सोमवार 31 मार्च 1986 की अव्यक्त मुरली

>

31-03-86om shanti avyakt baapdaadaamdhuban

sarvashakti-sampanna banne tatha vardaan paane ka varsha

sarvashaktivaan vardaata shiv baba bole

aaj sarva khazaanon ke maalik, apne master bachchon ko dekh rahe hain। baalak so maalik, kahaan tak bane hain yeh dekh rahe hain। is samay jo shreshtha aatmaayen sarva shaktiyon ke sarva khazaanon ke maalik bante hain woh maalikpan ke sanskaar bhavishya mein bhi vishwa ke maalik banaate hain। to kya dekha?baalak to sabhi hain, baba aur main yeh lagan sabhi bachchon mein achhi lag gai hai। baalak pan ka nasha to sabhi mein hain lekin baalak so maalik arthaat baap samaan sampanna। to baalakpan ki sthiti aur maalikpan ki sthiti ismen antar dekha। maalikpan arthaat har kadam svatah hi sampanna sthiti mein svayan ka hoga aur sarva prati bhi hoga। isko kehte hain master arthaat ‘baalak so maalik’। maalikpan ki visheshta - jitna hi maalik utna hi vishwa-sevaadhaari ke sanskaar sada emerge roop mein hain। jitna hi maalikpan ka nasha utna hi saath-saath vishwa-sevaadhaari ka nasha। donon ki samaanta ho। yeh hai baap samaan maalik banna। to yeh result dekh rahe the ki baalak aur maalik donon swaroop sada hi pratyaksha karma mein aate hain va sirf knowledge tak hain! lekin knowledge aur pratyaksha karma mein antar hai। kai bachche is samaanta mein baap samaan pratyaksha karma roop mein achhe dekhe। kai bachche abhi bhi baalakpan mein rehte hain lekin maalikpan ke us roohaani nashe mein baap samaan banne ki shaktishaali sthiti mein kabhi sthit hote hain aur kabhi sthit hone ke prayatna mein samay chala jaata hai।

lakshya sabhi bachchon ka yahi shreshtha hai ki baap samaan banna hi hai। lakshya shaktishaali hai। ab lakshya ko sankalp, bol,karma, sambandh-samparka mein laana hai। ismen antar pad jaata hai। koi bachche sankalp tak samaan sthiti mein sthit rehte hain। koi sankalp ke saath vaani tak bhi aa jaate hain। kabhi-kabhi karma mein bhi aa jaate hain। lekin jab sambandh, samparka mein aate, seva ke sambandh mein aate, chaahe parivaar ke sambandh mein aate, is sambandh aur samparka mein aane mein percentage kabhi kam ho jaati hai। baap samaan banna arthaat ek hi samay sankalp,bol, karma,sambandh sabmen baap samaan sthiti mein rehna। koi do mein rehte koi teen mein rehte। lekin chaaron hi sthiti jo bataai usmein kabhi kaise, kabhi kaise ho jaate hain। to baapdaada ka bachchon ke prati sada ati snehi bhi hain। sneh ka swaroop sirf avyakt ka vyakta roop mein milna nahin hai। lekin sneh ka swaroop hai - samaan banna। kai bachche aise sochte hain ki baapdaada nirmohi ban rahen hain। lekin yeh nirmohi banna nahin hai। yeh vishesh sneh ka swaroop hai।

baapdaada pahle se hi suna chuke hain ki bahutkaal ki praapti ke hisaab ka samay abhi bahut kam hai। isliye baapdaada bachchon ko sada bahutkaal ke liye vishesh dridhta ki tapasya dvaara svayan ko tapaana arthaat majboot karna, paripakva karna iske liye yeh vishesh samay de rahen hain। vaise to golden jubilee mein bhi sabhi ne sankalp kiya ki samaan banenge। vighna vinaashak banenge। samaadhaan swaroop banenge। yeh sab vaayde baap ke paas chitragupta ke roop mein hisaab ke khaate mein noondhe hue hain। aaj bhi kai bachchon ne dridh sankalp kiya। samarpan hona arthaat svayan ko sarva praaptiyon mein paripakva banaana। samarpanta ka arth hi hai sankalp bol karma aur sambandh in chaaron mein hi baap samaan banna। patra jo likh kar diya woh patra va sankalp sookshm vatan mein baapdaada ke paas sada ke liye record mein rah gaya। sabki phaailsa vahaan vatan mein hain। har ek ka yeh sakanlpa avinaashi ho gaya।

