मंगलवार 13 मार्च 1990 की अव्यक्त मुरली

>

13-03-90 om shanti avyakt baapdaadaamdhuban

sangam par paramatma ka aatmaon se vichitra milan

avyakt baapdaada apne bachchon prati bole:-

aaj anek baar milne vaale sikeeldhe bachche phir se aakar mile hain। baap bhi usi pahchaan se bachchon ko dekh rahe hain aur bachche bhi usi ``anek baar milne vaali smriti'' se mil rahe hain। yeh aatma aur paramatma baap ka vichitra milan hai। saare kalpa mein koi bhi aatma is smriti mein nahin milti ki anek baar milne baad phir se mile hain। chaahe samay prati samay dharma-pitaaen aaye hain aur apne followers ko oopar se neeche laaye lekin dharma-pitaae bhi is smriti se nahin milte hain ki anek kalpa mile hue phir se mil rahe hain। is spashta smriti se sivaae parampita ke koi aatmaon se mil nahin sakte। chaahe is kalpa mein pahli baar hi milte hain lekin milte hi puraani smriti,puraani pahchaan jo aatmaon mein sanskaar ke roop mein record bhara hua hai- woh emerge ho jaata hai aur dil se yahi smriti ka aavaaz aata hai yeh vahi mera baap hai। bachche kehte tum ho mere aur baap kehte tum ho mere। mera sankalp utpanna hua,usi second us shaktishaali smriti se sankalp se naya jeevan aur naya jahaan mil gaya। aur sada ke liye ``mera baba'' is smriti-swaroop mein tik gaye। jaise ki smriti swaroop bane to smriti ke return mein saamarthi swaroop bane। samartha swaroop ban gaye na, kamjor swaroop to nahin ho na?aur jo jitna smriti mein rehte hain, utna samaarthiyon ka adhikaar svatah hi praapta karte hain। jahaan smriti hai vahaan saamarthi hai hi hai। thodi bhi vismriti hai to vyartha hai। chaahe vyartha sankalp ho chaahe bol hon,karma ho। isliye baapdaada sabhi bachchon ko kis drishti se dekhte hain ki har ek bachche smriti swaroop so samartha hai। aaj tak bhi apna simran bhakton dvaara sun rahe hain। apne smriti mein laaya ``mera baba'' to bhakta aatma bhi yahi simran karti mera ishta va devi। jaise aapne ati pyaar se dil se baap ko yaad kiya, utna hi bhakta aatmaaen aap ishta aatmaon ko dil se ati pyaar se yaad karti hai। aap brahman-aatmaon mein bhi koi dil ke sneh sambandh se yaad karte hain aur doosre dimaag dvaara knowledge ke aadhaar par sambandh ati pyaara arthaat ati sameep hain vahaan yaad bhoolna mushkil hai। jahaan sirf sambandh hai knowledge ke aadhaar par lekin dil ka atoot sneh nahin hai, vahaan yaad kabhi sahaj,kabhi mushkil hoti। jaise shareer ke andar nas-nas mein blood samaaya hua hai, aise aatma mein nish-pal arthaat har pal yaad samaai hui hai। isko kehte hain dil ke sneh sampanna nirantar yaad। jaise bhakta aatmaaen baap ke liye kehti hain - jahaan dekhte hain tu hi tu hai। aise baap ke snehi samaan aatmaon ko jo bhi dekhe ki inhon ki drishti mein,bol mein, karma mein paramatma baap hi anubhav hota hai। isko kehte hain - snehi so samaan baap। to smriti swaroop to sabhi ho, sambandh bhi sabhi ka hai। adhikaar bhi sabhi ka hai kyonki sabhi ka full adhikaar ka sambandh baap aur bachche ka hai। sabhi kehte hain mera baba। mera chaacha, mera kaaka koi nahin kehte। adhikaar ka sambandh hone ke kaaran sarva praaptiyon ke varse ke adhikaari ho। chaahe 53varsha vaale hain,chaahe 6maas vaale hain,mera kahne se adhikaari to ban hi gaye। lekin antar kya hota hai! baap adhikaar to sabhi ko ek jaisa deta hai - kyonki akhut varsa dene vaala daata hai। adhaai laakh to kya lekin sarva aatmaaen bhi adhikaari banen unse bhi athaah khazaana baap ke paas hai। to kam kyon den? to daata sabhi ko deta ek jaisa hai lekin levta mein pharka hai। koi praaptiyon ke varse ko va khazaane ko samay pramaan svayan prati va seva prati kaarya mein lagaakar uska laabh anubhav karte hain। isliye baap ka khazaana apna khazaana bana dete hain arthaat apne mein sama dete hain। shuddh nasha, ulta nahin। aur doosre khazaana mila hai - is khushi mein rehte hain, mera hai। lekin sirf mera hai aur usko kaarya mein nahin lagaate hain। kaai bhi amoolya vastu ko sirf apne paas stock mein jama kar liya lekin sirf jama karne aur use karne ki anubhooti mein antar hai। jitna kaarya mein lagaate hain utni shakti aur badhti hai, woh sada nahin karte,kabhi-kabhi karte hain। isliye sada vaalon mein aur kabhi-kabhi vaalon mein antar pad jaata hai। kaarya mein lagaane ki vidhi use nahin karte। to daata antar nahin karta lekin levta mein antar ho jaata hai। aap sabhi kaun ho?kaarya mein lagaane vaale ya sirf jama dekh khush hone vaale?pahla number vaale ho ya doosra number ho?baapdaada ko to khushi hai ki sabhi number one hai ya is samay number one ho?baapdaada sadaiv kehte hain sada bachchon ke mukh mein gulaab jaamun ho। jo kaha woh kiya arthaat sada gulaab jaamukh mukh mein hai। duniya vaale kehte mukh mein gulaab। lekin gulaab se mukh meetha nahin hoga। isliye gulaab jaamun mukh mein ho to sada hi aise muskaraate rahe। achha!

