बुधवार 1 जनवरी 1986 की अव्यक्त मुरली

> 01-01-86om shanti avyakt baapdaadaamdhuban

nav varsha par naveenta ki mubaarak

sada vardaani mahaadaani baapdaada bole–

aaj chaaron or ke sarva snehi-sahayogi aur shaktishaali bachchon ke amritvele se meethe-meethe, man ke shreshtha sankalp, sneh ke vaayde, parivartan ke vaayde, baap samaan banne ke umang utsaah ke dridh sankalp arthaat anek roohaani saajon bhare man ke geet,man ke meet ke paas pahunche। man ke meet, sabhi ke meethe geet sun shreshtha sankalp se ati harshit ho rahe the। man ke meet,apne sarva roohaani meet ko,godly phrendsa ko sabhi ke geeton ka respond de rahe hain। sada har sankalp mein har second mein, har bol mein holi,happy,healthy rahne ki badhaai ho। sada sahayog ka haath man ke meet ke kaarya mein sahayog ke sankalp ke haath mein haath ho। chaaron or ke bachchon ke sankalp, patra,card aur saath-saath yaad ki nishaani sneh ki saugaaten sab baapdaada ko pahunch gai। baapdaada sada har bachche ke buddhi roopi mastak par vardaan ka sada saphalta ka aasheervaad ka haath naye varsha ki badhaai mein sab bachchon ko de rahe hain। naye varsha mein sada har pratigya ko pratyaksha roop mein laane ka arthaat har kadam mein follow father karne ka vishesh smriti swaroop ka tilak satguru sabhi aagyaakaari bachchon ko de rahe hain। aaj ke din chhote-bade sabhi ke mukh mein badhaai ka bol baar-baar rehta hi hai। aise hi sada naya saaj hai। sada naya second hai। sada naya sankalp hai। isliye har second badhaai hai। sada naveenta ki badhaai di jaati hai। koi bhi nai cheez ho,naya kaarya ho to mubaarak zaroor dete hain। mubaarak naveenta ko di jaati hai। to aap sabke liye sada hi naya hai। sangamayug ki yeh visheshta hai। sangamayug ka har karma udti kala mein jaane ka hai। is kaaran sada naye te naya hai। second pahle jo stage thi,speed thi woh doosre second usse oonchi hai arthaat udti kala ki or hai। isliye har second ki stage speed oonchi arthaat nai hai। to aap sabke liye har second ke sankalp ki naveenta ki mubaarak ho। sangamayug hai hi badhaaeeyon ka yug। sada mukh meetha,jeevan meethi,sambandh meethe anubhav karne ka yug hai। baapdaada naye varsha ki sirf mubaarak nahin dete lekin sangamayug ke har second ki, sankalp ki shreshtha badhaaeeyaan dete hain। log to aaj mubaarak denge kal khatma। baapdaada sada ki mubaarak dete, badhaaeeyaan dete। navayug ke sameep aane ki mubaarak dete। sankalp ke geet bahut achhe sune। sun-sunkar baapdaada geeton ke saaj aur raaz mein sama jaate।

