सोमवार 18 जनवरी 1988 की अव्यक्त मुरली

>

18 - 01 - 88 om shanti avyakt baapdaadaamdhuban

‘sneh' aur‘shakti'ki samaanta

nashtomoha – karmaateet bhav ka paath padhaane vaale, vardaata baapdaada apne snehi bachchon ko ‘nothing new'ki smriti se samartha banne ki prerna dete hue bole

aaj smritisvaroop banaane vaale samartha baap chaaron or ke smritisvaroop samartha bachchon ko dekh rahe hain। aaj ka din baapdaada ke sneh mein samaane ke saath - saath sneh aur samartha - donon ke balance sthiti ke anubhav ka din hai। smriti divas arthaat sneh aur samarthi - donon ki samaanta ke vardaan ka divas hai। kyonki jis baap ki smriti mein sneh mein lavleen hote ho,woh brahma baap sneh aur shakti ki samaanta ka shreshtha symbol hai। abhi - abhi ati snehi,abhi - abhi shreshtha shakti - shaali। sneh mein bhi sneh dvaara har bachche ko sada shaktishaali banaaya। sirf sneh mein apni taraph aakarshit nahin kiya lekin sneh dvaara shakti sena banaae vishwa ke aage seva arth nimitta banaaya। sada ‘snehi bhav'ke saath ‘nashtomoha - karmaateet bhav'ka paath padhaaya। ant tak bachchon ko sada nyaare aur sada pyaare -yahi naynon ki drishti dvaara vardaan diya।

aaj ke din chaaron or ke bachche bhinna - bhinna swaroop se,bhinna - bhinna sambandh se,sneh se aur baap ke samaan banne ki sthiti ke anubhooti se milan manaane baapdaada ke vatan mein pahunche। koi buddhi dvaara aur koi divya - drishti dvaara। baapdaada ne sabhi bachchon ke sneh ka aur samaan sthiti ka yaad aur pyaar dil se sveekaar kiya aur return mein sabhi bachchon ko‘baapdaada samaan bhav' ka vardaan diya aur de rahe hain। baapdaada jaante hain ki bachchon ka brahma baap se ati sneh hai। chaahe saakaar mein paalna li,chaahe ab avyakt roop se paalna le rahe hain lekin badi maa hone ke kaaran maa se bachchon ka pyaar svatah hi hota hai। is kaaran baap jaante hain ki brahma maa ko bahut yaad karte hain। lekin sneh ka pratyaksha swaroop hai - samaan banna। jitna - jitna dil ka sachcha pyaar hai, bachchon ke man mein utna hi follow father karne ka umang - utsaah dikhaai deta hai। yeh alaukik maa ka alaukik pyaar viyogi banaane vaala nahin hai, sahajyogi raajayogi arthaat raaja banaane vaala hai। alaukik maa ki bachchon ke prit alaukik mamta hai ki har ek bachcha raaja bane। sabhi raaja bachche banen,praja nahin। praja banaane vaale ho, praja banne vaale nahin ho।

aaj vatan mein maat - pita ki roohrihaan chal rahi thi। baap ne brahma maa se poochha ki bachchon ke vishesh sneh ke din kya yaad aata? aap logon ko bhi vishesh yaad aati hai na। har ek ko apni yaad aati hai aur un yaadon mein sama jaate ho। aaj ke din vishesh alaukik yaadon ka sansaar hota hai। har kadam mein vishesh saakaar swaroop ke charitron ki yaad svatah hi aati hai। paalna ki yaad, praaptiyon ki yaad, vardaanon ki yaad svatah hi aati hai। to baap ne bhi brahma maa se yahi poochha। jaante ho,brahma ne kya bola hoga? sansaar to bachchon ka hi hai। brahma bole - amritvele pahle ‘samaan bachche' yaad aaye। snehi bachche aur samaan bachche। snehi bachchon ko samaan banne ki ichchha va sankalp hai lekin ichchha ke saath, sankalp ke saath sada samarthi nahin rehti, isliye samaan banne mein number aage ke bajaaye peechhe rah jaata hai। sneh umang - utsaah mein laata lekin samaasyaaen sneh aur shakti roop ki samaan sthiti banne mein kahaan - kahaan kamzor bana deti hain। samasyaayen sada samaan banne ki sthiti se door kar leti hain। sneh ke kaaran baap ko bhool bhi nahin sakte। hain bhi pakke brahman। peechhe hatne vaale bhi nahin hain, amar bhi hain। sirf samasya ko dekh thode samay ke liye us samay ghabra jaate hain। isliye,nirantar sneh aur shakti ki samaan sthiti ka anubhav nahin kar sakte।