kai naye-naye phir se milne pahunch gae hain। jo bhi is kalpa mein phir se milan mana rahe hain un bachchon ke liye vishesh baapdaada sneh ka vardaan dete hain ki sada apne mastak par baap ka haath anubhav karte chalo। jiske sir par baap ka haath hai woh sada is vardaan ke anubhav se sab baaton mein safe hai। yeh vardaan ka haath har baat mein aapki safety ka saadhan hai। sabse bade-te-badi sikyooriti yahi hai।

baapdaada sabhi teachers ki nimitta banne ki himmat dekh khush hai। himmat rakh nimitta to ban hi jaate ho na। teacher nimitta banna arthaat behad ki stage par hero part bajaana। jaise had ki stage par hero paartadhaari aatma ki taraph sabka vishesh attention hota hai, aise jin aatmaon ke nimitta bante ho vishesh woh aur general sarva aatmaaen aap nimitta bani teachers ko usi drishti se dekhte hain। sabhi ka vishesh attention hota hai na! to teachers ko apne mein bhi vishesh attention rakhna pade। kyonki seva mein hero paartadhaari banna arthaat hero banna। duaayen bhi teachers ko jyaada milti hain। jitni duaayen milti hain, utna apne oopar dhyaan dena avashyak hai। yeh bhi drama anusaar vishesh bhaagya hai। to sada is praapta hue bhaagya ko badhaate chalo। sau se hajaar, hajaar se laakh, laakh se karod,karod se padma,padma se bhi padmaapadma,sada is bhaagya ko badhaate chalna hai। isko kehte hain yogya aadarsha teacher। baapdaada nimitta bane hue bachchon ko simran zaroor karte hain aur sada amritvele``vaah bachche vaah'' yeh duaayen dete hain। suna sevaadhaariyon ne? teachers maana number one sevaadhaari। achha!

