गुरुवार 31 दिसंबर 1987 की अव्यक्त मुरली

>

31-12-87om shanti avyakt baapdaadaamdhuban

naya varsha - baap samaan banne ka varsha

sada dilkhush mithaai khilaane vaale baapdaada apne pharishta banne ke purooshaarthi bachchon prati bole

aaj trimoorti baap teen sangam dekh rahe hain। ek hai - baap aur bachchon ka sangam, doosra hai - yeh yug sangam, teesra hai - aaj varsha ka sangam। teenon hi sangam apni-apni visheshta ka hai। har ek sangam, parivartan hone ki prerna dene vaala hai। sangamayug vishwa-parivartan ki prerna deta hai। baap aur bachchon ka sangam sarva shreshtha bhaagya,evan shreshtha praaptiyon ki anubhooti karaane vaala hai। varsha ka sangam naveenta ki prerna dene vaala hai। teenon hi sangam apne-apne arth se mahattva rakhte hain। aaj sabhi desh-videsh ke bachche vishesh puraani duniya ka naya varsha manaane ke liye aaye hain। baapdaada sabhi saakaar roopdhaari va aakaar roopdhaari buddhi ke vimaan se pahunche hue bachchon ko dekh rahe hain aur naye varsha manaane ki diamond tulya mubaarak de rahe hain। kyonki sab bachche heere tulya jeevan bana rahe hain। double hero bane ho? ek to baap ke amoolya ratna ho, hero diamond ho। doosra hero part bajaane vaale hero ho। isliye baapdaada har second har sankalp, har janma ki avinaashi mubaarak de rahe hain। aap shreshtha aatmaon ka sirf aaj ka din mubaarak vaala nahin। lekin har samay shreshtha bhaagya, shreshtha praapti ke kaaran baap ko bhi har samay aap mubaarak dete ho aur baap bachchon ko mubaarak dete sada udti kala mein le ja rahe hain। is naye varsha mein yahi vishesh naveenta jeevan mein anubhav karte raho - jo har second aur sankalp mein baap ko to sada mubaarak dete ho lekin aap sabhi har brahman aatma va koi bhi anjaan, agyaani aatma bhi sambandh va samparka mein aaye to baap samaan har samay har aatma ke prati dil ke khushi ki mubaarak va badhaai nikalti rahe। koi kaisa bhi ho lekin aapke khushi ki badhaai unko bhi khushi ki praapti ka anubhav karaaye। badhaai dena - yeh khushi ki len-den karna hai। kabhi bhi kisi ko badhaai dete to woh khushi ki badhaai hai। duhkh ke samay badhaai nahin kahenge। to har ek aatma ko dekh khush hona va khushi dena - yahi dil ki mubaarak va badhaai hai। doosri aatma bhale aap se kaisa bhi vyavhaar kare lekin aap baapdaada ki har samay badhaai lene vaali shreshtha aatmaayen sada harek ko khushi do। woh kaanta de, aap badle mein roohaani gulaab do। woh duhkh de, aap sukhdaata ke bachche sukh do। jaise se -- vaise nahin ban jaao,agyaani se agyaani nahin ban sakte। sanskaaron ke va svabhaav ke vasheebhoot aatma se aap bhi ‘vasheebhoot'nahin ban sakte।