aaj vatan mein geet maala ka programme amritvele se sun rahe the। amritvela bhi desh-videsh ke hisaab se apna-apna hai। har bachcha samajhta hai amritvele suna rahe hain। baapdaada to nirantar sun rahe hain। har ek ke geet ki reeti bhi badi pyaari hai। saaj bhi apne-apne hain। lekin baapdaada ko sabke geet pyaare hain। mubaarak to de di। chaahe mukh se di, chaahe man se di। reeti pramaan di ya preet ki reeti nibhaane ke shreshtha sankalp se di। abhi aage kya karenge? jaise seva ke 50 varsha poore ho rahe hain aise sarva shreshtha sankalp va vaayde poore karenge va sankalp tak hi rahne denge? vaayde to har varsha bahut achhe-achhe karte ho। jaise aaj ki duniya mein din pratidin kitne achhe-achhe card banaate rehte hain। to sankalp bhi har varsha se shreshtha karte ho lekin sankalp aur swaroop donon hi samaan ho। yahi mahaanta hai। is mahaanta mein‘jo ote so arjun’। woh kaun banega?sab samajhte hain ham banenge। doosre arjun bante hai ya bheem bante hain usko nahin dekhna hai। mujhe number one arthaat arjun banna hai। he arjun hi gaaya hua hai। he bheem nahin gaaya hua hai। arjun ki visheshta sada bindi mein smriti swaroop ban vijayi banna hai। aise nashtomoha smriti swaroop banne vaala arjun। sada geeta gyaan sunne aur manan karne vaala arjun। aisa videhi, jeete ji sab mare pade hain - aise behad ki vairaag vritti vaale arjun kaun banenge?banna hai ki sirf bolna hai? naya varsha kehte ho,sada har second mein naveenta। mansa mein, vaani mein,karma mein,sambandh mein naveenta laana। yahi naye varsha ki badhaai sada saath rakhna। har second, har samay sthiti ki percentage aage se aage ho। jaise koi manzil par pahunchne ke liye jitne kadam uthaate jaate to har kadam mein sameepta ke aage badhte jaate। wahin ke wahin nahin rookte। aise har second va har kadam mein sameepta aur sampoornata ke sameep aane ke lakshan svayan ko bhi anubhav hon aur doosron ko bhi anubhav hon। isko kaha jaata hai percentage ko aage badhaana। arthaat kadam aage badhaana। percentage ki naveenta,speed ki naveenta isko kaha jaata hai। to har samay naveenta ko laate raho। sab poochhte hain naya kya karen? pahle sva mein naveenta laao। to seva mein naveenta svatah aa jaayegi। aaj ke log programme ki naveenta nahin chaahte hain lekin prabhaav ki naveenta chaahte hain। to sva ki naveenta se prabhaav mein naveenta svatah hi aayegi।

is varsha prabhaavshaali banne ki visheshta dikhaao। aapas mein brahman aatmaayen jab samparka mein aate ho to sada har ek ke prati man ki bhaavna sneh sahayog aur kalyaan ki prabhaavshaali ho। har bol kisi ko himmat hullaas dene ke prabhaavshaali hon। vyartha nahin ho। saadhaaran baatcheet mein aadha ghanta bhi bita dete ho। phir sonchate ho iski result kya nikli? to aise na bura na achha, saadhaaran bol chaal yeh bhi prabhaavshaali bol nahin kahenge। aise hi har karma phaldaayak ho। chaahe sva ke prati, chaahe doosron ke prati। to aapas mein bhi har roop mein roohaani prabhaavshaali bano। seva mein bhi roohaani prabhaavshaali bano। mehnat achhi karte ho। dil se karte ho। yeh to sab kehte hen lekin yeh raajayogi pharishte hain,roohaaniyat hai to yahaan hi hai, parmaatma kaarya yahi hai,aisa baap ko pratyaksha karne ka prabhaav ho। jeevan achhi hai,kaarya achha hai yeh bhi kehte hain lekin parmaatma kaarya hai, parmaatma bachche hain, yahi sampanna jeevan sampoorn jeevan hai। yeh prabhaav ho। seva mein aur prabhaavshaali hona hai, abhi yeh lahar phailaao jo kahen ki ham bhi achha banen। aap bahut achhe ho, yeh bhakta maala ban rahi hai lekin abhi vijay maala arthaat svarga ke adhikaari banne ki maala pahle taiyaar karo। pahle janma mein hi 9 laakh chaahiye। bhakta maala bahut lambi hai। raajya ke adhikaari, raajya karne ki nahin। raajya mein aane ke adhikaari woh bhi abhi chaahiye। to abhi aisi lahar phailaao। jo achha kahne vaale achha banne mein samparka vaale,kam se kam praja ke sambandh mein to aa jaaen। phir bhi aapke samparka mein aate hain। svarga ke adhikaari to banaayenge na। aisa seva mein prabhaavshaali bano। yeh varsha prabhaavshaali banne aur prabhaav dvaara baap ko pratyaksha karne ki visheshta se vishesh roop se manaao। svayan nahin prabhaavit hona। lekin baap par prabhaavit karna। samjha। jaise bhakti mein kehte ho na ki yeh sab paramatma ke roop hain। woh ulti bhaavna se kah dete hain। lekin gyaan ke prabhaav se aap sabke roop mein baap ka roop anubhav karen। jisko bhi dekhen to parmaatma swaroop ki anubhooti ho। tab navayug aayega। abhi pahle janma ki praja taiyaar nahin ki hai। pichhli praja to sahaj banegi। lekin pahle janma ki praja। jaise raaja shaktishaali hoga vaise pahli praja bhi shaktishaali hogi। to sankalp ke beej ko sada phal swaroop mein laate rehna। pratigya ko pratyakshata ke roop mein sada laate rehna। double videshi kya karenge?sabmen double result nikaalenge na। har second ki naveenta se har second baap ki mubaarak lete rehna। achha।

