सोमवार 14 दिसंबर 1987 की अव्यक्त मुरली

>

14-12-87om shanti avyakt baapdaadaamdhuban

sangamayugi brahman jeevan ki teen visheshtaaen

apne seva ke saathi bachchon ko vartamaan vardaani samay ki visheshtaaen bataate hue buddhivaanon ki buddhi baapdaada bole

aaj baapdaada apne sarva sada saath rahne vaale, sada sahayogi ban, seva ke saathi ban seva karne vaale aur saath chalne vaale shreshtha bachchon ko dekh harshit ho rahe hain। saath rahne vaale arthaat sahaj svatah yogi aatmaayen। sada seva mein sahayogi saathi ban chalne vaale arthaat gyaani tu aatmaayen, sachche sevaadhaari। saath chalne vaale arthaat samaan aur sampanna karmaateet aatmaayen। baapdaada sabhi bachchon mein yeh teenon visheshtaayen dekh rahe hain ki teenon baaton mein kahaan tak sampoorn bane hain? sangamayug ke shreshtha brahman jeevan ki visheshtaayen yeh teenon hi aavashyak hain। yogi tu aatma,gyaani tu aatma aur baap samaan karmaateet aatma - in teenon mein se agar ek bhi visheshta mein kami hai to brahman jeevan ki visheshtaaon ke anubhvi na banna arthaat sampoorn brahman jeevan ka sukh va praaptiyon se vanchit rehna hai। kyonki baapdaada sabhi bachchon ko sampoorn vardaan dete hain। aise nahin ki yatha shakti yogi bhav va yatha shakti gyaani tu aatma bhav - aisa vardaan nahin dete hain। saath-saath sangamayug jo saare kalpa mein vishesh yug hai,is yug arthaat samay ko bhi vardaani samay kaha jaata hai kyonki vardaata baap vardaan baantane is samay hi aate hain। vardaata ke aane ke kaaran samay bhi vardaani ho gaya। is samay ko yeh vardaan hai। sarva praaptiyon mein bhi sampoorn praaptiyon ka yahi samay hai। sampoorn sthiti ko praapta karne ka bhi yahi vardaani samay hai। aur saare kalpa mein karma anusaar praalabdha praapta karte va jaisa karma vaisa phal svatah praapta hota rehta hai lekin is vardaani samay par ek kadam aapka karma aur padmaguna baap dvaara madad ke roop mein sahaj praapta hota hai। satayug mein ek ka padmaguna praapta nahin hota lekin abhi praapta hue praalabdha ke roop mein bhogne ke adhikaari bante ho। sirf jama kiya hua khaate hue neeche aate jaate hain। kala kam hoti jaati hain। ek yug poora hone se kala bhi 16kala se 14 ho jaati hai na। lekin sampoorn praapti kis samay ki jo 16 kala sampoorn banen? woh praapti ka samay yeh sangamayug ka hai। is samay mein baap khule dil se sarva praaptiyon ke bhandaar vardaan ke roop mein, varse ke roop mein aur padhaai ke phalasvaroop praapti ke roop mein,teenon hi sambandh se teen roop mein vishesh khule bhandaar,bharpoor bhandaar bachchon ke aage rakhte hain। jitna utna ka hisaab nahin rakhte, ek ka padmaguna ka hisaab rakhte hain। sirf apna purooshaartha kiya aur praalabdha paai,aise nahin kehte। lekin merciful ban, daata ban, vidhaata ban, sarva sambandhi ban svayan har second madadgaar bante hain। ek second ki himmat aur anek varshon ke samaan mehnat ki madad ke roop mein sada sahayogi bante hain। kyonki jaante hain ki anek janmon ki bhatki hui nirbal aatmaayen hain,thaki hui hain। isliye itne tak sahayog dete hain, madadgaar bante hain।