is samay ke pramaan knowledgeful,powerful, successful sthiti ke bahutkaal ke anubhvi ban chuke ho। maaya ke, prakriti ke va aatmaon dvaara nimitta bani hui samasyaaon ke anek baar ke anubhvi aatmaaen ho। nai baat nahin hai। trikaaldarshi ho! samasyaaon ke aadi - madhya - ant, teenon ko jaante ho। anek kalpon ki baat to chhodo lekin is kalpa ke brahman jeevan mein bhi buddhi dvaara jaan vijayi banne mein va samasya ko paar kar anubhvi banne mein naye nahin ho, puraane ho gaye ho। chaahe ek saal ka bhi ho lekin is anubhav mein puraane hain।‘nothing new' - yeh paath bhi padhaaya hua hai। isliye vartamaan samay ke pramaan abhi samasya se ghabraane mein samay nahin ganvaana hai। samay ganvaane se number peechhe ho jaata hai।

to brahma maa ne bola - ek vishesh snehi bachche aur doosre samaan banne vaale,do prakaar ke bachchon ko dekh yahi sankalp aaya ki vartamaan samay pramaan majority bachchon ko ab samaan sthiti ke sameep dekhne chaahte hain। samaan sthiti vaale bhi hain lekin majority samaanta ke sameep pahunch jaaen - yahi amritvele bachchon ko dekh - dekh samaan banne ka din yaad aa raha tha। aap ‘smriti - din' ko yaad kar rahe the aur brahma maa ‘samaan banne ka din' yaad kar rahe the। yahi shreshtha sankalp poora karna arthaat smriti divas ko samartha divas banaana hai। yahi sneh ka pratyaksha phal maa - baap dekhne chaahte hain। paalna ka va baap ke vardaanon ka yahi shreshtha phal hai। maat - pita ko pratyaksha phal dikhaane vaale shreshtha bachche ho। pahle bhi sunaaya tha - ati sneh ki nishaani yeh hai jo snehi,snehi ki kami dekh nahin sakte। isliye, abhi teevra gati se samaan sthiti ke sameep aao। yahi maa ka sneh hai। har kadam mein follow father karte chalo। brahma ek hi vishesh aatma hai jiska maat - pita - donon part saakaar roop mein noondha hua hai। isliye, vichitra paartadhaari mahaan aatma ka double swaroop bachchon ko yaad avashya aata hai। lekin jo brahma ‘maat - pita' ke dil ki shreshtha aasha hai ki sarva samaan banen, usko bhi yaad karna। samjha?aaj ke smriti divas ka shreshtha sankalp - ‘‘samaan banna hi hai''। chaahe sankalp mein,chaahe bol mein, chaahe sambandh samparka mein samaan arthaat samartha banna hai। kitni bhi badi samasya ho lekin ‘nothing - new' - is smriti se samartha ban jaayenge। isse albele nahin banna, albelepan mein bhi nothing - new shabd use karte hain। lekin anek baar vijayi banne mein nothing - new। is vidhi se sada siddhi ko praapta karte chalo। achha!

