गुरुवार 22 फ़रवरी 1990 की अव्यक्त मुरली

>

22-02-90 om shanti avyakt baapdaadaamdhuban

shiv jayanti par avyakt baapdaada ke mahaavaakya

aaj trimoorti shiv baap har ek bachche ke mastak par teen tilak dekh rahe hain । sabhi bachche dil ke umang-utsaah se trimoorti shiv jayanti manaane aaye hai। to trimoorti shiv baap arthaat jyotirbindu baap bachchon ke mastak par teen bindiyon ka tilak dekh harshit ho rahe hain । yeh tilak saare gyaan ka saar hai । in teen bindiyon mein saara gyaan-saagar ka saar bhara hua hai । saare gyaan ka saar teen baaton mein hai - padhaai aatma aur drama arthaat rachna। aaj ka yaadgaar divas bhi shiv arthaat bindu ka hai । baap bhi bindu, aap bhi bindu aur rachna arthaat drama bhi bindu । to aap sabhi bindu, bindu ki jayanti mana rahe ho । bindu ban mana rahe ho na! saara prakriti ka khel bhi do baaton ka hai - ek bindu ka aur doosra light jyoti ka। baap ko sirf bindu nahin lekin jyotirbindu kehte hai । rachna bhi jyotirbindu hai aur aap bhi hero paartadhaari jyotirbindu ho, na ki sirf bindu ho । aur saara khel bhi dekho - jo bhi kaarya karte hai, uska aadhaar light hai । aaj sansaar mein agar light fail ho jaae to ek second main sansaar, sansaar nahin lagega। jo bhi sukh ke saadhan hai un sabka aadhaar kya hai? light। rachayita svayan bhi light hai । aatma aur paramatma ki light avinaashi hai। prakriti ka aadhaar bhi light hai lekin prakriti ki light avinaashi nahin hai । to saara khel bindu aur light hai । aaj ke yaadgaar divas ko vishesh niraakaar roop se manaate hai । lekin aap kaise manaayenge? aap vishesh aatmaon ka manaana bhi vishesh hai na। aisa kabhi socha tha ki ham aatmaaen aise padmaapdam bhaagyavaan hai jo direct trimoorti shiv baap ke saath saakaar roop mein jayanti manaayenge' kabhi svapan mein bhi sankalp nahin tha। duniya vaale yaadgaar nitra se jayanti manaate aur aap chaitanya mein baap ko avatrit kar jayanti manaate ho। to shaktishaali kaun hua - baap ya aap ? baap kehte hain - pahle aap। agar bachche nahin hote to baap aakar kya karte! isliye pahle baap bachchon ko mubaarak dete hai, man ke muhbat ki mubaarak । baap ko dil mein pratash kar liya hai,to dil mein baap ke pratyaksha karne ki mubaarak। baap ko dil mein pratyaksha kar liya hai,to dil mein baap ko pratyaksha karne ki mubaarak। saath-saath vishwa ki sarva aatmaon prati merciful vishwa-kalyaankaari ki shubhbhaavna-shubhkaamna se vishwa ke aage baap ko pratyaksha karne ki seva ke umang-utsaah ki mubaarak ।