svayan offer karte hain ki sarva prakaar ka bojh baap ko de do। bojh uthaane ki offer karte hain। bhaagyavidhaata ban knowledgeful banaae, shreshtha karmon ka gyaan spashta samjhaae bhaagya ki lakeer kheenchane chaaho utna kheench lo। sarva khule khazaanon ki chaabi aapke haath mein di hai। aur chaabi bhi kitni sahaj hai। agar maaya ke toofaan aate bhi hain to chhatrachhaaya ban sada safe bhi rakhte hain। jahaan chhatrachhaaya hain vahaan toofaan kya karega। sevaadhaari bhi banaate lekin saath-saath buddhivaanon ki buddhi ban aatmaon ko touch bhi karte jisse naam bachchon ka, kaam baap ka sahaj ho jaata hai। itna laad aur pyaar se laadle banaae paalna karte jo sada anek jhoolon mein jhoolaate rehte hain! paanv neeche nahin rakhne dete। kabhi khushi ke jhoole mein, kabhi sukh ke jhoole mein, kabhi baap ki godi ke jhoole mein;aanand, prem,shanti ke jhoole mein jhoolte raho। jhoolna arthaat mauj manaana। yeh sarva praaptiyaan is vardaani samay ki visheshta hain। is samay vardaata vidhaata hone ke kaaran, baap aur sarva sambandh nibhaane ke kaaran baap merciful hai। ek ka padma dene ki vidhi is samay ki hai। ant mein hisaab-kitaab chuktu karne vaale apne saathi se kaam lenge। saathi kaun hai, jaante ho na? phir yeh ek ka padmaguna ka hisaab samaapta ho jaayega। abhi merciful hai,phir hisaab-kitaab shuru hoga। is samay to maaph bhi kar dete hain। kadi bhool ko bhi maaph kar aur hi madadgaar ban aage udaate hain। sirf dil se mahsoos karna arthaat maaph hona। jaise duniya vaale maaphi lete hain, yahaan us reeti se maaphi nahin leni hoti। mahsoosta ki vidhi hi maaphi hai। to dil se mahsoos karna,kiske kahne se ya samay par chalaane ke lakshya se, yeh maaphi manjoor nahin hoti hai। kai bachche chatur bhi hote hain। vaataavran dekhte hain to kehte - abhi to mahsoos kar lo, maaphi le lo, aage dekhenge। lekin baap bhi knowledgeful hai, jaante hain, phir muskaraate chhod dete hain lekin maaphi manjoor nahin karte। bina vidhi ke siddhi to nahin milegi na। vidhi ek kadam ki ho aur siddhi padma kadam jitni hogi। lekin ek kadam ki vidhi to yathaartha ho na। to is samay ki visheshta kitni hai va vardaani samay kaise hai - yeh sunaaya।

vardaani samay par bhi vardaan nahin lenge to aur kis samay lenge? samay samaapta hua aur samay pramaan yeh samay ki visheshtaayen bhi sab samaapta ho jaayengi। isliye jo karna hai, jo lena hai, jo bolna hai woh ab vardaan ke roop mein baap ki madad ke samay mein kar lo, bana lo। phir yeh diamond chance mil nahin sakta। samay ki visheshtaayen to suni। samay ki visheshtaaon ke aadhaar par brahman jeevan ki jo 3 visheshtaayen bataai - in teenon mein sampoorn bano। aap logon ka vishesh slogan bhi yahi hai - ‘yogi bano, pavitra bano। gyaani bano, karmaateet bano' jab saath chalna hi hai to sada saath rahne vaale hi saath chalenge। jo saath nahin rehte woh saath chalenge kaise? samay par taiyaar hi nahin honge saath chalne ke liye। kyonki baap samaan banna arthaat taiyaar hona hai। samaanta hi haath aur saath hai। nahin to kya hoga? aage vaalon ko dekhte peechhe-peechhe aate rahe to yeh saathi nahin hue। saathi to saath chalenge। bahutkaal ka saath rehna, saathi ban sahayogi banna - yeh bahutkaal ka sanskaar hi saathi banaae saath le jaayega। abhi bhi saath nahin rehte, isse siddha hai ki door rehte hain। to door rahne ka sanskaar saath chalne ke samay bhi doori ka anubhav karaayega। isliye abhi se teenon hi visheshtaayen check karo। sada saath raho। sada baap ke saathi ban seva karo। karaavanhaar baap, nimitta karanhaar main hoon। to kabhi bhi seva halchal mein nahin laayegi। jahaan akele ho to main-pan mein aate ho, phir maaya billi myaaoon-myaaoon karti hai। aap ‘main-main' karte,woh kehti - main aaoon, main aaoon। maaya ko billi kehte ho na। to saathi ban seva karo। karmaateet banne ki bhi paribhaasha badi guhya hai,woh phir sunaayenge।

