गुरुवार 12 जनवरी 1984 की अव्यक्त मुरली

> 12-01-84om shanti avyakt baapdaadaamdhuban

sada samartha socho tatha varnan karo।

sarva samartha shivbaaba shaktisvaroop shreshtha aatmaon ke prati bole:-

aaj aavaaz se pare rahne vaale baap aavaaz ki duniya mein aaye hain sabhi bachchon ko aavaaz se pare sthiti mein le jaane ke liye। kyonki aavaaz se pare sthiti mein ati sukh aur shanti ki anubhooti hoti hai। aavaaz se pare shreshtha sthiti mein sthit hone se sada svayan ko baap samaan sampanna sthiti mein anubhav karte hain। aaj ke maanav aavaaz se pare sachchi shanti ke liye anek prakaar ke prayatna karte rehte hain। kitne saadhan apnaate rehte hain। lekin aap sabhi shanti ke saagar ke bachche shant swaroop, master shanti ke saagar ho। second mein apne shanti swaroop ki sthiti mein sthit ho jaate ho। aise anubhvi ho na। second mein aavaaz mein aana aur second mein aavaaz se pare svadharma mein sthit ho jaana - aisi practice hai? in karmendriyon ke maalik ho na। jab chaaho karma mein aao, jab chaaho karma se pare karmaateet sthiti mein sthit ho jaao। isko kaha jaata hai abhi- abhi nyaare aur abhi-abhi karma dvaara sarva ke pyaare। aisi controlling power, ruling power anubhav hoti hai na। jin baaton ko duniya ke maanav mushkil kehte woh mushkil baaten aap shreshtha aatmaon ke liye sahaj nahin lekin ati sahaj hai। kyonki master sarvashaktivaan ho। duniya ke maanav to samajhte yeh kaise hoga! isi uljhan mein buddhi dvaara, shareer dvaara bhatakte rehte hain aur aap kya kahenge?kaise hoga - yeh sankalp kabhi aa sakta hai? kaise arthaat question mark। to kaise ke bajaae phir se yahi aavaaz nikalta ki aise hota hai। aise arthaat fullstop। question mark ka badalkar fullstop lag gaya hai na। kal kya the aur aaj kya ho! mahaan antar hai na। samajhte ho ki mahaan antar ho gaya। kal kehte the O god aur aaj O, ke bajaae oho kehte ho। oho meethe baba। god nahin lekin baba। door se nazdeek mein baap mil gaya।

aapne baap ko dhoondha to baap ne bhi aap bachchon ko kone-kone se dhoondh liya। lekin baap ko mehnat nahin karni padi। aapko bahut mehnat karni padi। kyonki baap ko parichay tha aapko parichay nahin tha। aap sabhi bhi sneh ke geet gaate ho। baapdaada bhi bachchon ke sneh ke geet gaate hain। sabse bade te bada sneh ka geet roj baapdaada gaate hain। jis geet ko sun-sun sabhi snehi bachchon ka man khushi mein naachta rehta hai। roj geet gaate iseelie yaadgaar mein bhi geet ka mahatva shreshtha raha hai। baap ke geet ka yaadgaar - ‘geeta’bana di। aur bachchon ke geet sun khushi mein naachne aur khushi mein, aananda mein, sukh mein bhinna-bhinna anubhvon ke yaadgaar - bhaagvat bana diya hai। to donon ka yaadgaar ho gaya na। aise shreshtha bhaagyavaan apne ko samajhte ho va anubhav karte ho! samajhne vaale anek hote hain lekin anubhav karne vaale koton mein koi hote hain। anubhvi moorta,baap samaan sampanna anubhvi moorta hain। har bol ka, har sambandh ka anubhav ho। sambandh dvaara bhinna-bhinna praapti ka anubhav ho। har shakti ka anubhav ho। har gun ka anubhav ho। jab chaahe tab gunon ke gahne ko dhaaran kar sakte ho। yeh sarvagun variety jvailri hai। jaisa samay,jaisa sthaan ho vaise gunon ke gahnon se svayan ko saja sakte ho। na sirf svayan ko lekin auron ko bhi gunon ka daan de sakte ho। gyaan daan ke saath-saath gun daan ka bhi bahut mahatva hai। gunon ki mahaadaani aatma kabhi bhi kisi ke avgun ko dekhte hue,dhaaran nahin karegi। kisi ke avgun ke sangadosh mein nahin aayegi। aur hi gundaan dvaara doosre ka avgun, gun mein parivarttan kar degi। jaise dhan ke bhikhaari ko dhan de sampanna bana dete hain aise avgun vaale ko gun daan de, gunvaan moortta bana do। jaise yog daan, shaktiyon ka daan, seva ka daan prasiddha hai,to gun daan bhi vishesh daan hai। gundaan dvaara aatma mein umang-utsaah hi jhalak anubhav kara sakte ho। to aise sarva mahaadaani moortta arthaat anubhvi moortta bane ho!