chaaron or ke anek kalpa nyaara aur pyaara milan manaane vaale, sada praapta hue varse ke khazaanon ko har samay pramaan kaarya mein lagaanevaale,sada dil se ati snehi aur baap samaan ban svayan dvaara baap ka anubhav karaane vaale,sada smriti swaroop so bhakton dvaara samartha swaroop banne vaale, sada apne praapta bhaagya ko baantane vaale arthaat badhaane vaale - aise master daata samartha bachchon ko baapdaada ka yaad-pyaar aur namaste।

madhuban mein global vijan par aadhaarit book taiyaar karne vaale bhaai-bahnon prati:-

office ka kaam achha chal raha hai na?kaam karne vaale bhi achhe aur kaam bhi achha। thak to nahin jaate। sada apne mein sarva-shaktiyaan pratyaksha kar yeh book banaao to baap pratyaksha ho jaayega। to sabhi apni shakti, khushi,gun, visheshtaaen sab bhar dena। sirf likhna nahin, bharna bhi hai। jiske haath mein jaae - jisko jo chaahiye,gun chaahiye,shakti chaahiye, khushi chaahiye unko vahi anubhooti ho। yahi lakshya hai na?to jab bhi kaam shuru karte ho to pahle usmein yeh bharo,peechhe kaam shuru karo। to jise bhi yeh book milegi unko vahi vibration aayenge। ismen sabki anguli bhari hui hai। yeh to nimitta bane hain - likhne va taiyaar karne ke liye। lekin desh-videsh ke har brahman aatma ne is kaarya mein anguli lagaai hai। pahle to hai sarva braahmanon ka sahayog phir hai vishwa ka sahayog। is kaarya mein sarva brahman shreshtha aatmaon ka saath hai, haath hai arthaat anguli hai। to sab is bul mein vibration bharo। aise nahin jo office mein kaam karne vaale hain, woh jaanen, hamaara kya kaam hai?sabka kaam hai। koi bhi cheez taiyaar hoti hai ya koi bhi programme hota hai, sarva braahmanon ke shubh sahayog ke vibration kaarya ko saphal kar dete hain। isliye sabhi taiyaar kar rahe ho। aise nahin sirf 25-30taiyaar kar rahe hain। har ek shubh vibration ka heera lagaaye to heeretulya book sabko dikhaai degi। achha ho raha hai aur achha hi rahega। achha!

double videshi bhaai-bahnon se group -wise mulaakaat:-

1. sabhi apne ko bahut-bahut bhaagyavaan samajhte ho? kyonki kabhi svapna mein bhi sankalp nahin hoga ki aisi shreshtha aatmaaen banenge,lekin abhi saakaar mein ban gaye? dekho kahaan-kahaan se baapdaada ne ratnon ko chunkar, ratnon ki maala banaai hai। brahman-parivaar ki maala mein piro gaye। kabhi maala se baahar to nahin nikalte ho? koi bhi maala ki visheshta aur sundarta kya hoti hai? daana daane ke saath mila hua hota hai। agar beech mein dhaaga dikhaai de,daana daane ke saath nahin laga hua ho to sundar nahin lagega। to aap brahman parivaar ki maala mein ho arthaat sarva brahman aatmaon ke sameep ho gaye ho। jaise baap ke sameep ho vaise baap ke saath-saath parivaar ke bhi sameep ho। kyonki yeh parivaar bhi is pahchaan se, parichay se abhi milta hai। parivaar mein maja aata hai na? aise nahin ki sirf baap ki yaad mein maja aata hai। yog parivaar se nahin lagaana hai lekin sameep ek-do ke rehna hai। itna bada adhaai laakh ka parivaar hoga?to parivaar achha lagta hai ya sirf baba achha lagta hai?jise sirf baba achha lagega woh parivaar mein nahin aa sakega। baapdaada parivaar ko dekh sada haarshit hote hain aur sada ek-do ki visheshta ko dekh haarshit rehte hain। har brahman aatma ke prati yahi sankalp rehta ki vaah brahman-aatma vaah! dekho baap ka bachchon se itna pyaar hai tab to aate hain na, nahin to oopar baithkar mil len। sirf oopar se to baithkar nahin milte। aap videsh se aate ho to baapdaada bhi videsh se aate hain। sabse door se door se aate hain lekin aate second mein hain। aap sabhi bhi second mein udti kala ka anubhav karte ho? second mein ud sakte ho? itne double light ho,sankalp kiya aur pahunch gaye। paramdham kaha aur pahunche, aisi practice hai?kahaan atak to nahin jaate ho?kabhi koi baadal tang to nahin karte hain,careful bhi aur clear bhi aise hai na।