is varsha bachchon ke dridhta ki tapasya se har sankalp ko amar, avinaashi banaane ke liye,svayan se baar-baar dridhta ke abhyaas se rooh-roohaan karne ke liye,realisation karne ke liye aur reincarnate swaroop ban phir karma mein aane ke liye is sthiti ko sadaakaal ke liye aur majboot karne ke liye, baapdaada yeh samay de rahen hain। saath-saath vishesh roop mein shuddh sankalp ki shakti se jama ka khaata aur badhaana hai। shuddh sankalp ki shakti ka vishesh anubhav abhi aur antarmukhi ban karne ki aavashyakta hai। shuddh sankalpon ki shakti sahaj vyartha sankalpon ko samaapta kar doosron ke prati bhi shubh bhaavna,shubh kaamna ke swaroop se parivartan kar sakte hain। abhi is shuddh sankalp ke shakti ka vishesh anubhav abhi vyartha sankalpon ko sahaj samaapta kar deti hai। na sirf apne vyartha sankalp lekin aapke shuddh sankalp doosron ke prati bhi shubh bhaavna, shubh kaamna ke swaroop se parivartan kar sakte hain। abhi is shuddh sankalp ke shakti ki svayan ke prati bhi stock jama karne ki bahut aavashyakta hai। murli sunna yeh lagan to bahut achhi hai। murli arthaat khazaana। murli ki har point ko shakti ke roop mein jama karna yeh hai - shuddh sankalp shakti ko badhaana। shakti ke roop me har samay kaarya mein lagaana। abhi is visheshta ka vishesh attention rakhna hai। shuddh sankalp ki shakti ke mahattva ko abhi jitna anubhav karte jaayege utna mansa seva ke bhi sahaj anubhvi bante jaayenge। pahle to svayan ke prati shuddh sankalpon ki shakti jama chaahiye। aur phir saath-saath aap sabhi baap ke saath vishwa kalyaankaari aatmaayen, vishwa parivartak aatmaayen ho। to vishwa ke prati bhi yeh shuddh sankalpon ki shakti dvaara parivartan karne ka kaarya abhi bahut raha hua hai। jaise vartamaan samay brahma baap avyakt roopdhaari ban shuddh sankalp ki shakti se aap sabki paalna kar rahe hain। seva ki vriddhi ke sahayogi ban aage badha rahe hain। yeh vishesh seva - shuddh sankalp ke shakti ki chal rahi hai। to brahma baap samaan abhi is visheshta ko apne mein badhaane ka, tapasya ke roop mein abhyaas karna hai। tapasya arthaat dridhta sampanna abhyaas। saadhaaran ko tapasya nahin kahenge to abhi tapasya ke liye samay de rahe hain। abhi hi kyon de rahe hain?kyonki yeh samay aapke bahutkaal mein jama ho jaayega। baapdaada sabhi ko bahutkaal ki praapti karaane ke nimitta hain। baapdaada sabhi bachchon ko bahutkaal ke raajya bhaagya adhikaari banaana chaahte hain। to bahutkaal ke raajya bhaagya ke adhikaari banaana chaahte hain। to bahut kaal ka samay bahut thoda hai। isliye har baat ke abhyaas ko ‘tapasya’ ke roop mein karne ke liye yeh vishesh samay de rahe hain। kyonki samay aisa aayega - jismen aap sabhi ko daata aur vardaata ban thode samay mein anekon ko dena padega। to sarva khazaanon ke jama ka khaata sampanna banaane ke liye samay de rahe hain।

