शुक्रवार 15 मार्च 1985 की अव्यक्त मुरली

>

15-03-85om shanti avyakt baapdaadaamdhuban

mehnat se chhootne ka sahaj saadhan - niraakaari swaroop ki sthiti

avyakt baapdaada bole

baapdaada bachchon ke sneh se, vaani se pare nirvaan avastha se vaani mein aate hain। kislie? bachchon ko aap samaan nirvaan sthiti ka anubhav karaane ke liye। nirvaan sweet hom mein le jaane ke liye। nirvaan sthiti nirvikalp sthiti hai। nirvaan sthiti nirvikaari sthiti hai। nirvaan sthiti sada niraakaari so saakaar svaroopdhaari ban vaani mein aate hain। saakaar mein aate bhi niraakaari swaroop ki smriti, smriti mein rehti hai। main niraakaar,saakaar aadhaar se bol raha hoon। saakaar mein bhi niraakaar sthiti smriti mein rahe - isko kehte hain niraakaar so saakaar dvaara vaani mein, karma mein aana। asli swaroop niraakaar hai,saakaar aadhaar hai। yeh double smriti - ‘niraakaar so saakaar’ shaktishaali sthiti hai। saakaar aadhaar le niraakaar swaroop ko bhoolo nahin। bhoolte ho isliye yaad karne ki mehnat karni padti hai। jaise laukik jeevan mein apna shaareerik swaroop svatah hi sada yaad rehta hai ki main phalaana va phalaani is samay yeh kaarya kar rahi hoon ya kar raha hoon। kaarya badalta hai lekin main phalaana hoon yeh nahin badalta,na bhoolta hai। aise, main niraakaar aatma hoon, yeh asli swaroop koi bhi kaarya karte svatah aur sada yaad rehna chaahiye। jab ek baar smriti aa gai,parichay bhi mil gaya - main niraakaar aatma hoon। parichay arthaat knowledge। to knowledge ki shakti dvaara swaroop ko jaan liya। jaanne ke baad phir bhool kaise sakte?jaise knowledge ki shakti se shareer ka bhaan bhulaate bhi bhool nahin sakte। to yeh aatmik swaroop bhool kaise sakenge?to yeh apne aapse poochho aur abhyaas karo। chalte-phirte kaarya karte check karo - niraakaar so saakaar aadhaar se yeh kaarya kar raha hoon! to svatah hi nirvikalp sthiti,niraakaari sthiti, nirvighna sthiti sahaj rahegi। mehnat se chhoot jaayenge। yeh mehnat tab lagti hai jab baar-baar bhoolte ho। phir yaad karne ki mehnat karte ho। bhoolo hi kyon, bhoolna chaahiye? baapdaada poochhte hain - aap ho kaun? saakaar ho va niraakaar?niraakaar ho na! niraakaar hote hue bhool kyon jaate ho! asli swaroop bhool jaate aur aadhaar yaad rehta! svayan par hi hansi nahin aati ki yeh kya karte hain! ab hansi aati hai na? asli bhool jaate aur nakli cheez yaad aa jaati? baapdaada ko kabhi-kabhi bachchon par aashcharya bhi lagta hai। apne aapko bhool jaate aur bhoolkar phir kya karte? apne aapko bhool hairaan hote hain। jaise baap ko sneh se niraakaar