baapdaada sabhi bachchon ke utsaah ka utsav dekh raha tha। seva karna arthaat utsaah se utsav manaana। jitni badi seva karte ho behad ki, utna hi behad ka utsav manaate ho। seva ka arth hi kya hai?seva kyon karte ho?aatmaon mein baap ke parichay dvaara utsaah badhaane ke liye । jab seva ke plan banaate to yahi utsaah rehta hai na ki jaldi-se- jaldi vanchit aatmaon ko baap se varsa dilaaye, aatmaon ko khushi ki jhalak ka anubhav karaayen । abhi kisi bhi aatma ko dekhte ho - chaahe aaj ke sansaar mein kitna bhi bada ho, lekin har aatma ke prati dekhte hi pahle sankalp kya uthta hai? yeh prime minister hai,yeh raaja hai - yeh dikhaai deta hai ya aatma se milte ho va dekhte ho?shubhbhaavna uthti hai na ki yeh aatma bhi baap se praapti ki anchali le leve। is sankalp se milte ho na । ab yeh shubhbhaavna utpanna hoti hai tab hi aapki shubhbhaavna ka phal us aatma ko anubhav karne ka bal milta hai । shubhbhaavna aapki hai lekin aapki bhaavna ka phal unko mil jaata hai । kyonki aap shreshtha aatmaon ki shubhbhaavna ke sankalp main bahut shakti hai । aap ek ek shreshtha aatma ka ekaek shubhsankalpa vaayumandal ki srishti rachta hai। sankalp se srishti kehte hai na! yeh shubhbhaavna ka shubhsankalpa chaaron or ke vaataavran arthaat srishti ko badal deta hai । isliye aane vaali aatma ko sab achhe-te-achha anubhav hota hai,nyaara sansaar anubhav hota hai । thode samay ke liye aapke shubhsankalpa ki bhaavna ke phal mein woh samajhte hai ki woh nyaara aur pyaara sthaan hai,nyaare aur pyaare farishte aatmaaen hai । kaisi bhi aatma ho lekin thode samay ke padhaai utsaah mein aa jaate hai। seva ka arth kya hua?utsav manaana arthaat utsaah mein laana। koi bhi chaahe sthool karma karte ho,chaahe vaani dvaara, chaahe sankalp dvaara karte ho lekin brahman aatmaon ke har second, har kaarya, har sankalp, har bol utsav hai kyonki utsaah se karte ho aur utsaah dilaate ho । is smriti se kabhi bhi thakaavat nahin hogi, bojh nahin lagega। maatha bhaari nahin hoga, dilshikasta nahin honge। jab kisko thakaavat hoti hai va dil susta hoti hai to duniya mein kya karte hai? koi-na-koi manoranjan ke sthaan par chale jaate hai । kehte hai - aaj maatha bahut bhaari hai,isliye thoda manoranjan chaahiye । utsav ka arth hi hota hai mauj manaana। khaao-piyo mauj karo - yeh utsav hai । braahmanon ko to har ghadi utsav hai, har karma hi utsav hai । utsav manaane mein thakaavat hoti hai kya?yahaan madhuban mein jab manorjan ka programme karne ho - bhal ११ baj jaate hain to bhi baithe rehte ho । class mein ११ baj jaaen to aadha class chala jaata hai। manoranjan achha lagna hai na ' to seva bhi utsav hai - is vidhi se seva karo। svayan bhi utsaah mein raho, seva bhi utsaah se karo aur aatmaon mein bhi utsaah laao to kya hoga ? jo bhi seva karenge us dvaara anya aatmaon ka bhi utsaah badhta rahega। aisa utsaah hain? va sirf madhuban tak hai? vahi jaane se phir sarakmastaas dikhaai denge?utsaah aisi cheez hai jo uske aage kuchh bhi nahin hai । jab utsaah kam ho jaata hai tab paristhiti baar karti hai । utsaah hai to paristhiti vaar nahin karegi,aapke oopar balihaar jaayengi ।

aaj utsav manaane aane ho na। shiv jayanti ko utsav kehte hai। utsav manaane nahin aaye ho lekin 'har ghadi utsav' hai - woh underline karne aaye ho। taakat bhi na ho, maano shareer mein shakti nahin hai va dhan ki shakti ki kami ke kaaran man mein feel hota hai ki woh nahin ho sakta lekin utsaah aisi cheez hai jo aap main agar utsaah hai to doosre bhi utsaah mein aage badhkar ke aapke sahayogi ban jaayenge । dhan ki kami bhi hogi to kaho-na-kaho se dhan ko bhi utsaah kheenchakar laayenga। utsaah aisa chumbak hai jo dhan ko bhi kheechkar laayega। saathiyon ko bhi kheenchakar laayega, saphalta ko bhi kheenchakar laayega। jaise bhakti mein kehte hai na - himmat,utsaah, dhul ko bhi dhan bana deta hai । itna ho jaata hai! utsaah aisi anubhooti hai jo kisi bhi aatma ki kamjori ke sanskaar ka prabhaav nahin pad sakta । aapka prabhaav us par padega uska prabhaav aapke oopar nahin aayega। jo khyaal-khvaab mein bhi nahin hoga woh sahaj saakaar ho jaayenga । yeh baapdaada ka sabhi sevaadhaariyaan ko gaaranti ka vardaan hai । samjha?