sabhi bahut umang se smriti divas manaane aae hain। teen pair (pag) prithvi dene vaale bhi aae hain। teen pair de aur teen lokon ka maalik ban jaaen,to dena kya hua! phir bhi, seva ka punya jama karne mein hoshiyaar bane। isliye, hoshiyaari ki mubaarak ho। ek de laakh paane ki vidhi ko apnaane ki samarthi rakhi। isliye,vishesh smriti - divas par aisi samartha aatmaon ko bulaaya hai। baap ramneek chit-chat kar rahe the। vishesh sthaan dene vaalon ko bulaaya hai। baap ne bhi sthaan diya hai na। baap ka bhi list mein naam hai na। kaunsa sthaan diya hai?aisa sthaan koi nahin de sakta। baap ne ‘diltakhta' diya, kitna bada sthaan hai! yeh sab sthaan usmein aa jaayenge na। desh - videsh ke seva - sthaan sabhi ikatthe karo to bhi bada sthaan kaunsa hai? puraani duniya mein rahne ke kaaran aapne to eeton ka makaan diya aur baap ne takhta diya - jahaan sada hi bephikar baadshaah ban baith jaate। phir bhi dekho, kisi bhi prakaar ki seva ka - chaahe sthaan dvaara seva karte, chaahe sthiti dvaara karte - seva ka mahattva svatah hi hota hai। to sthaan ki seva ka bhi bahut mahattva hai। kisi ko ‘haan ji' kahkar,kisi ko ‘pahle aap' kah kar seva karne ka bhi mahattva hai। sirf bhaashan karna seva nahin hai lekin kisi bhi seva ki vidhi se mansa, vaacha,karmana,bartan maanjana bhi seva ka mahattva hai। jitna bhaashan karne vaala pad pa leta hai utna yogayukta, yuktiyukta sthiti mein sthit rahne vaala ‘bartan maanjane vaala'bhi shreshtha pad pa sakta hai। woh mukh se karta, woh sthiti se karta। to sada har samay seva ki vidhi ke mahattva ko jaankar mahaan bano। koi bhi seva ka phal na mile - yeh ho nahin sakta। lekin sachchi dil par saaheb raaji hota hai। jab daata, vardaata raaji ho jaae to kya kami rahegi! vardaata va bhaagyavidhaata gyaan - daata bhole baap ko raaji karna bahut sahaj hai। bhagwan raaji to dharmaraaj kaaji se bhi bach jaaenge, maaya se bhi bach jaaenge। achha!

chaaron or ke sarva sneh aur shakti ke samaan sthiti mein sthit rahne vaale, sada maat - pita ki shreshtha aasha ko poorn karne vaale aasha ke deepkon ko, sada har vidhi se seva ke mahatva ko jaanne vaale, sada har kadam mein follow father karne vaale, maat - pita ko sada sneh aur shakti dvaara samaan banne ka phal dikhaane vaale,aise smritisvaroop sarva samartha bachchon ko samartha baap ka samartha - divas par yaadapyaar aur namaste।''

sevaakendron ke liye teen pair prithvi dene vaale nimitta bhaai - bahnon se avyakt baapdaada ki mulaakaat

vishesh seva ke pratyakshaphal ki praapti dekh khushi ho rahi hai na। bhavishya to jama hai hi lekin vartamaan bhi shreshtha ban gaya। vartamaan samay ki praapti bhavishya se bhi shreshtha hai! kyonki apraapti aur praapti ke anubhav ka gyaan is samay hai। vahaan apraapti kya hoti hai,uska pata hi nahin hai। to antar ka pata nahin hota hai aur yahaan antar ka anubhav hai। isliye is samay ki praapti ke anubhav ka mahatva hai। jo bhi seva ke nimitta bante hain, to ‘turanta daan mahaapunya' gaaya hua hai। agar koi bhi baat ka koi nimitta banta hai arthaat turanta daan karta to uske return mein mahaapunya ki anubhooti hoti hai। woh kya hoti hai? kisi bhi seva ka punya extra ‘khushi',shakti ki anubhooti hoti hai। jab bhi koi saphaltaasva roop banke seva karte ho to us samay vishesh khushi ki anubhooti karte ho na। varnan karte ho ki aaj bahut achha anubhav hua! kyon hua? baap ka parichay sunaakar ke saphalta ka anubhav kiya। koi parichay sunkar ke jaag jaata hai ya parichay milte parivartan ho jaata hai to unki praapti ka prabhaav aapke oopar bhi padta hai। dil mein khushi ke geet bajne shuru ho jaate hain - yeh hai pratyakshaphal ki praapti। to seva karne vaala arthaat sada praapti ka meva khaane vaala। to jo meva khaata hai woh kya hota? tandaroosta hota hai na! agar doctors bhi kisko kamzor dekhte hain to kya kehte hain?phal khaao। kyonki aajkal aur taakat ki cheez - maakhan khaao, ghi khaao, woh to hajam nahin kar sakte। aajkal taakat ke liye phal dete hain। to seva ka bhi pratyakshaphal milta hai। chaahe karmana bhi karo, karmana ki bhi khushi hoti hai। maano saphaai karte ho,lekin jab sthaan saphaai se chamakta hai to sachche dil se karne kaaran sthaan ko chamakta hua dekhkar ke khushi hoti hai na।