se saakaar mein aahvaan kar la sakte ho to jisse sneh hai us jaise niraakaar sthiti mein sthit nahin ho sakte ho! baapdaada bachchon ki mehnat dekh nahin sakte hain! master sarvashaktivaan aur mehnat? master sarvashaktivaan sarva shaktiyon ke maalik ho। jis shakti ko jis bhi samay shubh sankalp se aahvaan karo woh shakti aap maalik ke aage haajar hai। aise maalik,jiski sarva shaktiyaan sevaadhaari hain,woh mehnat karega va shubh sankalp ka order karega?kya karega,raaje ho na ki praja ho?vaise bhi jo yogya bachcha hota hai usko kya kehte hain? raaja bachche kehte hain na। to aap kaun ho? raaja bachche ho ki adheen bachche ho?adhikaari aatmaayen ho na। to yeh shaktiyaan, yeh gun yeh sab aapke sevaadhaari hain,aahvaan karo aur haajar। jo kamzor hota hai woh shaktishaali shastra hote hue bhi kamzori ke kaaran haar jaate hain। aap kamzor ho kya? bahaadur bachche ho na! sarvashaktivaan ke bachche kamzor hon to sab log kya kahenge? achha lagega? to aahvaan karna,order karna seekho। lekin sevaadhaari order kiska maanega? jo maalik hoga। maalik svayan sevaadhaari ban gaye, mehnat karne vaale to sevaadhaari ho gaye na। man ki mehnat se ab chhoot gaye! shareer ke mehnat ki yagya seva alag baat hai। woh bhi yagya seva ke mahatva ko jaanne se mehnat nahin lagti hai। jab madhuban mein samparka vaali aatmaayen aati hain aur dekhti hain itni sankhya ki aatmaon ka bhojan banta hai aur sab kaarya hota hai to dekh-dekh kar samajhti hain yeh itna haardavarka kaise karte hain! unhon ko bada aashcharya lagta hai। itna bada kaarya kaise ho raha hai! lekin karne vaale aise bade kaarya ko bhi kya samajhte hain? seva ke mahatva ke kaaran yeh to khel lagta hai। mehnat nahin lagti। aise mahatva ke kaaran baap se muhabbat hone ke kaaran mehnat ka roop badal jaata hai। aise man ki mehnat se ab chhootne ka samay aa gaya hai। dvaapar se dhoondhane ki, tadapne ki,pukaarne ki,man ki mehnat karte aaye ho। man ki mehnat ke kaaran dhan kamaane ki bhi mehnat badhti gai। aaj kise bhi poochho to kya kehte hain?dhan kamaana maasi ka ghar nahin hai। man ki mehnat se dhan ki kamaai ki bhi mehnat badha di। aur tan to ban hi gaya rogi। isliye tan ke kaarya mein bhi mehnat,man ki bhi mehnat, dhan ki bhi mehnat। sirf itna hi nahin lekin aaj parivaar mein pyaar nibhaane mein bhi mehnat hai। kabhi ek roosta hai, kabhi doosra…phir usko manaane ki mehnat mein lage rehte। aaj tera hai, kal tera nahin phera aa jaata hai। to sab prakaar ki mehnat karke thak gaye the na। tan se,man se, dhan se, sambandh se, sabse thak gaye।