baapdaada khush hai - achhi lagan se seva ke plans bana rahe ho । sanskaaro ko milaana arthaat sampoornata ko sameep laana aur samay ko sameep laana। baapdaada bhi dekh rahe hai - sanskaar milan ki raas achhi kar rahe the, achhi khushbu aa rahi thi! to sada kaise rehna? utsav manaana hai, utsaah main rehna hai । khud na bhi kar sako to doosron ko utsaah dilaao to doosre ka utsaah aapko bhi utsaah mein laayega । nimitta bane due bade yahi kaam karte hai na। doosron ko utsaah dilaana arthaat svayan ko utsaah mein laana। kabhi by chance १४ aana utsaah ho to doosron ko १६ aana utsaah dilaao to aapka bhi २ aana utsaah badh jaayenga । brahya baap ki visheshta kya rahi? koyle uthaane honge to bhi utsaah se uthvaayenge,manoranjan karenge। (koyle ke 35 vegan aane the baapdaada murli mein koyle ki baat kar rahe the aur thode samay baad aisa samaachaar mil ki aabu road mein koyle vegan pahunch gai hai) achha!

sabhi paandav kya karenge?sada utsaah mein rahenge na। utsaah kabhi nahin chhodna। abhi ka utsaah aapke jad-chitron ke aage jaakar,pahle utsaah,himmat lekar phir kaarya shuru karte hai । itni utsaah bhari aatmaaye ho jo aapke jad-chitra bhi auron ko utsaah himmat dila rahe hai! paandvoka ka mahaaveer ka chitra kitna prasiddha hai! kamzor shakti lene ke liye mahaaveer ke paas jaate hain! achha!

chaaron or ke sarva ati shreshtha bhaagyavaan bachchon ko,sada jyotirbindu ban jyotirbindu baap ko pratyaksha karne ke umang- utsaah mein rahne vaale,sada dil mein baap ki pratyakshata ka jhanda lahraane vaale,sada vishwa mein baap ki pratyakshata ka jhanda lahraane vaale - aise heere tulya baap ki jayanti so bachchon ki jayanti ki mubaarak ho। sada mubaarak se udne vaale hai aur sada rahenge - aise utsaah mein rahne vaale,har samay utsav manaane vaale aur sarva ko utsaah dilaane vaale, mahaan shaktishaali aatmaon ko trimoorti shiv baap ki yaad-chaar, mubaarak aur namaste ।