doosri baat - vighna vinaashak ka, samaadhaan swaroop ka jo vaayda kiya hai to vighna vinaashak svayan ke prati bhi aur sarva ke prati bhi banne ka vishesh dridh sankalp aur dridh swaroop donon ho। sirf sankalp nahin lekin swaroop bhi ho। to is varsha baap daada extra chance de rahe hain। jisko bhi yeh vighna vinaashak banne ka vishesh bhaagya lena hai woh is varsha mein le sakte hain। is varsha ko vishesh vardaan hai। lekin vardaan lene ke liye vishesh do attention dene padege। ek to sada baap samaan dene vaale banna hai, lene ki bhaavna nahin rakhni hai। regard mile,sneh mile tab snehi banen,va regard mile tab regard den,nahin। daata ke bachche ban mujhe dena hai। lene ki bhaavna nahin rakhna। shreshtha karma karte hue doosre taraph se milna chaahiye yeh bhaavna nahin rakhna। shreshtha karma ka phal shreshtha hota hi hai। yeh knowledge aap jaante ho lekin karne samay yeh sankalp nahin rakhna। ek to vardaan lene ke paatra banne ke liye sada ‘daata ban karke rehna’ aur doosra ‘vighna vinaashak banna hai’, to samaane ki shakti sada vishesh roop mein attention mein rakhna। svayan prati bhi samaane ki shakti aavashyak hai। saagar ke bachche hain, saagar ki visheshta hai hi samaana। jismen samaane ki shakti hogi vahi shubh bhaavna,kalyaan ki kaamna kar sakenge। isliye daata banna, samaane ke shakti swaroop saagar banna। yeh do visheshtaayen sada karma tak laana। kai baar kai bachche kehte hain - socha to tha ki yahi karenge lekin karne mein badal gaya। to is varsha mein chaaron hi baaton mein ek hi samay samaanta ka vishesh abhyaas karna hai। samjha। to ek baat khazaanon ko jama karne ka aur daata ban dene ka sanskaar natural roop mein dhaaran ho jaae uske liye samay de rahen hain। aur vighna vinaashak banna aur banaana। ismen sada ke liye apna number nishchit karne ka chance de rahen hain। kuchh bhi ho - svayan tapasya karo,aur kiska vighna samaapta karne mein sahayogi bano। khud kitna bhi jhukna pade lekin yeh jhukna sada ke liye jhoolon mein jhoolna hai। jaise shreekrishna ko kitna pyaar se jhulaate rehte hain। aise abhi baap tum bachchon ko apni godi ke jhoole mein jhulaayenge aur bhavishya mein ratna jadit jhoolon mein jhoolenge,aur bhakti mein poojya ban jhule mein jhoolenge। to ‘jhukna-mitna yeh mahaanta hai।’main kyon jhukoon,yeh jhuken,ismen apne ko kam nahin samjho। yeh jhukna mahaanta hai। yeh marna, marna nahin, avinaashi praaptiyon mein jeena hai। isliye sada vighna vinaashak banna aur banaana hai। ismen first division mein aane ka jisko chance lena ho woh le sakte hain। yeh vishesh chance lene ke samay ka baapdaada mahatva suna rahen hain। to samay ke mahatva ko jaan tapasya karna।

teesri baat - samay pramaan jitna vaayumandal ashaanti aur halchal ka badhta ja raha hai usi pramaan buddhi ki line bahut clear honi chaahiye। kyonki samay pramaan ‘touching aur catching’ in do shaktiyon ki aavashyakta hai। ek to baapdaada ke direction ko buddhi dvaara catch kar sako। agar line clear nahin hogi to baap ke direction saath manmat bhi mix ho jaati। aur mix hone ke kaaran samay par dhokha kha sakte hain। jitni buddhi spashta hogi utna baap ke direction ko spashta catch kar sakenge। aur jitna buddhi ki line clear hogi,utna svayan ki unnati prati, seva ki vriddhi prati aur sarva aatmaon ke daata ban dene ki shaktiyaan sahaj badhti jaayengi aur touching hogi is samay is aatma ke prati sahaj seva ka saadhan va sva-unnati ka saadhan yahi yathaartha hai। to vartamaan samay pramaan yeh donon shaktiyon ki bahut aavashyakta hai। isko badhaane ke liye ek naami aur economy vaale banna। ek baap doosra na koi। doosre ka lagaav aur cheez hai। lagaav to wrong hai hi hai lekin doosre ke svabhaav ka prabhaav apni avastha ko halchal mein laata hai। doosre ka sanskaar buddhi ko takkar mein laata hai। us samay buddhi mein baap hai ya sanskaar hai?chaale lagaav ke roop mein buddhi ko prabhaavit kare chaahe takraavat ke roop mein buddhi ko prabhaavit kare lekin buddhi ki line sada clear ho। ek baap doosra na koi - isko kehte hain ek naami। aur economy kya hai? sirf sthool dhan ki bachat ko economy nahin kehte। woh bhi zaroori hai lekin samay bhi dhan hai, sankalp bhi dhan hai, shaktiyaan bhi dhan hain, is sabki economy। vyartha nahin ganvaao। eknaami karna arthaat jama ka khaata badhaana। eknaami aur economy ke sanskaar vaale yeh donon shaktiyaan (touching aur catching) ka anubhav kar sakenge। aur yeh anubhav vinaash ke samay nahin kar sakenge, yeh abhi se abhyaas chaahiye। tab samay par is abhyaas ke kaaran ant mein shreshtha mat aur gati ko pa sakenge। aap samjho ki abhi vinaash ka samay kuchh to pada hai। chalo 10varsha hi sahi। lekin 10varsha ke baad phir yeh purooshaartha nahin kar sakenge। kitni bhi mehnat karo, nahin kar sakenge। kamzor ho jaayenge। phir ant yuddha mein jaayegi। saphalta mein nahin। tretaayugi to nahin banna hai na! mehnat arthaat teer kamaan। aur sada muhabbat mein rehna, khushi mein rehna arthaat murleedhar banna,sooryavanshi banna। murli nachaati hai aur teer kamaan nishaana lagaane ke liye mehnat karaata hai। to kamaan dhaari nahin, murli vaala banna hai। isliye peechhe koi ulhana nahin dena ki thoda-sa phir se extra samay de do। chance de do va kripa kar lo। yeh nahin chalega। isliye pahle se suna rahen hain। chaahe peechhe aaya hai ya aage lekin samay ke pramaan to sabhi ko last stage par pahunchne ka samay hai। to aisi fast gati se chalna pade। samjha!