double videshi bachchon ko aate hi centre mil jaate hain। bahut jaldi teacher ban jaate hain, isliye seva ki bhi duaayen milti hain। duaayen milne ki vishesh lift milti hai, saath-saath aate hi itne busy ho jaate ho jo aur baaton ke liye phursat hi nahin milti। isliye busy rahne se ghabraana nahin,yeh good sign hai। kai kehte hain na - laukik kaarya bhi karen phir alaukik seva bhi karen aur apni seva bhi karen - yeh to bahut busy rehna padta hai। lekin yeh busy rehna arthaat maayaajeet ban jaana। yeh theek lagta hai ya laukik job karna mushkil hai?laukik job (naukri) jo karte hain usmein jo kamaai hoti hai woh kahaan lagaate ho?jaise samay lagaate vaise dhan bhi lagaate ho। to tan-man-dhan teenon hi lag jaate hain। saphal ho jaata hai na,isliye thakna nahin। centre kholte ho to kitni aatmaon ka sandesh sunte hi kalyaan hota hai। to man aur dhan ka connection hai,jahaan dhan hoga vahaan man hoga। jahaan man hoga, vahaan dhan hoga। baapdaada double videshiyon ko sarva prakaar se saphal karne mein busy dekh khush hote hain। sabhi golden chancellor ho। sada yaad rakhna ki saphaltaamoorta hai aur sada saphalta mere gale ka haar hai। koi bhi kaarya karo to pahle yeh socho ki saphalta mere gale ki maala hai। jaisa nishchay hoga vaisa pratyaksha phal milega। achha।

2. yeh sweet silence priy lagti hai na? kyonki aatma ka original swaroop hi sweet silence hai। jo jis samay chaaho us samay is sweet saalensa ki sthiti ka anubhav kar sakte ho? kyonki aatma abhi in bandhanon se mukta ho gai isliye jab chaahe tab apne original sthiti mein sthit ho jaae। to bandhanmukta ho gae ya hona hai? is baar madhuban mein do shabd chhodkar jaana - something aur sometime। yeh pasand hai na?sabhi chhodenge?himmat rakhne se madad mil jaayegi। kyonki yeh to jaante ho 63janma anek bandhanon mein rahe aur ek janma svatantra banne ka hai,iska hi phal anek janma jeevanmukti praapta karenge। to foundation yahaan daalna hai। jab itna foundation pakka hoga tab to 21 janma chalega। jitna apne mein nishchay karenge utna hi nasha hoga। baap mein

bhi nishchay, apne mein bhi nishchay aur phir drama mein bhi nishchay। teenon nishchay mein paas hona hai। achha - ek-ek ratna ki apni visheshta hai। baapdaada sabki visheshta ko jaante hain। abhi aage chalkar apni visheshta ko aur kaarya mein lagaao to visheshta badhti jaayegi। duniya mein kharcha karne se dhan kam hota hai lekin yahaan jitna use karenge,kharcha karenge utna badhegi। sabhi anubhvi ho na। to is varsha ka yahi vardaan yaad rakhna ki ham vishesh aatma hain aur visheshta ko kaarya mein lagaae aur aage badhaayenge। jese yahaan najdeek baithna achha lagta hai vaise vahaan bhi sada najdeek rehna। baapdaada sada har ek ko isi shreshtha nazar se dekhte hain ki ek-ek bachcha yogi bhi hai aur yogya bhi hai। achha!