baapdaada pahle man ki mehnat samaapta kar dete। kyonki beej hai - ‘man’। man ki mehnat tan ki,dhan ki mehnat anubhav karaati hai। jab man theek nahin hoga to koi kaarya hoga to kahenge aaj yeh hota nahin। beemaar hoga nahin lekin samjhega mujhe 1030bukhaar hai। to man ki mehnat tan ki mehnat anubhav karaati hai। dhan mein bhi aise hi hai। man thoda bhi kharaab hoga, kahenge bahut kaam karna padta hai। kamaana bada mushkil hai। vaayumandal kharaab hai। aur jab man khush hoga to kahenge koi badi baat nahin। kaam vahi hoga lekin man ki mehnat dhan ki mehnat bhi anubhav karaati hai। man ki kamzori vaayumandal ki kamzori mein laati hai। baapdaada bachchon ke man ki mehnat nahin dekh sakte। 63 janma mehnat ki। ab ek janma maujon ka janma hai, muhabbat ka janma hai,praaptiyon ka janma hai,vardaanon ka janma hai। madad lene ka, madad milne ka janma hai। phir bhi is janma mein bhi mehnat kyon? to ab mehnat ko muhabbat mein parivartan karo। mahatva se khatma karo।

aaj baapdaada aapas mein bahut chit-chat kar rahe the, bachchon ki mehnat par। kya karte hain, baapdaada muskara rahe the ki man ki mehnat ka kaaran kya banta hai,kya karte hain? tedhe baanke, bachche paida karte, jiska kabhi munh nahin hota, kabhi taang nahin, kabhi baanh nahin hoti। aise vyartha ki vanshaavli bahut paida karte hain aur phir jo rachna ki to kya karenge?usko paalne ke kaaran mehnat karni padti। aisi rachna rachne ke kaaran jyaada mehnat kar thak jaate hain aur dilshikasta bhi ho jaate hain। bahut mushkil lagta hai। hai achha lekin hai bada mushkil। chhodna bhi nahin chaahte aur udna bhi nahin chaahte। to kya karna padega?chalna padega। chalne mein to zaroor mehnat lagegi na। isliye ab kamzor rachna banda karo to man ki mehnat se chhoot jaayengen। phir hansi ki baat kya kehte hain? baap kehte yeh rachna kyon karte,to jaise aajkal ke log kehte hain na - kya karen eeshvar de deta hai। dosh saara eeshvar par lagaate hain, aise yeh vyartha rachna par kya kehte? ham chaahte nahin hain lekin maaya aa jaati hai। hamaari chaahna nahin hai lekin ho jaata hai। isliye sarvashaktivaan baap ke bachche maalik bano। raaja bano। kamzor arthaat adheen praja। maalik arthaat shaktishaali raaja। to aahvaan karo maalik ban karke। svasthiti ke shreshtha sinhaasan par baitho। sinhaasan par baith ke shakti roopi sevaadhaariyon ka aahvaan karo। order do। ho nahin sakta ki aapke sevaadhaari aapke order par na chalen। phir aise nahin kahenge kya karen sahan shakti na hone ke kaaran mehnat karni padti hai। samaane ki shakti kam thi isliye aisa hua। aapke sevaadhaari samay par kaarya mein na aaven to sevaadhaari kya hue? kaarya poora ho jaae phir sevaadhaari aaven to kya hoga! jisko svayan samay ka mahatva hai uske sevaadhaari bhi samay par mahatva jaan haajar honge। agar koi bhi shakti va gun samay par emerge nahin hota hai to isse siddha hai ki maalik ko samay ka mahatva nahin hai। kya karna chaahiye? sinhaasan par baithna achha ya mehnat karna achha? abhi ismen samay dene ki aavashyakta nahin hai। mehnat karna theek lagta ya maalik banna theek lagta? kya achha lagta hai?sunaaya na - iske liye sirf yeh ek abhyaas sada karte raho -’’niraakaar so saakaar ke aadhaar se yeh kaarya kar raha hoon।’’ karaavanhaar ban karmendriyon se karaao। apne niraakaari vaastavik swaroop ko smriti mein rakhenge to vaastavik swaroop ke gun shaktiyaan svatah hi emerge honge। jaisa swaroop hota hai vaise gun aur shaktiyaan svatah hi karma mein aate hain। jaise kanya jab maa ban jaati hai to maa ke swaroop mein seva bhaav, tyaag,sneh,athak seva aadi gun aur shaktiyaan svatah hi emerge hoti hain na। to anaadi avinaashi swaroop yaad rahne se svatah hi yeh gun aur shaktiyaan emerge honge। swaroop smriti sthiti ko svatah hi banaata hai। samjha kya karna hai! mehnat shabd ko jeevan se samaapta kar do। mushkil mehnat ke kaaran lagta hai। mehnat samaapta to mushkil shabd bhi svatah hi samaapta ho jaayega। achha –

sada mushkil ko sahaj karne vaale, mehnat ko muhabbat mein badalne vaale, sada sva-swaroop ki smriti dvaara shreshtha shaktiyon aur gunon ko anubhav karne vaale,sada baap ko sneh ka respond dene vaale, baap samaan banne vaale, sada shreshtha smriti ke shreshtha aasan par sthit ho maalik ban sevaadhaariyon dvaara kaarya karaane vaale, aise raaje bachchon ko, maalik bachchon ko baapdaada ka yaadapyaar aur namaste।’’