chauthi baat- chaaron or chaahe desh, chaahe videsh mein kai aise chhote-chhote sthaan hain। is samay ke pramaan saadhaaran hain lekin maalaamaal bachche hain। to aise bhi kai hain jo nimitta bane bachchon ko apni taraph chakkar lagaane ki aasha bahut samay se dekh rahe hain। lekin aash poorn nahin ho rahi hai। woh bhi baapdaada aash poori kar rahe hain। vishesh mahaarthi bachchon ko plan banaakar chaaron or jinhon ki aasha ke deepak bane hue rakhe hain, woh jagaane jaana hai। aasha ke deepak jagaane hain isliye bhi baapdaada vishesh samay de rahen hain। sabhi mahaarthi milkar bhinna-bhinna area baant, gaanv ke bachche, jinhon ke paas samay kaaran nahin ja sake hain unhon ki aash poori karni hai। mukhya sthaanon par to mukhya programmes ke kaaran jaate hi hain। lekin jo chhote-chhote sthaan hain unhon ke yathaashakti programme hi bade programme hain। unhon ki bhaavna hi sabse bada function hai। baapdaada ke paas aise kai bachchon ki bahut samay ki aarjiya file mein padi hui hain। yeh file bhi baapdaada poora karna chaahte hain। mahaarthi bachchon ko chakravarti banne ka vishesh chance de rahen hain। phir aise nahin kehna - sab jagah daadi jaave। nahin। agar ek hi daadi sab taraph jaave phir to 5varsha lag jaaen। aur phir 5varsha baapdaada na aave yeh manjoor hai? baapdaada ki season yahaan ho aur daadi chakra par jaae yeh bhi achha nahin lagega। isliye mahaarthiyon ka programme banaana। jahaan koi nahin gaya hai vahaan jaane ka banaana aur vishesh is varsha jahaan bhi jaave to ek din baahar ki seva,ek din braahmanon ki tapasya ka programme - yeh donon programme zaroor hon। sirf function mein jaae bhaag-daud kar nahin aana hai। jitna ho sake aisa programme banaao jismen braahmanon ki vishesh refreshment ho। aur saath-saath aisa programme ho jisse vi.aai.Ps ka bhi samparka ho jaae। lekin short programme ho। pahle se hi aisa programme banaaven jismen braahmanon ko bhi vishesh umang utsaah ki shakti mile। nirvighna banne ka himmat ullaas bhare। to chaaron or ka chakra ka programme banaane ke liye bhi vishesh samay de rahe hain। kyonki samay pramaan circumstance bhi badal rahe hain aur badalte rahenge। isliye file ko khatma karna hai। to baapdaada vishesh kya dekhne chaahte hain, woh phir se revise karte –

