मंगलवार 17 अप्रैल 1984 की अव्यक्त मुरली

>

17-04-84om shanti avyakt baapdaadaamdhuban

padmaapadma bhaagyashaali ki nishaani

padmaapadma bhaagyashaali banaane vaale baapdaada apne nirantar sevaadhaari bachchon prati bole:-

‘‘bhaagya vidhaata baap sabhi bhaagyavaan bachchon ko dekh rahe hain। har ek brahman aatma bhaagyavaan aatma hai। brahman banna arthaat bhaagyavaan banna। bhagwan ka banna arthaat bhaagyavaan banna। bhaagyavaan to sabhi hain lekin baap ke banne ke baad baap dvaara jo bhinna-bhinna khazaanon ka varsa praapta hota hai us shreshtha varse ke adhikaar ko praapta kar adhikaari jeevan mein chalaana va praapta hue adhikaar ko sada sahaj vidhi dvaara vriddhi ko praapta karna ismen nambarvaar ban jaate hain। koi bhaagyavaan rah jaate, koi saubhaagyavaan ban jaate। koi hajaar, koi laakh, koi padmaapadma bhaagyavaan ban jaate। kyonki khazaane ko vidhi se kaarya mein lagaana arthaat vriddhi ko paana। chaahe svayan ko sampanna banaane ke kaarya mein lagaaven, chaahe svayan ki sampannata dvaara anya aatmaon ki seva ke kaarya mein lagaaven। vinaashi dhan kharchane se khutta hai, avinaashi dhan kharchane se padmaguna badhta hai। isliye kahaavat hai - kharcho aur khaao। jitna kharchenge-khaayenge utna shaahon ka shaah baap aur maalaamaal banaayenge। isliye jo praapta hue khazaane ke bhaagya ko seva arth lagaate hain woh aage badhte hain। padmaapadma bhaagyavaan arthaat har kadam mein padmon ki kamaai jama karne vaale aur har sankalp se va bol, karma samparka se padmon ko padamguna sevaadhaari ban seva mein lagaane vaale। padmaapadma bhaagyavaan sada pharaakhdil, avinaashi,akhanda mahaadaani, sarva prati sarva khazaane dene vaale - daata honge। samay va programme pramaan, saadhnon pramaan sevaadhaari nahin। akhanda- mahaadaani। vaacha nahin, to mansa va karmana। sambandh samparka dvaara kisi na kisi vidhi dvaara akhut akhanda khazaane ke nirantar sevaadhaari। seva ke bhinna-bhinna roop honge lekin seva ka langar sada chalta rahega। jaise nirantar yogi ho vaise nirantar sevaadhaari। nirantar sevaadhaari seva ka shreshtha phal nirantar khaate aur khilaate rehte। arthaat svayan hi sada ka phal khaate hue pratyaksha swaroop ban jaate hain।

padmaapadma bhaagyavaan aatma sada padma-aasan nivaasi arthaat kamal pushpa sthiti ke aasan nivaasi, had ke aakarshan aur had ke phal ko sveekaar karne se nyaare aur baap tatha brahman parivaar ke, vishwa ke pyaare। aisi shreshtha sevaadhaari aatma ko sarva aatmaayen sada dil ke sneh ke khushi ke pushpa chadhaate hain। svayan baapdaada bhi aise nirantar sevaadhaari padmaapadma bhaagyavaan aatma prati sneh ke pushpa chadhaate। padmaapadma bhaagyavaan aatma sada apne chamakte hue bhaagya ke sitaare dvaara anya aatmaon ko bhi bhaagyavaan banaane ki roshni dete। baapdaada aise bhaagyavaan bachchon ko dekh rahe the। chaahe door hain, chaahe sanmukh hain lekin sada baap ko dil mein samaaye hue hain। isliye samaan so sameep rehte। ab apne aap se poochho - main kaun-sa bhaagyavaan hoon?apne aapko to jaan sakte hain na। doosre ke kahne se maano va na maano lekin svayan ko sab jaante hain ki main kaun hoon। samjha। phir bhi baapdaada kehte hain - bhaagyaheen se bhaagyavaan to ban gaye। anek prakaar ke duhkh-darda se to bachenge। svarga ke maalik to banenge। ek hai svarga mein aana। doosra hai raajya adhikaari banna। aane vaale to sab ho lekin kab aur kahaan aayenge yeh svayan se poochho। baapdaada ke register mein svarga mein aane ki list mein naam aa gaya। duniya se to yeh achha hai। lekin achhe se achha nahin hai। to kya karenge? kaun-sa zone number one jaayega? har zone ki visheshta apni- apni hai।