personal mulaakaat - (videshi bhaai-bahnon se) (1) seva,baap ke saath ka anubhav karaati hai। seva par jaana maana sada baap ke saath rehna। chaahe saakaar roop mein rahen,chaahe aakaar roop mein। lekin sevaadhaari bachchon ke saath,baap sada saath hai hi hai। karaavanhaar kara raha hai, chalaane vaala chala raha hai aur svayan kya karte hain?nimitta ban khel khelte rehte hain। aise hi anubhav hota hai na? aise sevaadhaari saphalta ke adhikaari ban jaate hain। saphalta janma-siddha adhikaar hai, saphalta sada hi mahaan punyaatma banne ka anubhav karaati hai। mahaan punya aatma banne vaalon ko anek aatmaon ki aasheervaad ki lift milti hai। achha –

abhi to woh bhi din aana hi hai jab sabke mukh se - ‘‘ek hain, ek hi hain’’yeh geet niklenge। bas drama ka yahi part raha hua hai। yeh hua aur samaapti hui। ab is part ko sameep laana hai। iske liye anubhav karaana hi vishesh aakarshan ka saadhan hai। gyaan sunaate jaao aur anubhav karaate jaao। gyaan sirf sunne se santushta nahin hote lekin gyaan sunaate hue anubhav bhi karaate jaao to gyaan ka bhi mahatva hai aur praapti ke kaaran aage utsaah mein bhi aa jaate hain। un sabke bhaashan to sirf knowledgeful hote hain। aap logon ke bhaashan siaarpha knowledgeful nahin hon lekin anubhav ki authority vaale hon। aur anubhvon ki authority se bolte hue anubhav karaate jaao। jaise koi-koi jo achhe speaker hote hain, woh bolte hue roola bhi dete hain, hansa bhi dete hain। shanti mein,silence mein bhi le jaayenge। jaisi baat karenge vaisa vaayumandal haal ka bana dete hain। woh to hue temporary। jab woh kar sakte hain to aap master sarvashaktivaan kya nahin kar sakte। koi ‘‘shanti’’bole to shanti ka vaataavran ho, ‘‘aananda’’ bole to aananda ka vaatavran ho। aise anubhooti karaane vaale bhaashan,pratyakshata ka jhanda lahraayenge। koi to visheshta dekhenge na। achha - samay svatah hi shaktiyaan bhar raha hai। hua hi pada hai,sirf repeat karna hai।

yu.ke.group se - sada apne ko sikeeldhe samajhte ho na। sada baap ke sik va prem ka vishesh anubhav hota hai na! jis sik va prem se baap ne apna banaaya aise sik va prem se aapne bhi baap ko apna banaaya hai na! donon ka sneh ka avinaashi pakka sauda ho gaya। aise sauda karne vaale saudaagar va vyaapaari ho na! aisa sauda saari duniya mein koi kar nahin sakta। kitna sahaj sauda hai। do shabdon ka sauda hai lekin hai amar। do shabd kaun se hain? aapne kaha‘tera’ aur baap ne kaha ‘mera’। bas sauda ho gaya। tera aur mera in do shabdon mein avinaashi sauda ho gaya। aur kuchh dena nahin padta। dena bhi na pade aur sauda bhi badhiya ho jaaen to aur kya chaahiye! sab kuchh mil gaya hai na। aise samjha tha ki ghar baithe itna sahaj sauda bhagwan se karenge। socha tha! to jo sankalp mein bhi nahin tha woh practical karma mein ho gaya। yeh khushi hai na? sabse jyaada khushi kisko hai? visheshta yahi hai jo harek kehta - humein jyaada khushi hai। pahle main। aise nahin inhen hai humein nahin। yeh bhi race hai, eershya nahin। ismen harek ek do se aage badho। chance hai aage badhne ka। jitna aage badhne chaaho utna badh sakte ho। to sab pakke saudaagar bano। kachcha sauda karenge to nuksaan apne ko hi karenge।

sada svayan ko samaaya hua anubhav karte ho? baap ke naynon mein,dil mein samaaya hua। jo samaaye rehte hain woh duniya se paar rehte hain। unhein anubhav hota ki baap hi saari duniya hai। svapna mein bhi puraani duniya ki aakarshan aakarshit nahin kar sakti hai। aise samaaye hue ko kisi bhi baat mein mushkil ka anubhav nahin ho sakta। woh duniya se khoya hua hai। avinaashi sarva praapti praapta kiya hua hai। sada dil mein ek hi dilaaraam rehta,aisi samaai hui aatma sada saphal hai hi।