aap shreshtha aatmaon ke har sankalp mein sarva ke kalyaan ki, shreshtha parivartan ki, ‘vasheebhoot' se svatantra banaane ki dil ki duaayen va khushi ki mubaarak sada natural roop mein dikhaai den। kyonki aap sabhi daata arthaat devta ho, dene vaale ho। to is naye varsha mein vishesh khushiyon ki mubaarken dete raho। aise nahin ki sirf aaj ke din va kal ke din chalte-phirte mubaarak ho, mubaarak ho - yeh kahke naya varsha aarambha nahin karna। kehna bhale, dil se kehna। lekin saara varsha kehna, sirf do din nahin kehna। kisi ko bhi agar dil se mubaarak dete ho to woh aatma dil ki mubaarak le dilkhush ho jaae। to har samay dilkhush mithaai baantate rehna। sirf ek din nahin mithaai khaana va khilaana। kal ke din mukh ki mithaaiyaan jitni chaahiye utni khaana, sabhi ko bahut-bahut mithaai khilaana। lekin aise hi sada har ek ko dil se dilkhush mithaai khilaate raho to kitni khushi hogi! aajkal ki duniya mein to phir bhi mukh ki mithaai khaane mein dar bhi hai lekin yeh dilkhush mithaai jitni chaahiye kha sakte ho,khila sakte ho। ismen beemaari nahin hogi। kyonki baapdaada bachchon ko samaan banaate hain। to vishesh is varsha mein baap samaan banne ki - yahi visheshta vishwa ke aage,brahman parivaar ke aage dikhaao। jaise har ek aatma ‘‘baba'' kehte madhurta va khushi ka anubhav karti hai। ‘vaah baba' kahne se mukh meetha hota hai kyonki praapti hoti hai। aise har brahman aatma, koi bhi brahman ka naam lete hi khush ho jaae। kyonki baap samaan aap sabhi bhi ek do ko baap dvaara praapta hui visheshta dvaara aapas mein len-den karte ho, aapas mein ek do ke sahayogi saathi ban unnati ko praapta karaate ho। jeevan saathi nahin banna, lekin kaarya ke saathi bhale bano। har ek aatma apni praapta visheshtaaon se aapas mein khushi ki len-den karte bhi ho aur aage bhi sada karte rehna। jaise baap ko yaad karte hi khushi mein naachte hain,vaise har ek brahman aatma ko, har brahman yaad karte roohaani khushi ka anubhav kare, had ki khushi ka nahin। har samay baap ki sarva praaptiyon ka saakaar nimitta roop anubhav kare। isko kehte hain - har sankalp va har samay ek do ko mubaarak dena। sabka lakshya to ek hi hai ki baap samaan banna hi hai। kyonki samaan ke bina to na baap ke saath sweet hom mein jaayenge aur na brahma baap ke saath raajya mein aayenge। jo baapdaada ke saath apne ghar mein jaayenge vahi brahma baap ke saath raajya mein utrenge। oopar se neeche aayenge na। sirf saath jaayenge nahin lekin saath aayenge bhi। poojya bhi brahma ke saath banenge aur pujaari bhi brahma baap ke saath banenge। to anek janmon ka saath hai। lekin uska aadhaar is samay samaan ban saath chalne ka hai।

is varsha ki visheshta dekho - number bhi 8, 8hain। aath ka kitna mahattva hai! agar apna poojya roop dekho to ashta bhujaadhaari, ashta shaktiyaan usi ki hi yaadgaar hai - ashta ratna,ashta raajdhaaniyaan - ashta ka bhinna-bhinna roop se gaayan hai। isliye yeh varsha vishesh baap samaan banne ka dridh sankalp ka varsha manaao। jo bhi karma karo baap samaan karo। sankalp karo,bol bolo,sambandh-samparka mein aao, ‘baap samaan।' brahma baap samaan banna to sahaj hai na। kyonki saakaar hai। 84 janma lene vaali aatma hai। poojya athva pujaari sabhi ki anubhvi aatma hai। puraani duniya ke, puraane sanskaaron ke,puraane hisaab-kitaab ke, sangathan mein chalne aur chalaane - sab baaton ke anubhvi hai। to anubhvi ko follow karna mushkil nahin hota hai। aur baap to kehte hain ki brahma baap ke har kadam ke oopar kadam rakho। koi naya maarga nahin nikaalna hai, sirf har kadam par kadam rakhna hai। brahma ko kaapi karo। itni akla to hai na।! sirf milaate jaao। kyonki, baapdaada- donon hi aapke saath chalne ke liye rooke hue hain। niraakaar baap paramdham nivaasi hain lekin sangamayug par saakaar dvaara part to bajaana padta hai na। isliye aapke is kalpa ka part samaapta hone ke saath baap,daada - donon ka bhi part is kalpa ka samaapta hoga। phir kalpa repeat hoga। isliye niraakaar baap bhi aap bachchon ke part saath bandha hua hai। shuddh bandhan hai। lekin part ka bandhan to hai na। sneh ka bandhan, seva ka bandhan… lekin meetha bandhan hai। karmabhog vaala bandhan nahin hai।