koi bhi seva ke punya ka phal svatah hi praapta hota hai। punya ka phal jama bhi hota hai aur phir abhi bhi milta hai। agar maano, aap koi bhi kaam karte ho, seva karte ho to koi bhi aapko kahega - bahut achhi seva ki,bahut hi,athak hokar ki। to ye sunkar khushi hoti hai na। to phal mila na। chaahe mukh se seva karo, chaahe haathon se karo lekin seva maana hi meva। to yeh bhi seva ke nimitta bane ho na। mahattva rakhne se mahaanta praapta kar lete। to aise aage bhi seva ke mahatva ko jaan sada koi na koi seva mein busy raho। aise nahin ki koi jigyaasu nahin mila to seva kya karoon? koi pradarshani nahin hui, koi bhaashan nahin hua to kya seva karoon? nahin। seva ka pheelda bahut bada hai! koi kahe, hamko seva milti nahin hai - kah nahin sakta। vaayumandal ko banaane ki kitni seva rahi hui hai! prakriti ko bhi parivartan karne vaale ho। to prakriti ka parivartan kaise hoga? bhaashan karenge kya? vritti se vaayumandal banega। vaayumandal banaana arthaat prakriti ka parivartan hona। to yeh kitni seva hai! abhi hui hai?abhi to prakriti paper le rahi hai। to har second seva ka bahut bada pheelda raha hua hai। koi kah nahin sakta ki hamko seva ka chance nahin milta। beemaar bhi ho, to bhi seva ka chance hai। koi bhi ho - chaahe anpadh ho, chaahe padha hua ho,kisi bhi prakaar ki aatma, sabke liye seva ka saadhan bahut bada hai। to seva ka chance mile - yeh nahin, mila hua hai।

all-round sevaadhaari banna hai। karmana seva ki bhi 100marks hain। agar vaacha aur mansa theek hai lekin karmana ke taraph roochi nahin hai to 100 marks to gai। all-round sevaadhaari arthaat sab prakaar ki seva dvaara full marks lene vaale। isko kahenge all-round sevaadhaari। to aise ho? dekho,shuru mein jab bachchon ki bhatthi banaai to karmana ka kitna paath pakka karaaya! maali bhi banaaya to joote banaane vaala bhi banaaya। bartan maanjane vaale bhi banaaya to bhaashan karne vaala bhi banaaya। kyonki iski marks bhi rah nahi jaayen। vahaan bhi laukik padhaai mein maanon aap koi halki subject mein bhi fail ho jaate ho, vishesh subject nahin hai, number three four subject hain lekin usmein bhi agar fail hue to paas with honour nahin banenge। total mein marks to kam ho gai na। aise, sab subject check karo। sab subjects mein marks liya hai? jaise yeh (makaan dene ke) nimitta bane, yeh seva ki, iska punya mila,marks milengi। lekin full marks li hain ya nahin - yeh check karo। koi na koi karmana seva,woh bhi zaroori hai kyonki karmana ki bhi 100 marks hain, kam nahin hain। yahaan sab subject ki 100 marks hain। vahaan to drawing mein thodi marks hongi, hisaab (ganit) mein jyaada hongi। yahaan sab subject mahattva vaali hain। to aisa na ho ki mansa,vaacha mein to marks bana lo aur karmana mein rah jaae aur aap samjho - main bahut mahaaveer hoon। sabhi mein marks leni hain। isko kehte hain - sevaadhaari। to kaun - sa group hai? all-round sevaadhaari ya sthaan dene ke sevaadhaari? yeh bhi achha kiya jo saphal kar liya। jo jitna saphal karte hain, utna maalik bante hain। samay ke pahle saphal kar lena - yeh samajhdaar banne ki nishaani hai। to samajhdaari ka kaam kiya hai। baapdaada bhi khush hote hain ki himmat rakhne vaale bachche hain। achha!

