chaatrak bachche baapdaada ke saamne hain। baapdaada ke aage behad ka haal hai। is haal me bhi sabhi nahin aa sakte। sabhi bachche doorbeen lekar baithe hain। saakaar mein bhi door ka drishya saamne dekhne ke anubhav mein baapdaada bhi bachchon ke sahaj shreshtha sarva praapti ko dekh harshit hote hain। aap sabhi bhi itne harshit hote ho ya kabhi harshit aur kabhi maaya ke aakarshit aur maaya ke duvidha mein to nahin rehte ho! duvidha daldal bana deti hai। abhi to daldal se nikal diltakhtansheen ho gaye ho na! socho kahaan daldal aur kahaan diltakhta! kya pasanda hai? chillaana ya takhta par chadhke baithna। pasanda to takhta hai phir daldal ki or kyon chale jaate ho। daldal ke sameep jaane se door se hi daldal apne taraph kheench leti hai।

naya samajh karke aaye ho ya kalpa-kalpa ke adhikaari samajh aaye ho? naye aaye ho na! parichay ke liye naya kaha jaata hai lekin pahchaanne mein to naye nahin ho na। naye ban pahchaanne ke liye to nahin aaye ho na। pahchaan ka teesra netra praapta ho gaya hai va abhi praapta karne aaye ho!

sabhi aaye hue bachchon ko brahman janma ki saugaat birth-de par mili va yahaan birth-de manaane aaye ho। birth-de gift baap dvaara teesra netra milta hai। baap ko pahchaanne ka netra milta hai। janma lete, netra milte sabke mukh se pahla bol kya nikla? baba! pahchaana tab to baba kaha na! sabhi ko birth-de gift mili hai va kiski rah gai hai। sabko mili hai na। gift ko sada sambhaal kar rakha jaata hai, baapdaada ko to sabhi bachche ek do se pyaare hain। achha-

aise sarva adhikaari aatmaon ko, sada saagar ke bhinna-bhinna lahron mein lahraane vaale anubhvi moorta bachchon ko, sada diltakhtansheen bachchon ko, sada milan mela manaane vaali shreshtha aatmaon ko,saath-saath desh va videsh ke doorbeen liye hue bachchon ko, vishwa ke anjaan bachchon ko bhi baapdaada yaad-pyaar de rahe hain। sarva aatmaon ko yatha sneh tatha sneh sampanna yaad-pyaar aur vaarison ko namaste।’’

daadi ji se:- baap ke sang ka rang laga hai। samaan baap ban gai! aap mein sada kya dikhaai deta hai। baap dikhaai deta hai। to sang lag gaya na। koi bhi aapko dekhta hai to baap ki yaad aati kyonki samaaye hue ho। samaaye hue samaan ho gaye। iseelie vishesh sneh aur sahayog ki chhatrachhaaya hai। special part hai aur special chhatrachhaaya khaas vatan mein banaai hui hai tab hi sada halki ho। kabhi bojh lagta hai? chhatrachhaaya ke andar ho na। bahut achha chal raha hai। baapdaada dekhdekh harshit hote hain।

party se (avyakt baapdaada ki vyaktigat mulaakaat)

(1) saare vishwa mein vishesh aatmaayen hain,yeh smriti sada rehti hai?vishesh aatmaaen second bhi ek sankalp, ek bol bhi saadhaaran nahin kar sakti। to yahi smriti sada samartha banaane vaali hai। samartha aatmaayen hain, vishesh aatmaayen hain yeh nasha aur khushi sada rahe। samartha maana vyartha ko samaapta karne vaale। jaise soorya andhakaar aur gandagi ko samaapta kar deta hai। aise samartha aatmaayen vyartha ko samaapta kar deti hain। vyartha ka khaata khatma, shreshtha sankalp, shreshtha karma, shreshtha bol, samparka aur sambandh ka khaata sada badhta rahe। aisa anubhav hai! ham hain hi samartha aatmaayen yeh smriti aate hi vyartha khatma ho jaata। vismriti hui to vyartha shuru ho jaayega। smriti sthiti ko svatah banaati hain। to smriti swaroop ho jaao। swaroop kabhi bhi bhoolta nahin। aapka swaroop hai smriti swaroop so samartha swaroop। bas yahi abhyaas aur yahi lagan। isi lagan mein sada magna - yahi jeevan hai।

kabhi bhi kisi paristhiti mein vaayumandal mein umang-utsaah kam hone vaala nahin। sada aage badhne vaale। kyonki sangamayug hai hi umang-utsaah praapta karaane vaala। yadi sangam par umang-utsaah nahin hota to saare kalpa mein nahin ho sakta। ab nahin to kab nahin। brahman jeevan hi umang-utsaah ki jeevan hai। jo mila hai woh sabko baante yeh umang rahe। aur utsaah sada khushi ki nishaani hai। utsaah vaala sada khush rahega। utsaah rehta - bas, paana tha vo pa liya।

sada achal adol sthiti mein rahne vaali ‘angad’ke samaan shreshtha aatmaayen hain,isi nashe aur khushi mein raho। kyonki sada ek ke ras mein rahne vaale, ekras sthiti mein rahne vaale sada achal rehte hain। jahaan ek hoga vahaan koi khitkhit nahin। do hota to duvidha hoti। ek mein sada nyaare aur pyaare। ek ke bajaae doosre kahaan bhi buddhi na jaaye। jab ek mein sab kuchh praapta ho sakta hai to doosre taraph jaaen hi kyon! kitna sahaj maarga mil gaya। ek hi thikaana, ek se hi sarva praapti aur chaahiye hi kya! sab mil gaya bas jo chaahna thi, baap ko paane ki woh praapta ho gaya to isi khushi mein naachte raho, khushi ke geet gaate raho। duvidha mein koi praapti nahin isliye ek mein hi saara sansaar anubhav karo।

apne ko sada hero paartadhaari samajhte hue har karma karo। jo hero paartadhaari hote hain unko kitni khushi hoti hai, woh to hua had ka part। aap sabka behad ka part hai। kisak saath part bajaane vaale hain! kiske sahayogi hain, kis seva ke nimitta hain,yeh smriti sada rahe to sada harshit,sada sampanna,sada double light rahenge। har kadam mein unnati hoti rahegi। kya the aur kya ban gaye! ‘vaah main aur vaah mera bhaagya!’ sada yahi geet khoob gaao aur auron ko bhi gaana sikhaao।5 hajaar varsha ki lambi lakeer khinch gai to khushi mein naacho।