to naya varsha sada mubaarak ka varsha hai। naya varsha sada baap samaan banne ka varsha hai। naya varsha brahma baap ko follow karne ka varsha hai। naya varsha baap ke saath sweet home aur sweet raajdhaani mein saath rahne ke vardaan praapta karne ka varsha hai। kyonki abhi se sada saath rahenge। abhi ka saath rehna sada saath rahne ka vardaan hai। nahin to baaraati banenge aur najdeek vaale sambandhi ke bajaae door ke sambandhi banenge। kabhi-kabhi milenge। kabhi-kabhi vaale to nahin ho na? pahle janma mein pahle raajya ka sukh aur pahle number ke raajya adhikaari vishwa mahaaraaja-vishwa mahaaraani ke royal sambandh,uski jhalak aur phalak nyaari hogi! agar doosre number vishwa mahaaraaja-mahaaraani ki royal family mein bhi aa jaao to usmein bhi antar hai। ek janma ka pharka bhi pad jaayega। isko bhi saath nahin kahenge। koi bhi nai cheez ek baar bhi use kar lo to usko use kiya hua kahenge na। naya to nahin kahenge। saath chalna hai,saath aana hai,saath mein pahle janma ka raajya bhaagya royal family ban karna hai। isko kehte hain - ‘samaan banna'। to kya karna hai,samaan banna hai va baaraati banna hai?

baapdaada agyaani aur gyaaniyon ka ek antar dekh raha tha। ek drishya ke roop mein dekh raha tha। baap ke bachche kya hain aur agyaani kya hain? aaj ki duniya mein vikaari aatmaayen kya ban gai hain? jaise aajkal koi bhi badi phaiktreej va jahaan bhi aag jalti hai to aag ka dhuaan nikaalne ke liye chimni banaate hain na। usse sadaiv dhuaan nikalta hai aur sadaiv kaali dikhaai degi। to aaj ka maanav vikaari hone ke kaaran, kisi-na-kisi vikaar vash hone ke kaaran sankalp mein,bol mein, irshya,ghrina ya koi-na-koi vikaar ka dhuaan nikaalta rehta hai। aankhon se bhi vikaaron ka dhuaan nikalta rehta aur gyaani bachchon ke har bol va sankalp se, pharishtaapan se duaayen nikalti hain। uska hai vikaaron ki aag ka dhuaan aur gyaani tu aatmaon ke pharishte roop se sada duaayen nikalti। kabhi bhi sankalp mein bhi kisi vikaar ke vash, vikaar ki agni ka dhuaan nahin nikalna chaahiye, sada duaayen niklen। to check karo - kabhi duaaon ke badle dhuaan to nahin nikalta? pharishta hai hi duaaon ka swaroop। jab koi bhi aisa sankalp aaye ya bol nikle to yeh drishya saamne laana - main kya ban gaya, pharishte se badal to nahin gaya? vyartha sankalpon ka bhi dhuaan hai। woh jalti hui aag ka dhuaan hai,woh aadhi aag ka dhuaan hai। poori aag nahin jalti hai to bhi dhuaan nikalta hai na। to aise pharishta roop ho jo sada duaayen nikalti rahen। isko kehte hain - ‘master dayaalu, kripaalu,merciful'। to abhi yeh part bajaao। apne oopar bhi kripa karo to doosre par bhi kripa karo। jo dekha, jo suna - varnan nahin karo, socho nahin। vyartha ko na sochna,na dekhna - yeh hai apne oopar kripa karna। aur jisne kiya va kaha, uske prati bhi sada raham karo, kripa karo arthaat jo vyartha suna, dekha us aatma ke prati bhi shubh bhaavna, shubh kaamna ki kripa karo। aur koi kripa nahin va koi haath se vardaan nahin denge lekin man par nahin rakhna - yeh hai us aatma ke prati kripa karna। agar koi bhi vyartha baat dekhi hui va suni hui varnan karte ho arthaat vyartha beej ka vriksha badhaate ho, vaayumandal mein phailaate ho - yeh vriksha ban jaata hai। kyonki ek jo bhi bura dekhta va sunta hai to apne ek man mein nahin rakh sakta, doosre ko zaroor sunaayega, varnan zaroor karega। aur ek ka ek hota hai to kya ho jaayega?ek se anekta mein aa jaate hain। aur jab ek se ek,ek se ek maala ban jaati hai to jo karne vaala hota hai woh aur hi vyartha ko spashta karne ke liye jidda mein aa jaata hai। to vaayumandal mein kya phaila?vyartha। yeh dhuaan phaila na। yeh dua hui ya dhuaan? isliye vyartha dekhte hue, sunte hue sneh se,shubh bhaavna se sama lo। vistaar nahin karo। isko kehte hain - doosre ke oopar kripa karna arthaat dua karna। to taiyaari karo samaan ban saath chalne aur saath rahne ki। aise to nahin samajhte ho ki abhi yahaan hi rehna theek hai, saath chalne ki taiyaari abhi nahin karen, thoda aur rooken? rookne chaahte ho? rookna bhi ho to baap samaan ban karke rooko। aise hi nahin rooko, lekin samaan ban ke rooko। phir bhale rooko,chhutti hai। aap to ever ready ho na? seva rookaati hai va drama rookaata hai, woh aur baat hai lekin apne kaaran se rookne vaale nahin bano। karmabandhan vash rookne vaale nahin। karmon ke hisaab-kitaab ka chaupda saaph aur spashta hona chaahiye। samjha। achha!