1. sada svayan ko, sarva ko santushta karne vaale ‘santushta maniyaan’ banna hai। 2. svayan ke purooshaartha prati va seva ke prati va sangathan mein ek do ke prati sada vishaal buddhi। had ki buddhi mein nahin aana। main yeh chaahti, mera to yeh vichaar hai,yeh vishaalta nahin hai। jahaan majority verify karte,nimitta bane hue verify karte, to yeh hai - ‘vishaal buddhi’। jahaan majority, vahaan main, yeh sangathan ki shakti badhaana। ismen yeh badaai nahin dikhaao ki mera vichaar to bahut achha hai। bhal kitna bhi achha ho lekin jahaan sangathan tootta hai woh achha bhi saadhaaran ho jaayega। sangathan ki shakti badhaane ki vishaalta ho। ismen kuchh apna vichaar tyaagna bhi pade to is tyaag mein hi bhaagya hai। yeh sada smriti mein rakho ki agar yahaan sangathan se alag rahenge to vahaan vishwa ki royal family mein nahin aayenge। abhi ka sangathan 21janmon ke sameep sambandh mein laayega। isliye sangathan ki shakti ko badhaana - yeh pahla brahman jeevan ka shreshtha kaarya hai। ismen hi saphalta hai। isliye ismen vishaal buddhi bano। behad ke bano। sirf apne taraph rajaai nahin kheecho। doosre ko bhi do to woh aapko de dega। nahin to woh bhi thoda-thoda dekar phir poora kheench lega। 3.teesri baat - ‘prasannata’। santushtata aur vishaalta ka pratyaksha swaroop har brahman aatma ke chehre par, man par prasannata ki nishaani dikhaai de। prashnachit nahin lekin prasannachit। chehre par sankalp aur swaroop ki avinaashi prasannata। to ‘santushtata,vishaalta aur prasannata’yeh hai 18adhyaay ki samaapti। samjha! ab is result ki tapasya karo। ek do ko nahin dekhna yeh to karta nahin phir main kyon karoon। nahin। mujhe karke dikhaana hai। mujhe nimitta ban vaataavran mein vibration phailaana hai। samjha!

iska bhaav yeh nahin ki baap ka sneh nahin। aur hi vishesh sneh hai। aur vishesh baapdaada 18January par aakar aadhi result sunaayenge। season chaalu nahin hogi lekin 18 January par murli chalaane aayenge। 18aur 21 yeh do dates vishesh hain। yeh avyakt divas ka yaadgaar avyakt baapdaada manaane aayenge। alag milne ka nahin। sirf murli chalaayenge,toli denge। kyonki phir bhi saakaar vatan hai na। had ki duniya mein rahne karne ki bhi had rakhni padti hai। jaise baap deh ke bandhan mein aata hai। aapko bhi niymon ke bandhanon mein aana padega। vatan mein sab nirbandhan hain। bhattiyaan aadi bhi chaahen yahaan rakho chaahe vahaan jaakar karaao। woh sthaan ke pramaan baapdaada svatantrata de rahen hain। jismen bhi jyaada sankhya refresh ho sake aisa programme banaana hai। bhale madhuban ka vaataavran apna hai lekin mahaarthi jahaan jaate vahaan bhi madhuban ka vaataavran banaate hain। jangal ko mangal bana sakte to centre ko madhuban nahin bana sakte! madhuban ki to avinaashi mahaanta hai woh kabhi kam nahin ho sakti। kyonki yahaan mahaan aatma aur param-aatma ke bahutkaal ki shaktishaali vaayabreshnas kan-kan mein bhare hue hain। kan-kan mein paramatma nahi lekin vaayabreshnas bhare hue hain। madhuban ki mahaanta aur bhi badhti jaayegi। jaise America ka white house mashhoor hai। to yeh vishwa ka pees house-madhuban prasiddha hoga। sabhi ki najar is taraph jaayegi। chaahe pahunch na bhi saken lekin attention zaroor jaayega। aakarshan hogi,buddhi dvaara bhi anubhav karne ki koshish karenge। aise samay par yeh shaktiyaan kaam aayengi। unhon ko sankalp ki shakti ka sahayog de, sankalp shakti ke vimaan dvaara madhuban pahuncha sako। aapse is vimaan ki maangani karenge। itni shakti shubh shreshtha sankalpon ki jama karo jo kaeeyon ka par-upkaar kar sako। bahut kaal ke vardaan ka poora-poora laabh uthaana। samjha!