double videshi bhaai-bahnon ke group se mulaakaat

baap aur bachchon ka itna dil ka sookshm connection hain jo koi ki taakat nahin jo alag kar sake । sabse bade-te-bada nasha bachchon ko sada yahi rehta hai ki duniya baap ko yaad karti lekin baap kisko yaad karta! baap ko to phir bhi aatmaayen yaad karti lekin aap aatmaon ko kaun yaad karta! kinna bada nasha hai! yeh nasha sada rehta hai? kam jyaada to nahin hota? kabhi udte,kabhi chadhne,kabhi chalte… aise to nahin?na peechhe hatne vaale ho, na rukne vaale ho lekin speed chanj ho jaati hai। baapdaada sada bachchon ka khel dekhte rehte hain - kabhi chalna shuru karte hai,phir kya hota hai? koi-na-koi aisa circumstance ban jaata hai,phir jaise koi dhakka deta hai to chal padte hai, aise koi-na-koi baat drama anusaar hoti hai jo phir se udti kalpa ki or le jaati hai । kyonki draamaanusaarnishchaybuddhi hai, dil mein sansankalpa kar liya hai ki baap mera, main baap ka', to aisi aatmaon ko svatah madad mil jaati hai । madad milte mein kitna samay lagta hai? (second) dekho- photo nikal raha hai । baap ka camera second mein sab nikaal leta hain । kuchh bhi ho jaae lekin 'baap aur seva se kabhi bhi kinaara nahin karna hai। ' yaad karne mein va padhaai padhne mein man nahin bhi lage to bhi jabardasti sunte raho, yog lagaate raho -theek ho jaayenge। kyonki maaya trial karti hai । yeh thoda-sa kinaara kar le to aa jaaoon iske paas। isliye kabhi kinaara nahin karna। niymo ko kabhi nahin chhodna। 'apni padhaai,amrinvela,seva jo bhi dincharya bani hui hai, usmein man nahin bhi lage lekin dincharya mein kuchh miss nahin karo। bhaarat mein kehte hain - 'jitna kaayda utna phaayda। ' to ye jo kaayde bane hue hai,niyam bane hue hai usko kabhi bhi miss nahin karna hai। dekho, aapke bhakta abhi tak aapka niyam paalan kar rahe hain। chaahe mandir mein man nahin bhi lage to bhi jaayenge zaroor। yeh kisse seekhe?aap logon ne sikhaaya na! sadaiv yeh anubhav karo ki jo bhi maryaadaayen va niyam bane hai, usko banaane vaale ham hai। aapne banaaya hai ya bane hue mile hai? laan-makers ho ya nahin?amritvele uthna - yeh aapka man maanta hai ya bana hua hai isliye is par chalte ho - aap svayan anubhav karte, chalte ho ya direction ya niyam bana hua hai isliye chalte ho? aapka man maanta hai na! to jo man maanta hai, woh man ne hi banaaya na! koi majboori se to nahin chal rahe ho - karna hi padega। sab man ko pansad hai na?kyonki jo khushi se kiya jaata hai usmein bandhan nahin lagta hai। yahaan baap ne aadi, madhya,ant - teenon kaalon ki knowledge de di hai। kuchh bhi karte ho to teenon kaalon ko jaan kar ke aur usi khushi se karte ho। baap dekhte hai ki kamaal karne vaale bachche hain । baap se pyaar atoot hai isliye koi bhi baat hoti hai to bhi udte rehte hai। baap se pyaar mein sabhi full paas ho। padhaai mein nambarvaar ho lekin pyaar mein number one ho। seva bhi achhi karte hai, lekin kabhi-kabhi thoda khel dikhaate hai । jaise baap se number one pyaar hai, aise murli se bhi pyaar hai? jab se aaye ho tab se kitni murliyaan miss hui hongi? kabhi koi aise bahaane se class miss kiya hai? jaise baap ko yaad karna miss nahin kar sakte, aise padhaai miss na ho। ismen bhi number one hona hai। baap ke roop mein yaad,shikshak ke roop mein padhaai aur satguru ke roop mein praapta vardaan kaarya mein lagaana - yeh teenon mein number one chaahiye। vardaan to sabko milte hai na lekin samay par vardaan ko kaarya mein lagaana - isko kehte hai vardaan se laabh lena। to yeh teenon hi baate check karna ki aadi se ab tak in teenon baaton mein kitna paas rahe, tab vijay maala ke manke banenge । achha!

baapdaada bachchon ke nishchay aur umang ko dekhkar khush hai। baapdaada ekaek ki visheshta dekh rahe hain । baapdaada jab dekhte hai ki kitna muhabbat se aage badh rahe hai, mehnat ko - mehnat nahin samajhte hain, muhabbat se chal rahe hai - to khush hote hai। ekasva ki visheshta ki list baapdaada ke paas hai । samjha?achha!