aaj vishesh double videshi bachchon se milne aaye hain। double videshi bachchon ki visheshta to baapdaada ne sunaai hai। phir bhi baapdaada double videshi bachchon ko dooraandeshi buddhi vaale bachche kehte hain। door hote bhi buddhi dvaara baap ko pahchaan adhikaari ban gaye hain। aise dooraandeshi buddhi vaale bachchon par visheshta pramaan baapdaada ka vishesh sneh hai। sabhi parvaane ban apne-apne deshon se udte-udte shama ke paas pahunch gaye hona। sabhi pakke parvaane ho na। shama par jalne vaale ho va koi sirf chakra lagaane vaale bhi ho। jalna arthaat samaan banna। to jalne vaale ho va chakra lagaane vaale ho? jyaada sankhya kaun-si hai? jo bhi ho, jaise bhi ho lekin baapdaada ko pasanda ho। phir bhi dekho kitni mehnat kar pahunch to gaye na। isliye sada apne ko samjho ki baap ke hain aur sada hi baap ke rahenge। yeh dridh sankalp sada hi aage badhaata rahega। jyaada kamzoriyon ko socho nahin। kamzoriyon ko sochte-sochte bhi aur kamzor ho jaate hain। main beemaar hoon,beemaar hoon,kahne se double beemaar ho jaate hain। main itni shaktishaali nahin hoon, mera yog itna achha nahin hai,meri seva itni achhi nahin hain। main baba ki pyaari hoon va nahin hoon। pata nahin aage chal sakoongi va nahin - yeh soch bhi jyaada kamzor banaata hai। pahle maaya halke roop mein trial karti hai aur aap usko bada roop kar dete ho to maaya ko chaans mil jaata hai,aapka saathi banne ka। woh sirf trial karti hai lekin uski trial ko na jaankar samajhte ho ki main hoon hi aisi, isliye woh bhi saathi ban jaati hai। kamzoron ki saathi maaya hai। kabhi bhi kamzor sankalpon ko baar-baar na varnan karo na socho। baar-baar sochne se bhi swaroop ban jaate hain। sada yeh socho ki main baba ka nahin banoonga to aur kaun banega! main hi tha va main hi thi। main hi hoon। kalpa-kalpa main hi banoongi - yeh sankalp tandaroosta,maayaajeet bana denge। kamzori peechhe aati hai। aap usko na pahchaan satya samajh lete ho to maaya apna bana deti hai। jaise seeta ka drama dikhaate ho na। bhikhaari tha nahin lekin seeta ne bhikhaari samajh liya। woh to sirf trial karne aaya aur use sach samajh liya। isliye usne unka bholaapan dekh apna bana liya। yeh bhi vyartha sankalp, kamzor sankalp maaya ka roop ban aate hain। trial karne ke liye,lekin bhole ban jaate ho isliye woh apna bana deti hai। ‘‘main hoon hi aisi’’, aise karte-karte maaya apna sthaan bana deti hai। aise kamzor ho nahin। samartha ho। master sarvashaktivaan ho। baapdaada ke chune hue koton mein koi ho। aise kamzor kaise ho sakte! yeh sochna hi maaya ko sthaan dena hai। sthaan dekar phir-phir yeh kehte ho - ab nikaalo। sthaan dete hi kyon ho। koi kamzor nahin। sab master ho। sada bahaadur sada ke mahaaveer ho। yahi shreshtha sankalp rakho। sada baap ke saathi hain। jahaan baap ke saathi hain vahaan maaya saathi bana nahin sakti। madhuban mein kislie aaye ho? (maaya ko chhodne) madhuban mahaayagya hai na। to yagya mein svaaha karne aaye ho lekin baapdaada kehte hain sabhi apni vijay ashtami manaane aaye ho। vijay ke tilak ki ceremony manaane aaye ho। vijayi ban karke vijay ke tilak ki ceremony manaane aaye ho na। ji haan,kaapi karne mein sab hoshiyaar hain। yeh bhi gun hai। yahaan bhi baap ko kaapi hi karna hai। follow karna arthaat kaapi karna। yeh to sahaj hai na। aap apna desh chhodkar aate ho to baapdaada bhi apna desh chhodkar aate hain। baapdaada ki pravritti nahin hai kya! saare vishwa ke kaarya ko chhod yahaan aate hain। vishwa ki pravritti baap ki pravritti hai na। baap ke liye to sabhi bachche hain। anchali to sabko deni hai। varsa nahin dete hai na। anchali to dete hain na। achha!

sarva shreshtha adhikaari baap samaan sada mahaadaani, vardaani aatmaon ko,sada mahaan antar dvaara svayan ko mahaan anubhav karne vaale,sada maaya ko pahchaan maayaajeet,sarva shakti swaroop shreshtha aatmaon ko,chaaron or ke desh-videsh ke,lagan mein magan rahne vaale, baap se rooh-roohaan karne vaale, baap se milan manaane vaale,yaadapyaar dene aur patron dvaara bhejne vaale, kuchh meethe-meethe samaachaar aur sva ke sneh ke purooshaartha ke samaachaar dene vaale sarva bachchon ko baapdaada sammukh dekh yaad-pyaar de rahe hain। saath-saath parvaane ban shama ke oopar jalne vaale arthaat har kadam mein baap samaan banne vaale bachchon ko sneh sampanna yaad-pyaar aur namaste।