sada har sankalp mein naveenta ki mahaanta dikhaane vaale, har samay udti kala ka anubhav karne vaale, sada prabhaavshaali ban baap ka prabhaav pratyaksha karne vaale, aatmaon mein nai jeevan banaane ki nai prerna dene vaale, nav yug ke adhikaari banaane ki shreshtha lahar phailaane vaale - aise sada vardaani mahaadaani aatmaon ko baapdaada ka sada naveenta ke sankalp ke saath yaad pyaar aur namaste।’’

daadiyon se- shaktishaali sankalp ka sahayog vishesh aaj ki aavashyakta hai। svayan ka purooshaartha alag cheez hai lekin shreshtha sankalp ka sahayog iski vishesh aavashyakta hai। yahi seva aap vishesh aatmaon ki hai। sankalp se sahayog dena is seva ko badhaana hai। vaani se shiksha dene ka samay beet gaya। abhi shreshtha sankalp se parivartan karna hai। shreshtha bhaavna se parivartan karna isi seva ki aavashyakta hai। yahi bal sabhi ko aavashyak hai। sankalp to sab karte hain lekin sankalp mein bal bharna woh aavashyakta hai। to jitna jo svayan shaktishaali hai utna auron mein bhi sankalp mein bal bhar sakte hain। jaise aajkal soorya ki shakti jama kar kai kaarya saphal karte hain na। yeh bhi sankalp ki shakti ikatthi ki hui, usse auron ko bhi bal bhar sakte ho। kaarya saphal kar sakte ho। woh saaph kehte hain - hamaare mein himmat nahin hai। to unhein himmat deni hai। vaani se bhi himmat aati hai lekin sadaakaal ki nahin। vaani ke saath-saath shreshtha sankalp ki sookshm shakti jyaada kaarya karti hai। jitna jo sookshm cheez hoti hai woh jyaada saphalta dikhaati hai। vaani se sankalp sookshm hain na। to aaj isi ki aavashyakta hai। yeh sankalp shakti bahut sookshm hai। jaise injection ke dvaara blood mein shakti bhar dete hain na। aise sankalp ek injection ka kaam karta hai। jo andar vritti mein sankalp dvaara sankalp mein shakti aa jaati hai। abhi yeh seva bahut aavashyak hai। achha –

teachers se- nimitta sevaadhaari banne mein vishesh bhaagya ki praapti ka anubhav karti ho? seva ke nimitta banna arthaat golden chance milna। kyonki sevaadhaari ko svatah hi yaad aur seva ke sivaae aur kuchh rehta nahin। agar sachche sevaadhaari hai to din raat seva mein busy hone ke kaaran sahaj hi unnati ka anubhav karte hain। yeh maayaajeet banne ki extra lift hai। to nimitta sevaadhaari jitna aage badhne chaahen utna sahaj aage badh sakte hain। yeh vishesh vardaan hai। to jo extra lift va golden chance mila hai usse laabh liya hai?sevaadhaari svatah hi seva ka meva khaane vaali aatma ban jaate hain। kyonki seva ka pratyakshaphal abhi milta hai। achhi himmat rakhi hai। himmat vaali aatmaon par baapdaada ki madad ka haath sada hai। isi madad se aage badh rahi ho aur badhti rehna। yahi baap ki madad ka haath sada ke liye aasheervaad ban jaata hai। baapdaada sevaadhaariyon ko dekh vishesh khush hote hain kyonki baap samaan kaarya mein nimitta banen hue ho। sada aap samaan shikshakon ki vriddhi karte chalo। sada naya umang naya utsaah svayan mein dhaaran karo aur doosron ko bhi dikhaao। aapka umang dekhkar svatah seva hoti rahe। har samay koi seva ki naveenta ka plan banaate raho। aisa plan ho jo vihang maarga ki seva ka vishesh saadhan ho। abhi aisi koi kamaal karke dikhaao। jab svayan nirvighna ho,achal ho to seva mein naveenta sahaj dikha sakte ho। jitna yogayukta banenge utni naveenta touch hogi। aisa karna hai aur yaad ke bal se saphalta mil jaayegi। to vishesh koi kaarya karke dikhaao।