doosra group

sada udti kala mein udne vaale pharishta apne ko samajhte ho? pharishte kahaan rehte hai- pharsha par ya arsha par? aap kahaan rehte ho?arsha par rehte ho ya neeche rehte ho?oopar se neeche aate ho na। kyonki aap sabhi avtaar ho,avatrit ho jaise baap avatrit hue hai aap shreshtha aatmaayen bhi avatrit hui ho, oopar se neeche karma ke liye aati ho। rahne vaale sookshm vatan ya mool vatan mein ho। to avtaar kislie neeche aate hai? message dene ke liye neeche aate hai lekin sthiti sada oonchi rehti hai। dehbhaan roopi mitti,prithvi par nahin rehte, oopar rehte hai। to aap pharishta ke buddhi roopi paanv kabhi dharti par touch to nahin hote? vaise bhi jo sikeeldhe hote hai, maa-baap unhon ko dharti par paanv rakhne nahin dete। to aap sabhi paramatma ke pyaare ho, sikeeldhe ho,laadle ho - to dharti par kaise paanv rakhenge? pahle ke jo raajaayen hote the woh doosron ki dharti par kabhi paanv nahin rakhte the, apni dharti par paanv rakhte the। to aap bhi puraani duniya mein kya paanv rakhenge?apna raajya jab aayega tab raajya karna। aise rehte ho na? kabhi mitti mein paanv rakhne ki dil to nahin hoti? kitna janma dharti ki taste ki? abhi to apna ghar,apna raajya - donon yaad hai na? to sada yeh smriti rahe ki ham 'pharishte'hai। pharishta sadaiv light mein dikhaate hai, chamakta hua dikhaate hain। aap bhi chamakte hue sitaare ho,pharishte ho- yeh nasha sada rehta hai ya kabhi-kabhi rehta hai? jab ek baar anubhav karke dekh liya ki yeh sab asaar sansaar hai, yeh vish hai। anubhav kar liya to anubhvi kabhi dhokha nahin khaate। to yeh question apne aapse poochho - kya hai aur kaun hai? baap to sabhi bachchon ke prati yahi samajhte hai ki ek-ek bachcha baap ka ati pyaara aur duniya se nyaara hai। aap bachchon ke liye bhi pyaare-te-pyaara baap hai। baap ke sivaae aur koi paas hai kya? nahin to baap ka question uthta hai ki bataao woh kaun hai? baap bhi dekhe na - kaun hai woh jo bachchon ko khinch leta hai। to sada yaad rakhna ki ham pharishta avatrit hui aatmaayen hai,brahman-aatmaayen hai। shoodra aatma to khatma ho gai। use maar bhi diya gaya, jala bhi diya। shudrapan ke sansaar ka ansh bhi nahin। abhi nai brahman-aatma,avatrit hui aatma hai - yeh khushi hai na?shiv-jayanti sirf baap ki nahin, aapki bhi hai। baap - brahma, brahman sabke saath avatrit hote hai। to aapka bhi birth-de hai। baar-baar apne se poochho, check karo ki pharishta hoon। pharishta arthaat double light। sab bojh chhod diya na ya kabhi-kabhi bojh uthaane ki dil hoti hai? sthool mein bhi bojh ka kaam hota hai to maataaen kehti hai - bhaai hi kare। lekin buddhi ka bojh to nahin hai?sthool bojh ke liye to na kar deti ho,buddhi ka bojh to nahin uthaati ho? halka rehna achha hai ya bojh uthaana achha hai? jab bojh uthaane vaala uthaane ke liye taiyaar hai to aap kyon uthaate? double light raho aur udte raho। achha।

baapdaada ne milan-mulaakaat ke pachchhaat stage par khade hokar jhanda lahraaya tatha sabhi bachchon ko janmadin ki mubaarak di।

baapdaada ke saath-saath lovely aur lucky bachchon ka bhi divya janma-din hai। isliye aise lovely aur lucky bachchon ko mubaarak ho,mubaarak ho,mubaarak ho! sabse jyaada mubaarak hai last so fast jaane vaalon ko। chhote bachche sada hi vishesh pyaare bhi hote hai aur ladle bhi।

vidaai ke samay

aaj baapdaada aur anek bachchon ke janma-divas ki padmaguna mubaarak ho। chaaron or ke bachchon ke janma-divas ki padmaguna mubaarak ho। chaaron or ke bachchon ke dil ka yaad-pyaar aur saath-saath sthool yaadgaar sneh-bhare patra aur kaardsa mubaarak ke paaye। sabke dil ki aavaaz baap ke paas pahunchi। dilaaraam baap sabhi badi dil vaale bachchon ko badi dil se bahut-bahut-bahut yaad-pyaar dete hain। padmaguna kehna bhi bachchon ke svamaan ke aage kuchh nahin hai,isliye diamond night ki, diamond varse se mubaarak ho। sabhi ko baad-pyaar aur sada pharishta ban udte rahne ki mubaarak ho। achha! diamond morning।