vidaai ke samay mulaakaat

daadiyon se - sabhi ko khush karne ki seva number one seva hai। sabke andar khushi ki lahar paida karna - yeh hai baap samaan seva। to samaan banne ki seva ka vardaan mila hua hai। ‘samaan bhav' ka vardaan direct saakaar roop se mila hua hai। sabke andar baap ki yaad svatah hi aa jaati hai। jab samaan bachchon ko dekhte to bachche nahin dekhte lekin baap dikhaai deta। yeh seva sabhi ko aage badha rahi hai। baapdaada sabhi mahaarthi bachchon ki, nimitta bachchon ki seva ko dekh - dekh harshit ho rahe hain। nimitta banna - yeh bhi ek bhaagya hai। madhuban mein seva ka chance mila hai aur sabhi kar bhi achhi rahe hain। paandav bhi achhi seva karte hain। sab dil se karte hain। jo dil se seva karte hain uska dilaaraam baap ke paas jaldi pahunchta hai kyonki dil ki taar dil se hoti hai। dil ki seva second mein pahunchti hai aur padmaguna jama ho jaati hai। jaise yahaan computer chalaate ho, yeh to kharaab bhi ho jaata lekin vahaan second mein jama hota rehta hai। woh complete computer hai,anguli chalaane ki bhi jaroorat nahin। to nimitta sevaadhaariyon ka kamaal hai,harek apni - apni duty achhi baja rahe hain। nambarvaar to hota hai lekin achhe hain। madhuban vaalon ko seva ke samartha banne ki vishesh yaad। vaise to ek - ek aatma is eeshvareey machinery ke liye aavashyak hai। 5 varsha ka bachcha bhi aavashyak hai, woh bhi shobha hai। jo bhi baithe ho sab vailyuebal ho। kahne mein to kuchhek ka naam aata hai lekin kaam sabhi ka hai। sevaakendra ka shringaar aap sab ho। baap ka itna aavaaj bulanda karne vaale, chaaron or aavaaj phailaane vaale itni bhujaayen chaahiye na! to aap sab bhujaayen ho। achha!

sabhi bachchon ke prati yaadapyaar dete hue

chaaron or ke desh - videsh ke dil mein samaaye hue bachchon ki yaadapyaar patron dvaara ya sankalp dvaara, dil dvaara baapdaada ke paas pahunchi। sabhi bachchon ko sneh ke respaanda mein baapdaada padmaguna yaadapyaar ke saath ‘‘sada diltakhtansheen,sada light ke taajdhaari, sada smriti swaroop ke tilakdhaari bhav'' ka vishesh vardaan de rahe hain। sabhi bachche amritvele se chaltephirte,karma karte bhi yaad ki lagna mein achhe teevragti se aage badh rahe hain। apne umang - utsaah ka samaachaar dete rehte hain aur baapdaada dekh - dekh harshit hote hain। baaki thoda bahut maaya ka khel bhi hota hai। khel nahin khelenge to udaas ho jaayenge,isliye khelo bhal lekin haar nahin khaana। agar maaya aati bhi hai to dushman ke roop mein nahin dekho, khilaune ke roop mein dekho। to maaya bhi busy ho jaayegi aur aap bhi manoranjan kar lenge। maaya ka roop parivartan kar lo, ghabraao nahin। usko parivartan kar aur hi sada ke liye aage badhaane ke liye saathi bana do। thoda bahut khel to hota hi rehta hai, hota hi rahega। yeh koi badi baat nahin hai kyonki baapdaada jaante hain abhi anubhvi ho chuke hain, isliye bach jaate hain। baaki koi thode kamzor hain jo kabhi thoda - sa vaar mein aa jaate hain lekin phir hosh mein aa jaate hain। isliye yeh samaachaar bhi sunte rehte hain। lekin abhi attention achha hai aur bahaadur bhi bante ja rahe hain, isliye maaya bhi abhi gai ki gai, abhi jyaada din nahin rahegi,mukta ho jaayenge। kyonki khel khelte - khelte bhi thak jaate hain na,to khel banda kar dete hain to yeh khel bhi banda ho jaayega। baaki sabhi bachchon mein seva ka umang achha hai। programme bhi achhe - achhe bana rahe hain। mehnat muhabbat se kar rahe hain, isliye athak hain, thakte nahin hain। naam muhabbat hai,nimitta mehnat kar rahe hain, isliye seva ke bhi chaaron or ke umang - utsaah mein achhe chal rahe hain। videsh mein bhi taiyaariyaan achhi kar rahe hain। aur janak to hai hi janak,sabhi ko videhi ban deh mein aane ka abhyaas achha karaati hai। isliye videsh ko, chaaron or ki seva ke nimitta shreshtha aatma achhi mili hai। chaaron or mein khushi aur nirvighna banne ki himmta achhi dikhaai de rahi hai। sabhi ka naam nahin le rahe hain, beej mein samajhna saara jhaad hi samaaya hua hai। achha! sabhi ko dilaaraam baap ki padmaguna yaadapyaar aur good morning। achha!