aaj sirf yeh 3baaten check karna। aur samay ki visheshtaaon ka laabh kahaan tak praapta kiya hai? kyonki samay ka mahattva jaanna arthaat mahaan banna। svayan ko jaanna, baap ko jaanna - jitna yeh mahattva ka hai vaise samay ko jaanna bhi aavashyak hai। to samjha, kya karna hai? baapdaada baith result sunaave - isse pahle apni result apne aap nikaalo। kyonki baapdaada ne result announce kar li, to result ko sun sochenge ki ab to announce ho gaya, ab kya karenge, ab jo hoon jaisi hoon theek hoon। isliye phir bhi baapdaada kehte - yeh check karo,yeh check karo। yeh indirect result suna rahe hain। kyonki pahle se kaha hua hai ki result sunaayenge aur samay bhi diya hua hai। kabhi 6 maas, kabhi ek varsha diya hai। phir kai yeh bhi sochte hain ki 6 maas to poore ho gaye,kuchh sunaaya nahin। lekin bataaya na ki abhi phir bhi kuchh samay merciful ka hai,vardaan ka hai। abhi chitragupta,gupta hai। phir pratyaksha hoga। isliye phir bhi baap ko raham aata hai - chalo ek saal aur de do, phir bhi bachche hain। baap chaahe to kya nahin kar sakte। sabki ek-ek baat announce kar sakte hain। kai bholaanaath samajhte hain na। to kai bachche abhi bhi baap ko bhola banaate rehte hain। bholaanaath to hai lekin mahaakaal bhi hai। abhi woh roop bachchon ke aage nahin dikhaate hain। nahin to saamne khade nahin ho sakenge। isliye jaante hue bhi bholaanaath bante hain, anjaan bhi ban jaate hain। lekin kislie? bachchon ko sampoorn banaane ke liye। samjha? baapdaada yeh sab najaare dekh muskaraate rehte hain। kya-kya khel karte hain - sab dekhte rehte hain। isliye brahman jeevan ki visheshtaaon ko svayan mein check karo aur svayan ko sampanna banaao। achha!

chaaron or ke sarva yogi tu aatma, gyaani tu aatma, baap samaan karmaateet shreshtha aatmaon ko,sada svayan ke, samay ke mahatva ko jaan mahaan banne vaali mahaan aatmaon ko,sada baap ke sarva sambandhon ka,praapti ka laabh lene vaale samajhdaar vishaal buddhi,svachchha buddhi, sada paavan bachchon ko baapdaada ka yaadapyaar aur namaste।

party se mulaakaat

(1) sada apne ko sarva shaktiyon se sampanna master sarvashaktivaan aatmaayen anubhav karte ho? baap ne sarvashaktiyon ka khazaana varse mein de diya। to sarvashaktiyaan apna varsa arthaat khazaana hain। apna khazaana saath rehta hai na। baap ne diya bachchon ka ho gaya। to jo cheez apni hoti hai woh svatah yaad rehti hai। woh jo bhi cheezen hoti hain, woh vinaashi hoti hain aur yeh varsa va shaktiyaan avinaashi hain। aaj varsa mila,kal samaapta ho jaae, aisa nahin। aaj khazaane hain, kal koi jala de,koi loot le - aisa khazaana nahin hai। jitna kharcho utna badhne vaala hai। jitna gyaan ka khazaana baanto utna hi badhta rahega। sarva saadhan bhi svatah hi praapta hote rahenge। to sada ke liye varse ke adhikaari ban gaye - yeh khushi rehti hai na। varsa bhi kitna shreshtha hai! koi apraapti nahin, sarva praaptiyaan hain। achha!