party se

1. sarva khazaanon se sampanna shreshtha aatmaayen hain,aisa anubhav karte ho? kitne khazaane mile hain woh jaante ho? ginti kar sakte ho। avinaashi hain aur anginat hain। to ek ek khazaane ko smriti mein laao। khazaane ko smriti mein laane se khushi hogi। jitna khazaanon ki smriti mein rahenge utna samartha bante jaayenge aur jahaan samartha hain vahaan vyartha khatma ho jaata hai। vyartha sankalp, vyartha samay, vyartha bol sab badal jaata hai। aisa anubhav karte ho?parivartan ho gaya na। nai jeevan mein aa gaye। nai jeevan,naya umang,naya utsaah har ghadi nai, har samay naya। to har sankalp mein naya umang, naya utsaah rahe। kal kya the aaj kya ban gaye! abhi puraana sankalp, puraana sanskaar raha to nahin hai! thoda bhi nahin to sada isi umang mein aage badhte chalo। jab sab kuchh pa liya to bharpoor ho gaye na। bharpoor cheez kabhi halchal mein nahin aati। sampanna banna arthaat achal banna। to apne is swaroop ko saamne rakho ki ham khushi ke khazaane se bharpoor bhandaar ban gaye। jahaan khushi hai vahaan sadaakaal ke liye dukh door ho gaye। jo jitna svayan khush rahenge utna doosron ko khush khabri sunaayenge। to khush raho aur khushkhabri sunaate raho।

2. sada vistaar ko praapta karne vaala roohaani bageecha hai na। aur aap sabhi roohaani gulaab ho na। jaise sabhi phoolon mein roohe gulaab shreshtha gaaya jaata hai। woh hua alpakaal ki khushbu dene vaala। aap kaun ho? roohaani gulaab arthaat avinaashi khushbu dene vaale। sada roohaaniyat ki khushbu mein rahne vaale aur roohaani khushbu dene vaale। aise bane ho? sabhi roohaani gulaab ho ya doosre-doosre। aur bhi bhinna-bhinna prakaar ke phool hote hain lekin jitna gulaab ke pushpa ki value hai utni auron ki nahin। parmaatma bageeche ke sada khile hue pushpa ho। kabhi murjhaane vaale nahin। sankalp mein bhi kabhi maaya se murjhaana nahin। maaya aati hai maana murjhaate ho। maayaajeet ho to sada khile hue ho। jaise baap avinaashi hai aise bachche bhi sada avinaashi gulaab hain। purooshaartha bhi avinaashi hai to praapti bhi avinaashi hai।

3. sada apne ko sahayogi anubhav karte ho? sahaj lagta hai ya mushkil lagta hai? baap ka varsa bachchon ka adhikaar hai। to adhikaar sada sahaj praapta milta hai। jaise laukik baap ka adhikaar bachchon ko sahaj hota hai। to aap bhi adhikaari ho। adhikaari hone ke kaaran sahajyogi ho। mehnat karne ki aavashyakta nahin। baap ko yaad karna kabhi mushkil hota hi nahin hai। yeh behad ka baap hai aur avinaashi baap hai। isliye sada sahajyogi aatmaaen। bhakti arthaat mehnat, gyaan arthaat sahaj phal ki praapti। jitna sambandh aur sneh se yaad karte ho utna sahaj anubhav hota hai। sada apna yeh vardaan yaad rakhna ki - ‘main hoon hi sahajyogi’। to jaisi smriti hogi vaisi sthiti svatah ban jaayegi।