3. har ek apne ko baapdaada ke ati snehi,ati laadle hain - aisa anubhav karte ho?baapdaada har bachche ko ati laadle samajhte hain। baapdaada sarva sambandh se hi bachchon ko yaad karte lekin phir bhi mukhya teen sambandh jo gaaye hue hain un teen sambandhon se teen visheshtaaen bachchon ko dete hain। jaante ho na? isi ko hi kehte hain dil ka pyaar। baap ke roop mein sirf nahin dete, lekin shikshak ke roop mein padhaai dvaara shreshtha pad ki bhi praapti karaate hain aur satguru ke roop mein sada vardaan dete rehte hain। to kitna pyaara hua! laukik baap to sirf varsa denge lekin yahaan vardaan bhi hai, varsa bhi hai aur padhaai bhi hai। aisa baap saare kalpa mein mila? saari world ghoomkar aao, dekho to nahin milega। kyonki baap bachchon ki mehnat dekh nahin sakte। koi-koi bachche bahut purooshaartha karne mein bhi mehnat karte hain। baapdaada ko achha nahin lagta, mehnat kyon karte?bachchon ko sadaiv baalak so maalik kaha jaata hai। maalik kabhi mehnat nahin karte। maalik ho ya labour ho? kabhi woh ban jaate kabhi woh ban jaate। jab abhi se maalikpan ke sanskaar daalenge tabhi vishwa ke maalik banenge। jab sarvashaktivaan baap sada saath hai to mehnat kyon karenge?saath mein rahne vaale ko mehnat karke yaad kiya jaata hai kya? jahaan sarvashaktivaan baap saath hai to shaktiyaan bhi saath hongi na। jahaan sarvashaktiyaan hain vahaan mehnat karne ki jaroorat nahin। isliye baapdaada kehte hain ki sada apne ko laadla samjho। satguru vardaata har bachche ko har karma mein vardaan dete hain। jab baap saath hai, vardaata saath hai to vardaan hi dega na! jab har karma mein vardaata ka vardaan mila hua hai to vardaan jahaan hota hai vahaan mehnat nahin hoti। vardaanon se janma hua, vardaanon se paalna hui,vardaanon se sadaiv ud rahe ho, itna vardaan mila hai na? kisko kam, kisko jyaada nahin mila hai? koi ko kam to nahin mila hai na?kisko kam,kisko jyaada nahin mila hai? koi ko kam to nahin mila hai? sabko full mila hai isliye sada apne ko master sarvashaktivaan samajh isi smriti se aage badhte raho। sabhi udti kala vaale ho na? ya kabhi chalte ho,kabhi udte ho?kyonki time kam hai aur pahunchna oonchi manzil par hai to kya karna pade? sada udti kala pharishte ho na?pharishte ko pankh dikhaate hain। pharishta arthaat double night। light cheej sada oopar jaati hai, neeche nahin aati। to chalte-phirte pharishte ho na। sada yahi smriti mein rakho ki main double light pharishta hoon। oonchi sthiti mein rahne vaale,neeche ki sthiti mein aane vaale nahin। aadhaakalpa to neeche rahe ab udti kala - kuchh bojh hai? deh bhaan ka bojh hai?apne hi kamjor sanskaar ka bandhan hai? vyartha sankalpon ka bojh hai? koi bhi bojh agar bahut samay se chalta rahega to ant mein bhi yeh bojh neeche kheench sakta hai। sangamayug ka ek varsha kai varshon ke samaan hai। to ek saal mein bhi agar bojh hai to anek varshon ka bahutkaal ho jaata hai। isliye bahutkaal double light ka abhyaas karo। to check karo aur change karo। kyonki koi bhi bandhan, bojh udti kala mein jaane nahin dega। kitni bhi mehnat karo baar-baar neeche aa jaayenge। isliye sada double light aur udti kala। achha!