शनिवार 9 मार्च 1985 की अव्यक्त मुरली

>

09-03-85om shanti avyakt baapdaadaamdhuban

golden jubilee dvaara golden ej ke aagman ki soochna

golden duniya ke sthaapak shiv baba apne vijayi ratnon prati bole

aaj baapdaada sabhi bachchon ke purooshaartha ki lagan ko dekh rahe the। har ek bachcha apne-apne himmat-ullaas se aage badhte ja rahe hain। himmat bhi sabmen hain, umang-ullaas bhi sabmen hain। har ek ke andar ek hi shreshtha sankalp bhi hai ki humein baapdaada ke sameep ratna,noore ratan,dil takhtansheen dilaaraam ke pyaare banna hi hai। lakshya bhi sabhi ka sampanna banne ka hai। sabhi bachchon ke dil ka aavaaz ek hi hai ki sneh ki return mein humein ‘samaan aur sampanna’banna hai। aur isi lakshya pramaan aage badhne mein saphal bhi ho rahe hain। kisi se bhi poochho - kya chaahte ho? to sabhi ka ek hi umang ka aavaaz hai ki sampoorn aur sampanna banna hi hai। baapdaada sabhi ka yeh umang-utsaah dekh, shreshtha lakshya dekh harshit hote hain। aur sabhi bachchon ko aise ek umang-utsaah ki, ek mat ki aaphreen dete hain ki kaise ek baap, ek mat,ek hi lakshya aur ek hi ghar mein, ek hi raajya mein chal rahe hain va ud rahe hain। ek baap aur itne yogya va yogi bachche,har ek, ek do se visheshta mein vishesh aage badh rahe hain। saare kalpa mein aisa na baap hoga, na bachche honge jo koi bhi bachcha umang-utsaah mein kam na ho। visheshta sampanna ho। ek hi lagan mein magan ho। aisa kabhi ho nahin sakta। isliye baapdaada ko bhi aise bachchon par naaz hai। aur bachchon ko baap ka naaz hai। jahaan bhi dekho ek hi vishesh aavaaz sabhi ki dil andar hai।‘baba aur seva’! jitna baap se sneh hai utna seva se bhi sneh hai। donon sneh harek ke brahman jeevan ka jeeydaan hain। isi mein hi sada busy rahne ka aadhaar maayaajeet bana raha hai।

baapdaada ke paas sabhi bachchon ke seva ke umang-utsaah ke plans pahunchte rehte hain। plan sabhi achhe te achhe hain। drama anusaar jis vidhi se vriddhi ko praapta karte aaye ho woh aadi se ab tak achhe te achha hi kahenge। abhi seva ki va braahmanon ke vijayi ratna banne ki va saphalta ke bahut varsha beet chuke hain। abhi golden jubilee tak pahunch gaye ho। golden jubilee kyon mana rahe ho? kya duniya ke hisaab se mana rahe ho। va samay ke pramaan vishwa ko teevragti se sandesh dene ke umang se mana rahe ho! chaaron or bulanda aavaaz dvaara soi hui aatmaon ko jagaane ka saadhan bana rahe ho! jahaan bhi sunen,jahaan bhi dekhen vahaan chaaron or yahi aavaaz goonjata hua sunaai de ki samay pramaan ab golden ej sunahri samay, sunahri yug aane ka sunahri sandesh dvaara khushkhabri mil rahi hai। is golden jubilee dvaara golden ej ke aane ki vishesh soochna va sandesh dene ke liye taiyaari kar rahe ho। chaaron or aisi lahar phail jaae ki ab sunahri yug aaya ki aaya! chaaron or aisa drishya dikhaai de jaise savere ke samay andhakaar ke baad soorya uday hota hai to soorya ka uday hona aur roshni ki khushkhabri chaaron or phailna। andhakaar bhool aur roshni mein aa jaate। aisi vishwa ki aatmaayen jo dukh ashaanti ke samaachaar sun sun, vinaash ke bhay mein bhaybheet ho, dilshikasta ho gai hain, naaummeend ho gai hain aise vishwa ki aatmaon ko is golden jubilee dvaara shubh ummeedon ka soorya uday hone ka anubhav karaao। jaise vinaash ki lahar hai vaise satayugi srishti ke sthaapna ki khushkhabri ki lahar chaaron or phailaao। sabhi ke dil mein yeh ummeed ka sitaara chamkaao। kya hoga, kya hoga ke bajaae samjhen ki ‘ab yeh hoga’। aisi lahar phailaao। golden jubilee golden ej ke aane ki khushkhabri ka saadhan hai। jaise aap bachchon ko dukhdhaam dekhte hue bhi sukhdhaam sada svatah hi smriti mein rehta hai aur sukhdhaam ki smriti dukhdhaam bhula deti hai। aur sukhdhaam va shantidhaam jaane ki taiyaariyon mein khoye hue rehte ho। jaana hai aur sukhdhaam mein aana hai। jaana hai aur aana hai - yeh smriti samartha bhi bana rahi hai aur khushi-khushi se seva ke nimitta bhi bana rahi hai। abhi log aise duhkh ki khabren bahut sun chuke hain। ab is khushkhabri dvaara duhkhadhaam se sukhdhaam jaane ke liye khushi-khushi se taiyaar karo unhon mein bhi yeh lahar phail jaae ki humein bhi jaana hai। naaummeed vaalon ko ummeed dilaao। dilshikasta aatmaon ko khushkhabri sunaao। aise plan banaao jo vishesh samaachaar patron mein va jo bhi aavaaz phailaane ke saadhan hain - ek hi samay ek hi khushkhabri va sandesh chaaron or sabhi ko pahunche। jahaan se bhi koi aave to yeh ek hi baat sabhi ko maaloom pade। aise tareeke se chaaron or ek hi aavaaz ho। naveenta bhi karni hai। apne knowledgeful swaroop ko pratyaksha karna hai। abhi samajhte hain ki shant swaroop aatmaayen hain। shanti ka sahaj raasta bataane vaale hain। yeh swaroop pratyaksha hua bhi hai aur ho raha hai। lekin knowledgeful baap ki knowledge hai to ‘yahi’ hai। ab yeh aavaaz ho। jaise ab kehte hain shanti ka sthaan hai to yahi hai। aise sabke mukh se yeh aavaaz nikle ki satya gyaan hai to yahi hai। jaise shanti aur sneh ki shakti anubhav karte hain vaise satyata siddha ho, to aur sab kya hain,woh siddha ho hi jaayega। kahne ki aavashyakta nahin padegi। ab woh satyata ki shakti kaise pratyaksha karo, woh vidhi kya apnaao jo aapko kehna na pade। lekin woh svayan hi kahen ki isse yeh siddha hota hai ki satya gyaan parmaatma gyaan shaktishaali gyaan hai to yahi hai। iske liye vidhi phir sunaayenge। aap log bhi is par sochna। phir doosre baari sunaayenge। sneh aur shanti ki dharni to ban gai hai na। abhi gyaan ka beej padna hai tab to gyaan ke beej ka phal ‘svarga’ke varse ke adhikaari banenge।