yeh last chance nahin fast chance hai। jo kisi bhi baat ka bina svaartha ke, dil se tyaag karta hai uska bhaagya bahut hota। svaartha ke tyaag ka utna bhaagya nahin hota। nihsvaartha tyaag ka bhaagya bahut bada hai। baapdaada to sabhi bachchon ko ek do se aage dekhte hain। number jaante hue bhi abhi nambarvaar nahin dekhte। abhi sabko number one ki najar se dekhte। kyonki abhi bhi last se first hone ka chance hai। lekin samay thoda hai। baapdaada ko sabhi bachchon prati yahi shreshtha bhaavna aur shreshtha kaamna rehti। sada fast aur first dekhte। sunaaya tha na - abhi seeti nahin baji hai। sab cheyar ke liye daud laga rahe hain। jab seeti bajegi phir nambarvaar kahenge। baapdaada sabhi ka sneh sampanna svaagat kar rahen hain। achha -

chaaron or ke sarva snehi bachchon ko, sada diltakhta nasheen bachchon ko, sada santushtata ki jhalak dikhaane vaale bachchon ko, sada prasannata ki personality mein rahne vaale bachchon ko, sada behad vishaal dil, behad ki vishaal buddhi dhaaran karne vaali, vishaal aatmaon ko baapdaada ka sneh sampanna yaadapyaar aur namaste।’’