4. baap mila sab kuchh mila, isi khushi mein rehte ho? baap ka banna arthaat sarva gunon ke,sarva gyaan ratnon ke khazaane ke maalik banna। to aise maalikpan ki khushi sada rehti hai? baap ke hi the lekin maaya ne door kar diya,bichhud gaye ab phir baap ne apna bana liya! yahi khushi aur smriti sada aage badhaati rahegi। sada apne aapko dekho ki har subject mein kahaan tak sameep pahunche hain। jahaan baap ka saath hai vahaan sahayog sada praapta hota rehta hai। sada baap hamaara sahayogi hai is shreshtha bhaagya ke geet gaate raho। vaah bhaagya aur vaah bhaagya vidhaata - yeh donon smritiyaan svatah hi nashtomoha bana dengi। aur sada aage badhte rahenge। sada ek bal aur ek bharose mein rehte hue sabko yahi anubhav karaao। sandesh dete chalo। ek din avashya aayega jo baap ki pratyakshata vishwa mein hogi।

5. ‘svaunnati’ seva ki unnati ka vishesh aadhaar hai। to sada sva unnati anubhav karte ho? jo kal the woh aaj aur aage badhe। isko kehte hain ‘svaunnati’। svaunnati kam hai to seva bhi kam hai। jo bhi karma karte ho us shreshtha karma dvaara seva karne vaale sada pratyaksha phal praapta karte rehte hain। sirf kisi ko mukh se parichay dena hi seva nahin hai। lekin karma dvaara bhi shreshtha karma ki prerna dena yeh bhi seva hai। sada sevaadhaari arthaat mansa,vaacha, karmana teenon mein sada seva karne vaale। seva hi shreshtha bhaagya ka anubhav karaati hai। jitni seva karte ho utna svayan bhi aage badhte rehte ho। doosron ko dena arthaat svayan mein bharna। ‘seva brahman jeevan ka dharma hai’। jaise jeevan ke aur-aur sthool dharma hain aise brahman jeevan ka svadharma hain। seva ka chance mile to karenge, nahin। sada chance hai। karne vaale karen to chance hi chance hai। kitna bada jangal hai। ismen jitna jo kare utna apne liye vartamaan aur bhavishya banaata hai। to sada ke sevaadhaari hain yeh lakshya pakka rahe। seva ke bina jeevan nahin। mansa karo, vaani se karo, karma se karo, samparka se karo lekin seva zaroor karni hai। seva ke bina rah nahin sakte -isko kehte hain ‘sevaadhaari’।

6. svayan ko raajayogi shreshtha aatmaayen anubhav karte ho?raajayogi arthaat raajya adhikaari to raaja bane ho?ya kabhi raaja ka raajya, kabhi praja ka? raajayogi maana sada raaja ban raajya chalaane vaale। kabhi bhi adheen banne vaale nahin। raajayogi kabhi prajaayogi nahin ban sakte। yogi ka arth hi hai - nirantar yaad mein rahne vaale। to yogi bhi ho aur raaja bhi ho। yogi jeevan ka arth hai yaad kabhi bhool nahin sakti। yog lagaane vaale yegi nahin। yogi jeevan vaale yogi ho। lagaane vaale ka kab lagega kab nahin lekin ‘jeevan’ sada rehti hai। khaate-peete,chalte jeevan hoti hai। ya sirf jab baithte ho tab jeevan hai chalte ho tab jeevan hai?har kaarya karte jeevan hai। to yahi smriti rahe ki ham ‘yogi-jeevan’vaale hain। abhi ke bhi raaje hain aur janma-janma ke bhi raaje hain। abhi raaje nahin to bhavishya mein bhi nahin।

7. apne ko sangamayugi sachche brahman samajhte ho! woh hain naamdhaari brahman aur aap ho punya ka kaam karne vaale brahman। brahman arthaat svayan bhi oonchi sthiti mein rahne vaale aur doosron ko bhi shreshtha banaane ke nimitta banne vaale। yahi aapka kaam hai। sada behad baap ke hain behad ki seva ke nimitta hain,yahi yaad rakho। behad seva hi udti kala mein jaane ka saadhan hai। achha –