France ke bhaai-bahinon se - sada apne ko shaktishaali aatma samajhkar aage badhna aur auron ko aage badhaana - yahi lakshya hai na। baapdaada har bachche ko vishesh aatma ke roop mein dekhte hain। aise hi aap sabhi apni visheshtaaon ko jaan, visheshta ko kaarya mein lagaae aage badh rahe ho na? saare vishwa mein se kitni aatmaayen baap ki bani hain! vishesh ho tab koton mein koi,koi mein koi aatma baap ki bani ho। baapdaada aisi visheshta sampanna aatmaon mein shreshtha aashaayen rakhte hain - baapdaada sada bachchon ko svaunnati aur seva ki unnati mein aage dekhte hain। sada baap mere dvaara kya chaahte hain-yeh yaad rakho to baap aur seva sada saamne rahegi। aur baap tatha seva saamne rahne se saphalta hai hi। baapdaada bachchon ke dil ki baaten roj sunaate hain,aur dil ka respond dil vaalon ko milta bhi hai aur milta bhi rahega।

braajeel - jitna desh ke hisaab se door hai utna dil se sameep hai। sabse sameep te sameep rahne vaale arthaat sada diltakhtansheen। jo abhi dilakhtansheen hain woh janma-janma takhtansheen aatma ban jaate hain। aise adhikaari ho na! jab jaan liya ki aisa baap, aisi praapti saare kalpa mein kabhi nahin ho sakti, abhi hoti hai to apne ko sadaakaal ke liye adhikaari aatma samajh aage badhte rahenge। sada diltakhtansheen hain arthaat yaad mein samaaye hue hain। dil mein samaaye hue maana kabhi baap se alag nahin ho sakte। jitna bachche yaad karte hain usse padmaguna baap return mein yaad karte hain। bachchon ko yaad ke return mein sneh, sahayog dete rehte hain। jo sada baap ki yaad ke saajon mein busy rehte hain woh maaya ke saajon se free ho jaate hain। jo knowledgeful hain woh kabhi fail nahin ho sakte hain।

vidaai ke samay daadi jaanki ji se baapdaada ki mulaakaat - dekh-dekh harshit hoti rehti ho! sabse jyaada khushi ananya bachchon ko hai na! jo sada hi khushiyon ke saagar mein lahraate rehte hain। sukh ke saagar mein, sarva praaptiyon ke saagar mein lahraate hi rehte hain, woh doosron ko bhi usi saagar mein lahraate hain। saara din kya kaam karti ho?jaise koi ko saagar mein nahaana nahin aata hai to kya karte? haath pakadkar nahlaate hain na! yahi kaam karti ho, sukh mein lahraao, khushi mein lahraao…aise karti rehti ho na! busy rahne ka kaarya achha mil gaya hai। kitna busy rehti ho? phursat hai? isi mein sada busy hain, to doosre bhi dekh follow karte hain। bas, yaad aur seva ke sivaae aur kuchh dikhaai nahin deta। automatically buddhi yaad aur seva mein hi jaati hai aur kahaan ja nahin sakti। chalaana nahin padta, chalti hi rehti hai। isko kehte hain - seekhe hue sikha rahe hain। achha kaam de diya hai na। baap hoshiyaar banaakar gaye hain na। dheelaadhaala to nahin chhodkar gaye। hoshiyaar banaakar, jagah dekar gaye hain। saath to hain hi lekin nimieentta to banaaya na। hoshiyaar banaakar seat diya hai। yahaan se hi seat dene ki rasma shuru hui hai। baap seva ka takhta va seva ki seat dekar aage badhe, abhi saakshi hokar dekh rahe hain,kaise bachche aage se aage badh rahe hain। saath ka saath bhi hai,saakshi ka saakshi bhi। donon hi part baja rahe hain। saakaar roop mein saakshi kahenge, avyakt roop mein saathi kahenge। donon hi part baja rahe hain। achha-