बुधवार 20 नवंबर 1985 की अव्यक्त मुरली

>

20-11-85om shanti avyakt baapdaadaamdhuban

braahmanon ka sangamayugi nyaara, pyaara shreshtha sansaar

sada nyaare aur pyaare shiv baba bole

aaj braahmanon ke rachayita baap apne chhote se alaukik sundar sansaar ko dekh rahe hain। yeh brahman sansaar satayugi sansaar se bhi ati nyaara aur ati pyaara hai। is alaukik sansaar ki brahman aatmaayen kitni shreshtha hain vishesh hain! devta roop se bhi yeh brahman swaroop vishesh hai। is sansaar ki mahima hai, nyaaraapan hai। is sansaar ki har aatma vishesh hai। har aatma hi svaraajyadhaari raaja hai। har aatma smriti ki tilakdhaari, avinaashi tilakdhaari, svaraajya tilakdhaari, parmaatma dil-takhtansheen hai। to sabhi aatmaayen is sundar sansaar ki taaj, takhta aur tilakdhaari hain! aisa sansaar saare kalpa mein kabhi suna va dekha! jis sansaar ki har brahman aatma ka ek baap, ek hi parivaar, ek hi bhaasha, ek hi knowledge arthaat gyaan, ek hi jeevan ka shreshtha lakshya, ek hi vritti, ek hi drishti, ek hi dharma aur ek hi eeshvareey karma hai। aisa sansaar jitna chhota utna pyaara hai। aise sabhi brahman aatmaayen man mein geet gaati ho ki hamaara chhota-sa yeh sansaar ati nyaara,ati pyaara hai। yeh geet gaati ho? yeh sangamayugi sansaar dekh-dekh harshit hote ho? kitna nyaara sansaar hai। is sansaar ki dincharya hi nyaari hai। apna raajya,apne niyam,apni reeti-rasam, lekin reeti bhi nyaari hai to preeti bhi pyaari hai। aise sansaar mein rahne vaali brahman aatmaayen ho na! isi sansaar mein rehte ho na? kabhi apne sansaar ko chhod puraane sansaar mein to nahin chale jaate ho! isliye puraane sansaar ke log samajh nahin sakte ki aakhir bhi yeh brahman hain kya! kehte hain na! brahmaakumaariyon ki chalan hi apni hai! gyaan hi apna hai। jab sansaar hi nyaara hai to sab naya aur nyaara hi hoga na। sabhi apne aap ko dekho ki naye sansaar ke naye sankalp,nai bhaasha, naye karma, aise nyaare bane ho! koi bhi puraanaapan rah to nahin gaya hai। jara bhi puraanaapan hoga to woh puraani duniya ke taraph aakarshit kar dega। aur oonche sansaar se neeche ke sansaar mein chale jaayenge। ooncha arthaat shreshtha hone ke kaaran svarga ko ooncha dikhaate hain aur narka ko neeche dikhaate hain। sangamayugi svarga satayugi svarga se bhi ooncha hai। kyonki abhi donon sansaar ke knowledgeful bane ho। yahaan abhi dekhte hue jaante hue nyaare aur pyaare ho। isliye madhuban ko svarga anubhav karte ho। kehte ho na - svarga dekhna ho to abhi dekho। vahaan svarga ka varnan nahin karenge। abhi phalak se kehte ho ki hamne svarga dekha hai। challenge karte ho ki svarga dekhna ho to yahaan aakar dekho। aise varnan karte hain na। pahle sochte the, sunte the ki svarga ki pariyaan bahut sundar hoti hain। lekin kisne dekha nahin। svarga mein yeh yeh hota, suna bahut lekin ab svayan svarga ke sansaar mein pahunch gaye। khud hi svarga ki pariyaan ban gaye। shyaam se sundar ban gaye na! pankh mil gaye na! itne nyaare pankh -gyaan aur yog ke mile hain jisse teenon hi lokon ka chakkar laga sakte ho। science vaalon ke paas bhi aisa teevragti ka saadhan nahin hai। sabhi ko pankh mile hain? koi rah to nahin gaya hai। is sansaar ka hi gaayan hai - apraapta nahin koi vastu braahmanon ke sansaar mein। isliye gaayan hai - ek baap mila to sab kuchh mila। ek duniya nahin lekin teenon lokon ka maalik ban jaate। is sansaar ka gaayan hai - ‘sada sabhi jhoolon mein jhoolte rehte’। jhoolon mein jhoolna bhaagya ki nishaani kaha jaata hai। is sansaar ki visheshta kya hai? kabhi ateendriy sukh ke jhoolon ke jhoolte, kabhi khushi ke jhoole mein jhoolte, kabhi shanti ke jhoole mein,kabhi gyaan ke jhoole mein jhoolte। parmaatma godi ke jhoole mein jhoolte। parmaatma godi hai - yaad ki lavleen avastha mein jhoolna। jaise godi mein sama jaate hain। aise parmaatma-yaad mein sama jaate,lavleen ho jaate। yeh alaukik god second mein anek janmon ke duhkh darda bhoola deti hai। aise sabhi jhoolon mein jhoolte rehte ho!

