गुरुवार 19 दिसंबर 1985 की अव्यक्त मुरली

>

19-12-85om shanti avyakt baapdaadaamdhuban

follow father

videhi aur avyakt baapdaada bole

aaj sarva snehi bachchon ke sneh ka respond karne ke liye baapdaada milan manaane ke liye aaye hain। videhi baapdaada ko deh ka aadhaar lena padta hai। kislie? bachchon ko bhi videhi banaane ke liye। jaise baap videhi,deh mein aate hue bhi videhi swaroop mein,videheepan ka anubhav karaate hain। aise aap sabhi jeevan mein rehte, deh mein rehte videhi aatma-sthiti mein sthit ho is deh dvaara karaavanhaar ban karke karma karaao। yeh deh karanhaar hai। aap dehi karaavanhaar ho। isi sthiti ko‘‘videhi sthiti’’ kehte hain। isi ko hi follow father kaha jaata hai। sada follow father karne ke liye apni buddhi ko do sthitiyon mein sthit rakho। baap ko follow karne ki sthiti hai - sada ashareeri bhav। videhi bhav niraakaari bhav। daata arthaat brahma baap ko follow karne ke liye sada avyakt sthiti bhav, pharishta swaroop bhav, aakaari sthiti bhav। in donon sthiti mein sthit rehna follow father karna hai। isse neeche vyakta bhaav, deh-bhaan,vyakti bhaav, ismen neeche nahin aao। vyakti bhaav va vyakta bhaav - neeche le aane ka aadhaar hai। isliye sabse pare in do sthitiyon mein sada raho। teesri ke liye brahman janma hote hi baapdaada ki shiksha mili hui hai ki is giraavat ki sthiti mein sankalp se va svapna mein bhi nahi jaana। yeh paraai sthiti hai। jaise agar koi bina aagya ke pardesh chala jaae to kya hoga?baapdaada ne bhi yeh aagya ki lakeer kheench di hai। isse baahar nahin jaana hai। agar avagya karte hain to pareshaan bhi hote hain। pashchaataap bhi karte hain। isliye sada shaan mein rahne ka,sada praapti swaroop sthiti mein sthit hone ka sahaj saadhan hai ‘‘follow father’’। follow karna to sahaj hota hai na! jeevan mein bachpan se follow karne ke anubhvi ho। bachpan mein bhi baap bachche ko anguli pakad chalne mein, uthne-baithne mein follow karaate hain। phir jab grihasthi bante hain to bhi pati-patni ko ek-do ke peechhe follow kar chalna sikhlaate hain। phir aage badh guru karte hain to guru ke followers bhi bante hain arthaat follow karne vaale। laukik jeevan mein bhi aadi aur ant mein follow karna hota hai। alaukik paarlaukik baap bhi ek hi sahaj baat ka saadhan bataate hain,kya karoon,kaise karoon,aise karoon ya vaise karoon is vistaar se chhuda dete hain। sabhi prashnon ka uttar ek hi baat hai - ‘‘follow‘father’’।