mahaaraashtra ki visheshta kya hai? jaante ho? mahaan to hai hi lekin vishesh visheshta kya gaai jaati hai! mahaaraashtra mein ganapti ki pooja jyaada hoti hai। ganapti ko kya kehte hain? vighna vinaashak। jo bhi kaarya aarambha karte hain to pahle shreegneshaay namah kehte hain। to mahaaraashtra vaale kya karenge? har mahaan kaarya mein shri ganesh karenge na! mahaaraashtra arthaat sada vighna-vinaashak raashtra। to sada vighnavinaashak ban svayan aur anya ke prati isi mahaanta ko dikhaayenge! mahaaraashtra mein vighna nahin hona chaahiye। sab vighna-vinaashak ho jaaen। aaya aur door se namaskaar kiya। to aisa vighna vinaashak group laaya hai na! mahaaraashtra ko sada apni is mahaanta ko vishwa ke aage dikhaana hai। vighna se darne vaale to nahin ho na! vighna-vinaashak challenge karne vaale hain। vaise bhi mahaaraashtra mein bahaaduri dikhaate hain। achha!

yu.pi. vaale kya kamaal dikhaayenge? yu.pi. ki visheshta kya hai? teertha bhi bahut hain,nadiyaan bhi bahut hain, jagatguru bhi vahaan hi hain। chaar kone mein chaar jagatguru hain na। mahaamandaleshvar yu.pi. mein jyaada hain। hari ka dvaar yu.pi. ka vishesh hai। to hari ka dvaar arthaat hari ke paas jaane ka dvaar bataane vaale sevaadhaari yu.pi. mein jyaada hone chaahiye। jaise teertha sthaan ke kaaran yu.pi. mein pande bahut hain। woh to khaane-peene vaale hain lekin yeh hai sachcha raasta bataane vaale roohaani sevaadhaari pande। jo baap se milan manaane vaale hain। baap ke sameep laane vaale hain। aise paandav so pande yu.pi. mein vishesh hain! yu.pi. ko yeh vishesh paandav so pande ka pratyaksha roop dikhaana hai। samjha!

maisoor ki visheshta kya hai? vahaan chandan bhi hai aur vishesh garden bhi hain। to karnaatak vaalon ko vishesh sada roohaani gulaab,sada khushboodaar chandan ban vishwa mein chandan ki khushbu kaho, athva roohaani gulaab ki khushbu kaho, vishwa ko garden banaana hai। aur vishwa mein chandan ki khushbu phailaani hai। chandan ka tilak de khushboodaar aur sheetal banaana hai। chandan sheetal bhi hota hai। to sabse jyaada roohaani gulaab karnaatak se niklenge na। yeh pratyaksha pramaan laana hai। abhi sabko apni-apni visheshta ka pratyaksha roop dikhaana hai। sabse khile hue khushboodaar roohaani gulaab laane paden। laaye bhi hain, kuchh-kuchh laaye hain lekin guldasta nahin laaya hai। achha!

videsh ki mahima to bahut sunaai hai। videsh ki visheshta hai - detach bhi bahut jor se honge to attach bhi jor se honge। baapdaada videshi bachchon ka nyaara aur pyaaraapan dekh harshit hote hain। woh jeevan to beet gai। jitna phanse hue the utne hi ab nyaare bhi ho gaye। isliye videsh ka ‘nyaara aur pyaaraapan’baapdaada ko bhi pyaara lagta hai। isliye vishesh baapdaada bhi yaadapyaar de rahe hain। apni visheshta mein sama gaye ho! aise nyaare aur pyaare ho na! attachment to nahin hai na?phir bhi dekho,videshi mehmaan hokar ghar mein aaye hain to mehmaanon ko sada aage kiya jaata hai। isliye bhaaratvaasiyon ko videshiyon ko dekh vishesh khushi hoti hai। kai aise guest hote jo host ban vaith jaate hain। videshiyon ki sada yahi chaal rahi hai। guest ban aate aur host ban baith jaate। phir bhi anek divaaron ko todkar baap ke paas so aapke paas aaye hain,to ‘‘pahle aap’’ to kahenge na! aise to bhaarat ki visheshta apni, videshi ki apni hai। achha-

84ghanton vaali deviyaan mashhoor hain। to abhi 84 mein ghanta bajaayenge va aur bhi abhi intajaar karen! videsh mein to dar se ji rahe hain। to kab ghante bajaayenge। videshi bajaaven va desh bajaave। 84maana chaaron or ke ghante bajen। jab samaapti mein aarti karte hain to jor-jor se ghante bajaate hain na - tab samaapti hoti hai। aarti ka hona maana samaapti hona। to ab kya karenge?achha-

sabhi padam-aasandhaari padmaapadma bhaagyavaan, sada har second, har sankalp mein nirantar sevaadhaari, sada pharaakhdil ban sarva khazaanon ko dene vaale,master daata,sada svayan ki sampannata dvaara auron ko bhi sampanna banaane vaale,shreshtha bhaagya adhikaari,sada shreshtha saboot dene vaale sapoot bachchon ko baapdaada ka yaadapyaar aur namaste।’’