baapdaada sabhi dekhte-sunte rehte hain। kya-kya rooh-roohaan karte hain। achha pyaar se baithte hain, sochte hain। mathni achhi chala rahe hain। maakhan khaane liye manthan to kar rahe hain। abhi golden jubilee ka manthan kar rahe hain। shaktishaali maakhan hi niklega। sabke dil mein lahar achhi hai। aur yahi dil ke umangon ki lahar vaayumandal banaati hain। vaayumandal bante-bante aatmaon mein sameep aane ki aakarshan badhti jaati hai। abhi jaana chaahiye, dekhna chaahiye yeh lahar phailti ja rahi hai। pahle tha ki pata nahin kya hai? abhi hai ki achha hai, jaana chaahiye। dekhna chaahiye। phir aakhreen kahenge ki - yahi hain। abhi aapke dil ka umang- utsaah unhon mein bhi umang paida kar raha hai। abhi aapki dil naachti hai। unhon ke paanv chalne shuru hote hain। jaise yahaan koi bahut achha dance karta hai to door baithne vaalon ka bhi paanv chalna shuru ho jaata hai। aisa umang-utsaah ka vaataavran anekon ke paanv ko chalaane shuru kar raha hai। achha –

sada apne ko golden duniya ke adhikaari anubhav karne vaale, sada apni golden aged sthiti banaane ke umang-utsaah mein rahne vaale,sada merciful ban sarva aatmaon ko golden ej ka raasta bataane ki lagan mein rahne vaale, sada baap ke har ek golden varshan ko jeevan mein dhaaran karne vaale, aise sada baapdaada ke dil takhtansheen, sada sneh mein samaaye hue vijayi ratnon ko baapdaada ka yaadapyaar aur namaste।’’

Australia ke bhaai-bahinon se avyakt baapdaada ki mulaakaat - saara group sameep aatmaon ka hai na? baapdaada sada bachchon ko sameep ratna ke roop mein dekhte hain। sameep rehna arthaat jaisa baap vaise bachche। aise anubhav karte ho?har kadam mein follow father karne vaale ho! baapdaada Australia nivaasiyon ko sada aage rakhte hain kyonki jitna svayan praapta karte hain utna auron ko dene ka umang-utsaah achha raha hai। seva ka umang achha hai। jiska seva se pyaar hai - yeh siddha karta hai ki baap se bhi pyaar hai। shaktiyaan bhi seva ke umang mein hain to paandav bhi। paandav bhi aagyaakaari hain to shaktiyaan bhi kamaal karne vaali hain। shaktiyon ko aage badhne ka samay hai। kyonki aadhaakalpa duniya vaalon ne shaktiyon ko neeche kiya isliye baap sangamayug par chance de raha hai। to abhi shaktiyaan kya karengi?baapdaada ko seva ke aadi ka samay yaad aa raha hai, shaktiyon ka jhunda bahut achha lovely roop raha hai। abhi bhi sada hi aage chance lene vaali bano। paandav to svatah unke saath hain। kyonki donon ke bina koi kaarya chalta nahin। achha – om shanti।