saakaar roop mein bhi nimitta ban karma sikhlaane ke liye poore 84janma lene vaali brahma ki aatma nimitta bani। karma mein karma bandhanon se mukta hone mein, karma sambandh ko nibhaane mein,deh mein rehte videhi sthiti mein sthit rahne mein,tan ke bandhanon ko mukta karne mein, man ki lagan mein magan rahne ki sthiti mein,dhan ka ek-ek naya paisa saphal karne mein, saakaar brahma, saakaar jeevan mein nimitta bane। karmabandhani aatma, karmaateet banne ka ekjaampal bane। to saakaar jeevan ko follow karna sahaj hai na! yahi paath hua follow father। prashn bhi chaahe tan ke poochhte,sambandh ke poochhte va dhan ke poochhte hain। sab prashnon ka javaab - brahma baap ki jeevan hai। jaise aajkal ke science vaale har ek prashn ka uttar computer se poochhte hain। kyonki samajhte hain manushya ki buddhi se yeh computer accurate hai। banaane vaale se bhi bani hui cheez ko accurate samajh rahe hain। lekin aap silence vaalon ke liye brahma ki jeevan hi accurate computer hai। isliye kya, kaise ke bajaae jeevan ke computer se dekho। kaisa aur kya ka question aise hi badal jaayega। prashnachitta ke bajaae prasannachitta ho jaayenge। prashnachitta halchal buddhi hai। isliye prashn ka chinha bhi tedha hai। question likho to tedha baanka hain na?aur prasannachitta hai bindi। to bindi mein koi tedhaapan hai?chaaron taraph se ek hi hai। bindi ko kisi bhi taraph se dekho to seedha hi dekhenge। aur ek jaisa hi dekhenge। chaahe ulta chaahe sulta dekho। prasannachitta arthaat ek ras sthiti mein ek baap ko follow karne vaale। phir bhi saar kya nikla? follow brahma, saakaar roop father va follow aakaar roop brahma father। chaahe brahma baap ko follow karo chaahe shiv baap ko follow karo। lekin shabd vahi hai - ‘follow father’। isliye brahma ki mahima ‘‘brahma vande jagatguru’’ kehte hain। kyonki follow karne ke liye saakaar roop mein brahma hi saakaar jagat ke liye nimitta bane। aap sabhi bhi apne ko shivkumaar shivkumaari nahin kahlaate ho। brahmaakumaar-brahmaakumaari kahlaate ho। saakaar rachna ke nimitta saakaar shreshtha jeevan ka sample ‘brahma’ hi banta hai। isliye satguru shiv baap ko kehte,guru sikhlaane vaale ko bhi kehte hain। jagat ke aage sikhlaane vaale ‘brahma’hi nimitta bante hain। to har karma mein follow karna hai। brahma ko is hisaab se jagatguru kehte hain। isliye jagat brahma ki vandana karta hain। jagatpita ka title bhi brahma ka hai। vishnu ko va shankar ko prajaapti nahin kehte। woh maalik ke hisaab se pati kah dete hain। lekin hai pita। jitna hi jagat ka pyaara utna hi jagat se nyaara ban abhi avyakt roop mein follow avyakt sthiti bhav ka paath padha rahe hain। samjha, kisi bhi aatma ka aisa itna nyaaraapan nahin hota। yeh nyaarepan ki brahma ki kahaani phir sunaayenge।

aaj to shareer ko bhi sambhaalna hai। jab loan lete hain to achha maalik vo hi hota hai jo shareer ko, sthaan ko shakti pramaan kaarya mein lagaave। phir bhi baapdaada donon ke shaktishaali part ko rath chalaane ke nimitta bana hai। yeh bhi drama mein vishesh vardaan ka aadhaar hai। kai bachchon ko question bhi uthta hai ki yahi rath nimitta kyon bana? doosre to kya inko (guljaar behen ko) bhi uthta hai। lekin jaise brahma bhi apne janmon ko nahin jaante the na, yeh bhi apne vardaan ko bhool gai hai। yeh vishesh saakaar brahma ka aadi saakshaatkaar ke part samay ka bachchi ko vardaan mila hua hai। brahma baap ke saath aadi samay ekaanta ke tapasvi sthaan par is aatma ke vishesh saakshaatkaar ke part ko dekh brahma baap ne bachchi ke saral svabhaav,innocent jeevan ki visheshta ko dekh yeh vardaan diya tha ki jaise abhi is part mein aadi mein brahma baap ki saathi bhi bani aur saath bhi rahi aise aage chal baap ke saathi banne ki,samaan banne ki duty bhi sambhaalegi। brahma baap ke samaan seva mein part bajaayegi। to vo hi vardaan takdeer ki lakeer ban gaye aur brahma baap samaan rath banne ka part bajaana yeh noondh noondhi gai। phir bhi baapdaada is part bajaane ke liye bachchi ko bhi mubaarak dete hain। itna samay itni shakti ko edjasta karna,yeh edjasta karne ki visheshta ki lift ke kaaran extra gift hai। phir bhi baapdaada ko shareer ka sab dekhna padta hai। baaja puraana hai aur chalaane vaale shaktishaali hain। phir bhi haan ji, haan ji ke paath ke kaaran achha chal raha hai। lekin baapdaada bhi vidhi aur yukti poorvak hi kaam chala rahe hain। milne ka vaayda to hai lekin vidhi,samay pramaan parivartan hoti rahegi। abhi to athaarahven varsha mein sab sunaayenge। 17 to poora karna hi hai। achha- sab follow father karne vaale sahaj purushaarthi bachchon ko sada prasannachitta vishesh aatmaon ko,sada karaavanhaar ban deh se karma karaane vaale master rachayita bachchon ko, aise baapdaada ke sneh ka,jeevan dvaara respond dene vaale bachchon ko sneh sampanna yaadapyaar aur namaste।’’