chaaron or ke sarva bachchon ko naye varsha ki mahaanta se mahaan banne ki mubaarak sada saath rahe। sarva himmat vaale, follow father karne vaale, sada ek do mein dilkhush mithaai khilaane vaale, sada pharishta ban duaayen dene vaale, aise baap samaan dayaalu, kripaalu bachchon ko samaan banne ki mubaarak, saath-saath baapdaada ka yaadapyaar aur namaste।

double videshi bhaai-bahinon se avyakt baapdaada ki mulaakaat

sada apne ko sangamayugi shreshtha aatmaayen anubhav karte ho? shreshtha aatmaon ka har sankalp va bol va har karma svatah hi shreshtha hota hai। to har karma shreshtha ban gaya hai na? jo jaisa hota hai vaisa hi uska kaarya hota hai। to shreshtha aatmaon ka karma bhi shreshtha hi hoga na। jaisi smriti hoti hai vaisi sthiti svatah hoti hai। to shreshtha sthiti natural sthiti hai kyonki ho hi vishesh aatmaayen। oonche te oonche baap ke ban gaye to jaisa baap vaise bachche hue na। bachchon ke liye sada kaha jaata hai - ‘san shows father'। to aise bachche ho? aap sabke dil mein kaun samaaya hai?jo dil mein hoga vahi buddhi mein hoga, bol mein hoga, sankalp mein bhi vahi hoga। aap log card bhi ‘heart'ka le aate ho na। gift bhi heart ki bhejte ho। to yeh apni sthiti ka chitra bhejte ho na। to jo baap ki dil par sada rehta hai woh sada hi jo bolega, jo karega woh svatah hi baap samaan hoga। baap samaan banna mushkil nahin hai na? sirf daat (bindi) yaad rakho to mushkil not (Not) ho jaayegi। daat ko bhoolte ho to not nahin hota। kitna sahaj hai daat banaana va daat lagaana। saara gyaan isi ek ‘daat'shabd mein samaaya hua hai। aap bhi bindi,baap bhi bindi aur jo beet gaya use bhi bindi laga do, bas। chhota bachcha bhi likhne jab shuru karta hai to pahle jab pencil kaagaj par rakhta hai to kya ban jaata? daat banega na? to yeh bhi bachchon ka khel hai। yeh poora hi gyaan ki padhaai khel-khel mein hai। mushkil kaam nahin hai। isliye kaam bhi sahaj hai aur ho bhi ‘sahaj-yogi'। board mein bhi likhte ho - ‘‘sahaj raajayog''। to aisa sahaj anubhav karna,ise hi gyaan kaha jaata hai। jo knowledgeful hain woh svatah hi powerful bhi honge। kyonki knowledge ko light aur might kaha jaata hai। to knowledgeful aatmaayen sahaj hi powerful hone ke kaaran har baat mein sahaj aage badhti hain। to yeh saara group sahaj-yogiyon ka group hai na। aise hi sahaj-yogi rehna। achha!