amritvele vidaai ke samay daadiyon se tatha daadi nirmalshaanta ji se baapdaada ki mulaakaat

mahaarthiyon ke har kadam mein seva hai। chaahe bolen, chaahe nahin bolen lekin har karma,har chalan mein seva hai। seva bina ek second bhi rah nahin sakte। chaahe mansa seva mein hon, chaahe vaacha seva mein,chaahe sambandh-samparka se - lekin nirantar yogi bhi hain to nirantar sevaadhaari bhi hain। achha hai - jo madhuban mein khazaana jama kiya woh sabhi ko baantake khilaane liye ja rahi ho। mahaarthiyon ka sthaan par rehna bhi anek aatmaon ka sthool sahaara ho jaata hai। jaise baap chhatrachhaaya hai,aise baap samaan bachche bhi chhatrachhaaya ban jaate hain। sabhi dekh karke kitne khush hote hain! to yeh vardaan hai sabhi mahaarthiyon ko। aankhon ka vardaan, mastak ka vardaan kitne vardaan hain! har karma karne vaali nimitta karmenndriyon ko vardaan hai। naynon se dekhte ho to kya samajhte hain? sabhi samajhte hain na ki baap ki najar ka in aatmaon ki najar se anubhav hota hai। to naynon ko vardaan ho gaya na। mukh ko vardaan hai,is chehre ko vardaan hai, kadam-kadam ko vardaan hai। kitne vardaan hain, kya ginti karenge! auron ko to vardaan dete hain lekin aapko pahle se hi vardaan mile hue hain। jo bhi kadam uthaao,vardaanon se jholi bhari hui hai। jaise lakshmi ko dikhaate hain na - uske haath se dhan sabhi ko milta hi rehta hai। thode samay ke liye nahin, sada sampatti ki devi ban sampatti deti hi rehti hai। to yeh kiska chitra hai?

to kitne vardaan hain! baap to kehte hain - koi vardaan raha hi nahin। to phir kya den? vardaanon se hi saje hue chal rahe ho। jaise kehte hain na - haath ghumaaya to vardaan mil gaya। to baap ne to ‘samaan bhav' ka vardaan diya,isse sab vardaan mil gaye। jab baap avyakt hue to sabhi ko ‘samaan bhav' ka vardaan diya na। sirf saamne vaalon ko nahin, sabhi ko diya। sookshm roop mein sab mahaaveer baap ke saamne rahe aur vardaan mila। achha!

aap logon ke saath sabhi ki duaayen aur davaai hai hi। isliye badi beemaari bhi chhoti ho jaati hai। sirf rooprekha dikhaati hai lekin apna daanv nahin laga sakti hai। yeh sooli se kaante ka roop dikhaati hai। baaki to baap ka haath aur saath sada hai hi। har kadam mein, har bol mein baap ki dua-dava milti rehti hai। isliye bephikar raho। (isse free kab honge?) aise free ho jaao to phir sookshm vatan mein pahunch jaao। isse auron ko bhi bal milta hai। yeh beemaari bhi aap logon ki, seva karti hai। to beemaari, beemaari nahin hai, seva ka saadhan hai। nahin to aur sab samjhenge ki inhon ko to madad hai, inhon ko anubhav thode hi hai। lekin anubhvi banaae auron ko himmat dilaane ki seva ke liye thoda-sa rooprekha dikhaati hai। nahin to sabhi dilshikasta ho jaaen। aap sabhi example roop se thodi rooprekha dekhte, baaki chuktu ho gaya hai, sirf rooprekha maatra raha hua hai। achha!

videshiyon se

dil se har aatma ke prati shubh bhaavna rakhna - yahi dil ki thanks hain। baap ki har kadam mein har bachche ko dil se thanks milti rehti hai। sangamayug ko sarva aatmaon ke prati sada ke liye thanks dene ka samay kahenge। sangamayug poora hi ‘thanks de' hai। sada ek do ko shubh kaamna, shubh bhaavna dete raho aur baap bhi dete hain। achha!