panjaab nivaasiyon prati:- baap baitha hai isliye sochne ki jaroorat nahin hai, jo hoga woh kalyaankaari hai। aap to sabke ho। na hindu ho na sikkha ho। baap ke ho to sabke ho। paakistaan mein bhi yahi kehte the na - aap to allaah ke bande ho, aapko kisi baat se connection nahin। isliye aap eeshvar ke ho, aur kisi ke nahin। kya bhi ho lekin darne vaale nahin। kitni bhi aag lage billi ke poongare to safe rahenge lekin jo yogayukta honge vahi safe rahenge। aise nahin, kahe main baap ki hoon aur yaad kare doosro ko! aise ko madad nahin milegi। daro nahin, ghabraao nahin, aage badho। yaad ki yaatra mein,dhaarnaaon mein,padhaai mein sab subject se aage badho। jitna aage badhenge utna sahaj hi praapti karte rahenge।

party se avyakt baapdaada ki mulaakaat

1. sabhi apne ko is srishti drama ke andar vishesh paartadhaari samajhte ho? kalpa pahle vaale apne chitra abhi dekh rahe ho! yahi brahman jeevan ka wonder hai। sada isi visheshta ko yaad karo ki kya the aur kya ban gaye! kaudi se heere tulya ban gaye। duhkhi sansaar se sukhi sansaar mein aa gaye। aap sab is drama ke hero heroine actor ho। ek-ek brahmaakumaar-kumaari baap ka sandesh sunaane vaale sandeshi ho। bhagwan ka sandesh sunaane vaale sandeshi kitne shreshtha hue! to sada isi kaarya ke nimitta avatrit hue hain। oopar se neeche aaye hain yeh sandesh dene - yahi smriti khushi dilaane vaali hain। bas, apna yahi occupation sada yaad rakho ki khushiyon ki khaan ke maalik hain। yahi aapka title hai।

2. sada apne ko sangamayugi shreshtha brahman aatmaayen anubhav karte ho?sachche brahman arthaat sada satya baap ka parichay dene vaale। braahmanon ka kaam hai katha karna, tum katha nahin karte lekin satya parichay sunaate ho। aise satya baap ka satya parichay dene vaale, brahman aatmaayen hain,yahi nasha rahe। brahman devtaaon se bhi shreshtha hain। isliye braahmanon ka sthaan choti par dikhaate hain। choti vaale brahman arthaat oonchi sthiti mein rahne vaale। ooncha rahne se neeche sab chhote honge। koi bhi baat badi nahin lagegi। oopar baithkar neeche ki cheez dekho to chhoti lagegi। kabhi koi samasya badi lagti to uska kaaran neeche baithkar dekhte ho। oopar se dekho to mehnat nahin karni padegi। to sada yaad rakhna - choti vaale brahman hain,ismen badi samasya bhi second mein chhoti ho jaayegi। samasya se ghabraane vaale nahin lekin paar karne vaale samasya ka samaadhaan karne vaale।

aaj savere (18-4-1984) amritvele bhuvneshvar ke ek bhaai ne heartfail hone se apna puraana shareer madhuban mein chhoda us samay avyakt baapdaada ke uchchaare hue mahaavaakya

sabhi drama ki har scene ko saakshi ho dekhne vaali shreshtha aatmaayen ho na! koi bhi scene jo bhi drama mein hoti hai usko kahenge kalyaankaari। nothing new। (unki laukik bhaabhi se) kya soch rahi ho? saaksheepan ki seat par baith sab drishya dekhne se apna bhi kalyaan hai aur us aatma ka bhi kalyaan hai। yeh to samajhti ho na! yaad mein shakti roop ho na। shakti sada vijayi hoti hai। vijayi shakti roop ban saara part bajaane vaali। yeh bhi part hai। part bajaate hue kabhi bhi aur koi sankalp nahin karna। har aatma ka apna-apna part hai। abhi us aatma ko shanti aur shakti ka sahayog do। itne saare daivi parivaar ka sahayog praapta ho raha hai। isliye koi sochne ki baat nahin hai। mahaan teertha sthaan hai na! mahaan aatma hai, mahaan teertha hai। sada mahaanta hi socho। sabhi yaad mein baithe ho na! ek laadla bachcha, apne is puraane shareer ka hisaab poora kar apne naye shareer ki taiyaari mein chala। isliye abhi sabhi us bhaagyavaan aatma ko shanti, shakti ka sahayog do। yahi vishesh seva hai। kyon, kya mein nahin jaana lekin svayan bhi shakti swaroop ho, vishwa mein shanti ki kirnen phailaao। shreshtha aatma hai, kamaai karne vaali aatma hai। isliye koi sochne ki baat nahin। samjha!