videsh seva par upasthit teachers prati

nimitta sevaadhaari bachchon ko baapdaada sada ‘samaan bhav’ke vardaan se aage badhaate rehte hain। baapdaada sabhi paandav chaahe shaktiyaan, jo bhi seva ke liye nimitta hain, un sabko vishesh ‘padmaapadma bhaagyavaan shreshtha aatmaayen’ samajhte hain। seva ka pratyaksha phal khushi aur shakti,yeh vishesh anubhav to karte hi hain। abhi jitna svayan shaktishaali light house, might house ban seva karenge utna jaldi chaaron or pratyakshata ka jhanda lahraayenge। har ek nimitta sevaadhaari ko vishesh seva ki saphalta ke liye do baaten dhyaan mein rakhni hain - ek baat- sada sanskaaron ko milaane ki unity ka, har sthaan se yeh visheshta dikhaai de। doosraasda har nimitta sevaadhaariyon ko pahle svayan ko yeh do certificate dene hain। ek‘ekta’, doosra‘santushtata’। sanskaar bhinna-bhinna hote hi hain aur honge bhi lekin sanskaaron ko takraana ya kinaara karke svayan ko safe rakhna - yeh apne oopar hai। kuchh bhi ho jaata hai to agar koi ka sanskaar aisa hai to doosra taali nahin bajaave। chaahe woh badalte hai ya nahin badalte hai lekin aap to badal sakte ho na?agar harek apne ko change kare, samaane ki shakti dhaaran kare to doosre ka sanskaar bhi avashya sheetal ho jaayega। to sada ek do mein sneh ki bhaavna se, shreshthata ki bhaavna se samparka mein aao, kyonki nimitta sevaadhaari - baap ke soorat ka darpan hain। to jo aapki practical jeevan hai vahi baap ke soorat ka darpan ho jaata hai। isliye sada aise jeevan roopi darpan ho - jismen baap - jo hai jaisa hai vaisa dikhaai de। baaki mehnat bahut achhi karte ho, himmat bhi achhi hai। seva ki vriddhi umang bhi bahut achha hai। isliye vistaar ko praapta kar rahe ho। seva to achhi hai,abhi sirf baap ko pratyaksha karne ke liye pratyaksha jeevan ka pramaan sada dikhaao। jo sabhi ek hi aavaaj se bolen ki yeh gyaan ki dhaarnaaon mein to ek hain lekin sanskaar milaane mein bhi number one hain। aise bhi nahin ki yeh India ki teacher alag hain, foreign ki teacher alag hain। sabhi ek hain। yeh to sirf seva ke nimitta banen hue hain, sthaapna mein sahayogi banen hain aur abhi bhi sahayog de rahen hain, isliye svatah hi sabmen vishesh part bajaana padta hai। vaise baapdaada va nimatta aatmaon ke paas videshi va deshi mein koi antar nahin hai। jahaan jiski seva ki visheshta hai,phir chaahe koi bhi ho, vahaan uski visheshta se laabh lena hota hai। baaki ek do ko regard dena yeh bhi brahman kul ki maryaada hai। sneh lena aur regard dena। visheshta ko mahatva diya jaata hai, na ki vyakti ko। baapdaada ke liye aur hi jo peechhe-peechhe aate hain woh vishesh sneh ke paatra hain। jaise chhote bachche hote hain to unko extra pyaar diya jaata hai। aap to chhote nahin ho,bade ho phir bhi baapdaada ke paas sevaadhaariyon ke liye sada regard hai,kyonki saathi hain na! agar aap log seva ke nimitta nahin bante to baap ko kaun jaanta! baapdaada - aap right hands ke bina sthaapna nahin kar sakte। isliye to dekho door-door se chunkar right hand bana liye। iseelie brahma ki bhujaayen bahut gaai hui hain। to aap sab right hands ho na?left hand to nahin! left hand woh jisko baapdaada kehte hain pachhadmaal। right-hand arthaat sada righteous kaarya karne vaale,sada apne right adhikaar ke roohaani nashe mein rahne vaale। aise ho na? chaahe kuchh bhi ho baapdaada ko pasanda ho, bas isi khushi mein raho। achha - baapdaada dekhte hain chhoti chhotiyon ne kamaal achhi ki hai। sthiti mein badi ho,sthiti mein chhoti nahin ho। phir bhi tyaag to kam nahin kiya hai! tyaag ki mubaarak। isliye baapdaada double videshi,double bhaagyavaan,double taajdhaari sab double kehte hain। to certificate bhi double hai na। achha - double videshi 108 ki maala mein kitne aayenge?sab aayenge to double maala karni padegi। ek yugal daane ke bajaae sabhi yugal daane banaane padenge। yeh to bhakti ke 108 hain,aap taiyaar ho jaao to baapdaada yugal daanon ki maala banaayenge। yeh limit 108 hi fix nahin hain aur badh sakte hain। yeh to sirf number dikhaaye hain। isliye 108 ki had nahin rakho - race karo। woh bhakti ki maala yeh practical ki maala hai। abhi yeh varsha make up karne ko diya hai isliye lagaao jump। maala ke number badli ho sakte hain, iski koi baat nahin। achha - abhi yeh record dikhaao ki poora ek saal koi bhi samasya swaroop nahin banenge,samaadhaan swaroop rahenge। phir bhiùyaan karaayenge, samasya mein samay nahin denge। bhaarat mein pahle jab seva shuru hui to parakhne mein,set karne mein time laga। abhi samajh gaye hain to sahaj ho gaya hai। jab bhi koi paristhiti aati hai to us samay buddhi ki line clear chaahiye to touching hogi ki kis vidhi se isko theek karen। sirf us samay svayan ghabra nahi jaao। svayan shakti roop mein raho to doosra svatah hi halka ho jaayega। uska vaar nahin ho sakega। sada hi safe rahenge। phir bhi ek do mein najdeek ho,jo anubhvi hain unse raay salaah bhi kar sakte ho। ek baat zaroor karo - jo bhi centre par rehte ho woh aapas mein saare din mein ek time len-den zaroor karo। nahin to ek, ek taraph rehta hai doosra doosre taraph। usse parivaar ke pyaar ki mahsoosta nahin aati hai। aur svayan mein woh sneh ki shakti nahin hogi to doosron ko bhi baap ke snehi nahin bana sakenge। isliye ek do ko zaroor poochho kya hai - kaise ho? koi beemaar hai, koi man ki takleeph hai, koi shareer ki takleeph hai to poonchhane se woh samjhenge ki hamaara bhi koi hai। koi bhi seva ka plan bhi banaate ho to donon teenon milkar,chaahe chhoti bhi ho, to bhi usse ‘haan ji’ karaayenge to woh bhi khush ho jaayegi। woh bhi samjhegi ki ismen mera haath hai, aur vishesh jo serviceable salaah dene vaale hain unhon ki bhi meeting zaroor karni chaahiye, kyonki unke sahayog ke bina aap bhi kya kar sakenge? sneh aur shakti ka balance rakhte hue handle karo aur aage badho। achha!