kabhi svapna mein bhi socha tha ki aise sansaar ke adhikaari ban jaayenge! baapdaada aaj apne pyaare sansaar ko dekh rahe hain। yeh sansaar pasanda hai? pyaara lagta hai? kabhi ek paanv us sansaar mein, ek paanv is sansaar mein to nahin rakhte? 63 janma us sansaar ko dekh liya, anubhav kar liya। kya mila? kuchh mila va ganvaaya? tan bhi ganvaaya, man ki sukh-shanti ganvaayi aur dhan bhi ganvaaya! sambandh bhi ganvaaya। jo baap ne sundar tan diya, woh kahaan ganvaaya! agar dhan bhi ikaththa karte hain to kaala dhan। svachchha dhan kahaan gaya? agar hai bhi to kaam ka nahin hai। kahne mein karodapti hai lekin dikha sakte hain? to sab kuchh ganvaaya phir bhi agar buddhi jaae to kya kahenge! samajhdaar? isliye apne is shreshtha sansaar ko sada smriti mein rakho। is sansaar ke is jeevan ki visheshtaaon ko sada smriti mein rakh samartha bano। smriti swaroop bano to‘nashtomoha’svatah hi ban jaayenge। puraani duniya ki koi bhi cheez buddhi se sveekaar nahin karo। sveekaar kiya arthaat dhokha khaaya। dhokha khaana arthaat duhkh uthaana। to kahaan rehna hai? shreshtha sansaar mein ya puraane sansaar mein? sada antar spashta emerge roop mein rakho ki woh kya aur yeh kya! achha-

aise chhote se pyaare sansaar mein rahne vaali vishesh brahman aatmaon ko, sada takhtansheen aatmaon ko,sada jhoolon mein jhoolne vaali aatmaon ko, sada nyaare aur parmaatma pyaare bachchon ko parmaatma-yaad,parmaatma-pyaar aur namaste।’’

sevaadhaari (teachers) bahinon se - sevaadhaari arthaat tyaagi tapasvi aatmaayen। seva ka phal to sada milta hi hai lekin tyaag aur tapasya se sada hi aage badhti rahengi। sada apne ko vishesh aatmaayen samajh kar vishesh seva ka saboot dena hai। yahi lakshya rakho। jitna lakshya majboot hoga utni building bhi achhi banegi। to sada sevaadhaari samajh aage badho। jaise baap ne aapko chuna vaise aap phir praja ko chuno। svayan sada nirvighna ban seva ko bhi nirvighna banaate chalo। seva to sabhi karte hain lekin nirvighna seva ho, isi mein number milte hain। jahaan bhi rehte ho vahaan har student nirvighna ho, vighnon ki lahar na ho। shaktishaali vaataavran ho। isko kehte hain - nirvighna aatma। yahi lakshya rakho - aisa yaad ka vaataavran ho jo vighna aa na sake। kila hota hai to dushman aa nahin sakta। to nirvighna ban nirvighna sevaadhaari bano। achha!

vishwa ke raajnetaaon ke prati avyakt baapdaada ka madhur sandesh - vishwa ke har ek raajya neta apne desh ko va deshvaasiyon ko pragti ki or le jaane ki shubh bhaavna, shubh kaamna se apne-apne kaarya mein lage hue hain। lekin bhaavna bahut shreshtha hain,pratyaksha pramaan jitna chaahte hain utna nahin hota - yeh kyon? kyonki aaj ki janta va bahut se netaaon ke man ki bhaavnaayen seva bhaav, prem bhaav ke bajaae svaartha bhaav,eershya bhaav mein badal gai hain। isliye is foundation ko samaapta karne ke liye praakritik shakti,vaigyaanik shakti, varldali knowledge ki shakti, raajya ke authority ki shakti dvaara to apne prayatna kiye hain lekin vaastavik saadhan sprichyual power hai, jisse hi man ki bhaavna sahaj badal sakti hai, us taraph attention kam hai। isliye badli hui bhaavnaaon ka beej nahin samaapta hota। thode samay ke liye dab jaata hai। lekin samay pramaan aur hi ugra roop mein pratyaksha ho jaata hai। isliye sprichyual baap ka sprichyual bachchon, aatmaon prati sandesh hai ki sada apne ko sprit (soul) samajh sprichyual baap se sambandh jod sprichyual shakti le apne man ke neta bano tab raajya neta ban auron ke bhi man ki bhaavnaaon ko badal sakenge। aapke man ka sankalp aur janta ka practical karma ek ho jaayega। donon ke sahayog se saphalta ka pratyaksha pramaan anubhav hoga। yaad rahe ki self rule adhikaari hi sada yogya raajneta ke rule adhikaari ban sakte hain। aur svaraajya aapka sprichyual fatherly birth right hai। is birth right ki shakti se sada righteous ki shakti bhi anubhav karenge aur saphal rahenge।