naye varsha ke shubhaarambha mein baapdaada ne 12baje sabhi bachchon ko badhaai di

(daadiyon ne baapdaada ko gale lagaaya) sada sneh ki bhaaki mein rahne vaali, sada baap ki shreemat ki paalna mein palne vaali ho। sada hi baap ke sahayog ki chhatrachhaaya mein rahne vaali chhatradhaari aatmaayen ho। to sabhi bachchon ko naye varsha ki pahli ghadi ki mubaarak।

vishwa aadhyaatmik sahayog bank ka udghaatan baapdaada ne mombatti jala kar kiya

sabhi sevaadhaari seva ke umang-utsaah se seva ki is vidhi ko aarambha kar rahe hain। jahaan sada sangathan ki, sneh ki anguli hai vahaan kaarya saphal hua hi pada hai। yeh sangathan roop mein seva ko aage badhaane ki nimitta vidhi hai। to sabhi ko seva ka umang hai na?sabhi ka sahayog lene ke pahle sarva braahmanon ka sahayog hai hi hai। isliye jahaan sarva braahmanon ka sahayog hai,vahaan vishwa ki aatmaon ka kalyaan hua hi pada hai। to yeh bhi achhi ek vidhi nikaali hai। kitna bada kaarya racha hai! bahut bada kaarya hai। badi dil se is rache hue kaarya ko sneh, sahayog se aage badhaate chalo। saphalta to adhikaar hai hi। achha!

vidaai ke samay daadiyon se mulaakaat

sangamayug chhota-sa yug hai, bahut samay - 1250 varsha bhi chalta to bhi thak jaate na? isliye chhota-sa yug hai। achha! aap donon (daadi,daadi jaanki) kisse bharpoor ho? (aapke vardaanon se) baap ke vardaan to hain hi lekin aaj sunaaya ki jaise baap ka naam lete hi munh meetha ho jaata hai,aise aap nimitta aatmaon ka bhi baap-samaan part chal raha hai। baap ne sab samaanta ka vardaan de diya। ‘‘samaan bhav'' ka vardaan mila hua hai, isliye na chaahte bhi aap logon se baap ki anubhooti hoti hai। isko hi kehte hain - baap-samaan banne vaale emjaampal। samjha? is samay shokesh ke pahle number ke showpiece ho। aapko dekh kar ke aur sabhi svatah hi baap ko yaad karte hain। aap logon ko dekh karke aur koi baat yaad aayegi?baap yaad aayega, baap ke charitra yaad aayenge। isko kehte hain - ‘aap mein baap hai,baap mein aap hain'। isi ko hi logon ne kah diya hai ki baap mere mein hai, andar baitha hai। lekin samaanta ke kaaran samaan ban jaate hain na, isliye kehte hain ki baap baitha hai। to aap logon ka slogan hai - ‘aap baap mein,baap aap mein'। aap aur baap alag ho hi nahin sakte। jaise baap aur daada judven ho gaye hain na। to aap log kya ho? judven ho ya alag ho?second bhi alag nahin ho sakte। isko kehte hain - baap samaan। achha!

ab to ghar jaana hai? (kab jaana hai?) samay kabhi bhi bata ke nahin aayega,achaanak hi aayega। jab samjhenge sameep hai to nahin aayega। jab samajhne se thode albele honge to achaanak aayega। aane ki nishaani albelepan vaale albelepan mein aayenge,nahin to number kaise banenge? phir to sab kahen - ham bhi ashta hain,ham bhi paas hain। lekin thoda bahut achaanak hone se hi number honge। baaki jo mahaarthi hain unhon ko touching aayegi। lekin baap nahin bataayega। touching aise hi aayegi jaise baap ne sunaaya। lekin baap kabhi announce nahin karenge। ek second pahle bhi nahin kahenge ki ek second baad hona hai। yeh bhi nahin kahenge। nambarvaar banne hain, isliye yeh hisaab rakha hua hai।

achha! om shanti